University Laboratory School - USM

08/05/2026

13/04/2026

10/04/2026

𝗧𝗮𝗽𝗮𝗻𝗴 𝗮𝘁 𝗛𝘂𝘀𝗮𝘆 𝘀𝗮 𝗘𝗻𝘁𝗮𝗯𝗹𝗮𝗱𝗼: 𝗧𝗮𝘁𝗹𝗼𝗻𝗴 𝗔𝘁𝗹𝗲𝘁𝗮, 𝗨𝗺𝗮𝗯𝗼𝘁 𝘀𝗮 𝗥𝗮𝗻𝗸 𝟰 𝘀𝗮 𝗦𝘆𝗻𝗰𝗵𝗿𝗼𝗻𝗶𝘇𝗲 𝗧𝗲𝗮𝗺 𝗔𝗻𝘆𝗼 𝗖𝗼𝗺𝗽𝗲𝘁𝗶𝘁𝗶𝗼𝗻 𝗻𝗴 𝗦𝗥𝗔𝗔 𝗠𝗲𝗲𝘁 𝟮𝟬𝟮𝟲!

Ipinamalas nina 𝗛𝗮𝘇𝗲𝗹 𝗝𝗼𝘆 𝗠𝗶𝗮𝗹𝗲𝗻, 𝗫𝗶𝗮𝗻𝗻𝗲 𝗝𝗮𝗱𝗲𝗲 𝗗𝗲 𝗩𝗲𝗿𝗮, 𝗮𝘁 𝗠𝗮𝗿𝗶𝗮 𝗧𝗲𝗿𝗲𝘀𝗮 𝗠𝗮𝗰𝗮𝘆𝗮𝗻𝗮 ang kanilang husay at dedikasyon sa larangan ng Arnis matapos makuha ang ika apat na ranko sa Synchronize Team Anyo Category ng SRAA Meet 2026.

Nagpakitang-gilas ang tatlong atleta sa iba’t ibang disiplina ng Anyo kabilang ang Solo Baston, Double Baston, at Espada y Daga. Idinaos ang nasabing kompetisyon noong Abril 8, 2026 sa Impao Gymnasium, Isulan, kung saan nagtipon ang mahuhusay na manlalaro mula sa iba’t ibang lugar.

Sa kabila ng matinding kompetisyon, ipinakita nina Mialen, De Vera, at Macayana ang kanilang kahandaan, disiplina, at sining sa bawat galaw. Bagamat hindi nila nasungkit ang medalya, ang kanilang pagkakapasok sa Rank 4 ay isang malaking tagumpay na rin at patunay ng kanilang pagsisikap at dedikasyon sa kanilang larangan.

Ang kanilang ipinakitang galing ay nagsisilbing inspirasyon sa kapwa nila kabataan na patuloy na magsumikap at paunlarin ang kanilang talento sa Arnis.

𝘼𝙣𝙜 𝙗𝙪𝙤𝙣𝙜 𝙠𝙪𝙥𝙪𝙣𝙖𝙣 𝙣𝙜 𝙐𝙇𝙎 𝙖𝙩 𝙐𝙇𝙎 𝘼𝙩𝙝𝙡𝙚𝙩𝙞𝙘 𝙇𝙚𝙖𝙜𝙪𝙚 𝙖𝙮 𝙩𝙖𝙤𝙨-𝙥𝙪𝙨𝙤𝙣𝙜 𝙣𝙖𝙜𝙥𝙪𝙥𝙪𝙜𝙖𝙮 𝙨𝙖 𝙞𝙣𝙮𝙤𝙣𝙜 𝙝𝙪𝙨𝙖𝙮 𝙖𝙩 𝙙𝙚𝙙𝙞𝙠𝙖𝙨𝙮𝙤𝙣. 𝘽𝙞𝙣𝙖𝙗𝙖𝙩𝙞 𝙣𝙖𝙢𝙞𝙣 𝙠𝙖𝙮𝙤—𝘾𝙤𝙣𝙜𝙧𝙖𝙩𝙪𝙡𝙖𝙩𝙞𝙤𝙣𝙨, 𝘼𝙩𝙝𝙡𝙚𝙩𝙚𝙨!!

✍️| 🪄: Celine Stephanie G. Tan - Sports Club Secretary
📸: Renz Aljer Aguilar

10/04/2026

𝗠𝗮𝘁𝗮𝘁𝗮𝗴 𝘀𝗮 𝗟𝗮𝗯𝗮𝗻: 𝗠𝗶𝗮𝗹𝗲𝗻, 𝗜𝗽𝗶𝗻𝗮𝗺𝗮𝗹𝗮𝘀 𝗮𝗻𝗴 𝗚𝗮𝗹𝗶𝗻𝗴 𝗮𝘁 𝗡𝗮𝘀𝘂𝗻𝗴𝗸𝗶𝘁 𝗮𝗻𝗴 𝗧𝗮𝗻𝘀𝗼 𝘀𝗮 𝗦𝗥𝗔𝗔 𝗠𝗲𝗲𝘁 𝟮𝟬𝟮𝟲

Ipinamalas ni 𝗛𝗮𝘇𝗲𝗹 𝗝𝗼𝘆 𝗠𝗶𝗮𝗹𝗲𝗻 ang kanyang husay at determinasyon matapos masungkit ang Tansong medalya sa SRAA Meet 2026 sa larangan ng Arnis, Pinweight Category (Girls) Full Contact Padded Stick.

Sa gitna ng matitinding laban at mataas na antas ng kompetisyon, pinatunayan ni Mialen ang kanyang kakayahan at tibay ng loob sa bawat yugto ng kanyang laban. Hindi naging madali ang kanyang pinagdaanan, ngunit sa pamamagitan ng kanyang disiplina at dedikasyon sa isport, nagawa niyang makipagsabayan sa pinakamahusay na mga manlalaro.

Ang kanyang pagkapanalo ng Tansong medalya ay hindi lamang bunga ng kanyang pagsisikap, kundi pati na rin ng kanyang determinasyon na ipakita ang kanyang galing sa larangan ng Arnis. Isa itong patunay na ang sipag at tiyaga ay tunay na nagbubunga ng tagumpay.

𝘼𝙣𝙜 𝙗𝙪𝙤𝙣𝙜 𝙠𝙪𝙥𝙪𝙣𝙖𝙣 𝙣𝙜 𝙐𝙇𝙎 𝙖𝙩 𝙐𝙇𝙎 𝘼𝙩𝙝𝙡𝙚𝙩𝙞𝙘 𝙇𝙚𝙖𝙜𝙪𝙚 𝙖𝙮 𝙩𝙖𝙤𝙨-𝙥𝙪𝙨𝙤𝙣𝙜 𝙣𝙖𝙜𝙥𝙪𝙥𝙪𝙜𝙖𝙮 𝙨𝙖 𝙞𝙮𝙤𝙣𝙜 𝙝𝙪𝙨𝙖𝙮 𝙖𝙩 𝙙𝙚𝙙𝙞𝙠𝙖𝙨𝙮𝙤𝙣. 𝘽𝙞𝙣𝙖𝙗𝙖𝙩𝙞 𝙠𝙖 𝙣𝙖𝙢𝙞𝙣—𝘾𝙤𝙣𝙜𝙧𝙖𝙩𝙪𝙡𝙖𝙩𝙞𝙤𝙣𝙨!

✍️| 🪄: Celine Stephanie G. Tan - Sports Club Secretary
📸: Renz Aljer Aguilar

10/04/2026

𝗟𝗮𝗴𝗻𝗮𝘁 𝗛𝗶𝗻𝗱𝗶 𝗡𝗮𝗴𝗶𝗻𝗴 𝗛𝗮𝗱𝗹𝗮𝗻𝗴: 𝗠𝘂𝘆𝗰𝗼, 𝗡𝗮𝗴𝗻𝗶𝗻𝗴𝗻𝗶𝗻𝗴 𝗮𝘁 𝗡𝗮𝘀𝘂𝗻𝗴𝗸𝗶𝘁 𝗮𝗻𝗴 𝗣𝗶𝗹𝗮𝗸 𝘀𝗮 𝗦𝗥𝗔𝗔 𝗠𝗲𝗲𝘁 𝟮𝟬𝟮𝟲

Nasungkit ni 𝗧𝗲𝗳𝗳𝗮𝗻𝗶𝗲 𝗝𝗲𝗮𝗻 𝗠𝘂𝘆𝗰𝗼 ang pilak na medalya sa SRAA Meet 2026 sa larangan ng Arnis, Bantamweight Category (Girls) Full Contact Padded Stick. Idinaos ang kompetisyon noong Abril 9, 2026 sa Impao Gymnasium, Isulan.

Hindi naging hadlang ang kanyang nararanasang karamdaman upang makamit ang tagumpay. Bago ang laban, nakaranas si Muyco ng lagnat na naging dahilan upang hindi siya makapag-perform sa kanyang Anyo event.

Sa kabila nito, buong tapang at determinasyon niyang ibinuhos ang kanyang lakas sa laban. Dahil sa kanyang dedikasyon at tibay ng loob, matagumpay niyang nasungkit ang pilak na medalya—patunay na ang tunay na kampeon ay hindi sumusuko sa anumang pagsubok.

𝘼𝙣𝙜 𝙗𝙪𝙤𝙣𝙜 𝙠𝙪𝙥𝙪𝙣𝙖𝙣 𝙣𝙜 𝙐𝙇𝙎 𝙖𝙩 𝙐𝙇𝙎 𝘼𝙩𝙝𝙡𝙚𝙩𝙞𝙘 𝙇𝙚𝙖𝙜𝙪𝙚 𝙖𝙮 𝙩𝙖𝙤𝙨-𝙥𝙪𝙨𝙤𝙣𝙜 𝙣𝙖𝙜𝙥𝙪𝙥𝙪𝙜𝙖𝙮 𝙨𝙖 𝙞𝙮𝙤𝙣𝙜 𝙝𝙪𝙨𝙖𝙮 𝙖𝙩 𝙙𝙚𝙙𝙞𝙠𝙖𝙨𝙮𝙤𝙣. 𝘽𝙞𝙣𝙖𝙗𝙖𝙩𝙞 𝙠𝙖 𝙣𝙖𝙢𝙞𝙣—𝘾𝙤𝙣𝙜𝙧𝙖𝙩𝙪𝙡𝙖𝙩𝙞𝙤𝙣𝙨!

✍️| 🪄: Celine Stephanie G. Tan - Sports Club Secretary

10/04/2026

𝗕𝗨𝗟𝗟𝗦𝗘𝗬𝗘 𝗗𝗢𝗠𝗜𝗡𝗔𝗡𝗖𝗘: 𝗚𝗠 𝗕𝗮𝗻𝗴𝗼𝘆, 𝟯 𝗚𝗼𝗹𝗱𝘀 𝗮𝘁 𝗢𝘃𝗲𝗿𝗮𝗹𝗹 𝗖𝗵𝗮𝗺𝗽—𝗕𝗮𝗹𝗶𝗸 𝗣𝗮𝗹𝗮𝗿𝗼𝗻𝗴 𝗣𝗮𝗺𝗯𝗮𝗻𝘀𝗮

Isang panibagong karangalan ang iniuwi ni 𝗚𝗲𝗻𝗲𝗿𝗮𝗹 𝗠𝗮𝗿𝗰 𝗕𝗮𝗻𝗴𝗼𝘆 matapos niyang dominahin ang Archery Secondary sa SRAA Meet 2026. Sa kanyang kahanga-hangang performance, muling pinatunayan ni Bangoy na isa siya sa pinakamahusay na batang mamamana sa bansa.

Wagi si Bangoy sa tatlong kategorya sa Individual Event; 30m, 50m, at 60m—kung saan sunod-sunod niyang nakuha ang gintong medalya. Sa 70m category naman, nasungkit niya ang pilak na medalya, na lalo pang nagpatibay sa kanyang overall performance. Dahil dito, siya ang itinanghal na overall gold medalist sa nasabing patimpalak.

Dahil sa kanyang natatanging galing at determinasyon, opisyal nang nakakuha si Bangoy ng slot para sa Palarong Pambansa. Ito na ang kanyang ikalawang beses na pagsabak sa prestihiyosong paligsahan. Ipinapakita lamang nito ang kanyang consistency at dedikasyon sa larangan ng archery.

Hindi maikakaila na ang tagumpay ni Bangoy ay bunga ng kanyang masusing pagsasanay, disiplina, at walang sawang pagsusumikap. Isa siyang inspirasyon sa kapwa kabataan na nangangarap na makamit ang kanilang mga mithiin sa larangan ng sports.

Sa kanyang muling pag-apak sa Palarong Pambansa, inaasahan ng marami ang panibagong yugto ng kanyang tagumpay—isang patunay na ang galing at tiyaga ay tunay na nagbubunga ng karangalan.

𝘼𝙣𝙜 𝙗𝙪𝙤𝙣𝙜 𝙠𝙪𝙥𝙪𝙣𝙖𝙣 𝙣𝙜 𝙐𝙇𝙎 𝙖𝙩 𝙐𝙇𝙎 𝘼𝙩𝙝𝙡𝙚𝙩𝙞𝙘 𝙇𝙚𝙖𝙜𝙪𝙚 𝙖𝙮 𝙩𝙖𝙤𝙨-𝙥𝙪𝙨𝙤𝙣𝙜 𝙣𝙖𝙜𝙥𝙪𝙥𝙪𝙜𝙖𝙮 𝙨𝙖 𝙞𝙮𝙤𝙣𝙜 𝙝𝙪𝙨𝙖𝙮 𝙖𝙩 𝙙𝙚𝙙𝙞𝙠𝙖𝙨𝙮𝙤𝙣. 𝘽𝙞𝙣𝙖𝙗𝙖𝙩𝙞 𝙠𝙖 𝙣𝙖𝙢𝙞𝙣—𝘾𝙤𝙣𝙜𝙧𝙖𝙩𝙪𝙡𝙖𝙩𝙞𝙤𝙣𝙨!

✍️| 🪄: Celine Stephanie G. Tan - Sports Club Secretary