BulSU COED Local Student Council

BulSU COED Local Student Council Ito ang opisyal na pahina ng Lokal na Konseho ng Mag-aaral ng Kolehiyo ng Edukasyon.

MANANATILING BANAAG ANG TANGLAW NG MGA G**O NG BAYAN!Sa pagtatapos ng CPTED Day 2026, aming ikinagagalak na ipakilala an...
16/03/2026

MANANATILING BANAAG ANG TANGLAW NG MGA G**O NG BAYAN!

Sa pagtatapos ng CPTED Day 2026, aming ikinagagalak na ipakilala ang mga nanalo sa bawat aktibidad at kumpetisyon sa TANGLAW: Pag-alab at Pagpanday sa Bagong Sigwa ng Edukasyon.

Pagbati sa bawat estudyante at organisasyon na nagpakita ng kanilang kakayahan at kagalingan sa iba’t ibang larangan. Ipinakikita nito na ang bawat G**o ng Bayan ay may taglay na talino, dedikasyon, at malasakit sa patuloy na pagpanday ng kinabukasan ng edukasyon at ng sambayanan.




ISANG ARAW NG PAG-ALAB AT TAGUMPAY! 🔥🎉Isang araw na puno ng sigla, talento, at pagkakaisa—iyan ang naging mukha ng ating...
15/03/2026

ISANG ARAW NG PAG-ALAB AT TAGUMPAY! 🔥🎉

Isang araw na puno ng sigla, talento, at pagkakaisa—iyan ang naging mukha ng ating pagdiriwang ng CPTEd Day na may temang “TANGLAW: Pag-alab at Pagpanday sa Bagong Sigwa ng Edukasyon.”

Mula sa mga makabuluhang programa hanggang sa mga aktibidad na nagbigay-buhay sa diwa ng pagiging mga G**o ng Bayan, tunay na nagningas ang bawat sandali ng selebrasyong ito. Ang bawat ngiti, tagumpay, at alaala ay patunay ng dedikasyon at pagkakaisa ng buong College of Professional Teacher Education.

Taos-puso rin ang aming pasasalamat sa aming major sponsor, SQI Philippines, sa patuloy na pagsuporta sa mga gawaing naglalayong pagyamanin ang kaalaman at kakayahan ng mga mag-aaral.

Sa pagtatapos ng pagdiriwang na ito, bitbit natin ang mga aral, inspirasyon, at alab na magsisilbing tanglaw sa ating patuloy na paglalakbay bilang mga tagapaghatid ng liwanag ng edukasyon.

Ang apoy ng TANGLAW ay magpapatuloy.
Hanggang sa muli, CPTEd! 📖🔥



🔥 MGA SIMBOLISMONG MAGPAPAIGTING SA DIWA NG TANGLAW🔥Sa bawat apoy na nagliliyab ay may liwanag na nagbibigay-gabay. Gaya...
13/03/2026

🔥 MGA SIMBOLISMONG MAGPAPAIGTING SA DIWA NG TANGLAW🔥

Sa bawat apoy na nagliliyab ay may liwanag na nagbibigay-gabay. Gaya ng tanglaw sa gitna ng dilim, ang kaalaman at dedikasyon ng mga G**o ay nagsisilbing ilaw na tumutulong sa iba upang makita ang landas patungo sa mas maliwanag na kinabukasan.

Sa bawat pahina ng aklat na binubuklat, may mga aral na unti-unting humuhubog sa isip at puso ng bawat mag-aaral. Ito ang mga kaalamang nagsisilbing pundasyon ng karunungan—mga aral na hindi lamang natututuhan, kundi isinasabuhay.

At tulad ng isang daang patuloy na tinatahak, ang paglalakbay ng isang g**o ay hindi lamang tungkol sa pag-abot ng sariling pangarap. Ito ay tungkol sa paggabay sa iba, sa pagbibigay direksyon, at sa pagpanday ng mga susunod na henerasyon.

Mga G**o ng Bayan, sa nalalapit na CPTEd Day 2026, sama-sama nating kilalanin ang sagisag na kumakatawan sa ating adhikain at pagkakakilanlan bilang mga tagapaghatid ng liwanag ng edukasyon.

Ito ang TANGLAW: Pag-alab at Pagpanday sa Bagong Sigwa ng Edukasyon. Isang paalala na sa bawat hamon at pagbabago, patuloy na magliliyab ang ating layunin—ang magturo, maglingkod, at magbigay-liwanag sa kinabukasan.

Ihanda ang mga sarili. Sisiklab na ang TANGLAW! 📖🔥



1 DAY LEFT! 🔥Isang araw na lamang bago mag-alab ang TANGLAW—ang pagdiriwang ng diwa, husay, at dedikasyon ng mga mag-aar...
12/03/2026

1 DAY LEFT! 🔥

Isang araw na lamang bago mag-alab ang TANGLAW—ang pagdiriwang ng diwa, husay, at dedikasyon ng mga mag-aaral ng College of Professional Teacher Education.

Bilang mga hinaharap na g**o, dala natin ang liwanag ng kaalaman, ang apoy ng paglilingkod, at ang adhikaing magbigay-direksyon sa susunod na henerasyon. Sa pagdiriwang na ito, sama-sama nating sindihan ang apoy ng pagkakaisa, inspirasyon, at pagmamahal sa propesyon ng pagtuturo.

Humanda—sapagkat bukas ay sisiklab ang TANGLAW. 🔥



DALOY NG PROGRAMA PARA SA TANGLAW 2026 📖🔥Handa na ba ang mga G**o ng Bayan?Narito na ang opisyal na Program Flow ng atin...
12/03/2026

DALOY NG PROGRAMA PARA SA TANGLAW 2026 📖🔥

Handa na ba ang mga G**o ng Bayan?

Narito na ang opisyal na Program Flow ng ating inaabangang CPTEd Day—isang araw na puno ng pagdiriwang, pagkakaisa, at pagpapakita ng natatanging kakayahan ng bawat mag-aaral ng College of Professional Teacher Education.

Mula sa mga makabuluhang gawain hanggang sa mga kapanapanabik na aktibidad, bawat bahagi ng programang ito ay idinisenyo upang pagningasin ang diwa ng pagkatuto, pagkamalikhain, at pagkakaisa ng ating kolehiyo.

📌 Tingnan ang buong programa at ihanda ang sarili sa isang selebrasyong puno ng inspirasyon at sigla.

Humanda— ang ningas ng TANGLAW ay magsisimula nang mag-ALAB! 🔥




MAKIISA SA NAG-AALAB NA APOY NG TANGLAW!Caption:_________________________________________________________NARITO NA ANG L...
11/03/2026

MAKIISA SA NAG-AALAB NA APOY NG TANGLAW!

Caption:
_________________________________________________________

NARITO NA ANG LIWANAG NA HANDANG MAGNINGAS AT SUMIKLAB! 📖🔥

Sa bawat pangarap na hinuhubog at sa bawat kaalamang pinagyayabong, patuloy na sumisiklab ang diwa ng mga G**o ng Bayan—mga tagapagdala ng liwanag na gagabay sa susunod na henerasyon.

Ako si [Pangalan], mula sa [Organisasyon], at buong pagmamalaking nakikiisa sa pagdiriwang ng CPTEd Day 2026 na may temang “TANGLAW: Pag-alab at Pagpanday sa Bagong Sigwa ng Edukasyon.”

Taglay ang diwa ng Kolehiyo ng Pampropesyunal na G**ong Edukasyon, handa akong magbigay-liwanag, magpanday ng kaalaman, at maging bahagi ng bagong sigwa ng edukasyon

Ang liwanag ay nasa ating mga kamay.

🔗 https://twb.nz/tanglaw2026
🔗 https://twb.nz/tanglaw2026
🔗 https://twb.nz/tanglaw2026

Humanda—mag-aalab na ang TANGLAW. 🔥




MGA AKTIBIDAD AT ALITUNTUNIN PARA SA TANGLAW 2026 Bilang paghahanda sa CPTED Day 2026, narito ang opisyal na mga aktibid...
10/03/2026

MGA AKTIBIDAD AT ALITUNTUNIN PARA SA TANGLAW 2026

Bilang paghahanda sa CPTED Day 2026, narito ang opisyal na mga aktibidad at panuntunan para sa mga patimpalak na gaganapin sa ating programa.

Inaanyayahan ang lahat na basahin, sundin, at gawing gabay ang mga patakarang ito upang maging maayos at matagumpay ang inyong pakikilahok. Sama-sama nating ipamalas ang kahusayan at dedikasyon ng bawat g**o bilang tunay na TANGLAW ng edukasyon! 📖🔥

Ihanda ang mga sarili. Sisiklab na ang TANGLAW! 📖🔥



ABANTE, BABAE! 💜Ngayong ika-8 ng Marso ay ating ginugunita ang International Women’s Day bilang pagkilala sa mahalagang ...
08/03/2026

ABANTE, BABAE! 💜

Ngayong ika-8 ng Marso ay ating ginugunita ang International Women’s Day bilang pagkilala sa mahalagang papel, lakas, at kakayahan ng mga kababaihan sa lipunan.

Lubos na ipinagmamalaki ng College of Professional Teacher Education ang kahusayan at dedikasyon ng bawat kababaihan—sa larangan man ng akademiko, paglilingkod sa komunidad, sining, isports, pamamahayag, at sa iba’t ibang anyo ng talento at talinong patuloy na nagbibigay inspirasyon sa marami.

Ang bawat kababaihan ay simbolo ng tapang, talino, at malasakit. Patuloy nating itaguyod ang pagkakapantay-pantay, paggalang, at pagbibigay-puwang sa kanilang tinig, kakayahan, at pangarap.

Mabuhay ang kababaihan! Abante, babae! ✊💜


Ang BulSU CPTED Local Student Council ay buong pagpapakumbabang lumalapit sa inyong mga ginintuang puso upang humiling n...
08/03/2026

Ang BulSU CPTED Local Student Council ay buong pagpapakumbabang lumalapit sa inyong mga ginintuang puso upang humiling ng tulong pinansiyal para sa tatay ng ating kapwa mag-aaral na si Jusmine M. Parale mula sa BSEd 4C – Mathematics, na si Domingo Parale Jr., na kasalukuyang dumaranas ng Microbial Keratitis (impeksyon sa cornea).

Sa kasalukuyan, nangangailangan siya ng agarang gamutan at patuloy na medikal na pangangalaga. Ang anumang tulong pinansiyal ay malaking ginhawa upang makatulong sa gastusin para sa kanyang pagpapagamot at paggaling.

Sa mga sandaling ito, ang anumang halaga—maliit man o malaki—ay malaking tulong na para sa kanilang pamilya. Hinihiling din po namin ang inyong mga panalangin para sa kanyang mabilis na paggaling.

Maaaring magpadala ng cash donation sa GCash account na ito:
JUSMINE M. PARALE
0921 364 7180

Good luck, mga susunod na G**o ng Bayan! 🚀Sa araw ng Admission Test of Bulacan State University (ATBulSU), ang College o...
28/02/2026

Good luck, mga susunod na G**o ng Bayan! 🚀

Sa araw ng Admission Test of Bulacan State University (ATBulSU), ang College of Professional Teacher Education Local Student Council (CPTED–LSC) ay buong pusong bumabati at naghahangad ng tagumpay sa bawat isa sa inyo. Nawa’y maging matatag ang inyong loob, malinaw ang inyong isipan, at puno ng tiwala ang inyong puso sa pagharap sa pagsusulit na ito.

Ang pagiging g**o ay hindi lamang isang propesyon; ito ay isang bokasyon na nangangailangan ng malasakit, sakripisyo, at tunay na dedikasyon. Ito ay pagtahak sa landas na may kaakibat na responsibilidad na humubog ng isipan, maglinang ng kakayahan, at magbigay-inspirasyon sa susunod na henerasyon. Kinakailangan nito ang pusong nag-aalab sa paglilingkod, diwang mapanuri at makabago, at dangal na hindi matitinag sa gitna ng anumang hamon.

Kaya naman, ngayong ATBulSU, nawa’y sumiklab ang inyong ilaw at magsilbing TANGLAW tungo sa isang maalab na paglalakbay na magpapanday sa inyo bilang mga g**ong handang lumaban para sa patas, inklusibo, at dekalidad na edukasyon.

Padayon, mga magiging G**o ng Bayan! 🌟



Address

Malolos
3000

Opening Hours

Monday 8am - 8pm
Tuesday 8am - 8pm
Wednesday 8am - 8pm
Thursday 8am - 8pm
Friday 8am - 8pm
Saturday 8am - 8pm

Website

Alerts

Be the first to know and let us send you an email when BulSU COED Local Student Council posts news and promotions. Your email address will not be used for any other purpose, and you can unsubscribe at any time.

Contact The University

Send a message to BulSU COED Local Student Council:

Shortcuts

Share

Category