WVSU COE- Kapisanang Diwa at Panitik

10/10/2026

𝗛𝗶𝗻𝗱𝗶 𝗸𝗮 𝗸𝗮𝗶𝗹𝗮𝗻𝗺𝗮𝗻 𝗻𝗮𝗴-𝗶𝗶𝘀𝗮 𝘀𝗮 𝗶𝘆𝗼𝗻𝗴 𝗻𝗮𝗿𝗮𝗿𝗮𝗺𝗱𝗮𝗺𝗮𝗻, 𝗮𝘁 𝗶𝘁𝗼 𝗮𝘆 𝗺𝗮𝗵𝗮𝗹𝗮𝗴𝗮𝗻𝗴 𝗺𝗮𝗽𝗮𝗸𝗶𝗻𝗴𝗴𝗮𝗻 𝗮𝘁 𝗸𝗶𝗹𝗮𝗹𝗮𝗻𝗶𝗻.

Ngayong araw, ating ipinagdiriwang ang 𝙒𝙤𝙧𝙡𝙙 𝙈𝙚𝙣𝙩𝙖𝙡 𝙃𝙚𝙖𝙡𝙩𝙝 𝘿𝙖𝙮 na may temang "𝘓𝘪𝘷𝘦𝘥 𝘦𝘹𝘱𝘦𝘳𝘪𝘦𝘯𝘤𝘦𝘴 𝘩𝘦𝘢𝘳𝘥: 𝘳𝘦𝘢𝘭 𝘷𝘰𝘪𝘤𝘦𝘴, 𝘳𝘦𝘢𝘭 𝘤𝘩𝘢𝘯𝘨𝘦." Ito ay isang paanyaya sa ating lahat na buksan ang ating puso at kaisipan na makinig nang walang paghuhusga.

Ang kuwento ng pag-asa at bawat salita ng bawat indibidwal ay may malalim na katuturan. Sa pagkilala sa mga karanasang ito, mas nauunawaan natin ang kahalagahan ng pangangalaga sa ating kalusugang pangkaisipan—katulad na lamang ng pagpapahalaga natin sa ating pisikal na katawan. Hindi sapat na marinig lamang natin ang boses ng iba, kinakailangan itong pakinggan nang may tunay na pag-unawa at malasakit. Ang paglikha ng ligtas at malayang espasyo para sa pagpapahayag ang siyang bubuwag sa estigma sa ating lipunan.

Ang bawat boses na ating pinakikinggan ay nagiging pundasyon ng tunay na pagbabago. Kaya naman, maging boses tayo ng pag-asa at makiisa sa pagbuo ng isang lipunang walang humuhusga, kundi yumayakap sa bawat pinagdadaanan ng bawat isa.

Mga Salita ni G. Revin Francisco
Disenyo ni G. Sean Drake Gabito

05/10/2026

Kayo ang haligi sa paghubog ng kaalaman at nagpapahalaga sa kinabukasan ng ating bayan.

Kaya taos-pusong inihahandog ng 𝐁𝐚𝐭𝐜𝐡 𝐃𝐚𝐰𝐚𝐧𝐢 ang pasasalamat sa bawat g**o na naging parte ng paglalakbay ng bawat mag-aaral.

𝙈𝙖𝙡𝙪𝙜𝙤𝙙 𝙣𝙖𝙢𝙞𝙣 𝙠𝙖𝙮𝙤𝙣𝙜 𝙗𝙞𝙣𝙖𝙗𝙖𝙩𝙞 𝙣𝙜 𝙈𝙖𝙡𝙞𝙜𝙖𝙮𝙖𝙣𝙜 𝘼𝙧𝙖𝙬 𝙣𝙜 𝙢𝙜𝙖 𝙂𝙪𝙧𝙤! 🤎👩‍🏫👨‍🏫

𝐌𝐔𝐋𝐀 𝐒𝐀 𝐌𝐀𝐋𝐀𝐁𝐎, 𝐓𝐔𝐍𝐆𝐎 𝐒𝐀 𝐋𝐈𝐖𝐀𝐍𝐀𝐆
(𝐼𝑠𝑎𝑛𝑔 𝑎𝑙𝑎𝑦 𝑎𝑡 𝑝𝑎𝑔𝑝𝑢𝑝𝑢𝑔𝑎𝑦 𝑛𝑔 𝐷𝑎𝑤𝑎𝑛𝑖 𝑠𝑎 𝑚𝑔𝑎 𝑔𝑢𝑟𝑜𝑛𝑔 𝑝𝑢𝑚𝑎𝑛𝑑𝑎𝑦 𝑛𝑔 𝑖𝑠𝑎𝑛𝑔 𝑘𝑖𝑛𝑎𝑏𝑢𝑘𝑎𝑠𝑎𝑛𝑔 𝑚𝑎ℎ𝑢𝑠𝑎𝑦)

Noong una, ako’y anino lámang sa dilim,
Walang hugis ang búkas, walang tiyak na himig;
Isang munting gunita sa malawak na hangin,
Isang tanong na ligaw sa tahimik na daigdig.

Ngunit may mga tinig na dahan-dahang sumibol,
Sa pisara’y may araw na sa isip ay umusbong;
Bawat g**o’y kandilang sa dilim ay tumanglaw,
At ang dating malabo’y nagkaroon ng tanaw.

Unti-unting naglinaw ang guhit ng pangarap,
Mula sa mumunting tanong, nagkaroon ng sagot;
Ang takot na dati’y pumipigil sa paglákad,
Ay naging mga pakpak na sa langit ay pumailanlang.

Sa bawat pagkadapa, may kamay na umakay,
Sa bawat págod at luha, may tinig na nagsabing “𝑙𝑢𝑚𝑎𝑏𝑎𝑛”;
Hindi man nila hawak ang búkas na minimithi,
Sila ang nagbigay-lakas upang kami’y mangarap muli.

Ngayon, ikaapat na taon, papalapit ang wakas,
Ang mga silid na saksi’y maiiwan kong bakas;
Ngunit ang aral nila’y hindi kailanman lilisan,
Dahil ang g**ong minahal ay sa puso nakaukit kailanman.

Kayâ sa araw na ito, sa inyo ang pagpupugay,
Sa mga kamay na humubog, sa pusong di napagod kailanman;
Kung kami man ay lilipad sa landas ng tagumpay,
Kayo ang unang hangin sa pakpak namin na sumabay.

At kung dumating ang araw na kami’y tuluyang lumayo,
Baunin ninyo ang bakas ng inyong itinanim sa puso;
𝙎𝙖𝙥𝙖𝙜𝙠𝙖𝙩 𝙖𝙣𝙜 𝙙𝙖𝙩𝙞𝙣𝙜 𝙖𝙗𝙨𝙩𝙧𝙖𝙠𝙩𝙤, 𝙣𝙜𝙖𝙮𝙤’𝙮 𝙢𝙖𝙡𝙞𝙣𝙖𝙬 𝙣𝙖 𝙩𝙖𝙣𝙖𝙬𝙞𝙣:
𝘼𝙣𝙜 𝙖𝙢𝙞𝙣𝙜 𝙥𝙖𝙣𝙜𝙖𝙧𝙖𝙥 𝙖𝙮 𝙗𝙪𝙣𝙜𝙖 𝙣𝙜 𝙜𝙪𝙧𝙤𝙣𝙜 𝙝𝙞𝙣𝙙𝙞 𝙨𝙪𝙢𝙪𝙠𝙤 𝙨𝙖 𝙖𝙢𝙞𝙣.

𝑴𝒂𝒍𝒊𝒈𝒂𝒚𝒂𝒏𝒈 𝑨𝒓𝒂𝒘 𝒏𝒈 𝒎𝒈𝒂 𝑮𝒖𝒓𝒐 𝒔𝒂 𝒍𝒂𝒉𝒂𝒕 𝒏𝒈 𝒔𝒂 𝒔𝒊𝒎𝒖𝒍𝒂’𝒕 𝒔𝒂𝒑𝒖𝒍 𝒂𝒚 𝒏𝒂𝒓𝒊𝒚𝒂𝒏 𝒏𝒂 𝒖𝒑𝒂𝒏𝒈 𝒑𝒂𝒍𝒊𝒑𝒂𝒓𝒊𝒏 𝒂𝒏𝒈 𝒆𝒓𝒐𝒑𝒍𝒂𝒏𝒐 𝒏𝒈 𝒂𝒎𝒊𝒏𝒈 𝒎𝒈𝒂 𝒑𝒂𝒏𝒈𝒂𝒓𝒂𝒑. 💐

Tula ni JC Rey Padilla
Disenyo ni Aleya Trisha Taño

05/10/2026

Kayo ang haligi sa paghubog ng kaalaman at nagpapahalaga sa kinabukasan ng ating bayan.

Kaya taos-pusong inihahandog ng 𝐁𝐚𝐭𝐜𝐡 𝐁𝐚𝐧𝐚𝐚𝐠 ang pasasalamat sa bawat g**o na naging parte ng paglalakbay ng bawat mag-aaral.

𝙈𝙖𝙡𝙪𝙜𝙤𝙙 𝙣𝙖𝙢𝙞𝙣 𝙠𝙖𝙮𝙤𝙣𝙜 𝙗𝙞𝙣𝙖𝙗𝙖𝙩𝙞 𝙣𝙜 𝙈𝙖𝙡𝙞𝙜𝙖𝙮𝙖𝙣𝙜 𝘼𝙧𝙖𝙬 𝙣𝙜 𝙢𝙜𝙖 𝙂𝙪𝙧𝙤! 🤎👩‍🏫👨‍🏫

05/10/2026

Kayo ang haligi sa paghubog ng kaalaman at nagpapahalaga sa kinabukasan ng ating bayan.

Kaya taos-pusong inihahandog ng 𝐁𝐚𝐭𝐜𝐡 𝐏𝐞𝐧𝐢𝐤𝐬 ang pasasalamat sa bawat g**o na naging parte ng paglalakbay ng bawat mag-aaral.

𝙈𝙖𝙡𝙪𝙜𝙤𝙙 𝙣𝙖𝙢𝙞𝙣 𝙠𝙖𝙮𝙤𝙣𝙜 𝙗𝙞𝙣𝙖𝙗𝙖𝙩𝙞 𝙣𝙜 𝙈𝙖𝙡𝙞𝙜𝙖𝙮𝙖𝙣𝙜 𝘼𝙧𝙖𝙬 𝙣𝙜 𝙢𝙜𝙖 𝙂𝙪𝙧𝙤! 🤎👩‍🏫👨‍🏫

05/10/2026

Kayo ang haligi sa paghubog ng kaalaman at nagpapahalaga sa kinabukasan ng ating bayan.

Kaya taos-pusong inihahandog ng 𝐁𝐚𝐭𝐜𝐡 𝐒𝐚𝐥𝐢𝐧𝐥𝐚𝐡𝐢 ang pasasalamat sa bawat g**o na naging parte ng paglalakbay ng bawat mag-aaral.

𝙈𝙖𝙡𝙪𝙜𝙤𝙙 𝙣𝙖𝙢𝙞𝙣 𝙠𝙖𝙮𝙤𝙣𝙜 𝙗𝙞𝙣𝙖𝙗𝙖𝙩𝙞 𝙣𝙜 𝙈𝙖𝙡𝙞𝙜𝙖𝙮𝙖𝙣𝙜 𝘼𝙧𝙖𝙬 𝙣𝙜 𝙢𝙜𝙖 𝙂𝙪𝙧𝙤! 🤎👩‍🏫👨‍🏫

05/10/2026

𝐒𝐢𝐥𝐚 𝐚𝐧𝐠 𝐦𝐠𝐚 𝐛𝐢𝐭𝐮𝐢𝐧𝐠 𝐠𝐚𝐛𝐚𝐲 𝐬𝐚 𝐝𝐚𝐚𝐧 𝐧𝐠 𝐤𝐚𝐫𝐮𝐧𝐮𝐧𝐠𝐚𝐧 𝐚𝐭 𝐢𝐥𝐚𝐰 𝐧𝐠 𝐰𝐢𝐤𝐚, 𝐤𝐮𝐥𝐭𝐮𝐫𝐚, 𝐚𝐭 𝐩𝐚𝐧𝐢𝐭𝐢𝐤𝐚𝐧.

Sa bawat hakbang na aming tinatahak patungo sa pangarap, kayo ang liwanag na sa amin ay gumagabay. Ang inyong mga aral ang humuhubog sa aming diwa upang patuloy na mahalin ang sariling wika at paigtingin ang aming pusong makabayan.

Hindi matatawaran ang inyong dedikasyon, pagsisikap, at sakripisyong iniaalay upang kami ay patuloy na turuan at matuto. Bilang aming pangalawang magulang, ang inyong pagmamahal ay haplos sa aming puso at ang inyong mga aral ay nakaukit sa aming isipan.

Kabilang sa ika-60 taong pagdiriwang ng 𝗔𝗿𝗮𝘄 𝗻𝗴 𝗺𝗴𝗮 𝗚𝘂𝗿𝗼, ang KADIPAN ay nagbibigay-pugay sa buong 𝗙𝗶𝗹𝗶𝗽𝗶𝗻𝗼 𝗟𝗮𝗻𝗴𝘂𝗮𝗴𝗲 𝗧𝗲𝗮𝗰𝗵𝗶𝗻𝗴 𝗗𝗶𝘃𝗶𝘀𝗶𝗼𝗻 (𝗙𝗟𝗧𝗗) ng Pamantasang Estado ng Kanlurang Bisayas, sa kanilang taos-pusong pag-aalay ng karunungan at pagiging matibay na pundasyon ng kultura at panitikan.

Kayo ang patuloy na nagpapatunay na ang pagtuturo ay hindi lamang propesyong pinalalago at pinoprotektahan, kundi isang pangakong inyong sinumpaang isasapuso at isasabuhay.

Kaya mula sa kaibuturan ng aming puso, inaalay ng KADIPAN ang pasasalamat sa inyong walang sawang pagsuporta at paghubog sa bawat henerasyong nangangarap na maging g**o, upang buong husay nilang maipagpatuloy ang adhikain ng pagtuturo. 👩‍🏫🧑‍🏫

𝙋𝙖𝙧𝙖 𝙨𝙖 𝙢𝙜𝙖 𝙜𝙪𝙧𝙤𝙣𝙜 𝙥𝙖𝙩𝙪𝙡𝙤𝙮 𝙣𝙖 𝙣𝙖𝙜𝙩𝙖𝙩𝙖𝙜𝙪𝙮𝙤𝙙 𝙣𝙜 𝙬𝙞𝙠𝙖, 𝙥𝙖𝙣𝙞𝙩𝙞𝙠𝙖𝙣, 𝙖𝙩 𝙠𝙪𝙡𝙩𝙪𝙧𝙖 𝙣𝙜 𝙗𝙖𝙮𝙖𝙣, 𝙈𝙖𝙡𝙞𝙜𝙖𝙮𝙖𝙣𝙜 𝘼𝙧𝙖𝙬 𝙣𝙜 𝙢𝙜𝙖 𝙂𝙪𝙧𝙤! 🤎

Mga salita ni Bb. Apple Grace M. Doroteo
Disenyo ni G. Christian Baruelo

04/10/2026

𝐒𝐚 𝐤𝐚𝐧𝐲𝐚𝐧𝐠 𝐭𝐢𝐧𝐝𝐢𝐠, 𝐥𝐚𝐡𝐚𝐭 𝐚𝐲 𝐧𝐚𝐩𝐚𝐩𝐚𝐭𝐢𝐭𝐢𝐠. 𝐒𝐚 𝐛𝐚𝐰𝐚𝐭 𝐧𝐠𝐢𝐭𝐢𝐧𝐠 𝐢𝐧𝐚𝐚𝐥𝐚𝐲, 𝐤𝐚𝐠𝐚𝐧𝐝𝐚𝐡𝐚𝐧 𝐧𝐠 𝐚𝐧𝐠𝐡𝐞𝐥 𝐚𝐧𝐠 𝐬𝐮𝐦𝐢𝐬𝐢𝐥𝐚𝐲.

Maligayang Kaarawan sa aming Tagapamahala, 𝗕𝗯. 𝗔𝗻𝗴𝗲𝗹 𝗚𝗿𝗮𝗰𝗲 𝗣𝘂𝗻𝗼! 🥳

Ang iyong dedikasyon at pagmamahal sa KADIPAN ay nagsisilbing gabay at pag-asa para sa iba. Ang bawat gawaing taos-puso mong ginagawa ay sumasagisag sa iyong pagmamahal sa wika, kultura, at panitikan.

Nawa'y ang araw na ito ay magbigay ng kagalakan at kasiyahan sa iyo. Hiling namin na mapuno ng pagpapala ang pagtungtong mo sa bagong yugto ng iyong buhay. Tunay ngang ikaw ay isang anghel. Lubos kang minamahal at pinahahalagahan ng KADIPAN. 🤎

04/10/2026

𝐏𝐀𝐍𝐆𝐈𝐍𝐁𝐔𝐋𝐀𝐇𝐀𝐍!

Matagumpay na ginanap ang University Hinampang 2026 noong Setyembre 29 hanggang Oktubre 2, 2026 sa West Visayas State University – Lambunao Campus. Sa pagtatapos ng programa, itinanghal ang Blue Falcons ng WVSU – Main Campus bilang Pangkalahatang Kampeon!

Sa likod ng tagumpay na ito, isa sa mga Supling ni Balagtas mula sa Kapisanang Diwa at Panitik (KADIPAN) na si 𝗕𝗯. 𝗔𝗻𝗻𝗮 𝗠𝗮𝘆 𝗔𝗽𝗲𝗹𝗼, ang buong puso ring naghandog ng kaniyang talento, dedikasyon, at husay sa larangan ng MLBB Esports Tournament (Women Category) at nagkamit ng Ikalawang Lugal bilang Roamer ng kanilang koponan.

Taas-noong pagpupugay sa lahat ng mga kalahok, tagapayo, at tagasuporta na walang sawang nagbigay ng kanilang oras, lakas, at dedikasyon. Hindi lamang husay at abilidad ang napatunayan ng mga manlalaro, kundi pati na rin ang kanilang kakayahang makipag-ugnayan at magtaguyod ng diwa ng pagkakaisa upang makuha ang inaasam na tagumpay.

𝙈𝙪𝙡𝙞, 𝙥𝙖𝙜𝙗𝙖𝙩𝙞, 𝘽𝙡𝙪𝙚 𝙁𝙖𝙡𝙘𝙤𝙣𝙨. 𝙋𝙖𝙜𝙗𝙖𝙩𝙞, 𝙏𝙖𝙜𝙖-𝙒𝙚𝙨𝙩! 💙🏆

Mga Salita nina Bb. Diane Montecir at Bb. Jodie Añasco
Disenyo ni Bb. Michailah Marcelo

03/10/2026

𝑺𝒂 𝒑𝒂𝒈𝒑𝒂𝒑𝒂𝒏𝒂𝒕𝒊𝒍𝒊 𝒏𝒈 𝒌𝒂𝒑𝒂𝒚𝒂𝒑𝒂𝒂𝒏 𝒂𝒕 𝒌𝒂𝒂𝒚𝒖𝒔𝒂𝒏 𝒂𝒚 𝒔𝒊𝒚𝒂 𝒂𝒏𝒈 𝒎𝒂𝒂𝒂𝒔𝒂𝒉𝒂𝒏. 𝑺𝒂 𝒃𝒂𝒘𝒂𝒕 𝒉𝒂𝒎𝒐𝒏, 𝒌𝒂𝒑𝒂𝒚𝒂𝒑𝒂𝒂𝒏 𝒂𝒏𝒈 𝒌𝒂𝒏𝒚𝒂𝒏𝒈 𝒑𝒊𝒏𝒂𝒏𝒈𝒂𝒏𝒈𝒂𝒍𝒂𝒈𝒂𝒂𝒏.

Maligayang Kaarawan sa aming Tagapamayapa, 𝗚. 𝗖𝗵𝗿𝗶𝘀𝘁𝗶𝗮𝗻 𝗕𝗮𝗿𝘂𝗲𝗹𝗼!🥳

Ang iyong dedikasyon sa pagpapanatili ng kaayusan at kapayapaan ay tunay na hinahangaan at pinahahalagahan ng buong samahan. Sa bawat hindi pagkakaunawaan at hamon, ika'y nagsisilbing tulay upang ang bawat isa'y muling magkaisa at mapanatili ang maayos na organisasyon. Dahil sa iyong pagiging mahinahon, ang KADIPAN ay patuloy na lumalago at bumabangon.

Sa pagdiriwang ng iyong espesyal na araw, hiling namin ang dalisay na kasiyahan, kapayapaan at tagumpay sa bawat hakbang ng iyong buhay. Mahal at lubos kang pinahahalagahan ng buong KADIPAN!🤎

01/10/2026

𝗦𝗶𝗹𝗮 𝗮𝗻𝗴 𝘀𝗮𝗹𝗮𝗺𝗶𝗻 𝗻𝗴 𝗸𝘂𝗹𝘁𝘂𝗿𝗮, 𝗮𝗻𝗴 𝗽𝗮𝗴𝗸𝗮𝗸𝗮𝗸𝗶𝗹𝗮𝗻𝗹𝗮𝗻 𝗻𝗴 𝗹𝗮𝗵𝗶 𝗮𝘁 𝗮𝗻𝗴 𝗸𝗮𝗹𝘂𝗹𝘂𝘄𝗮 𝗻𝗴 𝗯𝗮𝗻𝘀𝗮

Sa bawat hibla ng hinabing tela, bawat salitang minana, bawat awit, sayaw, kuwento, at kaugaliang patuloy na isinasabuhay, makikita ang mayamang kasaysayan at pagkakakilanlan ng ating mga Katutubong Pilipino.

Ngayong buwan ng Oktubre, ating binibigyang-pugay at pagpapahalaga ang ating mga Katutubong Pilipino sa pagtataguyod ng kanilang kultura, wika, tradisyon, at mga kaugaliang minana pa sa mga naunang henerasyon.

Ang kanilang kultura ay mahalagang bahagi ng ating pagkakakilanlan bilang mga Pilipino. Kaya naman, nawa’y matuto tayong makinig, umunawa, gumalang, at pahalagahan ang kanilang kultura at mga karapatan.

𝙈𝙖𝙡𝙞𝙜𝙖𝙮𝙖𝙣𝙜 𝘽𝙪𝙬𝙖𝙣 𝙣𝙜 𝙆𝙖𝙩𝙪𝙩𝙪𝙗𝙤𝙣𝙜 𝙋𝙞𝙡𝙞𝙥𝙞𝙣𝙤 𝙖𝙩 𝙢𝙖𝙗𝙪𝙝𝙖𝙮 𝙖𝙣𝙜 𝙢𝙜𝙖 𝙠𝙪𝙡𝙩𝙪𝙧𝙖 𝙣𝙜 𝙋𝙞𝙡𝙞𝙥𝙞𝙣𝙖𝙨.! 🇵🇭🌿🤎

Mga Salita ni Bb. Danielyn Beltran
Disensyo ni Bb. Iara Patrice Tanque