17/11/2025
๐๐๐ฅ๐ฎ๐๐๐ ๐๐๐๐ ๐๐๐๐๐๐๐ ๐๐๐๐๐๐๐๐ ๐๐๐๐๐ | ๐๐๐ฒ๐
Ang ila istorya, aton na pamatian.
Ang tagsa ka babaye may yara gid bitbit nga laragway sang kabakod, kaalam, kag kaanyagโmga hiyas nga aton ginakuhaan sang inspirasyon kag nagahatag sa aton sang paglaum. Sila ang ehemplo sang kakusog kag pag-ulikid nga may dako nga bahin sa aton mga panimalay kag komunidad. Ang ila mga sakripisyo indi lang basta isa ka responsibilidad kag obligasyon, kundi isa ka matahum nga tinutuyo kag pagpalangga halin gid sa ila tagipusuon.
Subong nga tuig, ginapasundayag sang The Educatorsโ Gazette ang pinakabag-o kag preska nga edisyon para sa GaluGAD 2025 nga ginatig-uluhan โBaye.โ Ini nga edisyon nagaselebrar kag nagapasidungog sang kinaadman, kabaskog, kag kapisan sang kababayinhan nga nagadala sang daku nga impluwensya kag inspirasyon sa edukasyon kag komunidad.
Para sa cover sang magazine, amon ginapabutyag ang respetado, aktibo, kag masaligan nga Gender and Development (GAD) Coordinator sang College of Education (COE), si Maโam Rowillyn C. Turija. Siya nagatindog bilang simbolo sang kadalag-an, paglaum, kag matuod-tuod nga liderato sang isa ka babaye nga nagahatag sang maayo nga tinutuyo nga sampat gid sa tema sa sini nga edisyon.
Bilang isa ka maestra, siya nagapanguna sa paghatag sang kaalam sa kabataan ilabi nagid sa iya mga estudyante. Ang iya pagpanakayon sa patag sang edukasyon wala nagatapos sa sulod sang buluthuan kay iya man ginasuportahan ang nagakalain-lain nga programa kag proyekto nga nagakilala sa importansya sang gender and development sa sulod kag gwa sang unibersidad.
Paagi sa โBaye,โ ginadayaw naton ang kababayinhan kaangay ni Maโam Rowi kag ang iban pa nga babaye sa aton komunidadโmga babaye nga may kurba sang kusog, kaalam, kag katuyuan. Sila ang nagapadayon sa paghatag sang pinakabag-o nga timpla para sa mas matarong, mas mainalamon, kag mas mainuswagon nga komunidad sa tagsa ka eskwelahan. Tion na nga aton sila hatagan sang tingog, agud mapabati ang ila mga istorya.
