Sigma Delta Pi Sorority UP Manila

06/08/2026

The Sigma Delta Pi Sorority - UP Manila is honored to celebrate the years you’ve committed to principled leadership, meaningful work, and compassionate service to the university, the community, and our sisterhood. As you embark on this new journey, may you continue to carry and live by the values of nationalism, excellence, and genuine sisterhood.

Congratulations, Sisses. You’ve made us proud. Be a good EDIT—always. STP! 🌻

05/08/2026

Buong pagmamalaking ipinagdiriwang ng Sigma Delta Pi Sorority - UP Manila ang mga Sisses na nagsipagtapos ngayong taong 2026! 🎓

Taos-puso kaming nagpapasalamat sa inyong ibinahaging katapatan, katapangan, at dedikasyon sa pamantasan at kapatiran. Nawa’y magsilbi itong gabay tungo sa inyong tatahaking panibagong yugto ng buhay.

Ang pagtatapos na ito ay hindi ang wakas ngunit panibagong simula para sa paglilingkod sa mas malawak na lipunan—bitbit ang husay, dangal, at pusong hinubog ng ating unibersidad, kasama ang tapang na manindigan at malasakit sa sambayanan na pinanday ng ating kapatiran.

Pagpupugay sa inyong tagumpay, Sisses! Be a good EDIT—nationalistic, excellent, and genuine. STP! 🌻✊

11/07/2026

Sigma Delta Pi Sorority UP Manila proudly congratulates four of our beloved sisters who have reached the milestone of earning their law degrees:

🎓 Sis Shanin Kyle C. Manuel, Batch 2019-A
Juris Doctor
University of the Philippines College of Law
Dean’s Medal for Academic Excellence
Froilan M. Bacungan Prize
(Best Paper in Freedom of Expression
and Constitutional Rights)

🎓 Sis Alyssa Isabelle D. Manalo, Batch 2019-A
Juris Doctor
University of the Philippines College of Law

🎓 Sis Julia Micaela P. Hipolito, Batch 2019-D
Juris Doctor
University of the Philippines College of Law

🎓 Sis Bianca Ysabelle M. Baldemor, Batch 2019-E
Juris Doctor
University of the Philippines College of Law
Cum Laude
Dean’s Medal for Academic Excellence

With unwavering belief in their potential, our sisterhood firmly stands behind them on their path to the legal profession and their dedicated service to our country while upholding the sorority’s principles.

Through difficulties to honor, we emerge. Per Angusta Ad Augusta!

09/07/2026

Buong pagmamalaki at taas-kamaong pagbati kay Sis Chryztiane Jyca Santos bilang bagong Chairperson ng 47th University Student Council ng UP Manila!

Saksi kami sa iyong tapang, integridad, at paninindigan na pag-ibayuhin ang mga karapatan ng sangkaestudyantehan at masa. Kaisa mo kami at buo ang aming tiwala sa iyong kakayahang maglingkod para sa buong pamantasan.

Pagpupugay, Sis Jyca!

29/06/2026

𝐏𝐀𝐇𝐀𝐘𝐀𝐆 𝐍𝐆 𝐏𝐀𝐆𝐒𝐔𝐏𝐎𝐑𝐓𝐀 𝐊𝐀𝐘 𝐂𝐇𝐑𝐘𝐙𝐓𝐈𝐀𝐍𝐄 𝐉𝐘𝐂𝐀 𝐒𝐀𝐍𝐓𝐎𝐒 𝐏𝐀𝐑𝐀 𝐒𝐀 𝐈𝐊𝐀-𝟒𝟕 𝐔𝐏 𝐌𝐀𝐍𝐈𝐋𝐀 𝐔𝐒𝐂 𝐂𝐇𝐀𝐈𝐑𝐏𝐄𝐑𝐒𝐎𝐍

Sa panahong patuloy na lumalalim ang mga suliraning kinahaharap ng mga Iskolar ng Bayan—mula sa krisis sa edukasyon hanggang sa pagliit ng demokratikong espasyo—kinakailangan ang isang pamumunong may malinaw na paninindigan, may kakayahang magbuklod, at handang kumilos kasama ng mga estudyante.

Buong paninindigang ipinapahayag ng Sigma Delta Pi Sorority – UP Manila ang suporta nito kay Sis Chryztiane Jyca Santos bilang ika-47 UP Manila University Student Council Chairperson.

Sa kanyang mga taon ng paglilingkod, ipinakita ni Jyca na ang pamumuno ay higit pa sa paghawak ng posisyon. Ito ay ang patuloy na pakikinig, pakikipagkaisa, at pagkilos para sa kapakanan ng sangkaestudyantehan. Ang kanyang balangkas ng kampanya ay nakaugat sa mga isyung tunay na mahalaga sa komunidad—edukasyon at kalusugan, demokratikong karapatan, tunay na representasyon, at batayang serbisyo para sa sangkaestudyantehan at mga kampanya ng masang Pilipino. Naniniwala kaming ang mga ito ay hindi lamang mga pangako sa kampanya, kundi mga adhikaing dapat isulong ng isang konsehong tunay na nagsisilbi.

Bilang aming Sis sa Sigma Delta Pi, nasaksihan namin ang kanyang integridad, dedikasyon, at pamumunong nakabatay sa paglilingkod. Higit sa lahat, isinasabuhay niya ang nasyonalismo—isa sa pangunahing layunin ng aming kapatiran—sa pamamagitan ng paninindigang ang interes ng sambayanan at ng mga Iskolar ng Bayan ang dapat laging manaig. Ito ang uri ng lideratong hindi lamang namumuno, kundi nakikiisa at naninindigan.

Sa darating na halalan, hinihikayat namin ang buong komunidad ng UP Manila na suportahan ang isang lider na may kakayahan, prinsipyo, at malinaw na pananagutan sa mga estudyanteng kanyang paglilingkuran.

Buong suporta para kay Sis Chryztiane Jyca Santos para sa ika-47 UP Manila USC Chairperson.

Para sa edukasyon. Para sa karapatan. Para sa tunay na representasyon. Para sa sambayanan.

13/06/2026

The Sigma Delta Pi Sorority - UP Manila celebrated its 32nd Anniversary last June 10 🤍

For more than three decades, EDIT Manila has been shaped by generations of women who chose to stand for something greater than themselves. As a non-traditional and nationalist sorority, we remain rooted in the call to serve the Filipino people and to continue forwarding genuine social change while upholding our core values of active nationalism, academic excellence, and genuine sisterhood.

This past year has not been without its challenges. Yet through every difficult moment, we stayed grounded in the principles that have always guided us. We remained committed to the work we do and to standing with our sisters through it all.

As we look back on 32 years of stories, struggles, victories, and shared commitment, we honor the sisters who came before us and the legacy they continue to pass on. Their dedication reminds us that being an EDIT goes beyond the years we spend together; it lives on in the work we do, the principles we uphold, and the people we continue to serve.

May this anniversary remind us of who we are, what we stand for, and why we continue. Once an EDIT, always an EDIT. 🌻

Happy 32nd Anniversary, Sigma Delta Pi Sorority - UP Manila. ❤️‍🔥

12/05/2026

NAGKAKAISANG PAHAYAG NG MGA ORGANISASYON AT KONSEHO NG MGA MAG-AARAL NG KAS

IMPEACH SARA NOW! PANAGUTIN ANG MGA DUTERTE AT MGA KASABWAT NILA SA KORUPSYON AT IMPUNIDAD!

Muling nasaksihan ngayong araw ng sambayanang Pilipino ang isang lantaran na pagtatanghal ng burukratikong sirkus at pampulitikang pakikipagsabwatan sa Senado. Sa gitna ng muling pag-usad ng impeachment laban kay Sara Duterte, mabilis ding kumilos ang bagong pamunuan ng Senado upang tiyakin ang pagbabalik ni Ronald “Bato” Dela Rosa at ang konsolidasyon ng mga pwersang tahasang naglalayong protektahan ang kampo Duterte laban sa pananagutan. Ang malinaw na mensahe ng mga pangyayaring ito: hindi hustisya ang prayoridad ng bagong liderato ng Senado, kundi ang pagpapanatili ng kapangyarihan at impunidad ng dinastiyang Duterte.

Sa botong 257 pabor, 25 tutol, at 9 abstain, muling pinagtibay ng House of Representatives ang impeachment complaint laban kay Sara Duterte—ginagawa siyang kauna-unahang mataas na opisyal sa kasaysayan ng bansa na dalawang beses na na-impeach ng Kamara. Ngunit sa halip na seryosohin ang tungkulin nitong litisin ang kaso, agad namang gumalaw ang Senado upang muling ayusin ang liderato nito sa paraang pabor sa kampo Duterte. Ang pagpapatalsik kay Tito Sotto bilang Senate President, ang pagbabalik ni Bato Dela Rosa, at ang paglipat ng suporta nina Villar, Legarda, at Cayetano ay hindi hiwa-hiwalay na pangyayari—ito ay bahagi ng iisang pampulitikang maniobra upang pahinain ang kampo na pabor sa impeachment at tiyakin ang proteksyon ng mga kaalyado ng mga Duterte.

Mas nakikita ang pamumulitikang ito sa kaso ni Bato Dela Rosa. Sa mga nagdaang buwan, sunod-sunod nang lumabas ang mga ulat hinggil sa umano’y warrant of arrest laban sa kanya kaugnay ng mga krimen laban sa sangkatauhan sa ilalim ng madugong “war on drugs” ng rehimeng Duterte. Noong Nobyembre 2025, inihayag mismo ni Ombudsman Boying Remulla na may umiiral nang warrant mula sa International Criminal Court (ICC), habang naghain naman si Dela Rosa ng petisyon sa Korte Suprema upang protektahan ang sarili laban sa posibleng pag-aresto. Nitong ika-11 ng Mayo, mismong si dating Senador Antonio Trillanes IV pa ang nagdala ng dokumento ng ICC warrant sa Senate Hall. Sa kabila nito, sa halip na sumunod sa proseso ng batas, pinili ni Dela Rosa na gawing kublihan ang Senate Hall, habang ang mga ahente ng NBI na nagtangkang ipatupad ang internasyonal batas ay pinatawan ng paghamak ng Senado.

Hindi ito simpleng usapin ng parliamentary courtesy o institutional procedure. Ito ay tahasang paggamit ng kapangyarihan ng Senado bilang pananggalang ng mga dinastiyang pulitikal laban sa pananagutan. Nakapagtataka na noon, walang pag-aatubiling ginamit ng estado ang buong pwersa nito upang gipitin at ikulong ang mga kritiko ng administrasyon, gaya nila ngayong Rep. Leila de Lima at dating Sen. Antonio Trillanes. Ngunit ngayong si Bato Dela Rosa na ang nahaharap sa mabigat na kaso, biglang ginagamit ang Senado upang pigilan ang proseso ng hustisya. Maliwanag na may batas para sa ordinaryong mamamayan at oposisyon, ngunit may espesyal na proteksyon para sa mga Duterte at kanilang mga kaalyado.

Ngunit malinaw din sa batas na walang lubos na kaligtasan mula sa pagka-aresto ang mga senador. Ayon sa Artikulo VI, Seksyon 11 ng Konstitusyon ng Pilipinas, limitado lamang ang kanilang pribilehiyo laban sa pag-aresto at hindi ito sumasaklaw sa mabibigat na krimen na may parusang higit anim na taon. Higit pa rito, malinaw sa Rome Statute ng ICC na hindi maaaring gamiting depensa ang opisyal na posisyon upang takasan ang pananagutan sa mga krimen laban sa sangkatauhan. Walang sinumang nasa kapangyarihan ang dapat maging mas mataas kaysa sa batas.

Mariing tinututulan ng mga organisasyon at konseho ng KAS ang anumang pagtatangka na gawing instrumento ang Senado para sa pampulitikang proteksyon at pagpapatuloy ng impunidad. Hindi maaaring takasan ni Bato Dela Rosa ang paniningil sa kanya para sa karahasan na kanyang ipinamalas sa taumbayan noong panahon ng rehimeng Duterte. Ang impeachment laban kay Sara Duterte at ang kaso ni Bato Dela Rosa ay hindi magkahiwalay na usapin—pareho itong bahagi ng mas malawak na laban laban sa Dutertismo, korapsyon, pasismo, at kultura ng kawalang pananagutan sa bansa.

Kaya naman mariin naming ipinapanawagan: agarang buuin at tipunin ang Senate Impeachment Court. Ituloy ang impeachment trial nang walang harang at maniobrang pulitikal. Pairalin ang proseso ng pag-aresto at pagsuko alinsunod sa pambansa at pandaigdigang batas. Tutulan ang paggamit sa Senado bilang depensa ng mga dinastiyang pulitikal at kriminal. Panagutin ang lahat ng sangkot sa korapsyon, paglabag sa karapatang pantao, at pag-abuso sa kapangyarihan.

Sa panahon kung saan ang mga institusyon mismo ng gobyerno ay ginagamit upang protektahan ang mga naghahari at makapangyarihan, mas kailangan ngayon ang malawak na pagkakaisa at pagkilos ng mamamayan. Hindi dapat natin hahayaang manaig ang impunidad at pasismo.

IMPEACH SARA NOW!
BATO, PANAGUTIN!
DUTERTISMO, LABANAN!
HUSTISYA PARA SA MGA BIKTIMA NG DRUG WAR!
ANG TAO, ANG BAYAN, NGAYON AY LUMALABAN!

01/05/2026

URING MANGGAGAWA, HUKBONG MAPAGPALAYA!

Ngayong Araw ng mga Manggagawa, ating mas pinaiigting ang makatarungang paniningil laban sa lumalalang krisis na pinaghaharian ng rehimeng Marcos-Duterte at imperyalistang U.S.

Sa kasalukuyan, nananatili pa rin na mababa at hindi sapat ang minimum wage kung ikukumpara sa tunay na halaga ng mga gastusin para sa pang-araw-araw na pamumuhay ng mga manggagawang Pilipino. Humigit kumulang ₱695 ang pinakamababang sahod kada araw sa NCR habang mas mababa pa ang itinakdang pasahod para sa ibang rehiyon at probinsya. Malayong-malayo ito sa nakakabuhay na sahod upang matustusan ang pagkain, tirahan, transportasyon, at iba pang batayang pangangailangan ng bawat pamilyang Pilipino. Sa gitna ng mabilis na pagtaas ng mga presyo ng bilihin at pamasahe, ang mga manggagawa ang pilit na nagtitiis sa maliit na sweldo at mabigat na mga trabaho habang patuloy silang pinagsasamantalahan ng mga kapitalista’t kurakot na kumpanya.

Makikita rin natin ang patuloy na umiiral at bulok na sistema sa industriya ng paggawa sa bansa. Kamakailan, ang mga manggagawa mula sa Kowloon House ay naglakas-loob na ilantad ang mapang-abusong kalagayan na kanilang kinakaharap, kabilang ang hindi makataong pagtrato, mababang pasahod, at kawalan ng seguridad sa trabaho. Ang ganitong uri ng kalakaran ay hindi lamang paglabag sa karapatan ng manggagawa, kundi isa ring malinaw na pagyurak sa kanilang dignidad bilang tao. Nananawagan kami na wakasan ang ganitong mga sitwasyon sa pamamagitan ng mahigpit na pagpapatupad ng mga karagdagang polisiyang tunay na magpoprotekta sa kapakanan at karapatan ng ating mga manggagawa.

Kaugnay rin ng laganap na inflation ang oil price hike na mas lalong nagpapabigat sa pasanin ng ating mga manggagawa. Sa ilalim ng Oil Deregulation Law, binibigyan ng kapangyarihang kontrolin ng pribadong sektor ang presyo ng langis batay sa pandaigdigang merkado. Mula rito, nag-uugat ang pangdudusta ng mga naglalakihang kumpanya ng langis tulad ng Petron, Shell, at Chevron. Sa ganitong sistema, malinaw nating nakikita at nararamdaman ang walang pakundangang pagpapahirap at pagpapasa ng krisis sa mga ordinaryong mamamayan.

Hindi rin maihihiwalay sa mga suliraning ito ang patuloy na pag-iral ng imperyalistang impluwensya ng U.S. sa ekonomiya ng Pilipinas. Sa pamamagitan ng mga neoliberal na polisiya at kasunduang nakasentro sa dayuhang kapital, inilalantad ng estado ang mga manggagawang Pilipino sa pandaigdigang krisis at patuloy na pang-aalipusta ng mga korporasyon sa ating lakas-paggawa. Nananatili tayong nakaasa sa importasyon na nagtatali lamang sa ating bansa at mga mamamayan sa kahirapan at kawalan ng kakayahan na magtakda ng sariling direksyon sa ekonomiya.

At sa gitna ng lahat ng ito, malinaw na hindi ang sambayanang Pilipino ang pinaglilingkuran ng rehimeng Marcos-Duterte. Sa kabila ng mahigpit na pangangailangan para bigyang-aksyon ang pagtaas ng presyo ng mga bilihin at langis, patuloy na binabalewala ng administrasyon ang panawagan ng mga manggagawa at tumitigil na lamang sa pagbibigay ng mga panandaliang solusyon gaya ng ayuda. Hanggang ngayon, walang pananagutan na ipinapataw ang administrasyong Marcos sa mga mapang-abusong kumpanya ng langis at iba pang kasabwat sa korapsyon. Sa halip, nilulunod ang mga mamamayan sa patong-patong na gastusin, mababang pasahod, at kawalan ng kabuhayan. Hindi ito ang dapat na maging panghabang-buhay na reyalidad ng mga Pilipino.

Ngayong Mayo Uno, taas-kamaong kinokondena ng Sigma Delta Pi Sorority - UP Manila ang tahasang pagyurak sa karapatan ng uring manggagawa at sambayanang Pilipino ng rehimeng Marcos-Duterte at imperyalistang U.S. Sa nagkakaisang hanay ng mga manggagawa, maralita, kababaihan, at kabataan, patuloy natin na isulong ang mga panawagan para sa tunay na reporma, pagpapatupad ng ₱1,200 living wage, pagtanggal sa 12% VAT, at wakasan ang giyera ng U.S.

SAHOD ITAAS, PRESYO IBABA!
IMPERYALISMO, IBAGSAK!

25/04/2026

31/03/2026

KABABAIHAN: Binhi ng Edukasyong Mapagpalaya Highlights 📸

Maraming salamat sa lahat ng dumalo sa ating Women’s Forum at DIY Sanitary Napkin Workshop 💜 Lubos na pasasalamat din sa ating tagapagsalita mula sa Gabriela - National Capital Region Chapter sa pagbabahagi ng kanilang kaalaman at pananaw.

Sa naging talakayan, mas napalalim ang ating pag-unawa sa kalagayan ng kababaihan sa gitna ng tumataas na presyo ng mga pangunahing pangangailangan, pabigat na buwis, mababang sahod, at iba pang sistemang patuloy na nagpapahirap sa mamamayan.

Kasabay nito, sa pamamagitan ng DIY sanitary napkin workshop, hindi lamang tayo natuto ng isang praktikal na alternatibo—naging pagkakataon din ito upang pagnilayan ang realidad na hindi abot-kaya ng lahat ang mga simpleng pangangailangan tulad ng napkin. Dagdag pa rito, bago pa man ito naging isang komersyal na produkto, ang mga sanitary napkins ay ginagawa lamang ng mga kababaihan noon sa kanilang mga bahay—ngunit sa paglipas ng panahon, ang mga pangangailangan ng kababaihan ay naging bahagi na rin ng merkado at pagkakakitaan.

Sa pag-unawang ito, nawa’y magsilbi itong paalala at panawagan na patuloy nating suriin ang mga sistemang nakaaapekto sa ating pang-araw-araw na buhay. Patuloy nating palalimin ang ating pag-unawa at isabuhay ang ating mga natutuhan sa ating mga komunidad. Sama-sama nating ipagpatuloy ang pagsusulong ng karapatan at kapakanan ng kababaihan. ❤️‍🔥