𝗕𝗙𝗘 𝗣𝗢𝗥𝗣𝗢𝗥 - 𝙍𝙚𝙋𝙊𝙍𝙨𝙖𝙙𝙤

31/10/2025

𝗜𝗦𝗔𝗡𝗚 𝗠𝗔𝗞𝗨𝗟𝗔𝗬 𝗔𝗧 𝗠𝗔𝗟𝗨𝗚𝗢𝗗 𝗡𝗔 𝗣𝗔𝗚𝗕𝗔𝗧𝗜 𝗡𝗚 𝗞𝗔𝗔𝗥𝗔𝗪𝗔𝗡, 𝗞𝗔-𝗟𝗜𝗣𝗜! 🥳🎂

Sa mga kasapi ng 𝐿𝑖𝑝𝑖𝑛𝑔 𝑅𝑒𝑃𝑂𝑅𝑠𝑎𝑑𝑜 na ipinagdiriwang ang kanilang kaarawan ngayong mga buwan ng Setyembre at Oktubre, kami ay taos-pusong bumabati sa inyo!

Nawa'y maging mas makulay at mas makabuluhan ang bagong simula sa inyong buhay. Sa patuloy ninyong pag-unlad at pagtupad sa mga mithiin, maging gabay sana ninyo ang liwanag ng pag-asa gaya ng sulo ni Inang Pamantasan na patuloy na nagbibigay liwanag, aral, at inspirasyon sa bawat hakbang ng ating paglalakbay.

Kasama ng buong 𝗕𝗙𝗘 𝗣𝗢𝗥𝗣𝗢𝗥 𝐿𝑖𝑝𝑖𝑛𝑔 𝑅𝑒𝑃𝑂𝑅𝑠𝑎𝑑𝑜, kami ay saksi sa inyong pag-unlad at taos-pusong nakikiisa sa inyong pagdiriwang. Muli, maligayang kaarawan sa inyong lahat!

Mabuhay ang mga pusong matatag at patuloy na lumalaban mula sa 𝐿𝑖𝑝𝑖𝑛𝑔 𝑅𝑒𝑃𝑂𝑅𝑠𝑎𝑑𝑜! ✨🥳

31/10/2025

𝗔𝗡𝗚 𝗚𝗨𝗥𝗢 𝗡𝗚 𝗪𝗜𝗞𝗔 𝗔𝗧 𝗣𝗔𝗡𝗜𝗧𝗜𝗞𝗔𝗡 𝗔𝗬 𝗣𝗔𝗧𝗨𝗟𝗢𝗬 𝗡𝗔 𝗟𝗨𝗠𝗔𝗟𝗔𝗕𝗔𝗡 𝗣𝗔𝗥𝗔 𝗦𝗔 𝗕𝗔𝗟𝗔𝗡𝗦𝗘𝗡𝗚 𝗚𝗔𝗪𝗔𝗜𝗡𝗚 𝗣𝗔𝗡𝗚-𝗔𝗞𝗔𝗗𝗘𝗠𝗜𝗞𝗢 𝗔𝗧 𝗠𝗔𝗞𝗔𝗠𝗔𝗦𝗔𝗡𝗚 𝗣𝗔𝗚𝗞𝗔𝗧𝗨𝗧𝗢
Sa patuloy na paghubog sa mga g**o ng wika at panitikan, mahalagang marinig at maunawaan ang karanasan ng mga mag-aaral at g**o—ang kanilang mga tagumpay, hamon, at pananaw hinggil sa kalidad ng pagkatuto.
Noong Agosto 22 at Setyembre 17, 2025, isinagawa ang Focused Group Discussions (FGD) kasama ang ilang mga kinatawang mag-aaral ng Faculty of Languages and Literature (FLL) mula sa BSED English, BSED Filipino, BEE, at BFE, kasama rin ang mga Program-Based Organization (PBO) na KADIPAN at TEC. Layunin nitong mailarawan ang mga karanasan sa gawaing pang-akademiko at matukoy ang mga paraan upang mapaunlad ang sistema ng pagtuturo, pagtatasa, at pangangalaga sa kapakanan ng mga mag-aaral.
Mula sa talakayang ito ay binuo ang Framework of Demands, na sumasaklaw sa mga tema ng bigat ng gawain, balanseng academic load, konsiderasyon sa kalagayang pinansyal, at mas maayos na paggamit ng mga pasilidad sa pamantasan. Isa itong panawagan para sa patuloy na pagrepaso at pagpapaunlad ng mga umiiral na sistema sa loob ng FLL, tungo sa mas makatao, makatarungan, at makabuluhang edukasyon.
Sa diwa ng pagkakaisa at malasakit, nananawagan ang mga mag-aaral ng FLL sa pamantasan at mga g**o na manatiling bukas sa diyalogo at makinig sa tinig ng mga mag-aaral. Ang paghubog sa mga g**o ng wika at panitikan ay paglinang din sa mga g**ong may kamalayan, may malasakit, at naninindigang ang wika at panitikan ay mapagpalaya, sagisag ng edukasyong makatao at makatarungan.

05/10/2025

𝗛𝗜𝗚𝗜𝗧 𝗦𝗔 𝗣𝗔𝗚𝗧𝗨𝗧𝗨𝗥𝗢, 𝗔𝗡𝗚 𝗚𝗨𝗥𝗢'𝗬 𝗣𝗔𝗚-𝗔𝗦𝗔 𝗡𝗚 𝗠𝗚𝗔 𝗣𝗔𝗚-𝗔𝗦𝗔 𝗡𝗚 𝗕𝗔𝗬𝗔𝗡! 👨‍🏫

Ang 𝐿𝑖𝑝𝑖𝑛𝑔 𝑅𝑒𝑃𝑂𝑅𝑠𝑎𝑑𝑜 ay buong-puso at tapang na pinagpupugayan ngayong araw ang mga g**ong nagsilbing tanglaw sa landasin ng pagkatuto ng bawat mag-aaral.

At sa mas lalo pang pagtindig upang makamtan ang para sa ati'y nararapat, patuloy tayong lalaban sa loob at labas man ng silid-aralan upang ang pag-asa ay mananatili para sa mga pag-asa ng bayan!

Maligayang Pandaigdigang Araw ng mga G**o! 👨‍🏫✨

**o

24/09/2025

𝗣𝗮𝗵𝗮𝘆𝗮𝗴 𝗻𝗴 𝗕𝗙𝗘 𝗜𝗩-4 𝗟𝗶𝗽𝗶𝗻𝗴 𝗥𝗲𝗣𝗢𝗥𝘀𝗮𝗱𝗼 𝗵𝗶𝗻𝗴𝗴𝗶𝗹 𝘀𝗮 𝗵𝗶𝗻𝗱𝗶 𝗺𝗮𝗸𝗮𝘁𝗮𝗿𝘂𝗻𝗴𝗮𝗻𝗴 𝗽𝗮𝗴-𝗮𝗿𝗲𝘀𝘁𝗼 𝗮𝘁 𝗽𝗮𝗴𝗱𝗲𝘁𝗲𝗻𝗶 𝘀𝗮 𝗺𝗴𝗮 𝗥𝗮𝗹𝗶𝘆𝗶𝘀𝘁𝗮 𝗮𝘁 𝗠𝗮𝗴-𝗮𝗮𝗿𝗮𝗹 𝗻𝗴 𝗣𝗡𝗨

Mariing kinukondena ng BFE IV-4 Liping RePORsado ang ilegal na pagdakip ng kapulisan sa mahigit isang daang indibiduwal, kabilang ang isang mag-aaral mula sa Pamantasang Normal ng Pilipinas – Maynila (PNU), noong ika-21 ng Setyembre sa Ayala, San Marcelino Street.

Ang mga kilos-protesta sa Luneta at Mendiola noong nakaraang Linggo ay malinaw na pagpapakita ng demokratikong karapatan ng mamamayan na ipahayag ang kanilang saloobin sa tumitinding mga isyu ng korapsyon sa bansa. Ngunit sa halip na igalang at bigyang-proteksiyon, sinagot ito ng marahas na pananakit at arbitraryong pag-aresto ng kapulisan sa iba’t ibang hanay ng mga kilusan at mobilisasyon nang araw na iyon.

Ang walang-batayang pagdakip sa isang PNUan ay isang malinaw na manipestasyon ng mapang-abusong paggamit ng kapangyarihan ng kapulisan upang kontrolin ang mga mamamayan. Ang karaniwang mamamayang nagsusumikap nang marangal at walang kalaban-laban ay madaling ipinapailalim sa dahas at panunupil, nang hindi man lamang naririnig ang kanilang panig. Ang hindi pagbibigay ng pagkakataon na marinig ang tinig ng isang mag-aaral na naglalakad lamang sa Ayala Blvd. na nagnanais pumunta sa Divisoria upang mamili para sa kaniyang paninda ay nagbunga ng hindi kanais-nais na karanasan at nagsilbing patunay sa maling pamamalakad ng mga nasa kapangyarihan sa ating bansa.

Hindi ito isang simpleng insidente lamang. Isa itong salamin ng mas malalim na krisis ng ating lipunan. Ang militarisasyon ng mga pampublikong espasyo, kung saan ang mga lansangan na dapat bukas sa malayang talakayan ay ginagawang lugar ng panunupil. Ang pagbalewala sa kapangyarihan ng mamamayan bilang haligi sana ng demokrasya. At ang pagpapalakas sa interes lamang iilan at mga tiwali habang patuloy na ibinabaon sa kahirapan ang masang Pilipino.

Hanggang kailan tayo mananatiling bulag at bingi sa mga lantad at garapalang pang-aabuso ng ilang kasapi ng kapulisan at tiwaling opisyal ng pamahalaan? Kung walang magbubunyag, titindig, at lalaban, patuloy lamang na mamamayagpag ang sistemang nagpapayaman sa iilan habang ibinabaon sa kahirapan ang nakararami.

Hindi kailanman magiging tama ang pananahimik sa harap ng pagsikil sa karapatan ng mamamayan. Ang ganitong uri ng panunupil at panlilinlang ay dapat buwagin, hindi sa marahas na paraan, kundi sa matatag na pagtindig at sama-samang pagbibigay-boses para sa katarungan at bayan.

Sa ngalan ng katarungan at tunay na pag-iral ng karapatang pantao, nananawagan ang BFE IV-4 Liping RePORsado sa agarang pagpapalaya ng aming kapuwa PNUan na walang kasalanan ngunit marahas na dinakip at inaresto, gayundin sa iba pang naging sangkot sa mapanlinlang na taktikang ito upang ilihis ang tunay na suliranin kinahaharap ng bansa sa ngayon. Ang aming pangkat ay naninindigan na ang ganitong mga porma ng kawalang-katarungan ay hindi dapat ipagsawalang-bahala. Itigil na ang kultura ng pananakot at red-tagging na sistematikong ginagamit laban sa hanay ng estudyante, g**o, manggagawa, at iba pang sektor na nagsusulong ng kanilang mga karapatan.
Manatili tayong mapagmatyag. Tumindig laban sa panunupil. Palakasin ang ating boses laban sa panlilinlang at korapsyon. Sama-sama nating isulong ang katarungan at tunay na kalayaan para sa sambayanan.

𝗧𝘂𝗺𝗶𝗻𝗱𝗶𝗴 𝗽𝗮𝗿𝗮 𝘀𝗮 𝗸𝗮𝘁𝗮𝗿𝘂𝗻𝗴𝗮𝗻.
𝗧𝘂𝗺𝗶𝗻𝗱𝗶𝗴 𝗽𝗮𝗿𝗮 𝘀𝗮 𝗸𝗮𝗽𝘄𝗮 𝗮𝘁 𝗯𝗮𝘆𝗮𝗻.

05/09/2025

𝗔𝗻𝗴 𝗠𝗮𝗴𝗶𝗻𝗴 𝗚𝘂𝗿𝗼 𝘀𝗮 𝗙𝗶𝗹𝗶𝗽𝗶𝗻𝗼 𝗮𝘆 𝗛𝗶𝗻𝗱𝗶 𝗜𝘀𝗮𝗻𝗴 𝗕𝗶𝗿𝗼 | 𝘽𝙪𝙬𝙖𝙣 𝙣𝙜 𝙢𝙜𝙖 𝙂𝙪𝙧𝙤 2025

Ang pagiging g**o sa Filipino ay hindi biro. Kaakibat nito ang napakalaking pananagutan sa paghubog ng isipan, pagkatao, at kinabukasan ng kabataang Pilipino. Higit pa sa simpleng pagtuturo, ang g**o sa larangang ito ay nagsisilbing gabay tungo sa kaalaman, tagapag-ingat ng kultura't kasaysayan, at tagapagsulong ng wikang Filipino bilang pundasyon ng pambansang pagkakakilanlan. Ngunit sa kabila ng kanilang walang sawang paglilingkod at mga sakripisyo, madalas pa rin silang nababalot sa siklo ng kakulangan at pangmamaliit mula sa mismong lipunang kanilang pinaglilingkuran.

Ngayong 2025, nananatiling dagok at matinding pasan sa likod ang bigat ng mga hamon at kawalang-katarungan kanilang dinadala. Mababang sahod na hindi sasapat sa araw-araw nilang pangangailangan, kakulangan sa pondo at pasilidad sa mga paaralan, patuloy na pagtingin sa Filipino bilang asignaturang tila nasa gilid o palamuti lamang sa kasalukuyang sistema ng edukasyon, at ang panganganib nitong maglaho na bilang isang disiplinang pampagkatuto sa paaralan. Hanggang kailan ipagwawalang-bahala ang hinaing ng mga g**o? Hanggang kailan mananatiling salita lamang ang mga pangakong suporta, habang lugmok ang mga g**ong dapat sana’y tangan ng lipunan bilang isa sa mga pinakamahalagang yaman?

Ang taon-taong paggunita sa mga g**o ng bayan ay magiging hungkag kung hindi maisasabuhay ng pamahalaan at lipunan ang tunay na pagkilala sa kanilang karapatan at dangal. Ang tunay na pagtanaw ng utang na loob sa kanila ay hindi nasusukat sa pagbibigay ng parangal o pagbati sa entablado bilang pansamantalang pantapal sa matinding sugat na kanilang dala-dala, kundi sa konkretong pagkakaloob ng nakabubuhay na sahod, sapat at maayos na pamamahala ng pondo para sa edukasyon, at sistemang may malinaw na direksiyon at epektibong pamumuno. Sapagkat ang dekalidad na pagtuturo ay hindi maihihiwalay sa kalidad na sistema at makatarungang pamamahala. Hindi maaasahan ang isang g**o na magbigay ng pinakamataas na uri ng serbisyo o edukasyon kung siya mismo ay salat sa suporta, at kung ang balangkas ng edukasyon ay nananatiling marupok at depektibo.

Kaisa ang 𝐿𝑖𝑝𝑖𝑛𝑔 𝑅𝑒𝑃𝑂𝑅𝑠𝑎𝑑𝑜, sa pagdiriwang ng 𝗕𝘂𝘄𝗮𝗻 𝗻𝗴 𝗺𝗴𝗮 𝗚𝘂𝗿𝗼 2025, higit na lumilinaw ang panawagan sa hanay ng kaguruan: suportahan at ipaglaban ang kanilang karapatan bilang haligi ng edukasyon. Ipaglaban ang wika at panitikan bilang puwersa ng kamalayan. Itaguyod ang isang sistemang may pananagutan at may malinaw na pamumuno. Sapagkat tanging sa pagkilala at pagsuporta sa mga g**o, sa pagbibigay ng makatarungan at likas-kayang sistemang pang-edukasyon, matitiyak ang isang makatarungan, inklusibo, at dekalidad na edukasyon na inaasahang bubuwag sa patuluyang krisis sa edukasyon!

**o2025

30/08/2025

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻, 𝗸𝗮𝗯𝗮𝗵𝗮𝗴𝗶 𝗻𝗴 𝗟𝗶𝗽𝗶! 🥳

Sa lahat ng kasapi ng 𝐿𝑖𝑝𝑖𝑛𝑔 𝑅𝑒𝑃𝑂𝑅𝑠𝑎𝑑𝑜, na nagdiriwang ng kanilang kaarawan sa mga buwan ng Hulyo at Agosto, hangad namin na maging makabuluhan ang bagong yugto ng inyong buhay. Nawa’y madagdagan pa ang mga biyayang dumarating sa inyo, magdulot ito ng inyong pag-unlad para sa sarili at sa inyong mga mithiin, at manatili kayong pinagmumulan ng tuwa at pag-asa para sa nakararami. Saksi ang buong 𝗕𝗙𝗘 𝗣𝗢𝗥𝗣𝗢𝗥 sa inyong paglago at nawa'y patuloy kayo sumulong na kay tayog gaya ng saranggola sa himpapawid.

Mula sa buong 𝐿𝑖𝑝𝑖𝑛𝑔 𝑅𝑒𝑃𝑂𝑅𝑠𝑎𝑑𝑜, taos-pusong pagbati ang hatid namin sa inyo sa inyong espesyal na buwan. Muli, malugod na pagbati sa inyong kaarawan! 🎉✨🥳

29/08/2025

𝗦𝗜𝗠𝗨𝗟𝗔 𝗡𝗚 𝗣𝗔𝗚-𝗔𝗟𝗣𝗔𝗦! | 𝗨𝗡𝗔𝗡𝗚 𝗔𝗥𝗔𝗪 𝗡𝗚 𝗙𝗜𝗘𝗟𝗗 𝗦𝗧𝗨𝗗𝗬

Ang pagbubukas ng unang araw bilang mga g**ong-mag-aaral sa unang termino para sa ikaapat na taon ng 𝑳𝒊𝒑𝒊𝒏𝒈 𝑹𝒆𝑷𝑶𝑹𝒔𝒂𝒅𝑜!

Pormal ng nagsimula ang matayog na paglalakbay ng BFE 𝗣𝗢𝗥𝗣𝗢𝗥 sa kursong Field Study nitong Huwebes, Hunyo 28. Tangan ang alab ng kahusayan at karunungan, patuloy ang pagpupunyagi ng 𝑳𝒊𝒑𝒊𝒏𝒈 𝑹𝒆𝑷𝑶𝑹𝒔𝒂𝒅𝑜 na maglingkod sa bayan sa ngalan ng wika't panitikan. Buong sigasig na sinalubong ng bawat isa ang bagong yugto ng pagkatuto mula sa iba’t ibang kuwento at karanasan sa pagkilala at pagsasabuhay ng tunay na diwa ng pagtuturo.

Tulad ng saranggola, ang 𝑳𝒊𝒑𝒊𝒏𝒈 𝑹𝒆𝑷𝑶𝑹𝒔𝒂𝒅𝑜 ay malayang pumapailanlang, handa na muling lumipad nang may buong sigla, sigasig, at substansiya, para sa panibagong pag-alpas tungo sa makabuluhang karanasan at kaalaman! 🪁✨

26/08/2025

25/08/2025

🇵🇭 𝙄𝙋𝘼𝙈𝘼𝙇𝘼𝙎 𝘼𝙉𝙂 𝙂𝙄𝙏𝙄𝙉𝙂 | 𝘼𝙍𝘼𝙒 𝙉𝙂 𝙈𝙂𝘼 𝘽𝘼𝙔𝘼𝙉𝙄 2025 🇵🇭✨

"𝑇𝑎𝑛𝑔𝑖𝑛𝑔 𝑦𝑎𝑜𝑛𝑔 𝑛𝑎𝑔𝑠𝑖𝑠𝑖𝑘𝑎𝑝 𝑛𝑎 𝑔𝑢𝑚𝑎𝑤𝑎 𝑛𝑔 𝑙𝑎𝑙𝑜𝑛𝑔 𝑚𝑎𝑘𝑎𝑏𝑢𝑏𝑢𝑡𝑖 𝑝𝑎𝑟𝑎 𝑠𝑎 𝑘𝑎𝑛𝑖𝑦𝑎𝑛𝑔 𝑚𝑔𝑎 𝑘𝑎𝑏𝑎𝑏𝑎𝑦𝑎𝑛, 𝑚𝑎𝑡𝑎𝑎𝑠 𝑚𝑎𝑛 𝑜 𝑚𝑎𝑏𝑎𝑏𝑎 𝑎𝑛𝑔 𝑘𝑖𝑛𝑎𝑙𝑎𝑙𝑎𝑔𝑦𝑎𝑛, 𝑎𝑦 𝑡𝑢𝑛𝑎𝑦 𝑛𝑎 𝑚𝑎𝑘𝑎𝑏𝑎𝑦𝑎𝑛." - Apolinario Mabini

Ngayon, higit kailanman, lubos natin pinagtitibay ang pagkilala sa lahat ng bayani ng ating bayan. Inaalala natin ang mga dakilang anak ng bayan na nag-alay ng kanilang lakas, tapang, talino, at paninindigan, upang kamtin ang ating kalayaan at gumawa ng makabuluhang pagbabago para sa ating bansa. Ngunit higit sa paggunita, ipinapaalala sa atin ng mga salita ni Mabini na ang kabayanihan ay hindi nasusukat sa kapangyarihan, katanyagan, o posisyon. Ito'y nasusukat sa wagas na hangaring gumawa ng kabutihan para sa kapwa, anuman ang antas sa lipunang iyong kinabibilangan.

Sapagkat ang diwa ng kabayanihan ay hindi natatapos sa mga nakaraan. Patuloy itong nabubuhay sa mga magsasaka't mangingisda na nagtataguyod ng pagkain sa hapag, ang hanay ng mga manggagawa sa kanilang araw-araw na pakikipagsapalaran, ang mga nangingibang-bansa na tinatahak ang milya-milyang distansiya upang bigyang-buhay ang kanilang pangarap para sa pamilya, ang mga g**ong humuhubog sa isip at damdamin ng mga kabataan, at ang lahat ng mga taong patuloy na nakikibaka para sa karapatan, katarungan, at pagkakapantay-pantay.

Kaya't nakikiisa ang 𝐿𝑖𝑝𝑖𝑛𝑔 𝑅𝑒𝑃𝑂𝑅𝑠𝑎𝑑𝑜, sa pagbibigay-pugay sa kabayanihang nakaukit na kasaysayan upang matamo ang kaginhawaan ng inang bayan. Kapara ng inyong matatayog na pangarap, hangad namin na mas lalo pa kayong kilalanin at alalahanin hindi lamang sa inyong mga bantayog, kundi sa puso’t isipan at sa pangaraw-araw na pakikibaka ng sambayanang Pilipino. At para sa mga nagpapamalas at magpapamalas pa ng giting sa iba't ibang paraan— sa bawat pawis na tumutulo, sakripisyong iniaalay, at pusong handang maglingkod sa bayan, hindi malilimutan ang inyong mga nagawa at taas-noong ipagpapatuloy ang diwa ng paglilingkod at pagmamahal sa bayan, sa gitna man ng panggigipit at pabago-bagong mga kalagayan.

Giting na naipamalas, sandigan ng mga bayani ng bukas! 𝙈𝘼𝙆𝘼𝘽𝘼𝙔𝘼𝙉𝙂 𝘼𝙍𝘼𝙒 𝙉𝙂 𝙈𝙂𝘼 𝘽𝘼𝙔𝘼𝙉𝙄! 🇵🇭✨

24/08/2025

𝗞𝗜𝗟𝗔𝗟𝗔𝗡𝗜𝗡 | 𝗠𝗴𝗮 𝗕𝗮𝗴𝗼𝗻𝗴 𝗛𝗮𝗹𝗮𝗹 𝗻𝗮 𝗟𝗶𝗱𝗲𝗿-𝗘𝘀𝘁𝘂𝗱𝘆𝗮𝗻𝘁𝗲 𝗻𝗴 𝗣𝗮𝗻𝗴𝗸𝗮𝘁 𝗣𝗢𝗥𝗣𝗢𝗥 𝗽𝗮𝗿𝗮 𝘀𝗮 𝗨𝗻𝗮𝗻𝗴 𝗧𝗲𝗿𝗺𝗶𝗻𝗼, 𝗧𝗣 2025–2026

Sa pagbubukas ng unang termino para sa huling kabanata ng pagpapakadalubhasa sa wika't panitikan sa Inang Pamantasan, taas-kamaong pinagpupugayan ang mga bagong halal na lider-estudyante ng Pangkat BFE PORPOR— mga g**o-estudyanteng buong tapang na tumanggap sa hamon ng pamumuno upang maging tinig, tanglaw, at tagapagtaguyod ng liping RePORsado.

Saksi ang nagdaang taon sa bawat hakbang ng ating pag-unlad, at ngayon, higit kailanman, sama-samang humaharap ang buong liping RePORsado sa panibagong yugto ng paglilingkod at pagkilos. Bitbit ang mga aral ng nakaraan, at tangan ang sulòng magsisilbing gabay sa landas ng tagumpay, tayo’y muling nagbabalik bilang mas pinatibay, mas pinanday, at higit na aalpas bilang mga g**ong nagsasanay para sa wika, panitikan, at bayan. 📚📜🍂