26/09/2025
Bago ninyo paghiwalayin ang Tau Gamma Phi Triskelions' Grand Fraternity, mas mabuti sigurong alamin muna ang tunay na founding fathers at mga founders na nagtatag ng TAU GAMMA PHI Fraternity sa UP Diliman Mother Chapter noong October 4, 1968.
Karaniwan, ang kilala lang ay anim (6) na founding fathers. Pero sa larawang ito makikita ang buong listahan ng mga unang UP Triskelions. Sila ang unang dumaan sa proseso ng Bigayan o Initiation Procedure — na ngayon ay tinatawag na S.I.P. (Standard Initiation Procedure). Kasama sila sa mga nagtatag ng Tau Gamma Phi Triskelions' Grand Fraternity at unang yumakap sa Triskelion Tenets and Code of Conduct.
Noong 1968 hanggang dekada ‘90s, walang naitalang namatay sa initiation procedure ng kapatiran. Ngunit pagdating ng 2000s, nagkaroon ng Tau Gamma Phi National Constitution. Isa sa mga delegado rito ay si Founder Brod Jun Flor mula sa UP Diliman Chapter. Ang bagong NEC (National Executive Council) na ito ay sinang-ayunan ng apat (4) na founding fathers.
Subalit, nang magkaroon ng hindi pagkakasundo sa posisyon, nahati ang council. Ang ilang brods ay humiwalay at nagtatag ng Triskelion Global Coordinating Council (TGCC) na ngayon ay TGP GLOBAL at bagong Metro Manila Regional Council (MMRC) na tumapat sa unang TGP MMRC at TGP National Executive Council.
Nagkaroon ng muling pagkakaisa noong October 4, 2012 sa “Circle.” Ngunit matapos ang ika-50 taon (Golden Anniversary) ng Tau Gamma Phi noong October 4, 2018, nagkaroon ulit ng bagong TGP Global Constitution. Muli ring nagkahati, nagkaroon ng TGP Global, at nagulo ang orientation ng bawat chapter.
Dahil dito, napabayaan ang tunay na diwa ng kapatiran — ang pagtutulungan, pagkakaisa, at pagbibigayan. Mas lumala ang Bigayan at dumami ang kaso ng namamatay dahil sa kakulangan ng orientation sa tamang proseso ng initiation, Kaya tanungin mo ang sarili mo: Triskelion ka ba, o TGP Global?
Mahalaga na sa bawat orientation ng inyong mga chapter — school-based man o community-based — laging isinasama kung sino talaga ang mga founding fathers at founders ng UP Diliman Triskelions, at gabayan ang mga chapter sa tamang proseso at makataong S.I.P. o Standard Initiation Procedure.
---
Tungkol sa “15 Founders”
Kamakailan, may lumabas na tanong tungkol sa “15 Founders” na binanggit ni Founder Brod Jun Flor (UP).
Ayon sa aking research, ang tinutukoy na 15 Founders ay binubuo ng anim (6) na Founding Fathers (Brod Roy Ordinario, Brod Rod Confesor, Brod Talek Pablo, at ang UP-suspended na si Brod Tito Venida, kasama sina Brod Resty Alfonso at Brod Romy Fortes na hindi kinilala kalaunan) plus siyam (9) na Brods mula sa Founders Batch.
Kung pagsasamahin, 6 + 9 = 15 Founders. Kaya tinawag na “15 Founders.”
Kinumpirma ito ni Brod Jun Rodriguez at mismo ni Dr. Alfred Fajayan (isa ring Founder) na noong panahon iyon, lahat sila ay tinuturing na Founders. Kaya sila mismo ay nagulat nang biglang may “4 Founding Fathers” na lang.
Kung pagbabatayan ang testimonya ng mga aktwal na naroroon noong 1968, dapat kilalanin na 6 ang Founding Fathers, at dapat isama sina Brod Resty Alfonso at Brod Romy Fortes dahil sila ay tumulong sa pagdidisenyo ng Seal at sa pagbubuo ng Tenets at Code of Conduct.
Ang kasaysayan ng Tau Gamma Phi ay dapat manatiling tumpak at sistematiko. Ang pagbago rito dahil sa maling impormasyon o pansariling motibo ay hindi dapat palampasin.
Nakakalungkot isipin na mula 6, naging 4, at ngayon ay 3 na lang ang kinikilala. Ano ang batayan para sa ganitong pagbabago? Ito ay dapat maitama.
No to division!
(Para sa karagdagang katanungan, makipag-ugnayan lamang sa mga mismong naroroon noong 1968. Hindi na ako sasagot pa sa dagdag na inquiry.)
LONG LIVE Triskelions' Grand Fraternity!
CTTO: Brod. Teddy Agoncillo Mogol
Photo credits: Brod. Roy Ross Esguerra
