25/08/2026
๐๐ฎ๐ด๐ผ๐ป๐ด ๐๐ผ๐บ๐บ๐๐ป๐ถ๐ฐ๐ฎ๐๐ถ๐ผ๐ป ๐๐ฎ๐ฏ๐ผ๐ฟ๐ฎ๐๐ผ๐ฟ๐ ๐๐ฎ ๐ ๐ฆ๐๐จ๐, ๐ฃ๐ผ๐ฟ๐บ๐ฎ๐น ๐ป๐ฎ๐ป๐ด ๐๐ถ๐ป๐๐ธ๐๐ฎ๐ป
๐๐ข๐ ๐ ๐๐ป๐ถ๐๐ ๐ก๐ฒ๐๐ | ๐๐ด๐ผ๐๐๐ผ ๐ฎ๐ฑ, ๐ฎ๐ฌ๐ฎ๐ฒ
Pormal nang binuksan ngayong umaga ang bagong Communication Laboratory sa AEC Building sa pamamagitan ng blessing at ribbon-cutting ceremony na dinaluhan ng mga university officials, faculty members, at students.
Nagsilbing host ng programa si Sir Jade Oraa. Sinimulan ito sa opening remarks ni Dr. Claudia Odette J. Ayala, Acting Vice President for Academics and Research at Dean ng College of Arts and Sciences, na sinundan ng welcome message ni Dr. Carmina V. Tolentino, University Laboratories Director.
Binigyang-diin sa kanilang mga mensahe ang layunin ng bagong laboratoryo na magbigay ng espasyo para sa mga estudyante upang mapalawak ang kanilang kaalaman at kasanayan sa komunikasyon at makasabay sa digital technology. Magsisilbi rin itong creative space para sa mga proyekto sa larangan ng komunikasyon.
Matapos ang mga mensahe, isinagawa ang ribbon-cutting ceremony, na sinundan ng blessing ng laboratoryo na pinangunahan ni Rev. Fr. Ferdinand I. Maano. Sinundan ito ng maikling tour at photo opportunities kasama ang mga dumalo sa programa. Binigyang-wakas ni Prof. Jahzeel L. Sarmiento ang programa sa pamamagitan ng kanyang closing remarks.
Kaakibat ng SDG 4: Quality Education at SDG 9: Industry, Innovation, and Infrastructure, bukas ang laboratoryo para sa lahat ng estudyante ng MSEUF. Bahagi ito ng mga hakbang ng unibersidad tungo sa pagkakaroon ng mahusay na learning environment, sapat na resources, at globally competitive na edukasyon.
