UP Palaris Confraternity - Los Baños

04/06/2026

04/06/2026

𝙆𝙖𝙥𝙥𝙖𝙣𝙖𝙡𝙞𝙜 2026: 𝙂𝙪𝙡𝙤𝙣𝙜 𝙣𝙜 𝙆𝙖𝙗𝙪𝙝𝙖𝙮𝙖𝙣, 𝘽𝙞𝙮𝙖𝙝𝙚 𝙣𝙜 𝘽𝙖𝙮𝙖𝙣𝙞𝙝𝙖𝙣

Ang Kappanalig ay taunang programang inilulunsad ng 𝙐𝙋 𝙆𝙖𝙥𝙥𝙖 𝙋𝙝𝙞 𝙎𝙞𝙜𝙢𝙖 – 𝘾𝙤𝙣𝙨𝙚𝙧𝙫𝙖𝙩𝙞𝙤𝙣 𝙖𝙣𝙙 𝘿𝙚𝙫𝙚𝙡𝙤𝙥𝙢𝙚𝙣𝙩 𝙎𝙤𝙘𝙞𝙚𝙩𝙮 (UP KPS-CDS) na naglalayong mangalap ng pondo at materyal na tulong para sa iba’t ibang sektor ng ating lipunan. Higit pa sa simpleng donasyon, ito ay isang panawagan ng pakikiisa. Isang paalala na sa gitna ng krisis, ang tunay na lakas ng bayan ay nagmumula sa sama-samang pagkilos at pagtindig para sa isa’t isa.

Ngayong taon, dala ng temang “Gulong ng Kabuhayan, Biyahe ng Bayanihan” na gaganapin sa Mayo 24, 2026, nakatuon ang Kappanalig 2026 sa isa sa mga sektor na lubhang naapektuhan ng patuloy na pagtaas ng presyo ng langis—ang ating mga tsuper. Sa Brgy. Batong Malake, Los Baños, Laguna, 60 tsuper ng tricycle mula sa LBSTODA ang napiling maging pangunahing benepisyaryo ng programa.

Sa kasalukuyan, kapansin-pansin ang bigat ng kanilang kinakaharap: mula sa dating halos ₱1000 na kita sa isang araw, marami sa kanila ang kalahati na lamang o mas mababa pa ang naiuuwi. Kasabay nito, dumoble ang kanilang gastos sa gasolina. Mula sa humigit-kumulang ₱200 noon, umaabot na ito ngayon sa ₱450–₱500 kada araw. Sa kabila ng pangakong tulong mula sa gobyerno, sila ay hindi pa rin nakakatanggap ng ipinangakong subsidy. Dahil dito, napipilitan silang magsakripisyo, maging sa mga pangunahing pangangailangan ng kanilang pamilya tulad ng pagkain.

Sila ang araw-araw nating kasama sa biyahe. Sa pagpasok sa paaralan, sa trabaho, at sa bawat galaw ng ating komunidad. Ngunit sa likod ng kanilang serbisyo ay isang tahimik na pakikibaka para sa kabuhayan.

Kaugnay nito, taos-puso naming inaanyayahan ang mga organisasyon, kompanya, at indibidwal na maging aming partners at sponsors sa proyektong ito. Ang inyong suporta, maaaring pinansyal, in-kind, o sa anyo ng kolaborasyon ay direktang makatutulong sa pagbibigay ng makabuluhang tulong sa aming mga benepisyaryo at sa pagpapatibay ng diwa ng bayanihan sa komunidad.

Sa huli, ang Kappanalig ay hindi lamang tungkol sa pagbibigay. Ito ay tungkol sa pakikiisa sa laban ng mga sektor na patuloy na nagsisilbi sa atin.

Dahil ang laban ng tsuper ay laban din ng komyuter.

📩 Para sa partnerships at sponsorships, makipag-ugnayan lamang sa amin sa pamamagitan ng pagpapadala ng email sa [email protected]

31/05/2026

happy bday to the best ninong in elbi!! 🥳

thanks for introducing what an org should look and feel like—family 🫰. thanks for your guidance sa pagpasok ko sa org na super welcoming lang siya, at deserve mo talaga ang award na “best in super hands-on ninong award”. 😌 thanks for being a quiet yet full-of-wisdom type of person. 🧍I’ll always treasure our ice cream walks in fpark and our random meetings just to pray for you. 🌲🤍

always praying for you and all that’s ahead of you. so excited to work with you sa org as execs. soon, we’re alums meeting in New York City and joking about buko king??!! 🫶🤞

Caption by: Sis Micah

18/05/2026

𝙎𝙞𝙮𝙖 𝙡𝙖𝙣𝙜 𝙗𝙖 ‘𝙮𝙤𝙣𝙜 𝙨𝙤𝙗𝙧𝙖𝙣𝙜 𝙜𝙖𝙣𝙙𝙖, 𝙩𝙖𝙡𝙞𝙣𝙤, 𝙖𝙣𝙙 𝙚𝙫𝙚𝙧𝙮𝙩𝙝𝙞𝙣𝙜 𝙣𝙞𝙘𝙚? 𝙔𝙤𝙝𝙤𝙤🥰👑😝

Happiest and sinceriest birthday to my first Pangasinan college bff, kapatid, kapamilya, kapuso, and UPPC ninang🤗✨. I can’t imagine my college journey without you and I am beyond grateful for your existence🥺⛰️. ‘Lam mo yan Ma sobrang saya lang kapag magkakasama tayo na para bang nadagdagan ng isang decada buhay ko. 🥰

I am also so proud of your achievements🥳 – dapat ipa-billboard na yan eh emz. Isa ka sa mga taong sobrang hinahangaan ko sa acads, sa personal insights, sa lahat🤩. You are such a beautiful soul that deserves more than anything in this world😫🫶.

I hope na maging successful ka on your journey and I believe you will be. I know that you have the capability and ability to conquer the world. I hope we can still do our gala, tambays, and karaoke sessions even after college😼😾. Thank you for not being just my ninang but a sincere friend whom I can rely on👺. Thank you for everything😾. Happy birthday my ta**us girliepop!!!🎉🎂🥳🎈

Caption by: Sis Kem

01/05/2026

PAKINGGAN AT SUMAMA SA PAKIKIBAKA NG URING MANGGAGAWA!

Ngayong Mayo Uno, buong pagkakaisa nating inilalahad na ang araw na ito ay para sa uring manggagawa, ang gulugod ng ating lipunan at pangunahing tagalikha ng yaman ng bansa. Sila ang patuloy na nagpapagalaw sa ekonomiya, subalit nananatiling api, pinagsasamantalahan, at ipinagkakait ang makataong kabuhayan dahil sa mga naghaharing uri.

Sa kabila ng kanilang mahalagang ambag, matindi pa rin ang kinakaharap nilang pang-aabuso sa pagawaan. Napakababa na nga ng minimum wage, kinakaltasan pa ito ng buwis buwan-buwan. Sa Southern Tagalog, nananatiling hindi sapat ang arawang sahod na hindi man lamang umaabot sa tunay na living wage na kinakailangan upang mabuhay nang marangal. Idagdag pa ang laganap na kontraktuwalisasyon, isang sistemang nagkakait ng seguridad sa trabaho, benepisyo, at karapatan ng milyun-milyong manggagawa.

Sa gitna pa ng lumalalang krisis sa langis dulot ng agresyon at giyera ng mga imperyalistang kapangyarihan tulad ng Estados Unidos at Israel sa Iran, lalong pinapasan ng mga manggagawa ang bigat ng krisis. Walang tigil ang pagtaas ng presyo ng langis at mga pangunahing bilihin. Habang ang gobyerno ay nananatiling inutil at bulag sa paghihirap ng mamamayan, patuloy nitong ipinapataw ang mga pabigat tulad ng Value Added Tax (VAT) at excise tax na mga patakarang lalong nagpapalubog sa uring manggagawa sa kahirapan.

Sa harap ng ganitong kalagayan, buong lakas na nakikiisa ang Alliance of Varsitarian Organizations (AVO) sa laban ng mga manggagawa. Kinikilala natin na sila ang tunay na puwersang nagpapatakbo sa lipunan. Panahon na upang pakinggan ang kanilang hinaing at tugunan ito sa pamamagitan ng kongkretong aksyon tulad ng makabuluhang pagtaas ng sahod, pagpapababa ng presyo ng mga bilihin, pagwawakas sa kontraktuwalisasyon, at pagpapatupad ng tunay na proteksyon sa karapatan ng manggagawa!

URING MANGGAGAWA, HUKBONG MAPAGPALAYA!
SAHOD ITAAS! PRESYO IBABA!

25/04/2026

𝗖𝗼𝗺𝗺𝘂𝗻𝗶𝘁𝗶𝗲𝘀 𝗖𝗼𝗻𝗳𝗿𝗼𝗻𝘁 𝗗𝗮𝗺 𝗣𝗿𝗼𝗷𝗲𝗰𝘁𝘀 𝗧𝗵𝗿𝗲𝗮𝘁𝗲𝗻𝗶𝗻𝗴 𝗛𝗲𝗿𝗶𝘁𝗮𝗴𝗲 𝗮𝗻𝗱 𝗟𝗶𝘃𝗲𝗹𝗶𝗵𝗼𝗼𝗱𝘀

Communities are standing up against dam projects that endanger rivers, forests, and their cultural heritage. These protests are not mere symbolic act; they are proactive measures to safeguard essential resources that provide food, water, and a sense of identity. Demonstrators challenge corporations and government entities, insisting on accountability for initiatives that favor profits over the well-being of people.

The movement highlights the dangers of displacement and environmental degradation. Dams do more than change landscapes; they displace families, disrupt ecosystems, and obliterate cultural sites that have existed for generations. By voicing their concerns, communities affirm their right to shape the future of their environment and heritage.

At the heart of these demonstrations is a call for development that honors human rights and maintains ecological integrity. Activists stress that advancement should be evaluated not solely on infrastructure, but on its ability to protect livelihoods, biodiversity, and cultural heritage. Their actions confront the idea that communities should be sacrificed for projects implemented without their agreement.

This fight carries both local and national importance. It echoes a wider demand for transparency, responsibility, and sustainable solutions. By defending their land and water, these communities are crafting a vision of progress that nurtures rather than harms, asserting that genuine development must benefit both nature and humanity.

Caption By: Wyngard Venz B. Tomas

18/04/2026

𝐃𝐚𝐝𝐚𝐠𝐮𝐧𝐝𝐨𝐧𝐠 𝐚𝐧𝐠 𝐓𝐢𝐧𝐢𝐠 𝐧𝐠 𝐆𝐚𝐧𝐝𝐢𝐧𝐠𝐚𝐧 𝐩𝐚𝐫𝐚 𝐬𝐚 𝐊𝐚𝐥𝐢𝐤𝐚𝐬𝐚𝐧! 🌱

Sa nagdaang buwan, nasaksihan natin ang paghihirap ng mamamayan dulot ng epekto ng ating mga gawain sa kalikasan—mga epektong pinalala ng kapabayaan at katiwalian. Sa tila paghina ng tinig ng kalikasan, narito ang Gandingan upang muling ipaalala at palakasin ang boses nito.

​𝘒𝘢𝘪𝘴𝘢 𝘴𝘢 𝘱𝘢𝘨𝘱𝘢𝘱𝘢𝘭𝘢𝘵𝘢𝘨 𝘯𝘨 𝘮𝘢𝘬𝘢𝘣𝘶𝘭𝘶𝘩𝘢𝘯𝘨 𝘱𝘢𝘨𝘱𝘢𝘱𝘢𝘩𝘢𝘺𝘢𝘨 𝘱𝘢𝘳𝘢 𝘴𝘢 𝘢𝘵𝘪𝘯𝘨 𝘬𝘢𝘱𝘢𝘭𝘪𝘨𝘪𝘳𝘢𝘯, 𝘢𝘯𝘨 𝘜𝘗𝘗𝘊 - 𝘓𝘰𝘴 𝘉𝘢ñ𝘰𝘴 𝘢𝘺 𝐭𝐮𝐦𝐢𝐭𝐢𝐧𝐝𝐢𝐠 𝘬𝘢𝘴𝘢𝘮𝘢 𝘯𝘨 𝘜𝘗 𝘊𝘰𝘮𝘉𝘳𝘰𝘢𝘥𝘚𝘰𝘤 𝘴𝘢 𝘪𝘬𝘢-20 𝘵𝘢𝘰𝘯 𝘯𝘨 𝘎𝘢𝘯𝘥𝘪𝘯𝘨𝘢𝘯 𝘈𝘸𝘢𝘳𝘥𝘴. 📰⛰️
​
Ang 𝗨𝗣 𝗣𝗮𝗹𝗮𝗿𝗶𝘀 𝗖𝗼𝗻𝗳𝗿𝗮𝘁𝗲𝗿𝗻𝗶𝘁𝘆 - 𝗟𝗼𝘀 𝗕𝗮ñ𝗼𝘀 𝗖𝗵𝗮𝗽𝘁𝗲𝗿 ay isang organisasyon ng mga estudyanteng Pangasinense sa Unibersidad ng Pilipinas na nagkakaisa upang isulong ang ating natatanging kultura at galing. Mula sa inspirasyong iniwan ni Juan Dela Cruz Palaris—ang matapang na lider-rebolusyonaryo ng ating lalawigan—patuloy kaming naglilingkod sa pamamagitan ng mga proyektong gaya ng UPCAT Tutorials, Campus Clash, at mga inisyatibong nakatuon sa kalusugan at pangangalaga sa kalikasan.
​
Bilang pakikiisa sa layuning ito, inaanyayahan kayo ng UP Palaris sa ika-𝟮𝟬 𝗨𝗣 𝗖𝗼𝗺𝗕𝗿𝗼𝗮𝗱𝗦𝗼𝗰 𝗚𝗮𝗻𝗱𝗶𝗻𝗴𝗮𝗻 𝗔𝘄𝗮𝗿𝗱𝘀 na may temang 🍃“𝙋𝙖𝙠𝙞𝙣𝙜𝙜𝙖𝙣, 𝙏𝙞𝙣𝙞𝙜 𝙣𝙜 𝙆𝙖𝙡𝙞𝙠𝙖𝙨𝙖𝙣.” 🍃

Ating kilalanin ang mga organisasyon, personalidad, istasyon, at programang tumugon sa hinaing ng kalikasan at ng mamamayang lumalaban ngayong 📅 𝐀𝐛𝐫𝐢𝐥 𝟐𝟓, 𝟐𝟎𝟐𝟓, 𝟒 𝐏𝐌, 𝐬𝐚📍 𝐃.𝐋. 𝐔𝐦𝐚𝐥𝐢 𝐇𝐚𝐥𝐥, 𝐔𝐏𝐋𝐁.

🎟️ Maaaring bumili ng tickets dito:
https://bit.ly/Gandingan2026Tickets
https://bit.ly/Gandingan2026Tickets
https://bit.ly/Gandingan2026Tickets

𝙈𝙪𝙡𝙖 𝙨𝙖 𝙠𝙖𝙗𝙪𝙣𝙙𝙪𝙠𝙖𝙣, 𝙖𝙩𝙞𝙣𝙜 𝙥𝙖𝙩𝙪𝙣𝙪𝙜𝙞𝙣 𝙖𝙣𝙜 𝙠𝙖𝙢𝙥𝙖𝙣𝙖𝙣𝙜 𝙣𝙖𝙜𝙡𝙖𝙡𝙖𝙜𝙖𝙗𝙡𝙖𝙗 𝙥𝙖𝙧𝙖 𝙨𝙖 𝙠𝙖𝙡𝙞𝙠𝙖𝙨𝙖𝙣! 🔔☘️

​

18/04/2026

Happiest birthday to Ange the one and only viola (hindi violin) baddie ng Batch Dalin! 🌱Miss ko na yung mga panahong nagbibilog lang tayo ng onidobo bites sa dorm mo habang nagooverthink ng life decisions, tapos diretso sa kmart para mag ice cream HAHAHAHAHA enjoy your day, and tambay ulit tayo soonesttt! Mwaaa 😚💕

Caption by: Sis Iah

09/04/2026

𝗔𝗹𝗮𝗹𝗮𝗵𝗮𝗻𝗶𝗻 𝗮𝗻𝗴 𝗡𝗮𝗸𝗮𝗿𝗮𝗮𝗻, 𝗜𝗽𝗮𝗴𝗹𝗮𝗯𝗮𝗻 𝗮𝗻𝗴 𝗞𝗶𝗻𝗮𝗯𝘂𝗸𝗮𝘀𝗮𝗻

Sa kasaysayan ng ating bayan, may mga sandaling ang tapang ng Pilipino ay sinubok ng digmaan at pang-aalipin. Sa mga panahong iyon, hindi lamang armas ang ipinaglaban ng ating mga ninuno, kundi ang dangal at kalayaan ng sambayanan. Ang kanilang sakripisyo ay naging binhi ng ating pagkakaisa, at ang kanilang kagitingan ay naging haligi ng ating kasarinlan.

Ngayon, ating ginugunita ang Araw ng Kagitingan bilang paalala na ang kalayaan ay hindi basta ibinigay, kundi pinanday sa dugo, pawis, at buhay ng mga bayani. Ang paggunita ay hindi lamang pagbabalik-tanaw, kundi pagkilala sa diwa ng sakripisyo na patuloy na nagbibigay-saysay sa ating pagkatao bilang Pilipino. Sa bawat alaala ng kanilang tapang, tayo’y pinaaalalahanan na ang kagitingan ay hindi nagwawakas sa nakaraan, kundi patuloy na nabubuhay sa kasalukuyan.

Subalit higit sa lahat, ito ay isang panawagan. Panawagan na ipagpatuloy ang diwa ng kagitingan sa ating panahon; sa pagtindig para sa katotohanan, sa pagyakap sa bayanihan, at sa pag-aalay ng sarili para sa kapwa. Ang tunay na kagitingan ngayon ay ang pagiging handang magsakripisyo para sa ikabubuti ng nakararami, ang pagtutol sa kawalan ng katarungan, at ang pagtulong sa muling pagbangon ng nasyon.

Sa bawat patak ng pawis at dugo ng ating mga bayani, isinilang ang kalayaan na ating tinatamasa. Ang Araw ng Kagitingan ay hindi lamang paggunita, kundi panawagan na dapat nating ipagpatuloy ang kanilang laban sa pamamagitan ng pagkakaisa, pagmamamalasakit, at pagmamahal sa bayan.

Caption by: Wyngard Venz B. Tomas
Layout by: Martin Aaron Florentino