UPLB Sophia Circle

23/09/2026

𝐂𝐇𝐀𝐍𝐂𝐄𝐋𝐋𝐎𝐑 𝐒𝐄𝐋𝐄𝐂𝐓𝐈𝐎𝐍: 𝐏𝐀𝐆𝐏𝐈𝐋𝐈 𝐀𝐓 𝐇𝐈𝐍𝐃𝐈 𝐏𝐀𝐆𝐁𝐈𝐋𝐈, 𝐀𝐓𝐈𝐍 𝐀𝐍𝐆 𝐔𝐏𝐋𝐁!

𝐀𝐍𝐎 𝐀𝐍𝐆 𝐔𝐌𝐈𝐈𝐑𝐀𝐋 𝐍𝐀 𝐊𝐀𝐋𝐀𝐆𝐀𝐘𝐀𝐍 𝐍𝐆 𝐔𝐏𝐋𝐁?
Sa muling pagsasailalim ng UPLB sa pagpili ng susunod na Chancellor, mahalagang isaalang-alang na ang pasyang ito ay may direktang epekto sa magiging kalagayan at tipo ng trabaho at edukasyong matatamasa ng mga mag-aaral, g**o, REPS, kawani, at manggagawa. Sa harap ng mga kandidaturang nagtataguyod ng iba’t ibang sentro ng plataporma, dapat suriin ang mga ito batay sa aktwal na karanasan at pangangailangan ng buong komunidad.

Patuloy na kinakaharap ng UPLB ang isang kolonisado, komersyalisado, at pasistang uri ng institusyon. Kabilang dito ang mga patakarang naglilimita sa akses sa edukasyon, mga banta sa akademikong kalayaan at seguridad sa demokratikong espasyo. Sa pamamagitan ng pagtatatag ng Office of the Vice Chancellor for Innovation and Enterprise Management (OVCIEM) na siyang nagkokonsolida ng business affairs, technology transfer, land grant management, at resource generation functions, patuloy ang pag usbong ng entrepreneurial orientation ng pamantasan na makikita sa income generation plans, institutional resource mobilization, public-private partnerships, at komersyal na paggamit ng mga asset. Ngunit sa kabila nito, nananatiling may malaking balakid sa akses sa batayang pangangailangan sa pasilidad, serbisyo, learning spaces, dormitories, kuryente, tubig, at mga sistemang pang-akademiko. Bukod dito, ang mahihigpit na retention, INC, DRP, at residency policies ay patuloy na nakakaapekto sa sangkaestudyantehan. Higit pa rito, ang mga insidente ng red-tagging, harassment, threat, at intimidation dulot ng patuloy na militarisasyon at panghihimasok ng iba’t ibang pwersa ng estado ay nagbabanta sa seguridad, akademikong kalayaan at karapatang magpahayag at mag-organisa ng mga estudyante at kawani ng pamantasan.

𝐀𝐍𝐎 𝐀𝐍𝐆 𝐍𝐀𝐑𝐀𝐑𝐀𝐏𝐀𝐓?
Bilang isang pampublikong pamantasan na marapat na naglilingkod sa bayan, hindi dapat ituring ang UPLB bilang isang negosyo. Dapat nitong tinataguyod ang makabayan, siyentipiko, at makamasang edukasyon kung saan ang kaalaman, pananaliksik at layunin ay nakatuon sa tunay na pangangailangan ng mamamayan, kabilang na ang mga constituent na nakapaloob dito. Kaya’t ang pagpili ng Chancellor ay dapat nakabatay sa multi-sektoral na agenda at kapakanan ng buong komunidad ng UPLB, hindi lamang sa pagtalima sa tagumpay ng iilang programa kung saan hindi naman lahat ay nakikinabang.

Ang uupong lider ay sa dapat, may tapat na hangarin at malinaw na mga hakbangin upang isulong ang isang 𝐦𝐚𝐤𝐚-𝐞𝐬𝐭𝐮𝐝𝐲𝐚𝐧𝐭𝐞 at 𝐦𝐚𝐤𝐚𝐭𝐚𝐨𝐧𝐠 pamantasan: isang institusyong nagtataguyod ng libre at abot-kamay na akses sa edukasyon, sapat na serbisyo, scholarship, pasilidad, pati na rin ng makatarungang sahod, trabaho, at batayang karapatan ng mga kawani nito. Para sa isang tunay na 𝐝𝐞𝐦𝐨𝐤𝐫𝐚𝐭𝐢𝐤𝐨 𝐚𝐭 𝐤𝐨𝐧𝐬𝐮𝐥𝐭𝐚𝐭𝐢𝐛𝐨𝐧𝐠 pamumuno, ang nararapat na Chancellor ay bukas sa pakikinig at patuloy na pakikipag-diyalogo sa mga hinaing ng mga estudyante, g**o, REPS, manggagawa, unyon, konseho, at organisasyon na pumapabilang dito. Dapat din siyang handang 𝐭𝐮𝐦𝐮𝐠𝐨𝐧 𝐚𝐭 𝐦𝐚𝐧𝐚𝐠𝐨𝐭 sa mga epekto ng mga kwestiyunableng patakaran at desisyon ng administrasyon. Panghuli, kinakailangan siyang maging matibay na 𝐭𝐚𝐠𝐚𝐩𝐚𝐠𝐭𝐚𝐧𝐠𝐠𝐨𝐥 𝐧𝐠 𝐚𝐤𝐚𝐝𝐞𝐦𝐢𝐤𝐨𝐧𝐠 𝐤𝐚𝐥𝐚𝐲𝐚𝐚𝐧 𝐚𝐭 𝐝𝐞𝐦𝐨𝐤𝐫𝐚𝐭𝐢𝐤𝐨𝐧𝐠 𝐞𝐬𝐩𝐚𝐬𝐲𝐨 na may malinaw at konkretong mga mekanismo upang pangalagaan ang kalayaang magpahayag, mag-isip, at mag-organisan sa pamamagitan ng pagkondena at paglaban sa lumalalang red-tagging, harassment, threat, intimidation, at tumitinding panghihimasok ng mga kapulisan at militar sa pamantasan.

𝐏𝐀𝐀𝐍𝐎 𝐈𝐓𝐎 𝐌𝐀𝐊𝐀𝐊𝐀𝐌𝐓𝐀𝐍?
Kaugnay ng mga nabanggit na basehan sa pagpili ng Chancellor ay dapat magkaroon din ng makabuluhan at mapanuring partisipasyon ang buong komunidad sa prosesong ito. Mula sa pagsusuri sa track record, hanggang sa resulta ng kanilang ginampanan na posisyon sa pamatasan, mahalaga rin ang pagsusuri sa kanilang tunay at inklusibong paninindigan at pagtugon sa pangangailangan ng komunidad. Mahalagang basehan din ang kanilang paninindigan para sa sapat na pondo sa edukasyon, pagtutol sa Reframed General Education Curriculum Component (RGECC) na ihinahain ng CHED, ang demokratikong pamamahala, at pagsulong sa mga patakarang tunay na nagsisilbi sa multi-sektoral na agenda na nangangailangan ng kagyat at konkretong pagtugon.

Hindi rin hiwalay ang usapin ng demokratikong proseso ng UPLB Chancellor Selection sa usapin ng miyembrong bumubuo sa Board of Regents (BOR)—ang pinakamataas na tagapagpasiyang kapulungan ng UP System na may katungkulang pumili ng susunod na Chancellor. Lubos na nakakabahala ang pag-upo ni Fernando C. Sanchez Jr. bilang Alumni Regent. Kritikal na usapin ang rehimeng Sanchez dahil nag-iwan ito ng madilim na kasaysayan ng pagpapahirap sa mga estudyante, g**o, kawani, at manggagawa ng UPLB. Paano nga ba kinakatawan ng isang tulad niya ang interes at kapakanan ng UPLB constituents? Umaayon ba ang kanyang mga kaisipan at kapasiyahan sa isang maka-estudyante, makatao, demokratiko, at pamamahalang may pananagutan? Bukod sa pagsusuri ng mga nominado, marapat ding siyasatin ang track record, tindig, at pananagutan ng mga miyembro ng BOR. Ang mariing pagkwestiyon at paghamon sa kredibilidad ng isang Regent na may malinaw na manipestasyon ng anti-student at anti-people na pamamalakad mula sa tala ng kasaysayan ay pundamental na bahagi ng ating demokratikong karapatan sa loob at labas ng pamantasan.

Hindi dapat maging kapalit ng ating kapakanan at dignidad ang pagpili ng susunod na Chancellor. Sa halip, dapat itong maging pagkakataon upang igiit ang pamumunong tunay na naglilingkod sa mga sektor nito, lalo’t higit sa bayan. Sa huli, ang paghubog sa direksyon ng pamantasan ay hindi dapat nakasalalay lamang sa isang administrasyon, kundi ito ay dapat nakaugat din sa tinig ng lahat ng sektor nito at sa mandatong maglingkod sa bayan.

Kaya’t sama-sama nating kalampagin ang Board of Regents. Dalhin ang panawagan ng komunidad ng UPLB para sa 𝐌𝐀𝐊𝐀𝐓𝐀𝐎, 𝐃𝐄𝐌𝐎𝐊𝐑𝐀𝐓𝐈𝐊𝐎, 𝐚𝐭 𝐌𝐀𝐏𝐀𝐍𝐀𝐆𝐔𝐓𝐀𝐍𝐆pamamahala.

𝐖𝐇𝐀𝐓:Board of Regents Mobilization
𝐖𝐇𝐄𝐍: September 24, 2026 | 5:00 AM Sentruhan, 8:30 AM Program
𝐖𝐇𝐄𝐑𝐄 UP Diliman

𝐁𝐎𝐑, 𝐇𝐄𝐄𝐃 𝐎𝐔𝐑 𝐂𝐀𝐋𝐋𝐒!
𝐓𝐔𝐌𝐈𝐍𝐃𝐈𝐆 𝐀𝐓 𝐁𝐈𝐓𝐁𝐈𝐓𝐈𝐍 𝐀𝐍𝐆 𝐌𝐆𝐀 𝐏𝐀𝐍𝐀𝐖𝐀𝐆𝐀𝐍𝐆 𝐈𝐓𝐎! 𝐀𝐓𝐈𝐍 𝐀𝐍𝐆 𝐔𝐏𝐋𝐁!




See also: 𝑻𝑯𝑬 𝑼𝑷𝑳𝑩 𝑷𝑯𝑰𝑳𝑶𝑺𝑶𝑷𝑯𝒀 𝑶𝑹𝑮𝑨𝑵𝑰𝒁𝑨𝑻𝑰𝑶𝑵𝑺' 𝑱𝑶𝑰𝑵𝑻 𝑺𝑻𝑨𝑻𝑬𝑴𝑬𝑵𝑻 𝑶𝑵 𝑪𝑯𝑨𝑵𝑪𝑬𝑳𝑳𝑶𝑹 𝑺𝑨𝑵𝑪𝑯𝑬𝒁’ 𝑩𝑰𝑫 𝑭𝑶𝑹 𝑨 3𝑹𝑫 𝑻𝑬𝑹𝑴: "𝑾𝑬’𝑽𝑬 𝑯𝑨𝑫 𝑬𝑵𝑶𝑼𝑮𝑯! 𝑵𝑶 𝑴𝑶𝑹𝑬 𝑪𝑯𝑨𝑵𝑪𝑬𝑺, 𝑺𝑨𝑵𝑪𝑯𝑬𝒁!" https://www.facebook.com/share/p/1C9dtrBvfp/

21/09/2026

𝗬𝗨𝗥𝗔𝗞𝗜𝗡 𝗔𝗡𝗚 𝗣𝗔𝗚𝗬𝗨𝗥𝗔𝗞 𝗦𝗔 𝗞𝗔𝗥𝗔𝗣𝗔𝗧𝗔𝗡𝗚-𝗣𝗔𝗡𝗧𝗔𝗢!

Itinakda sa araw na ito ang ika-limampu’t apat na taon magmula noong idineklara ang Batas Militar sa Pilipinas sa ilalim ng diktador na si Ferdinand Marcos Sr. sa pamamagitan ng Proclamation No. 1081, Article VII, Section 10, Paragraph 2 of the 1935 Constitution. Saklaw ng kanyang pag abuso sa kapangyarihan ay ang pagsuspende ng Writ of Habeas Corpus na pansamantalang naglilimita sa karapatan ng indibidwal na kwestyunin ang hindi makatarungang pagkakakulong na nagbunsod sa malawakang pagyurak sa mga karapatang-pantao. Ayon sa tala ng Human Rights Victims’ Claims Board o HRVCB na itinalaga sa ilalim ng RA 10368 upang magproseso, mag siyasat at magbigay reparasyon sa mga biktima ng yumaong diktador, may 𝟮,𝟯𝟮𝟲 na pinatay at sapilitang nawala, 𝟮,𝟭𝟬𝟰 na dumanas ng iba’t ibang anyo ng tortyur, 𝟯,𝟯𝟮𝟱 na ikinulong, at 𝟮,𝟯𝟭𝟴 na sapilitang ipinatapon mula sa Pilipinas, kabilang ang mga nakaranas ng karahasang nagdulot ng pisikal na pinsala. Mahalagang tandaan na kumakatawan lamang ang mga bilang na ito sa mga biktimang kinilala at nabigyan ng reparasyon ng HRVCB; 𝗹𝗶𝗯𝘂-𝗹𝗶𝗯𝗼 𝗽𝗮 𝗮𝗻𝗴 𝗺𝗮𝗮𝗮𝗿𝗶𝗻𝗴 𝗵𝗶𝗻𝗱𝗶 𝗻𝗮𝗶𝘁𝗮𝗹𝗮, 𝗻𝗮𝗸𝗶𝗹𝗮𝗹𝗮 𝗮𝘁 𝗻𝗮𝘁𝘂𝗸𝗼𝘆. Nakapagtala ng higit kumulang 100,000 na kaso: 70,000 ang kinulong, 30,000 ang tinortyur, at 850 ang sapilitang iwinala na hindi pa rin natatagpuan magpahanggang ngayon; dagdag pa rito ang pagsupil sa midya at sa mga oposisyong politikal. Ayon sa Amnesty International, tinatayang 50,000 ang ikinulong mula nang ipataw ang Batas Militar hanggang 1975, kabilang ang 30,000 sa unang mga linggo lamang. Habang sa 107 na bilanggong politikal, 71 sa kanila ang nag-ulat ng karahasang dinanas habang sinusuri at tinatanong ng militar.

Higit pa sa mga bilang na ito, mahalaga ding alalahanin ang mga martir na nagbuwis ng buhay sa iba’t ibang lugar sa bansa. Ilan sa mga ito ang hanay ng kabataang naging bahagi ng pagpapaunlad sa kilusang demokratiko, anti-diktadura, at kilusang masa. Isa sa kanila ay si Lorena Barros na nagtapos sa UP Diliman at isa sa mga lider ng kilusang laban sa diktadura. Siya’y naging bilanggong politikal dahil sa kanyang patuloy na pagbatikos sa awtoritaryang pamumuno ni Marcos. Noong 1976, sa edad na 28, malubhang nasugatan si Lorena sa isang armadong sagupaan laban sa Philippine Constabulary sa Quezon. Nangako ang mga dumakip sa kanya ng medikal na paggamot kung makikipagtulungan siya sa kanila ngunit noong hindi siya nakipagtulungan, siya ay binaril sa batok. Ang karumal-dumal na pagpaslang kay Lorena ay hindi bukod-tanging insidente lamang, kundi isang malinaw na pagpapakita ng tunay na mukha ng estado: isang bayolente, pasista, at mapanupil na rehimeng gagamitin ang buong makinarya nito upang patahimikin ang sinumang naglalakas-loob na lumaban. Ipinapakita nito na ang pasismo ng estado ay hindi lamang kasaysayan, kundi isang patuloy na reyalidad na nagpapatunay na ang pagtutol sa mapang-aping pamamahala ay tinatrato din na may higit na marahas na paraan. Matapos ang mahigit limang dekada sa ilalim ng kasalukuyang rehimen ng kanyang anak na si Bongbong Marcos Jr., mahalagang itanong ano nga ba ang patuloy na umiiral mula sa pamanang pasismo ng nagdaang diktadura?

Ang kalunos-lunos na bakas ng panahong ito ay makikita pa rin sa kasalukuyang panahon. Kapansin pansin ang konsentrasyon ng kapangyarihan, korapsyon, ang pagsulong sa dayuhang interes, at ang mapanupil na estado. Kung sa panahon ng ama niyang si Marcos Sr. ay naging malawakan ang pagkamal ng pondo ng bayan na naging batayan ng kasong ill-gotten wealth, sa kanyang pamamalakad naman ay nananatiling malalim ang korapsyon lalong lalo sa isiniwalat na flood control project scandal na hanggang ngayon ay wala pa ring nakukulong. Maging sa ekonomya, nagpapatuloy ang pagbibigay prayoridad sa dayuhang pamumuhunan at kapital bilang paraan ng pag-unlad. Itinutulak ngayon ang malalaking proyektong nakaugnay sa estratehikong interes ng US kagaya ng Pax Silica na malinaw na hindi nagsisilbi sa ikabubuti ng bansa. Tila mga pangakong-napako ang pag-unlad, pagkakaisa, at makataong uri lipunan sapagkat ipinagpapatuloy pa rin ang mga taktikang awtoritaryan sa pamamagitan ng mga agresibong programang kontra-insurhensya katulad ng National Action Plan for Unity, Peace, and Development program o NAP-UPD. Gamit ang dahas, ito ay may layuning patahimikin ang mga aktibista, mamamahayag, mga tagapagtanggol ng karapatang pantao, at mamamayang marapat lamang na kumkontra’t kumukwestiyon sa kanyang pamamalakad. Ang mga insidenteng ito, kaakibat ng “red-tagging” ay nagdulot ng takot sa mga organisasyon ng civil society at mga grupong nagtataguyod ng mga karapatang-pantao.

Hinding-hindi marapat makalimot ang mamamayang Pilipino sa malupit na sinapit ng bansa sa ilalim ng diktadurang Marcos Sr. at sa pagpapatuloy nito sa pamumuno ni Marcos Jr. Ang muling pag-upo ng kanilang pamilya sa kapangyarihan ay isang malinaw na hudyat upang ipagpatuloy ang paniningil ng pananagutan, ipagtanggol ang ating lupa at likas na yaman, ipaglaban ang batayang serbisyo at karapatan, at labanan ang anumang anyo ng pagsupil ng estado sa ating karapatang magpahayag, mag-organisa, at lumaban. Ang pagyurak sa karapatang-pantao ay dapat mismong yurakin at wakasan! Palaganapin ang katotohanan ng kasaysayan, isabuhay ang palabang diwa ng masa, at bitbitin ang pilosopiya ng pagpapalaya. Buong-puso dibdibin at itaguyod ang panawagan: paglingkuran ang bayan at ang sambayanan.






References:
https://ichrp.net/never-again-never-forget-ichrp-statement-on-the-52nd-commemoration-of-martial-law-in-the-philippines/

https://law.upd.edu.ph/wp-content/uploads/2020/09/UP-IHR-Martial-Law-Album-Plan.pdf

https://www.amnesty.org.ph/wp-content/uploads/2014/11/asa350011976en.pdf

17/09/2026

𝗘𝗞𝗜𝗦 𝗦𝗔 𝗣𝗔𝗫 𝗦𝗜𝗟𝗜𝗖𝗔! 𝗘𝗞𝗜𝗦 𝗦𝗔 𝗕𝗨𝗗𝗚𝗘𝗧 𝗖𝗨𝗧𝗦! 𝗘𝗞𝗜𝗦 𝗦𝗔 𝗞𝗢𝗥𝗔𝗣𝗦𝗬𝗢𝗡!

Sa harap ng Pax Silica, patuloy-tuloy na pagbawas sa pondo ng edukasyon, patuloy na usapin ukol sa korapsyon, at sa bawat proyektong ipinapangakong magdadala ng “kaunlaran”, may mga tanong na hindi maaaring iwan sa gilid: Sino ang uunlad? Sino ang makikinabang? At sino ang masasakripisyo?

𝗞𝗔𝗨𝗡𝗟𝗔𝗥𝗔𝗡 𝗣𝗔𝗥𝗔 𝗞𝗔𝗡𝗜𝗡𝗢?
Humigit-kumulang 1,600 ektarya ng lupa sa New Clark City ang pinaplanong ilaan para sa Pax Silica, isang advanced-manufacturing hub na nakaugnay sa semiconductors, artificial intelligence, at iba pang high-value industries. Ngunit, hindi abstrakto ang lupang pagtatayuan ng proyekto. Sa Capas, nagpahayag ang mga Aeta ng pangamba hinggil sa epekto ng proyekto sa kanilang ancestral domain, kabuhayan, at kapaligiran. Hindi lamang lupa ang nakataya rito, kundi ang mismong kabuhayang nakaugat sa lupa. Sa ganitong usapin, hindi maaaring ituring na simpleng “development area” lamang ang teritoryong naging tahanan na ng mga komunidad na matagal nang umaasa rito.

Sa Marxistang pagsusuri, hindi neutral ang produksyon at pag-unlad. Nakaugat ang mga ito sa relasyon ng lupa, paggawa, kapital, at kapangyarihan. Kaya hindi sapat na itanong kung gaano karaming investment ang maipapasok. Kailangang itanong kung sino ang kumokontrol sa mga yaman na gagamitin, sino ang makikinabang sa kanilang produksyon, at sino ang sasalo sa kanilang gastos.

Hindi rin hiwalay ang Pax Silica sa mas malawak na ugnayan ng Pilipinas sa dayuhang kapital. Hindi nangangahulugang bawat investment ay awtomatikong mapagsamantala, ngunit kung ang tinatawag na pag-unlad ay nakasalalay sa pangangamkam ng lupa at paggawa habang ang mga komunidad ay nananatiling nanganganib, nararapat lamang siyasatin kung kaninong tunay na interes ang pinaglilingkuran ng pag-unlad.

𝗣𝗢𝗡𝗗𝗢 𝗣𝗔𝗥𝗔 𝗞𝗔𝗡𝗜𝗡𝗢?
Sa panukalang 202 budget, bumaba ng ₱2.95 bilyon ang alokasyon para sa UP System, mula ₱29.47 bilyon noong 2026 tungo sa ₱26.53 bilyon ngayon. Ano ang paliwanag ng estado? Ito ay bahagi ng pagbabawas para sa pagkumpleto ng ilang proyektong pinondohan noong nakaraang taon.

Ngunit para sa isang pampublikong unibersidad, hindi simpleng numero lamang ang pondo. Ito ay bumubunga sa kakulangan sa mga silid-aralan, pasilidades, scholarships, research, at mga kondisyong nagpapahintulot sa edukasyon upang maging publiko.

Kasabay nito ang mas malawak na usapin ng korapsyon at pananagutan. Kung limitado ang pampublikong yaman, lalong kailangang malinaw kung saan ito napupunta at kung sino ang mananagot kapag ito ay inaabuso. Kung may perang sinasabing kapos para sa pampublikong edukasyon, samantalang patuloy na itinutulak ang malalaking proyektong nakasandig sa pamumuhunan at dayuhang kapital, hindi maiiwasang suriin ang mga prayoridad na gumagabay sa paggamit ng yaman ng bayan.

𝗞𝗔𝗣𝗔𝗚 𝗔𝗡𝗚 𝗣𝗔𝗚𝗧𝗨𝗧𝗢𝗟 𝗔𝗬 𝗧𝗜𝗡𝗨𝗧𝗨𝗧𝗢𝗟
Noong Septyembre 10, sa LEC Investors Forum sa Grand Hyatt Manila, naulat ang pag-aresto sa limang paralegal at pagkakasugat ng 27 katao matapos ang dispersal ng protesta. Mahalaga ang insidenteng ito hindi lamang dahil sa mismong pangyayari, kundi dahil ipinapakita nito ang mas malawak na tanong: ano ang puwang ng pagtutol sa mga desisyong may epekto sa buong sambayanan?
Ang isang pamahalaang nagsasabing ang mga proyekto nito ay para sa publiko ay dapat ding handang humarap sa publiko kapag kinukuwestiyon ang mga proyektong ito.
Kaya hindi hiwalay na usapin mula sa mga komunidad na humaharap sa panganib ng displacement, sa mga estudyanteng nakararanas ng kakulangan sa pampublikong pondo, o sa mga mamamayang humihingi ng pananagutan sa paggamit ng yaman ng bayan. Ang mga ito ay magkakaugnay na tanong tungkol sa kung sino ang may kapangyarihang magtakda ng direksyon ng ating lipunan.
Bilang isang organisasyong pang-pilosopiya, kinikilala ng UPLB Sophia Circle na ang tungkulin ng pilosopiya ay hindi lamang nakukulong sa pag-aaral ng mga teorya. Tungkulin din nitong suriin kung paano gumagana ang mga ideya sa totoong mundo. Ang “kaunlaran,” “pamumuhunan,” at “pambansang interes” ay hindi mga salitang dapat basta na lamang tanggapin. Kailangang itanong kung sino ang saklaw ng mga ito, sino ang naiiwan, at sino ang may kapangyarihang magtakda ng direksyon ng ating lipunan.
Sa harap ng Pax Silica, budget cuts, korapsyon, at panunupil sa pagtutol, malinaw ang tunggalian: habang hinihingan ng pagtitiis ang mamamayan, patuloy na ipinagkakaloob ang yaman at espasyo ng bayan sa mga proyektong hindi naman sila ang pangunahing nagpapasya. Habang kinukulang ang pampublikong edukasyon, patuloy na may perang inilalagak sa mga proyektong ipinapangakong para sa kinabukasan. At habang nagtatanong at tumututol ang mamamayan, ang kanilang mga tinig ay pinipigilan.
Imbes na tulungan ang mga nangangailangan nating mga kababayan, ang estado ay patuloy pa rin ang pagsasawalang-bahala sa mga pangangailangan ng mga katutubo at manggagawang Pilipino. P’wes, tama na! Makiisa at makibilang na sa pagtanggi sa lumalalang pang-aalipusta sa mga Pilipino!

𝗧𝗔𝗠𝗔 𝗡𝗔! 𝗪𝗔𝗟𝗞-𝗢𝗨𝗧 𝗡𝗔!








—

REFERENCES
Bases Conversion and Development Authority. “Map of the Pax Silica Hub in New Clark City.” Freedom of Information Philippines, June 8, 2026.
GMA News Online. “Fearing for ancestral land, Aetas from Capas urge Pax Silica cancellation.” August 6, 2026.
International Coalition for Human Rights in the Philippines. “Five Paralegals Arrested, 27 Injured during Protest at Luzon Economic Corridor Investors Forum.” September 10, 2026.
Philippine Information Agency. “PBBM infrastructure push positions New Clark City for high-value industries, investments.” September 13, 2026.
Philippine Star. “Farmers, Aeta group push petition vs Pax Silica.” August 10, 2026.
Presidential Communications Office. “Speech by President Ferdinand R. Marcos Jr. at the Luzon Economic Corridor (LEC) Investment Forum.” September 10, 2026.
United States Trade and Development Agency. “United States, Philippines, Japan Host Inaugural Luzon Economic Corridor Investment Forum in Manila.” September 10, 2026.
Daily Tribune. “Marcos cut P11-T 2027 budget requests to P7.2T — Palace.” August 13, 2026

14/09/2026

Kung may nami-miss, bakit hindi balikan? 😏

Taos-pusong nagpapasalamat ang 𝗨𝗣𝗟𝗕 𝗦𝗼𝗽𝗵𝗶𝗮 𝗖𝗶𝗿𝗰𝗹𝗲 sa lahat ng dumalo, nakipagkwentuhan, at namilosopiya kasama namin sa 𝗕𝗘𝗘𝗥𝗟𝗢𝗦𝗢𝗣𝗛𝗬 𝟮𝟬𝟮𝟲: “𝗔𝗵, 𝘁𝗮𝗴𝗮-𝗨𝗣 𝗸𝗮? 𝗘𝗱𝗶 𝗺𝗮𝘁𝗮𝗹𝗶𝗻𝗼 𝗸𝗮?” 🍻🌻

Ang 𝙮𝙚𝙖𝙧𝙣𝙞𝙣𝙜 namin for today’s vidyow? Sana’y nag-enjoy kayo, may napulot na aral, at may mga naiuwi kayong alaala na hindi ninyo malilimutan. 👻

OH, eto oh, 𝑴𝑬𝑫𝑨𝑳. 🥇 Hawakan mo lang ‘yan… dahil baka ang susunod na 𝒖𝒏𝒍𝒊 𝒔𝒉𝒐𝒕 𝒑𝒖𝒏𝒐 ay paparating na. 👀🍻

Hanggang sa muli, iskx!

11/09/2026

𝙄𝙎𝙆𝙊𝙇𝘼𝙍 𝙉𝙂 𝘽𝘼𝙔𝘼𝙉, 𝘿𝙐𝙈𝘼𝙇𝙊 𝙎𝘼 𝘽𝙇𝘼𝘾𝙆 𝙁𝙍𝙄𝘿𝘼𝙔 𝙋𝙍𝙊𝙏𝙀𝙎𝙏! 𝙏𝙐𝙏𝙐𝙇𝘼𝙉 𝘼𝙉𝙂 𝙋𝘼𝙓 𝙎𝙄𝙇𝙄𝘾𝘼 𝘼𝙏 𝙇𝙐𝙕𝙊𝙉 𝙀𝘾𝙊𝙉𝙊𝙈𝙄𝘾 𝘾𝙊𝙍𝙍𝙄𝘿𝙊𝙍!

Hanggang ngayon, patuloy pa rin ang 𝗽𝗮𝗻𝗴𝗵𝗶𝗵𝗶𝗺𝗮𝘀𝗼𝗸 ng US sa ating bansa at politika, habang 𝘀𝘂𝗻𝘂𝗱-𝘀𝘂𝗻𝘂𝗿𝗮𝗻 naman ang ating gobyerno sa mga interes nito. Mula sa mga military bases tulad ng EDCA sites, joint military exercises tulad ng Balikatan, at ngayon, ang umaambang 𝗣𝗮𝘅 𝗦𝗶𝗹𝗶𝗰𝗮 sa Luzon.

Habang ang mga katutubong naninirahan sa lupang pagtatayuan ng Pax Silica ay 𝗺𝗮𝘄𝗮𝘄𝗮𝗹𝗮𝗻 𝗻𝗴 𝘀𝗮𝗿𝗶𝗹𝗶𝗻𝗴 𝗹𝘂𝗽𝗮, 𝗽𝗮𝗻𝗶𝗿𝗶𝗸𝗮𝗻, 𝗮𝘁 𝗸𝗮𝗯𝘂𝗵𝗮𝘆𝗮𝗻, limpak-limpak namang yaman ang aanihin ng mga naghaharing-uri.

Isang kasuklam-suklam na katotohanan din na ginagamit ng US ang proyekto upang higit pang palakasin ang kapasidad militar nito at paghandaan ang mga 𝗱𝗶𝗴𝗺𝗮𝗮𝗻𝗴 ilulunsad laban sa kapwa nitong imperyalista.

Malinaw na 𝗵𝗶𝗻𝗱𝗶 𝗸𝗮𝗶𝗹𝗮𝗻𝗺𝗮𝗻 𝗺𝗮𝗸𝗶𝗸𝗶𝗻𝗮𝗯𝗮𝗻𝗴 𝗮𝗻𝗴 𝗺𝗴𝗮 𝗣𝗶𝗹𝗶𝗽𝗶𝗻𝗼 𝘀𝗮 𝗽𝗿𝗼𝘆𝗲𝗸𝘁𝗼𝗻𝗴 𝗶𝘁𝗼. Sa halip, patuloy nitong niyuyurakan ang ating soberanya at mga batayang karapatan, habang inilalagay sa panganib ang buhay at kabuhayan ng bawat Pilipino.

Kaya naman, inaanyayahan ang bawat Iskolar ng Bayan na makihanay at makiisa sa ikakasang
𝗕𝗹𝗮𝗰𝗸 𝗙𝗿𝗶𝗱𝗮𝘆 𝗣𝗿𝗼𝘁𝗲𝘀𝘁!

𝗠𝗮𝗴𝗸𝗶𝘁𝗮-𝗸𝗶𝘁𝗮 𝘁𝗮𝘆𝗼 𝗺𝗮𝗺𝗮𝘆𝗮𝗻𝗴 𝟯:𝟯𝟬 𝗣𝗠 𝘀𝗮 𝗖𝗮𝗿𝗮𝗯𝗮𝗼 𝗣𝗮𝗿𝗸. 𝗠𝗮𝗴𝘀𝘂𝗼𝘁 𝗻𝗴 𝗶𝘁𝗶𝗺! Sama-sama nating ipanawagan at ipaglaban ang pagtigil ng Pax Silica at Luzon Economic Corridor!

𝗜𝗦𝗞𝗢𝗟𝗔𝗥 𝗡𝗚 𝗕𝗔𝗬𝗔𝗡, 𝗗𝗨𝗠𝗔𝗟𝗢 𝗔𝗧 𝗠𝗔𝗚𝗣𝗔𝗗𝗔𝗟𝗢!

Photo credits:
Daily Tribune
Southern Tagalog Exposure
Tanglaw

03/09/2026

𝗠𝗮𝗹𝗶𝗸𝗼𝘁 𝗯𝗮 𝗮𝗻𝗴 𝘂𝘁𝗮𝗸 𝗺𝗼? 𝗖𝗼𝗻𝘁𝗿𝗼𝘃𝗲𝗿𝘀𝗶𝗮𝗹 𝗸𝗮 𝗯𝗮𝗻𝗴 𝘁𝗮𝗼? 𝗔𝘁 𝗵𝗶𝗴𝗶𝘁 𝘀𝗮 𝗹𝗮𝗵𝗮𝘁, 𝗺𝗮𝘆 𝗽𝗮𝘀𝘀𝗶𝗼𝗻 𝗸𝗮 𝗯𝗮 𝗳𝗼𝗿 𝗰𝗼𝗺𝗺𝘂𝗻𝗶𝘁𝘆 𝘀𝗲𝗿𝘃𝗶𝗰𝗲? 🤩

Look no further because the premier socio-academic philosophical organization here at UPLB will have its special orientation today (yes, TODAY!) just for youuu 🌟💭

📍𝗦𝗲𝗽𝘁𝗲𝗺𝗯𝗲𝗿 𝟯, 𝟮𝟬𝟮𝟲 | 𝗧𝗛𝗨𝗥𝗦

Kindly answer the form below so we can discuss availability! Face-to-face sessions are highly encouraged; see you iskx!!

🔗 https://forms.gle/5PrR6pwjyrQvijoFA
🔗 https://forms.gle/5PrR6pwjyrQvijoFA
🔗 https://forms.gle/5PrR6pwjyrQvijoFA

31/08/2026

Ano kaya thought process ng mga nagamit ng AI para gumawa ng caption?
🤔👾

We could generate an answer, 𝗯𝘂𝘁 𝘄𝗲'𝗱 𝗿𝗮𝘁𝗵𝗲𝗿 𝗮𝘀𝗸 𝘆𝗼𝘂. Welcome to UPLB Sophia Circle’s 1st Semester Orientation! Join us for a philosophical night as we discuss the questions behind AI, no captcha required🚦🚲

AI’LL SEE YOU ON…:
📍𝐉𝐚𝐜𝐪𝐮𝐞𝐬’ | FP Perez Building, Lopez Ave (in front of Centtro Mall)
📆 𝐖𝐞𝐝, 𝐒𝐞𝐩𝐭𝐞𝐦𝐛𝐞𝐫 𝟐
🕖 𝟕𝐏𝐌

Dinner’s on us for the first 20 registrants! 🍽️ Wag ka mag-alala, sagot na rin namin yung tubig basta ‘di ka muna magpapa-generate ha? Baka maubusan na tayo ng panligo niyan💦😶‍🌫️

And honestly? That’s so real.

Register through the links below:
🔗 https://forms.gle/NYLsVv2aoWxK7a6m9
🔗 https://forms.gle/NYLsVv2aoWxK7a6m9
🔗 https://forms.gle/NYLsVv2aoWxK7a6m9

28/08/2026