Hiraya Kolektib

11/05/2026

‎𝑲𝒖𝒎𝒂𝒕𝒉𝒂, 𝒃𝒊𝒈𝒚𝒂𝒏𝒈-𝒃𝒐𝒔𝒆𝒔 𝒂𝒏𝒈 𝒂𝒌𝒅𝒂 𝒂𝒕 𝒎𝒂𝒈-𝒊𝒘𝒂𝒏 𝒏𝒈 𝒊𝒔𝒂𝒏𝒈 𝒑𝒂𝒏𝒂𝒕𝒂. 📜✨
‎
‎Sa pagtitipon ng ating mga bunso sa ika-12 ng Mayo (Martes), magkakaroon ng espasyo sa pamantasan ang Hiraya Kolektib upang salubungin ng may ngiti ang mga bagong Katalista. Bukod dito, maaari ding mag-apply ang mga bagong iskolar ng bayan upang maging kasapi ng organisasyong nagpapayaman ng talento, naghahasa ng kakayahan, at nagkukuwento nang malikhain at inklusibo.
‎
‎Halina, lumikha at magpakita ng husay! Hihintayin ka namin, ka-Hiraya. Sama-sama tayong kakatha at lulubog sa sining na mapagpalaya.
‎
‎Takits! 😁
‎
‎
‎
‎

25/02/2026

NAGKAKAISANG PAHAYAG NG KOLEHIYO NG ARTE AT LITERATURA SA PAGPAPATULOY BILANG KATALISTA NG PAGBABAGO

Sa ngalan ng sining at katotoohanan - ang EDSA ay huwag kalimutan!

Minsan nang ninakawan ng kalayaan at demokrasya ang Inang Bayan ngunit dahil sa tapang at sigasig na ipinamalas noong EDSA People Power ay muli natin itong naibalik mula sa kamay ng diktador na si Marcos Sr.

Noong 1972, nang idineklara ang Batas Militar sa Pilipinas, agad na ipinasara ang mga estasyon at publikasyon na magsisiwalat sa mga kasinungalingan ng pasistang administrasyon, at sinugatan ang sinumang umaklas gamit ng kanilang pluma't papel na layong iparating ang kalayaan sa masang pinahihirapan.

At sa panahon natin ngayon, muling nagbabalik ang isang puwersang tinatangkang baguhin ang kasaysayan at esensiya ng pakikibaka na ibinandera sa lansangan ng mga lumaban sa rehimeng pasista at mapang-abuso.

Kaya naman ang buong Kolehiyo ng Arte at Literatura, ngayo'y buklod na nagtatambol na iparating na hindi pa tapos ang ating naging katagumpayan sa EDSA. Mula sa pagbrodkast ng mga panawagan sa Radio Veritas na nagtipon sa sambayanan sa mga lansangan noong 1986 ay ating ipagpapatuloy ang pagiging Katalista ng pagbabago para sa bayan at lipunan.

Sama-sama nating ipagpatuloy na bigyang liwanag at ihayag ang kasaysayang ipinaglaban ng mga peryodista at manlilikha ng sining sa ilalim ng mapaniil, karimarimarim, at marahas na diktatura. Patuloy nating supilin ang anumang tangka ng pagmamalabis sa kapangyarihan ng mga tao sa pamahalaan.

Buhay ang diwa ng EDSA sa KAL!

08/12/2025

𝗣𝗮𝗿𝘁 𝟮 | 𝗕𝗮𝗴𝘀𝗮𝗸𝗮𝗻 𝟮𝟬𝟮𝟱

08/12/2025

𝗛𝗶𝗻𝗮𝗶𝗻𝗴 | 𝗕𝗮𝗴𝘀𝗮𝗸𝗮𝗻 𝟮𝟬𝟮𝟱

Matagumpay na naikasa ng Hiraya Kolektib noong ika-5 ng Disyembre ang taunang programa ng organisasyon, ang Bagsakan.

Sa bawat tula at mga salitang binitawan, napatunayan nating may halaga ang hinaing, at sa ating pagsasama-sama noong Biyernes, ang ating hinaing ay naging sandata para magkaroon ng pagbabago.

Nagpapasalamat ang Hiraya Kolektib sa lahat ng dumaan, dumalo, at lumahok sa open mic. Para sa mas marami pang pagbabahagi ng sining!

Kita-kita tayo sa susunod na event!

01/12/2025

Galit ka na rin ba? E, Bagsakan na natin 'yan!

Nagdaan na ang finals at nagbigayan na ng grado. Marami pa nga yata ay may singko. ZBGS, aray ko!

Di bale, iba ang inihandang Bagsakan ng Hiraya. Sasamahan ka namin; pakikinggan at dadamhin ang hinaing ng bawat isa.

Tara, sabay-sabay tayong maglabas ng hinaing sa mga pader na hindi nakikinig at sa mga pilang walang dulo, at sabihin lahat ng hindi natin masabi-sabi sa loob ng bahay, sa klase, at maging sa trabaho.

Takits sa darating na Biyernes, ika-5 ng Disyembre, FH 208 mula 1 n.h hanggang 4 n.h.

Aasahan ka ng Hiraya at ng freedom wall namin, a!

01/12/2025

MAKI-KADWA NA PARA MAGING DIGITALINO! 🤝🎊

Handog ng Lokal na Konseho ng Mag-aaral ng Arte at Literatura ang dalawang proyektong magpapanday at maglilinang sa kakayahan ng mga mag-aaral ng kolehiyo, digital man o pisikal. Pagkakataon na rin upang yumabong ang koneksiyon ng bawat isa sa pamamagitan ng kolaborasyong gawain.

Magkita-kita tayo sa Miyerkules, ika-03 ng Disyembre, taong 2025 sa ganap na ika-08 ng umaga hanggang ika-12 ng tanghali para sa DIGITALINO, at ika-01 ng hapon hanggang ika-05 ng hapon para sa KADWA.

Aasahan namin ang inyong pagdalo, mga Katalista! ☘️✨

30/11/2025

Ngayong araw, ika-30 ng Nobyembre, ipinagdiriwang natin ang kapanganakan ng Ama ng Katipunan na si Andres Bonifacio.

Bagaman mas kilala para sa kanyang pamumuno sa Himagsikang Pilipino noong 1896, siya rin ay isang mahusay na manunulat at makata. Ang kanyang mga akda na “Pag-ibig sa Tinubuang Lupa,” “Katapusang Hibik ng Pilipinas,” at “Ang Dapat Mabatid ng mga Tagalog” ay pawang mga panawagan para sa pagkilos at paglaya.

At nakalulungkot isipin na magpahanggang ngayo’y napapanahon ang mga akdang ito. Hanggang ngayo’y alipin ang karaniwang Pilipino. Hanggang ngayon, ang yaman ng bayan ay pinagsasasaan ng iilan habang abala tayong kinakalaban ang isa’t isa.

Sa ganitong diwa, tulad noon at higit kailanman, atin dapat ngayong isabuhay ang mga aral mula sa panulat ni Bonifacio. Panahon na ngayon para sa pagkakaisa. At hindi pagkakaisa sa ilalim ng kung sinong nangangako nito kundi’y pagkakaisa sa ating mga sarili—nating mga karaniwang Pilipino.

Ngayon, hanggat umiiral ang inhustisya’t korapsyon sa Pilipinas, at ang katarunga’y nakabitin pa rin sa hangin habang nagtuturuan ang mga pinuno nating sila-sila ring dahilan ng ating pagdurusa, alalahanin natin ang mga salita ng Supremo:

“Itinuturo ng katwiran na huwag nating sayangin ang panahon sa pag-asa sa ipinangakong kaginhawaan na hindi darating at hindi mangyayari. Itinuturo ng katwiran ang tayo’y umasa sa ating sarili at huwag antayin sa iba ang ating kabuhayan. Itinuturo ng katwiran ang tayo’y magkaisang-loob, magkaisang-isip at akala, at nang tayo’y magkalakas na maihanap ang naghaharing kasamaan sa ating Bayan.” - Andres Bonifacio, Ang Dapat Mabatid ng mga Tagalog.

29/11/2025

BISPERAS: Mga Naihabing Gunita't Kuwentong Katalista ✨💚

Buhayin natin ang mga gunita ng nagdaang taon—mga karanasang humubog sa ating pagkatao, pagkamalikhain, at pagkamasining. Sa bawat makukulay na booth kasama ang bawat organisasyon, iba’t ibang talento, at masiglang pagtatanghal, sama-sama nating ipagdiwang ang mga kuwento at alaala ng bawat Katalista sa patuloy na pag-unlad.

Halina’t salubungin ang bagong yugto ng pagkatuto, paglikha, at paglinang ng isipan.

06/11/2025

Inihahandog ng AB Literatura: Malikhaing Pagsulat 3A ang apat na dulang hangad kumawala, mga piyesang nagpupumiglas sa tanikala, at nagsasalita sa lipunang madalas ay hindi nagpapalaya. Ito ang Teatro Maleta, sa ilalim ng kursong Dulaang Panteatro.

Makipaglaro sa dalawang batang maagang namulat sa lupit ng lipunan sa dulang kagyat na ‘Bato Bato Pik!’ sa panulat ni Kim Azan.

Mula naman sa dulo ng mahabang pila, salubungin ang dulang kagyat na ‘Selyo’ sa panulat ni Mhark Erolle Villasenor.

Pakinggan ang mga sigaw ni Selene sa apat na sulok ng dulang kagyat na ‘Puting Kuwarto’ ni Vivien Marian Rebolledo.

At tikman ang pait at hindi pantay na timpla ng buhay nina Mang Romy at Bobet sa dulang kagyat na ‘Naka-sachet’ sa panulat ni Carl Dion Tanglao.

Sa direksyon nina Janah Esguerra at Criscel Dela Pena.

Halina’t sama-sama nating buksan ang mga nakubling kwento sa loob ng Teatro Maleta! Ngayong huwebes, ika-6 ng Nobyembre sa bulwagang Federizo, Room 306, 11 n.u. hanggang 1 n.h.

22/10/2025

LUNOD IS OUT NOW!

Sa isyu ng katiwalian, mamamayan ang unang nababahala. Sa likod ng mga proyektong araw-araw tayong minumulto ay may boses ng panandaliang pangako at permanentemg pagkalunod.

Tubig. Pondo. Pangako.

Sino nga ba ang dapat na pagkatiwalaan kung ang mga binigyang kapangyarihan ay dawit din sa katiwalian? Sila’y nalulunod sa salapi ngunit tayo’y lunod na sa baha, pangako, at kanilang mga salita.

Narito ang link ng E-ZINE:
https://heyzine.com/flip-book/47dffc6129.html
https://heyzine.com/flip-book/47dffc6129.html
https://heyzine.com/flip-book/47dffc6129.html

22/10/2025