31/08/2026
TAAS-KAMAONG PAGPUPUGAY SA MGA REBOLUSYONARYO NG BAYAN!
OPISYAL NA PAHAYAG NG UP MINDANAO ALL STUDENT COUNCILS ASSEMBLY SA ARAW NG MGA BAYANI
Hindi madaling desisyon ang piliing lisanin ang pamantasan at tahakin ang landas patungong kanayunan, lalo na sa Mindanao kung saan malalim ang ugat ng kahirapan, pang-aagaw ng lupa, at militarisasyon sa mga komunidad tulad na lamang nung pinasira ang mga Lumad schools sa panahon ni Duterte. Ngunit sa pagharap sa mga kasalukuyang suliranin ng sambayanang Pilipino, nakitaan nila ang kanilang sarili ng higit na pangangailangan sa hanay ng masang apiโdoon kung saan higit na kailangan ang kanilang talino at lakas. Ang pagtungo sa kanayunan, kung gayon, ay hindi pagtalikod sa kanilang tungkulin bilang Iskolar ng Bayan, kundi isang pagpiling ilaan ang sarili sa bayan at sa pakikibakang kanilang pinaniniwalaang kinakailangan upang baguhin ang ugat ng krisis sa lipunan.
Ang pagtahak ni Rendell Ryan "Perper" Cagula sa landas ng armadong pakikibaka ay isang mulat at marangal na pagtugon sa tawag ng kasaysayan. Isinantabi niya ang personal na kaginhawaan upang buong-pusong makipamuhay at makipaglaban kasama ang masang magsasaka at Lumad. Ganito rin ang naging paninindigan ni Alvin Rey Santiago, o "Ka Purga," isang lider-estudyante at dating Vice-Chairperson ng UP Mindanao Student Council na nagmula sa hirap. Sa halip na gamitin ang edukasyon para sa personal na pag-angat o burgis na karera, pinili niyang ilaan ang kanyang talino sa paglilingkod sa batayang uri. Pinaslang siya noong Agosto 11, 2011 sa isang sagupaan sa Cateel, Davao Oriental, ngunit sa kanyang pagkamartir, nananatiling buhay ang kanyang aral: ang tunay na iskolar ay nakikibaka sa piling ng masa.
Sa harap ng pasismo ng estado, ang armadong pakikibaka ay ang makatarungang sagot ng mamamayan laban sa karahasan at represyon ng naghaharing uri. Hindi pasibong biktima ang masa, ang pagsapi sa rebolusyon nina Perper at Ka Purga ay mulat na pagtindig para sa pambansang paglaya. Ang sagot ay nakaukit sa laksang sugat ng bayang pinagkaitan ng katarungan. Dito buong-layang tumugon sina Alvin Rey Santiago at Rendell Ryan Cagula, na piniling hubarin ang baluti ng akademya upang maging buhay na moog ng mga uring pinipi. Ang pagbubuhos ng kanilang hininga sa larangan ng digma ay ang sukdulang katuparan ng paglilingkodโmga binhing ibinaon sa lupa na tiyak na magsisilang ng malayang bukas.
Patunay ang pagkamartir nina Perper at Ka Purga na takot ang pasistang estado sa nagniningas na diwa ng kabataan. Ngunit kailanman ay hindi mapapatay ng represyon ang rebolusyon; yayabong at yayabong ito sa bawat Iskolar ng Bayan na handang pumalit sa hanay ng mga martir. Ang hamon sa atin ngayon: huwag ikulong ang pampulitikang galit sa loob ng pamantasan. Isabuhay ang militanteng diwa nina Perper at Ka Purga! Pagpupugay sa mga rebolusyonaryo at martir ng sambayanan!
๐ป Mabuhay ang mga martir ng sambayanan!
๐ป Makibaka, huwag matakot!
