04/07/2026
𝐏𝐚𝐠𝐛𝐚𝐭𝐢, 𝐦𝐠𝐚 𝐈𝐧𝐡𝐢𝐧𝐲𝐞𝐫𝐨 𝐧𝐠 𝐀𝐠𝐫𝐢𝐤𝐮𝐥𝐭𝐮𝐫𝐚!
Taos-puso naming binabati ang lahat ng miyembro at opisyal ng PSABE PPG UPLB Chapter sa matagumpay ninyong pagtatapos ng inyong paglalakbay sa UPLB.
Nawa'y dalhin ninyo ang kaalaman, kasanayan, at mga aral na inyong natamo hindi lamang upang maging bahagi ng propesyonal na lakas-paggawa, kundi higit sa lahat upang magsilbi at magbigay ng makabuluhang ambag sa ating mga magsasakang Pilipino at sa pagpapaunlad ng sektor ng agrikultura.
Patuloy sana kayong maging inspirasyon sa inyong kapwa Iskolar ng Bayan na susunod sa inyong mga yapak. Nawa'y magsilbi kayong huwaran ng kahusayan, paglilingkod, at pagmamahal sa bayan.
Muli, taos-pusong pagbati sa inyong tagumpay. Congratulations, graduates! Padayon at mabuhay ang mga Inhinyero ng Agrikultura!
