21/09/2026
๐๐๐๐ ๐๐๐๐๐๐ ๐๐๐๐๐๐๐ ๐๐๐๐๐๐๐๐ ๐๐๐๐๐๐ ๐๐๐๐๐๐๐๐๐, ๐๐๐๐๐ ๐๐๐๐๐๐๐๐๐ ๐๐๐๐๐๐๐๐ ๐๐๐ ๐๐๐๐๐๐๐๐๐๐!
Nang isara ng rehimeng Marcos Sr. ang mga pahayagan at istasyon ng radyo noong 1972, ginamit nila ang makapal na itim na tinta ng panunupil sa pamamahayag upang piliting itago ang lagim ng diktadurya. Ipinangalandakan nila ang ilusyon ng isang โBagong Lipunanโ na isang huwad na yugto ng kapayapaan na itinayo sa ibabaw ng mga bangkay at pagdurusa ng mayorya.
Ngayong inaalala natin ang ika-54 na anibersaryo ng deklarasyon ng Batas Militar, mariing kinokondena ng UP Alliance of Students Unified for Sociology (UP ASUS) ang walang-habas na pagbabaluktot sa kasaysayan at ang patuloy na makinarya ng pasismo. Bilang mga mag-aaral ng lipunan, sinusuri natin ang Batas Militar hindi lamang bilang isang madilim na kabanata, kundi bilang sistematikong institusyonalisasyon ng istruktural na karahasan. Ipinakita nito kung paano lantarang inarmasan ang estado upang paboran ang kronyismo, supilin ang mga demokratikong unyon, at panatilihin sa kapangyarihan ang mga uring mapagsamantala.
Sa ngalan ng huwad na kaunlaran, aabot sa libu-libo ang pinaslang, kinulong, at tinortyur sa buong Pilipinas. Higit sa 11,000 ang kinikilalang biktima ng rehimeng Marcos Sr., subalit marami pa ang patuloy na hindi nakatala, hindi nakarehistro, o hindi matukoy sa bilang (Amnesty International, 2022). Mariin nating ginugunita ang mga desaparecidos, kung saan ang mga mamamayan ay sapilitang dinukot at ipinagkait sa kanilang mga pamilya hanggang sa kasalukuyan. Buhay sa ating kasaysayan ang kabayanihan ng mga Iskolar ng Bayan mula sa University of the Philippines - Los Baรฑos (UPLB) at ang mga magigiting na Southern Tagalog 10, kabilang sina Rizalina Ilagan at Jessica Sales, na walang takot na binangga ang makinarya ng diktadurya upang ipagtanggol ang demokrasya (UPLB Perspective, 2021).
Ang pormula ng paninikil noon ay siya ring pormula ng paninikil na tahasang binubuhay ngayon. Mula sa โBagong Lipunanโ ng ama, ngayoโy kinakaharap natin ang ilusyon ng โBagong Pilipinasโ ng anak.
Habang pilit na ibinabalik sa mga aklat at midya ang naratibo ng huwad na โginintuang panahon,โ ang kalupitan ng nakaraan ay malinaw nating nadarama ngayon sa garapalang pag-atake sa ating mga batayang karapatan. Hindi kailanman lumisan ang halimaw ng diktadurya; nagpalit lamang ito ng mukha. Lantarang ginagamit ang panunupil sa pamamagitan ng nagpapatuloy na pangre-redtag sa mga lider-estudyante, militarisasyon sa mga komunidad, at walang-habas na pagpaslang sa mga unyonista at tagapagtanggol ng karapatang pantao (Karapatan, 2024; Saludes, 2024). Ang aparatong mapanupil ng estado na kumitil sa libu-libong buhay noong dekada โ70 ay siya pa ring mismong makinaryang ginagamit upang patahimikin ang mga tumututol sa kasalukuyang rehimen.
Bilang mga sosyolohista, naninindigan ang UP ASUS na walang silbi ang pagkatutong nakakulong lamang sa apat na sulok ng silid-aralan kung hindi ito itatawid tungo sa pagsasapraktika. Ang pag-unawa sa lipunan ay malimit na nangangailangan ng pagkilos upang baguhin ito. Ang tunay na pagsasabuhay ng ating disiplina ay ang matapang na paglubog at pakikiisa sa laban ng mga manggagawa, magsasaka, at maralita upang tuluyang baklasin ang mga mapaniil na patakaran ng estado.
Tuloy ang laban para sa katarungan, katotohanan, at tunay na kalayaan!
๐๐๐๐๐ ๐
๐๐๐๐๐! ๐๐๐๐๐ ๐๐๐๐๐ ๐๐ ๐๐๐๐๐๐๐ ๐๐๐!
๐๐๐๐๐๐๐ ๐๐ ๐๐๐๐๐, ๐๐๐๐๐๐๐๐๐๐๐๐ ๐๐๐ ๐๐๐๐๐๐๐๐๐๐!
