BULSU SG Office of the Vice President - OVP

21/09/2026

HAPPENING NOW | LALONG UMUUGONG ANG PANAWAGAN NG MGA BULSUANS!

Kasalukuyang nagkakabit ang mga estudyante ng mga panawagan at materyales bilang paghahanda para sa Campus Walkout ngayong araw, Setyembre 21.

Sa bawat panawagang pilit pinatatahimik, mas lumalakas ang tinig ng kabataan. Sa bawat pagtatangkang pigilan ang pagkilos, mas nagkakaisa ang mga estudyante.

Kapag hinihigpitan ang pagkilos, lalong nag-aalab ang paglaban.
Kapag hinaharangan ang kabataan, lalo silang nagkakaisa.

BulSUans, MAKIISA SA WALKOUT!

20/09/2026

UNITY STATEMENT OF THE BULSUAN COMMUNITY ON THE CAMPUS WALK OUT PROTEST

UNITY STATEMENT OF THE BULSUAN COMMUNITY ON THE CAMPUS WALKOUT PROTEST FOR

We, the entire student community of Bulacan State University, are in full support and will be going out of our classes during the conduct of Campus Walkout on September 21, Monday, to show our unfaltering remembrance of the grimmest chapter of our history in the Philippines when Martial Law was enacted that unjustifiably killed and tortured tens of thousands of Filipinos.

We commemorate those who have sacrificed, rallied to the streets, and documented the real horrors of the Marcos Sr. regime.

Today, our cause is not entirely different from the one our predecessors have fought for. We are still aiming to fight the same battles that keeps on lingering in our society for the sake of our fellow citizens: eradicating systemic corruption, resisting the rotten cycle of political dynasties, defending and protecting our historical truth, uplifting our marginalized communities, and denying those who are hungry for abusive power.

On Monday, we will wear black to remember. We remember because we do not want to repeat the errors of our history. We do not forget because it is the gravest sin a Filipino could do to their country.

We, too, can make history, BulSUans.

20/09/2026

HAPPENING NOW | KAMPUS TALAKAYAN: BAKIT WALKOUT?!

Kasalukuyang nagaganap ang unang sesyon ng Kampus Talakayan na may temang "Bakit Walkout?! A Bureaucrat Capitalist Talk".

Mainit na ibinabahagi ngayong gabi ni Michael Troy C. Cabangon, National Director for Education and Training ng National Union of Students of the Philippines (NUSP) at 19th PUP Student Regent, ang malalim na pagsusuri sa mga ugat ng suliraning kinakaharap ng kabataan. Hinihimay sa talakayang ito kung paano pinagtataksilan ng naghaharing uri ang masang Pilipino.

Kasabay nito ay ang pagpapaliwanag kung bakit ang pag-walkout ay hindi lamang paglabas sa silid-aralan, kundi isang lehitimo at kinakailangang porma ng ating kolektibong pagkilos at pagtutol.

Pag-aralan ang lipunan upang baguhin ang bulok na sistema! Maaari pang humabol ang mga Iskolar ng Bayan at makiisa sa ating nagpapatuloy na talakayan.

Sumali rito: https://meet.google.com/fki-krig-jjw

20/09/2026

LIVE NOW | KAMPUS TALAKAYAN: SESYON 1

BAKIT WALKOUT?!
A Bureaucrat Capitalist Talk

Bakit nga ba tayo nagwa-walkout?

Ngayong gabi, pag-uusapan natin ang mga ugat ng suliraning kinakaharap ng mga estudyante at kabataan, at kung bakit humahantong sa sama-samang pagkilos ang pagtutol sa mga problemang patuloy nating nararanasan.

Hindi lang basta pag-alis sa klase ang walkout. Ano ang pinaglalaban? Saan ito nagmumula? At bakit kailangang makiisa?

Samahan kami sa unang sesyon ng KAMPUS TALAKAYAN, katuwang ang League of Filipino Students - BulSU (LFS-BulSU).

NGAYON | 8:00 PM
VIA GOOGLE MEET

🔗 JOIN HERE:
https://meet.google.com/fki-krig-jjw

KAMPUS TALAKAYAN
Pag-aralan ang Lipunan. Baguhin ang Bulok na Sistema.

20/09/2026

KAMPUS TALAKAYAN | MEET OUR SPEAKER

Sa unang sesyon ng KAMPUS TALAKAYAN, makakasama natin si Michael Troy C. Cabangon, National Director for Education and Training ng National Union of Students of the Philippines (NUSP) at 19th PUP Student Regent.

Pag-uusapan natin ang mga ugat ng mga suliraning kinakaharap ng mga estudyante at kabataan, at kung bakit nagiging bahagi ng ating pagtutol at pagkilos ang walkout.

Bakit tayo nagwa-walkout? Ano ang pinaglalaban? At bakit kailangang makiisa?

Linggo | 8:00 PM
Google Meet

Ang Google Meet link para sa sesyon ay ilalagay sa comment section ng post na ito.

KAMPUS TALAKAYAN
Pag-aralan ang Lipunan. Baguhin ang Bulok na Sistema.

In partnership with League of Filipino Students - BulSU (LFS-BulSU) and National Union of Students of the Philippines (NUSP).

20/09/2026

ISKOLAR NG BAYAN, MULING DUMAGUNDONG ANG TINIG SA LANSANGAN!

Sa ika-54 na anibersaryo ng deklarasyon ng Batas Militar, hindi dapat limutin ang kasaysayan ng diktadurang Marcos Sr. Sa ilalim nito, niyurakan ang mga batayang karapatan at kalayaan ng mamamayan, habang maraming Pilipino ang pinaslang, ikinulong, dinukot, at sinalakay dahil sa paglaban sa tiraniya.

Ngunit ang pag-alala ay hindi lamang paglingon sa nakaraan. Hanggang ngayon, patuloy na kinakaharap ng mamamayan ang krisis sa edukasyon, pagtaas ng presyo ng mga bilihin, mababang sahod, kawalan ng seguridad sa trabaho, pang-aagaw ng lupa at kabuhayan, at iba pang anyo ng pagsasamantala.

Bilang mga Iskolar ng Bayan, hindi hiwalay ang ating kalagayan sa mga suliraning ito.

Ang edukasyon ay hindi lamang para sa pansariling tagumpay. Tungkulin nating gamitin ang ating kaalaman at tinig upang maunawaan ang kalagayan ng lipunan, makiisa sa mamamayan, at manindigan para sa kanilang mga karapatan.

Kaya ngayong Setyembre 21, sama-sama tayong lumabas sa kampus at makiisa sa pagkilos. Dalhin natin sa lansangan ang alaala ng kasaysayan, ang mga aral nito, at ang panawagan ng kabataan.
Huwag kalimot. Huwag manahimik. Magkaisa at tumindig!

LIWASANG BONIFACIO l 3:00 PM
MENDIOLA l 5:00 PM

Mula kampus, tungo sa lansangan!

🎨 Evangelou Gatchalian

19/09/2026

KAMPUS TALAKAYAN | SESYON 1

BAKIT WALKOUT?!
A Bureaucrat Capitalist Talk

Bakit nga ba tayo nagwa-walkout?
Sa unang sesyon ng KAMPUS TALAKAYAN, kasama ang League of Filipino Student- BulSU (LFS-BulSU), pag-uusapan natin ang ugat ng mga suliraning kinakaharap ng mga estudyante at kabataan, at kung bakit nauuwi sa pagkilos ang pagtutol sa mga problemang patuloy nating nararanasan.

Hindi lang basta pag-alis sa klase ang walkout. Ano ang pinaglalaban? Saan ito nagmumula? At bakit kailangang makiisa?

Linggo | 8:00 PM
Google Meet

KAMPUS TALAKAYAN
Pag-aralan ang Lipunan. Baguhin ang Bulok na Sistema.

19/09/2026

HAPPENING NOW | PROD WORK PARA SA CAMPUS WALKOUT!

Sama-sama nang naghahanda ang mga Iskolar ng Bayan para sa ating Campus Walkout sa darating na Lunes, Setyembre 21!

Ngayong araw, nagtitipon ang mga iskolar ng bayan upang bumuo ng mga plakards, balatengga, at karatulang magdadala ng ating mga panawagan laban sa krisis sa edukasyon, korapsyon, paglabag sa karapatang pantao, at pagbubura sa kasaysayan.

Makiisa sa gaganaping Campus Walkout sa Lunes, Setyembre 21, ganap na 1:00 PM. Sama-sama nating dalhin sa pagkilos ang ating mga panawagan at ipakita ang lakas ng nagkakaisang kabataan.

NEVER AGAIN, NEVER FORGET MARTIAL LAW!

18/09/2026

CALL FOR VOLUNTEERS | PROD WORK PARA SA CAMPUS WALKOUT!

Ang laban para sa katotohanan at hustisya ay nangangailangan ng sama-samang pagkilos! Bilang paghahanda sa ating gaganaping Campus Walkout para sa paggunita ng anibersaryo ng Batas Militar at ipaglaban ang mga panawagan hinggil sa mga isyung panlipunan, tayo ay nananawagan sa lahat ng Iskolar ng Bayan na makiisa sa ating isasagawang prod work.

Sama-sama nating buuin ang mga plakarda, balatengga, at karatulang magsisilbing boses ng ating panawagan laban sa krisis sa edukasyon, korapsyon, paglabag sa karapatang pantao, at pagbubura sa kasaysayan.

Detalye ng Prod Work:

PETSA: Setyembre 19, 2026
LOKASYON: SG Office (In front of Valencia Hall)
ORAS: 10AM Onwards

Malugod ding tinatanggap ang pagdadala ng mga sariling kagamitan sa sining tulad ng pintura, brushes, at illustration boards upang makatulong sa paghahanda para sa nalalapit na mobilisasyon.

Ipakita natin ang lakas ng kabataang nagkakaisa bago pa man tayo tuluyang lumabas sa mga silid-aralan at kalsada.

Tumindig, lumikha, at makilahok!
NEVER AGAIN, NEVER FORGET MARTIAL LAW!

18/09/2026

[ON CAMPUS WALK OUT]

WE SHALL NOT FORGET!

Sa paparating na ika-54 na komemorasyon sa Batas Militar, tayo ay sabay-sabay lumabas sa mga silid-aralan natin pasadong ala-una (1PM) ng hapon upang magprotesta!

Nakasisig**o ang bawat BulSUan mula sa bawat estudyante, g**o, at mga kawani ng unibersidad na wala ang dapat masiil sa pagpapahayag ng kanilang kalayaan magbuklod para sa kapakanan ng ating bansa:

1. Maaaring BOLUNTARYONG dumalo ang bawat isang BulSUan sa walkout
2. Sa Lunes, inaanyayahan ang mga dadalo na magbaon ng ITIM na damit bilang pamalit sa suot na uniporme
3. Ang paggunita sa porma ng walkout ay maaaring lahukan ng mga mag-aaral sa lahat ng kampus bilang tanda ng pag-alaala

Huwag matakot dahil ang pagboses natin ay isang porma na nagbibigay-lakas sa mga naaapakan.

TAMA LANG NA PAGLINGKURAN ANG BAYAN, BULSUANS!