14/05/2026
TIGNAN | UP MANILA NAKIISA SA UP SYSTEMWIDE DAY OF ACTION PARA SA HUSTISYA AT PANANAGUTAN
Nagkasa ng mobilisasyon ang UPM USC, kasama ang iba't ibang konseho, sektor, at mga organisasyon ng UP Manila upang ipanawagan ang hustisya at pananagutan mula sa gobyerno. Mula rito, ipinanawagan din ang hustisya para sa Toboso 19 na pinaslang ng pasistang militar at ang pagpapalayas ng militar sa kanayunan bunga ng kanilang patuloy na paniniil at paglabag sa karapatang pantao ng mga magsasaka, manggagawa, at residente ng komunidad. Bahagi rin ng programa ang panawagan na ituloy na ang impeachment ni Sara Duterte, sa kabila ng ilang beses ng pagbabalewala rito. Kinundena rin ang barilan na naganap sa senado kagabi, pagtakas ni Bato Dela Rosa sa senado sa kabila ng pagiging internationally wanted person ng ICC nito, at ang pananahimik ng administrasyong Marcos Jr. sa kabila ng kaguluhan.
Bilang mga kabataan, tayo ay nararapat na makiisa hinggil sa mga pagkilos sapagkat tayo ay biktima rin ng korapsyon at kawalang pananagutan ng gobyerno. Ang pondo na inilaan sa pamamasismo at pangungurakot ay dapat inilaan na lamang sa batayang serbisyo, edukasyon, kalusugan, sahod ng mga manggagawa, at iba pang serbisyong panlipunan.
Tuloy-tuloy ang ating pagkilos para sa hustisya at pananagutan, hangga't hindi napapakulong si Bato at Duterte, napalilitis si Sara, nasisingil si Marcos, napapanagot ang lahat ng sangkot sa katiwalian, at hangga't hindi nababago ang bulok na sistema na patuloy na nagpapahirap sa mamamayang Pilipino.
