Ang Pamanang Alab

Ang Pamanang Alab Contact information, map and directions, contact form, opening hours, services, ratings, photos, videos and announcements from Ang Pamanang Alab, College & University, Brgy. Guinhawa, Malolos.

"PALAYAIN ANG AKING NANAY" Binasa ni Aila Mae Bermejo ang isang kuwento na Palayain ang aking Nanay na tumatalakay sa mg...
17/03/2026

"PALAYAIN ANG AKING NANAY"

Binasa ni Aila Mae Bermejo ang isang kuwento na Palayain ang aking Nanay na tumatalakay sa mga inang bilanggong politikal sa bansa.

TULA-AWITPagtatanghal ng ilang piling mag-aaral ng BA Malikhaing Pagsulat ng isang tula tungkol sa mga manggagawa sa sal...
17/03/2026

TULA-AWIT

Pagtatanghal ng ilang piling mag-aaral ng BA Malikhaing Pagsulat ng isang tula tungkol sa mga manggagawa sa salin ng awitin ng pamanang alab.

Tagumpay na naidaos Ang Pamanang Alab 2026 noong Huwebes, ika-12 ng Pebrero, na may temang Paghahayuma: Mga Hibla ng Ana...
16/03/2026

Tagumpay na naidaos Ang Pamanang Alab 2026 noong Huwebes, ika-12 ng Pebrero, na may temang Paghahayuma: Mga Hibla ng Anak Pawis bilang pagkilala sa Paghahayuma, ang sining ng paghahabi at pagkukumpuni ng lambat sa Hagonoy na nagsilbing makapangyarihang talinghaga ng buhay, at ang pakikibaka ng mga Anak-Pawis ng Bulakan, Bulacan.

Nakiisa sa programa ang mga espesyal na panauhin na pinangunahan ni G. Jerry Gracio, kasama si Ma. Cristina V. Rodriguez, Executive Director ng Bantayog ng mga Bayani, at mga kapamilya ni Francisco “Soc” Rodrigo. Binigyang-diin ni G. Gracio ang papel ng panitikan, hindi lamang upang itala ang kasaysayan, bagkus ay maging kasangkapan sa pagbabago ng lipunan. Itinuturol na ang pagkamuhi ay pagkamuhi lamang kung walang direksiyon at sa talakayan, ang patutunguhang tinutukoy ay ang panulat at pagsusulat. Inilahad rin niya ang kahalagahan ng pagsulat ng sariling danas, lalong higit ang danas ng mga nasa laylayan na pagtitibayin ng pakikihalubilo at pakikipamuhay sa kanila. At panghuli, naging laman ng malayang talakayan ang pagtitimon ng sariling kinabukasan at pagtahak ng landas kung saan ka may kahusayan hanggang sa pananatiling gising sa mga panahong lumalabong muli at nagiging marahas ang kasaysayan at tumatawag ang silbi ng panulat.

Naging bahagi rin ng programa ang pagpapalabas ng video animation na itinatampok ang buhay at pakikibaka ni Francisco “Soc” Rodrigo bilang manunulat at ama sa panahon ng Batas Militar. Ang nasabing video animation ay bunga ng naging pananaliksik ng Departamento ng Wika, Panitikan at Araling Pilipino upang magsilbing module sa pagtuturo ng panitikan at kulturang popular. Nagpaabot din ng mensahe ang anak ni Soc na si Atty. Ramon “King” Rodrigo na nagbabalik-tanaw sa kaniyang danas ng pakikibaka kapiling ang kanyang ama.

Gayundin, ipinamalas ng mga mag-aaral mula sa BA: Malikhaing Pagsulat ang kanilang husay at talento sa masining na pagbasa at pag-awit ng mga piling akdang humahayuma sa danas ng mga anak-pawis, na lalo pang pinag-alab ng kultural na pagtatanghal mula sa Lahing Kayumanggi Dance Group.

Sa diwa ng panitikan at pakikibaka, kinikilala ng Pamanang Alab ang mahalagang papel ng mga manunulat sa pagsasatinig ng mga hinaing at maging pagpupunyagi ng bayan. Tulad ng paghahabi ng lambat, ang panitikan ay hibla na nagdurugtong-dugtong sa mga karanasan, katotohanan, at paglaban ng noon at ngayong henerasyon.

Hanggang sa mga susunod pang Pamanang Alab! ❤️🔥

11/03/2026

TARA NA SA PAMANANG ALAB!

PABATID SA LAHATPinababatid namin ang pagbabago sa benyu ng ANG PAMANANG ALAB SA PANITIKAN AT BAYAN 2026 bukas, Huwebes,...
11/03/2026

PABATID SA LAHAT

Pinababatid namin ang pagbabago sa benyu ng ANG PAMANANG ALAB SA PANITIKAN AT BAYAN 2026 bukas, Huwebes, 1 n.h hanggang 5 n.h sa BulSU E-Library 7th Floor, Function Hall.

Kita-kits, mga Ka-Alab!

Pamanang Alab na bukas! Samahan ninyo kami bukas sa isang maalab na hapon ng paghahayuma ng mga danas at pagbalikwas ng ...
11/03/2026

Pamanang Alab na bukas!

Samahan ninyo kami bukas sa isang maalab na hapon ng paghahayuma ng mga danas at pagbalikwas ng mga anakpawis.

Takits!

2 IMPORTANT 2 BE FORGOTTEN! Dalawang araw na lang at Pamanang Alab na! Mag-aalab na muli ang pamanang iniwan sa atin. Ta...
10/03/2026

2 IMPORTANT 2 BE FORGOTTEN!

Dalawang araw na lang at Pamanang Alab na! Mag-aalab na muli ang pamanang iniwan sa atin.

Takits!

Pagbilang ng tatlo, naka-ready na kayo!Tatlong araw na lang at Pamanang Alab na. Samahan si Sir Jerry Gracio, sa paghaha...
09/03/2026

Pagbilang ng tatlo, naka-ready na kayo!

Tatlong araw na lang at Pamanang Alab na. Samahan si Sir Jerry Gracio, sa paghahayuma ng bawat hibla ng karanasan at pakikibaka ng mga anakpawis sa darating na Huwebes.

Kita-kits!

Heto na siya!Malugod naming ipinakikilala ang premyadong manunulat na si Sir Jerry B. Grácio, na panauhing tagapagsalita...
09/03/2026

Heto na siya!

Malugod naming ipinakikilala ang premyadong manunulat na si Sir Jerry B. Grácio, na panauhing tagapagsalita para sa nalalapit na pagdiriwang ng PAMANANANG ALAB SA PANITIKAN AT BAYAN 2026 na may temang PAGHAHAYUMA: MGA HIBLA NG ANAK PAWIS.

Taos-pusong kinikilala ang kaniyang nag-aalab na adbokasiya sa karapatan ng mga manggagawa at pagpapaliyab ng talab at diwa ng panitikan sa bayan mula sa kaniyang sigasig sa pagsulat ng dulang pampelikula, iskrip pantelebisyon, maikling kuwento, sanaysay, at tula.

Nagkamit siya ng Palanca Awards para sa kaniyang maikling kuwentong Isda at koleksiyon ng tulang Sinaunang Pag-ibig sa Apoy; National Book Awards para sa kaniyang mga aklat na Apokritos at Aves. Nagwagi rin ng Best Screenplay sa FAMAS ang pelikula niyang Balangiga: Howling Wilderness. Ginawaran din siya ng Southeast Asia (SEAWrite) Award sa Bangkok, Gawad Likhaan, Centennial Literary Prize sa Unibersidad ng Pilipinas, at Gawad Parangal, Most Outstanding Citizen of CAMANAVA sa Pamantasan ng Silangan.

Ilan sa kaniyang mga akda ay: An Ditoy nga Prinsipe (2024), Lanat (2024) sa wikang Waray, Biyahe at Mga Impresyon at Tala (1996) sa wikang Filipino. Ilan sa kaniyang mga screenplay ay: Shake, Rattle & Roll 13 (2011), Corazon (2012), Mga Batang Poz (2020), at A Soldier’s Heart (2020).

Kasalukuyan siyang Editor-at-Large sa Paraluman imprint, Vibal Group of Companies, Senior Writer ng ABS-CBN, at Secretary General ng Kapamilya ng Manggagawang Pilipino.
Halina't makinig sa kaniyang lektura na maghahayuma sa bawat hibla ng karanasan at pakikibaka ng mga anakpawis ngayong ika-12 ng Marso 2026.

Huwag sayangin ang pagkakataon. Magpunta at manood ng ANG PAMANANG ALAB SA PANITIKAN AT BAYAN 2026 ngayong darating na Huwebes, 1 n.h hanggang 5 n.h sa BulSU E-Library 7th floor Amphitheater.

Kita-kits, mga Ka-Alab!

Address

Brgy. Guinhawa
Malolos
3000

Website

Alerts

Be the first to know and let us send you an email when Ang Pamanang Alab posts news and promotions. Your email address will not be used for any other purpose, and you can unsubscribe at any time.

Shortcuts

Share

Category