Bulacan State University - Student Government

25/06/2023

“ SOGIE EQUALITY BILL! IPASA! IPASA! ”

Our Punong Raya, Jaime C. De Guzman III delivered his solidarity message at the PridePH Festival 2023 at Quezon City Memorial Circle last June 24, 2023.

23/06/2023

18/06/2023

[ARAW NG MGA HUWARANG AMA]

Bilang pag gunita sa araw ng mga haligi ng tahanan ay hindi rin natatapos ang panawagan sa administrasyon patungkol sa kotraktuwalisasyon. Bilang isang ama o tumatayong ama ng isang pamilya ay marapat lamang na magkaroon ng regular na trabaho at sahod na nakabubuhay ng pamilya.

Ang Makabayan bloc sa House of Representatives ay naghain noong taong 2020 ng isang “pro-worker” bill na naglalayong wakasan ang lahat ng anyo ng contractual arrangements, na ayon sa kanila ay lumalabag sa konstitusyonal na karapatan ng mga manggagawa sa seguridad ng panunungkulan.
Ang lahat ng anyo ng kontraktwalisasyon, fixed-term employment, mga kontrata sa trabaho, at ang direktang pagkuha ng mga kontraktwal na manggagawa ay ipinagbabawal sa ilalim ng House Bill 2173 dahil ang mga ito ay itinuturing na hindi patas na mga gawi sa paggawa.

Isang ama rin pala ang sisira sa kinabukasan ng mga tumatayong haligi ng tahanan sa bawat pamilya matapos i-veto ng dating Pangulong Rodrigo Duterte ang pagwawakas sa kontraktuwalisasyon na siya ring ipinangako niya sa mamamayang Pilipino noong kanyang kampanya- taong 2016.

At sa sinabing pahayag noon ni Pangulong Ferdinand Marcos Jr. noong panahon pa lamang ng kanyang pangangampanya ay susubukan nilang irebisa ang vetoed security of tenure bill at nangakong ipapatupad ito kung ang bagong bersyon ay mas mabuti kumpara sa naunang bill.

Ang isang ganap na haligi ng tahanan ay nagsisilbi sa pagpapagaan ng kalagayan ng pamilya, hindi nagpapahirap, laging susuporta't nagmamahal. Ang ganap na haligi ng tahanan ay hindi namamaslang, nambabalewala, at nagpapabaya ng kanyang nasasakupan.

Ang haligi ng tahanan ay nagsisilbi maging sa sambayanan.

Tunay nga kayang matatapos na ang kotraktuwalisasyon sa termino ng Marcos Jr.-Duterte? O magiging isang pahingahan parin ng mga kapitalista ang mga haligi ng tahanan?

Para sa karagdagang impormasyon sa House Bill 2173:
https://tinyurl.com/MakabayanBlocHouseBill
https://tinyurl.com/MakabayanBlocHouseBill
https://tinyurl.com/MakabayanBlocHouseBill

15/06/2023

[GRADUATION RITES IS STUDENTS' RIGHTS!]

TUTULAN ANG PAMUMULITIKA AT HINDI MAKA-ESTUDYANTENG GRADUATION RITES! ITAKWIN ANG MGA PAHIRAP AT HINDI MAKA-MAMAMAYANG PULITIKO.

Ang graduation rites ay inilulunsad upang bigyang karangalan ang mga iskolar ng bayan at ating mga magulang o pamilya na nagsumikap at pinagtrabahuhan ang ating pag-aaral. Ang seremonyang ito ay pagbibigay-pugay sa ating binaybay para pag-aralan ang mga disiplinang tinahak natin upang pagsilbihan ang lipunan.

Sa kabila ng kabuluhan ng seremonya na espasyo para ipagdiwang ang kanilang tagumpay at karangalan, ginamit pa ng BulSU Admin na pagkakataon ito para itanghal ang mga pulitikong may kasaysayan ng pagnanakaw ng kaban ng bayan, pagmamalabis at pagsasamantala sa mga magsasaka, mangingisa, manggagawa at malawak na hanay ng masa, at pandarahas at pambubusal laban sa progresibo at tumitindig na kabataan at mamamayan - mga katangiang taliwas sa ubod na prinsipyo ng BulSU. Habang lantaran ang pagpapapasok sa mga pahirap at hindi maka-mamamayang pulitiko, ang mga estudyante naman ay malimit lang na may akses sa mga plataporma ng pamantasan dahil madalas sila'y binubusalan, nire-redtag, tinatakot, at pinipigil sa kanilang mga progresibong aktibidad.

Sa halip ding pagtuunan ng pansin ang pagbibigay ng isang sistematiko at maayos na sistema at kondukta ng seremonya na dapat ay nakasentro sa karangalan ng mga estudyante’t kanilang magulang, magulo, hindi pantay-pantay at hindi koordinado ang ibinabalato para sa mga estudyante. Malayong-malayo ito sa tiyak na espesyal na pagtrato at pangangasiwa para salubungin ang mga pulitikong labis na tinatangi ng BulSU Admin bilang tapat at tutang tagapangasiwa ng mga anti-mamamayang patakaran ng mga ito sa pamantasan.

Isa lang ang sistema sa seremonyang ito sa marami pang problema sa sistema ng BulSU na pinapasan ng mga mag-aaral - mula sa sistema ng admission at enrolment, grading system, at miski pagproseso ng mga dokumento. Pinamasaklap pa, sumasalubong din ang hindi makaestudyanteng pasanin sa hindi aksesibol na pag-aaral, mababang kalidad ng pagkatuto, at kawalan ng demokratikong espasyo. At sa labas ng paaralan, lugmok pa rin ang kalagayan ng mga pamilya dahil sa pang-ekonomya at pampulitikang krisis na dinudulot ng administrasyong US-Marcos-Duterte.

Ang nagkakaisang puwersa ng masang estudyante, mga publikasyon, organisasyon, at mga pampulitikang partido, ay tumitindig laban sa hindi makaestudyante, palpak, at hindi sistematikong seremonya ng pagtatapos. Naninindigan ang mga nakalagda na higit dapat nating itaguyod ang pagbibigay ng pagkakataon para sa mga magsisipagtapos na maging pangunahing personahe ng pagtitipon at hindi bilang tagapakinig lamang ng pulitikong walang kinalaman sa kanilang tagumpay na makapagtapos at mairaos ang pangarap na diploma.

Sa ganitong kalagayan na lantaran tayong binabalewala ng ating administrasyon at gobyerno, malaki ang kahingian mula sa bawat magtatapos na BulSUan at mga iskolar ng bayan na gamitin ang nakuhang kaalaman upang magsilbi sa sambayanan hindi para sa iilang mayayaman at dayuhan. Ipagsilbi natin ang diploma upang ibayong palakasin ang hanay na tagapagtaguyod ng ating karapatan at kinabukasan.

Mula sa pagkadismaya sa palpak na sistema ng graduation na nakaugat sa hindi maayos na sistema ng edukasyon, pang-ekonomiya at pampulitikang krisis, ituon natin ito sa sama-samang paninindigan at pagkilos upang isulong ang isang makamasa, makabayan, at siyentipikong sistema ng edukasyon - para sa masa at hindi para sa pamumulitika.

14/06/2023

[MASS TRES UPDATE]

Following the global pandemic, the institution was obliged to employ an untested mode of learning. The University therefore establishes a number of regulations, which have been correctly submitted to and approved by the Executive Committee, Administrative Council, and Academic Council, for implementation for the Second Semester of the Academic Year 2019-2020.

The memo includes a specific clause about the grading system to be used, which stated: All currently enrolled students in all campuses of the University shall be given a grade of 3.0. Given this sudden modifications wrought by the guidelines tagged as the MASS TRES POLICY, grades from the aforementioned term has been sought to be excluded from the computation of grades for the Latin Honors. Abruptly, it has been reported this year that the grades obtained by the student during the said period will still be included in the overall grade calculation, which sparked enormous concerns from students seeking their Latin Honors.

In line with this, clarifications were made in the Board of Regents Referendum #14, series of 2023, Referendum Approving the Temporary Suspension of the Grade Criteria for Awarding Latin Honors for Students who were Affected during the 2nd Semester AY 2019 to 2020:

INSTEAD of suspending just the minimum grade requirement for students who obtained a 3.00 grade in the semester, this referendum IS TO SUSPEND the minimum grade requirement in all encompassing grades that is no lower than 3.00. In conclusion, regardless of what grade the student received that semester, thus will not be included for their computation to qualify for Latin Honors.

From the:
Office of the Board Secretary
Office of the University President
Office of the University Registrar

13/06/2023

Ang huling araw ng reservation ay hanggang Hunyo 17, 2023 lamang. Ang mga kwalipikado para sa main campus na hindi nakapunta sa kanilang iskedyul ng reserbasyon ay maaaring pumunta sa tanggapan ng Admission hanggang Hunyo 17, 2023 upang ireserba ang kanilang slot.

Maaaring magpareserba ang Qualifiers para sa External Campus ng kanilang slot sa External Campus Admission Office hanggang Hunyo 17, 2023 din.

Ang pagkabigong ireserba ang iyong slot sa tinukoy na petsa ay mangangahulugan ng kawalang-interes, at mawawalan ng pagkakataong makapasok sa unibersidad.

SOURCE: ADMISSIONS AND ORIENTATION SERVICES OFFICE

11/06/2023

[GRADUATION SPEAKERS; SATISFIED OR NOT?]

Sa darating na 82nd Commencement Exercise ay umani ng iba't ibang reaksyon ang mga mag-aaral patungkol sa panauhing pandangal. Karamihan dito ay nakaramdam ng pagkadismaya.

Ang pagiging estudyante ay hindi lamang limitado sa pagpapasa ng mga gawain at pagpasok sa paaralan. Bilang isang estudyante may karapatan din tayong maningil ng aksyon at serbisyong dapat para sa atin. Kaya bilang isang mag-aaral ng isang institusyon na kilala bilang "progressive" at nangunguna sa pananaliksik, dapat lang na bigyan tayo ng mga pangunahing tagapagsalita sa araw ng pagtatapos, na umaayon sa prinsipyo ng ating paaralan dahil katawa-tawang isipin kung ang mga imbitado ay namemeke ng credentials, hindi binibigyan ng pagpapahalaga ang iba't-ibang sektor ng mga manggagawa lalo na ang mga magsasaka, at sumasang-ayon sa panukalang-batas na hindi naman talaga para sa masa.

Hindi natin kailangang maging mahusay sa ating larangan o maging henyo para maging kritikal — dahil kahit estudyante ka o ano man ang 'yong estado sa buhay, trabaho natin na humingi ng kredibilidad sa ating mga inihalal at kumwestyon sa mga maling pamamalakad na sa progreso ng ating bansa'y maaaring maging sagabal.

Hindi ninyo na kami mabubusalan.

Kung ikaw ang tatanungin, ano ang magiging reaksyon mo patungkol sa bagay na ito?

09/06/2023

[UPDATE: EMERGENCY MEETING FOR THE GRADUATING STUDENTS OF REGULAR GRADUATION 2023]

Tingnan: Update patungkol sa nakaraang emergency meeting ng League of Class Mayors (LOCM), Supreme Student Council (SSC), at Administrasyon upang bigyang tugon ang mga suliranin sa paparating na araw ng pagtatapos.

Muling nananawagan ang Konseho ng Mag-aaral sa Administrasyon na i-rebisita at pag-usapan muli ang konsiderasyon, at hayaan ang lahat ng mga magsisipagtapos na magkaroon ng magulang sa pagpanik sa entablado at tanggapin ang tulong ng Konseho ng Mag-aaral sa pagsasaayos ng daloy ng programa at mismong pag-usher sa mga stakeholders at magulang nito.

Hiling sa administrasyon, maging maagap at dinggin ang boses ng masang estudyante. Maglabas ng MALINAW at PULIDO na graduation guidelines at flow upang maisakatuparan ang kaayusan ng programa.

07/06/2023

[GRADUATION SATISFACTORY SURVEY]

Sa papalapit na BulSU Graduation Ceremony, patuloy ang paghahanda ng bawat estudyanteng magsisipagtapos ngayong taong pampaaralan 2022-2023. Upang kumustahin, suriin, at kunin ang kanilang mga saloobin at suhestiyon, narito ang sarbey na inihanda SG Graduation Committee:

https://bit.ly/BulSUGraduationSatisfactorySurvey
https://bit.ly/BulSUGraduationSatisfactorySurvey
https://bit.ly/BulSUGraduationSatisfactorySurvey

Hinihikayat ang bawat estudyanteng magsisipagtapos na sarbey na ito, na siyang gagamiting datos ng Konseho upang paigtingin at patatagin ang ating panawagan tungo sa isang mas maayos, organisado, proaktibo at makaestudyanteng sistema ng seremonya.

Para sa karagdagang impormasyon, katanungan, o suhestyon ay maaring lumapit sa mga sumusunod:

Telephone number: (044) 796 3817
Facebook: https://www.facebook.com/BulSUStudentGov
E-mail: [email protected]
Twitter: bulsuknm