Kapisanan ng mga Mag-aaral sa Filipino - DOrSU

19/09/2026

✨𝑯𝑰𝑹𝑨𝒀𝑨 𝑴𝑨𝑵𝑨𝑾𝑨𝑹𝑰, 𝑳𝑷𝑻 𝑻𝑯𝑰𝑺 𝑫𝑬𝑪𝑬𝑴𝑩𝑬𝑹 𝑪𝑼𝑻𝑰𝑬𝑬! ✨

Para sa lahat ng magiging g**o na sasabak sa 𝑳𝒊𝒄𝒆𝒏𝒔𝒖𝒓𝒆 𝑬𝒙𝒂𝒎𝒊𝒏𝒂𝒕𝒊𝒐𝒏 𝒇𝒐𝒓 𝑻𝒆𝒂𝒄𝒉𝒆𝒓𝒔 (𝑳𝑬𝑻) ngayong linggo, nawa’y maging baon ninyo ang bawat aral, sakripisyo, at pananalig na inyong inipon sa mahabang paglalakbay.

Sa bawat hakbang tungo sa bukang-liwayway ng pangarap, dala ninyo ang bunga ng tiyaga at pagsisikap. Ang LET ay hindi lamang pagsusulit, kundi tulay patungo sa marangal na bokasyon ng pagiging g**o—tagapagsindi ng tanglaw at tagapanday ng kinabukasan.

Mga g**o ng hinaharap, hayaang ang inyong pangarap ay pumailanlang sa himpapawid ng pag-asa. Hiraya manawari na ang mga mithiin ay maging katuparan at ang bawat pagsubok ay maging hagdan tungo sa tagumpay. Good luck, future teachers! Nawa’y maging tanglaw kayo sa buhay ng inyong mga magiging mag-aaral. 𝓛𝓟𝓣 𝓽𝓱𝓲𝓼 𝓓𝓮𝓬𝓮𝓶𝓫𝓮𝓻, 𝓬𝓾𝓽𝓲𝓮𝓮!✨👩‍🏫

✍️|𝐑𝐨𝐛𝐞𝐥 𝐁𝐞𝐧𝐭𝐚𝐲𝐚𝐨

17/09/2026

‎𝐓𝐈𝐍𝐆𝐍𝐀𝐍| 𝐊𝐀𝐌𝐅𝐈𝐋 𝐍𝐚𝐠𝐝𝐚𝐨𝐬 𝐧𝐠 𝐊𝐚𝐮𝐧𝐚-𝐮𝐧𝐚𝐡𝐚𝐧𝐠 𝐏𝐚𝐧𝐠𝐤𝐚𝐥𝐚𝐡𝐚𝐭𝐚𝐧𝐠 𝐀𝐬𝐞𝐦𝐛𝐥𝐞𝐲𝐚 𝐚𝐭 𝐎𝐫𝐲𝐞𝐧𝐭𝐚𝐬𝐲𝐨𝐧 𝐩𝐚𝐫𝐚 𝐬𝐚 𝐓𝐚𝐨𝐧𝐠 𝐏𝐚𝐧𝐮𝐫𝐮𝐚𝐧 𝟐𝟎𝟐𝟔-𝟐𝟎𝟐𝟕
‎
‎𝐼𝓈𝒶𝓃𝑔 𝓉𝒾𝓃𝒾𝑔, 𝒾𝓈𝒶𝓃𝑔 𝓅𝓊𝓈𝑜, 𝒾𝓈𝒶𝓃𝑔 𝓅𝒶𝓂𝒾𝓁𝓎𝒶𝓃𝑔 𝓃𝒶𝑔𝓀𝒶𝓀𝒶𝒾𝓈𝒶✨
‎
‎Sama-samang nakiisa at buong pusong dumalo ang mga mag-aaral at kasapi ng Kapisanan ng mga Mag-aaral sa Filipino (KAMFIL) sa kanilang kauna-unahang 𝐏𝐚𝐧𝐠𝐤𝐚𝐥𝐚𝐡𝐚𝐭𝐚𝐧𝐠 𝐀𝐬𝐞𝐦𝐛𝐥𝐞𝐲𝐚 𝐚𝐭 𝐎𝐫𝐲𝐞𝐧𝐭𝐚𝐬𝐲𝐨𝐧 ngayong semestre, na ginanap sa 𝐃𝐎𝐫𝐒𝐔 𝐒𝐭𝐮𝐝𝐞𝐧𝐭 𝐂𝐞𝐧𝐭𝐞𝐫 nito lamang 𝐒𝐞𝐩𝐭𝐞𝐦𝐛𝐫𝐞 𝟏𝟔, 𝟐𝟎𝟐𝟔
‎
‎Pinangunahan ng mga opisyal ng KAMFIL, katuwang ang kanilang tagapayo na si 𝐃𝐫. 𝐑𝐚𝐲𝐦𝐮𝐧𝐝 𝐌. 𝐏𝐚𝐬𝐢𝐨𝐧, ang makabuluhang pagtitipong naglalayong higit pang patatagin ang ugnayan, pagkakaisa, at pagtutulungan ng bawat kasapi.
‎
‎Hindi lamang mga seryosong usapin ang naging bahagi ng programa. Lalong naging makulay at masigla ang pagtitipon nang ipamalas ng mga mag-aaral ang kanilang husay sa awitan at sayawan, patunay na ang BSED-Filipino ay hindi lamang tahanan ng mga mag-aaral na mahusay sa akademya, kundi tahanan din ng mga pusong may talento, sigla, malasakit, at pagmamahal sa isa’t isa.
‎
‎Sa bawat palakpak, tawanan, awit, at sayaw, higit na nasaksihan ang isang bagay na tunay na mahalaga: ang pagkakaisa. Sapagkat sa likod ng bawat tagumpay ay mga taong handang sumuporta, makiisa, at sabay-sabay na humakbang tungo sa iisang layunin.

‎
‎✍️| 𝑨𝒍𝒕𝒉𝒆𝒂 𝑺𝒉𝒂𝒎𝒆𝒎 𝑻. 𝑩𝒂𝒈𝒖𝒏𝒅𝒂𝒏𝒈
‎📷| 𝑺𝒉𝒂𝒊𝒌𝒉𝒂 𝑹𝒂𝒔𝒆𝒆𝒔 𝑨. 𝑬𝒏𝒆𝒓𝒊𝒐
‎👩🏻‍💻| 𝑪𝒉𝒊𝒏𝒆𝒆 𝑬. 𝑴𝒂𝒔𝒊𝒔𝒂𝒚
‎

15/09/2026

𝐏𝐚𝐧𝐠𝐤𝐚𝐥𝐚𝐡𝐚𝐭𝐚𝐧𝐠 𝐀𝐬𝐞𝐦𝐛𝐥𝐞𝐲𝐚 𝐚𝐭 𝐎𝐫𝐲𝐞𝐧𝐭𝐚𝐬𝐲𝐨𝐧

Isang panibagong taon ng pagkakaisa at pakikipag-ugnayan ang hatid ng Kapisanan ng mga Mag-aaral sa Filipino ngayong 𝐓𝐚𝐨𝐧𝐠 𝐏𝐚𝐧𝐮𝐫𝐮𝐚𝐧 𝟐𝟎𝟐𝟔–𝟐𝟎𝟐𝟕!

Kaugnay nito, inaanyayahan ang lahat ng mag-aaral ng 𝐁𝐚𝐭𝐬𝐢𝐥𝐲𝐞𝐫 𝐧𝐠 𝐏𝐚𝐧𝐬𝐞𝐤𝐮𝐧𝐝𝐚𝐫𝐲𝐚𝐧𝐠 𝐄𝐝𝐮𝐤𝐚𝐬𝐲𝐨𝐧 𝐌𝐞𝐝𝐲𝐨𝐫 𝐬𝐚 𝐅𝐢𝐥𝐢𝐩𝐢𝐧𝐨 na dumalo sa Pangkalahatang Asembleya at Oryentasyon na gaganapin sa 𝐒𝐞𝐭𝐲𝐞𝐦𝐛𝐫𝐞 𝟏𝟔, 𝟐𝟎𝟐𝟔, mula 𝟏:𝟎𝟎 hanggang 𝟓:𝟎𝟎 𝐧𝐠 𝐡𝐚𝐩𝐨𝐧, sa 𝐒𝐭𝐮𝐝𝐞𝐧𝐭 𝐂𝐞𝐧𝐭𝐞𝐫-𝐃𝐎𝐫𝐒𝐔.

Layunin ng pagtitipong ito na higit na mapagtibay ang maayos na komunikasyon at ugnayan sa bawat kasapi, gayundin ang pagbibigay-linaw sa mga katanungan at mahahalagang usapin na may kaugnayan sa ating programa at mga gawain.

Kaya naman, mga kabaro, huwag palampasin ang pagkakataong makiisa, makinig, magtanong, at maging bahagi ng makabuluhang pagtitipong ito!

Magkita-kita tayo bukas, mga Kabaro! ✨

08/09/2026

𝑴𝒂𝒍𝒊𝒈𝒂𝒚𝒂𝒏𝒈 𝑲𝒂𝒂𝒓𝒂𝒘𝒂𝒏, 𝑩𝒃. 𝑩𝒂𝒊𝒏𝒐𝒏 𝑲𝒆𝒏𝒏𝒂 𝑴. 𝑪𝒂𝒍𝒊𝒈-𝒐𝒏𝒂𝒏!🎂✨

Mula sa Kapisanan ng mga Mag-aaral sa Filipino, taos-puso naming ipinapaabot ang aming mainit na pagbati sa pagdiriwang ng iyong kaarawan.

Nawa’y sa araw na ito ay mapuno ng saya, pagmamahal, at tuwa ang iyong puso dahil sa panibagong taon ng buhay na ipinagkaloob sa iyo ng Maykapal.

Maraming salamat po sa iyong dedikasyon at patuloy na paglilingkod sa ating programa. Dalangin namin na lalo ka pang pagkalooban ng Maykapal ng magandang buhay at maraming biyaya sa mga darating pang taon.

Muli, isang maligayang kaarawan sa iyo, Binibining Kenna!✨

01/09/2026

𝗞𝗔𝗠𝗙𝗜𝗟 | 𝗕𝗔𝗚𝗢𝗡𝗚 𝗛𝗔𝗡𝗔𝗬 𝗡𝗚 𝗣𝗔𝗠𝗨𝗡𝗨𝗔𝗡! ✨

Sa panibagong taon ng paglilingkod, kilalanin natin ang mga bagong opisyales ng 𝑲𝒂𝒑𝒊𝒔𝒂𝒏𝒂𝒏 𝒏𝒈 𝒎𝒈𝒂 𝑴𝒂𝒈-𝒂𝒂𝒓𝒂𝒍 𝒔𝒂 𝑭𝒊𝒍𝒊𝒑𝒊𝒏𝒐 (𝑲𝑨𝑴𝑭𝑰𝑳) para sa 𝙏𝙖𝙤𝙣𝙜 𝙋𝙖𝙣𝙪𝙧𝙪𝙖𝙣 2026-2027. Bawat posisyon ay may kaakibat na tungkulin at pananagutang gagampanan para sa ikabubuti ng ating organisasyon at mga kasapi.

Sa pagkakaisa at sama-samang pagkilos, hangad nating maisulong ang mga layunin ng 𝗞𝗔𝗠𝗙𝗜𝗟 at makalikha ng mga programang makabuluhan para sa bawat kasapi ng organisasyon.💙

01/09/2026

𝗣𝗮𝗴𝗯𝗮𝘁𝗶, 𝗺𝗴𝗮 𝗞𝗮𝗯𝗮𝗿𝗼! ✨

Sa panibagong yugto ng paglilingkod, muling pinagtibay ng 𝗞𝗮𝗽𝗶𝘀𝗮𝗻𝗮𝗻 𝗻𝗴 𝗺𝗴𝗮 𝗠𝗮𝗴-𝗮𝗮𝗿𝗮𝗹 𝘀𝗮 𝗙𝗶𝗹𝗶𝗽𝗶𝗻𝗼 (𝗞𝗔𝗠𝗙𝗜𝗟) ang tungkulin nito bilang opisyal na organisasyon ng 𝗗𝗮𝘃𝗮𝗼 𝗢𝗿𝗶𝗲𝗻𝘁𝗮𝗹 𝗦𝘁𝗮𝘁𝗲 𝗨𝗻𝗶𝘃𝗲𝗿𝘀𝗶𝘁𝘆 para sa Taong Panuruan 𝟮𝟬𝟮𝟲-𝟮𝟬𝟮𝟳. Ang panunumpang ito ay hindi lamang pormal na pagtatalaga, kundi isang panibagong panata ng bawat lider na maglingkod nang may integridad, malasakit, at buong pusong pananagutan para sa kapakanan ng samahan.

Bitbit ang bagong panata, haharap ang mga bagong halal na opisyal sa mga hamon at pagkakataong naghihintay sa kanilang panunungkulan. Nawa’y maging gabay ang kanilang pagkakaisa, dedikasyon, at pagmamahal sa wikang Filipino sa paghubog ng isang mas masigla, makabuluhan, at matatag na organisasyon.

Isang 𝙥𝙖𝙣𝙖𝙩𝙖 para sa paglilingkod, isang 𝙩𝙞𝙣𝙞𝙜 para sa wika, at isang 𝙨𝙖𝙢𝙖𝙝𝙖𝙣𝙜 patuloy na aangat kasama ang bawat mag-aaral ng Filipino.

28/08/2026

𝐈𝐊𝐀𝐋𝐀𝐖𝐀𝐍𝐆 𝐁𝐀𝐇𝐀𝐆𝐈| 𝐓𝐚𝐥𝐞𝐧𝐭𝐨 𝐚𝐭 𝐊𝐮𝐥𝐭𝐮𝐫𝐚, 𝐓𝐚𝐦𝐩𝐨𝐤 𝐬𝐚 𝐊𝐮𝐥𝐦𝐢𝐧𝐚𝐬𝐲𝐨𝐧 𝐧𝐠 𝐁𝐮𝐰𝐚𝐧 𝐧𝐠 𝐖𝐢𝐤𝐚 𝐬𝐚 𝐃𝐚𝐯𝐚𝐨 𝐎𝐫𝐢𝐞𝐧𝐭𝐚𝐥 𝐒𝐭𝐚𝐭𝐞 𝐔𝐧𝐢𝐯𝐞𝐫𝐬𝐢𝐭𝐲

Masigla at makulay na ipinakita ng mga mag-aaral sa Davao Oriental State University (DOrSU) ang kanilang mga talento at pagpapahalaga sa wikang Filipino sa ginanap na kulminasyon ng Buwan ng Wika ngayong araw, Agosto 27, 2026.

Sa temang “𝑾𝒊𝒌𝒂𝒏𝒈 𝑭𝒊𝒍𝒊𝒑𝒊𝒏𝒐 𝒂𝒕 𝑨𝑰: 𝑲𝒂𝒔𝒂𝒏𝒈𝒌𝒂𝒑𝒂𝒏 𝒔𝒂 𝑷𝒂𝒏𝒂𝒏𝒂𝒍𝒊𝒌𝒔𝒊𝒌 𝒂𝒕 𝑻𝒖𝒍𝒂𝒚 𝒔𝒂 𝒀𝒂𝒎𝒂𝒏 𝒏𝒈 𝑰𝒎𝒑𝒐𝒓𝒎𝒂𝒔𝒚𝒐𝒏,” tampok sa pagdiriwang ang iba’t ibang patimpalak na nagbibigay-daan upang maipakita ng mga mag-aaral ang kanilang pagkamalikhain sa pagkanta, pag-arte, at pagsayaw na sumasalamin sa kultura at wikang Filipino sa makabagong panahon.

Sa pambungad na pananalita, binigyang-diin ni 𝐃𝐫. 𝐑𝐚𝐲𝐦𝐮𝐧𝐝 𝐌. 𝐏𝐚𝐬𝐢𝐨𝐧, Direktor ng Sentro ng Wika at Kultura, na ang wika at kultura ay hindi lamang matatagpuan sa mga silid-aklatan o sa mga aklat, kundi ito ay buhay at patuloy na umiiral sa ating mga tradisyon, sa ating mga usapan, at sa paraan ng ating pakikipag-ugnayan sa isa’t isa.

Binigyang-diin naman ni 𝐃𝐫. 𝐑𝐨𝐲 𝐌. 𝐏𝐚𝐝𝐢𝐥𝐥𝐚, Vice President for Finance and Administration, na ang AI ay isang kasangkapan lamang na maaaring gamitin ng tao upang mapadali ang pagkatuto at pagkuha ng impormasyon. Gayunpaman, ang tao pa rin ang may pangunahing pananagutan sa kaalaman at sa kung paano niya ginagamit at sinusuri ang impormasyong nakukuha mula sa AI.

Sinimulan na ng mga mag-aaral mula sa bawat fakulti ang pagpapakita ng kanilang masisigla at kumikinang na mga talento sa 𝐒𝐚𝐫𝐬𝐢𝐤𝐡𝐚𝐢𝐧, habang sinimulan naman ng mga hurado ang paghusga sa patimpalak na 𝐏𝐢𝐬𝐭𝐚 𝐬𝐚 𝐍𝐚𝐲𝐨𝐧. Sa kabila ng matinding init ng araw, todo-hataw ang bawat fakulti upang maipakita ang kanilang angking galing at makamit ang inaasam na tagumpay.

Bilang pagtatapos, lubos na nagpapasalamat si 𝐁𝐛. 𝐌𝐚𝐫𝐞𝐯𝐢𝐜 𝐉𝐞𝐚𝐧 𝐏. 𝐋𝐮𝐭𝐨𝐠, Program Head ng Batsilyer sa Pansekundaryang Edukasyon, Medyor sa Filipino, sa lahat ng dumalo at nakiisa sa matagumpay na pagdiriwang ng Pampinid na Palatuntunan ng Buwan ng Wika.

Nagtapos ang palatuntunan na may galak sa puso ng bawat isa, dala ang masasayang alaala at makabuluhang karanasan. Nawa’y magsilbing daan ang programang ito upang higit pa nating pahalagahan, pagyamanin, at ipagmalaki ang ating Wika at Kultura sa kabila ng patuloy na pagbabago ng panahon. Kasabay ng pag-unlad ng teknolohiya at pag-usbong ng Artificial Intelligence (AI), nawa’y gamitin natin ito bilang isang kasangkapan na makatutulong sa ating pagkatuto, pananaliksik, at paglikha, ngunit hindi bilang kapalit ng ating sariling kakayahan, pag-iisip, at pagiging makatao. Sapagkat gaano man kaunlad ang teknolohiya, nasa atin pa rin ang kakayahang mag-isip, lumikha, at magpahalaga sa wikang nag-uugnay sa ating kultura at pagkakakilanlan.

✍️| Tricialyn S. Saplagio
📷| KAMFIL Media Team

28/08/2026

𝐔𝐍𝐀𝐍𝐆 𝐁𝐀𝐇𝐀𝐆𝐈| 𝐖𝐢𝐤𝐚, 𝐊𝐮𝐥𝐭𝐮𝐫𝐚, 𝐚𝐭 𝐏𝐚𝐠𝐤𝐚𝐤𝐚𝐤𝐢𝐥𝐚𝐧𝐥𝐚𝐧. 𝐒𝐚𝐛𝐚𝐲-𝐬𝐚𝐛𝐚𝐲 𝐧𝐚𝐭𝐢𝐧𝐠 𝐛𝐚𝐥𝐢𝐤𝐚𝐧 𝐚𝐧𝐠 𝐡𝐢𝐦𝐢𝐠 𝐧𝐠 𝐧𝐚𝐤𝐚𝐫𝐚𝐚𝐧!

Nakilahok, nakisaya, at bumida ang mga mag-aaral ng Davao Oriental State University —mapaanong antas man o pakultad, sa pagpapamalas ng kani-kaniyang galing at husay sa mga pambansang larong lahi ng Pilipinas.

Kasalukuyang nagdiriwang ang Pamantasang Pamahalaan ng Davao Oriental ng pormal na pagtatapos ng Buwan ng Wika, taong 2026.

Ang pagdiriwang ay hindi lamang nakatuon sa pagpapakita ng mga tradisyonal na kasuotan at burda. Bagkus, layon nitong muling gisingin ang pagka-Pilipino ng bawat mag-aaral at iparamdam ang kultura’t mga kasanayang dating kinagigiliwan.

Buong galak na ipinamalas ng mga kalahok ng “𝑺𝒂𝒌𝒐𝒏𝒈 𝑮𝒂𝒍𝒊𝒏𝒈” ang taglay na husay sa pagtalon upang maabot ang hangganang guhit. Kinagiliwan naman ng marami ang larong “𝑴𝒂𝒓𝒊𝒂 ‘𝑲𝒂𝒘 𝑩𝒂𝒚𝒂𝒏?” ,nang pinagpasa-pasahan ng mga estudyante ang mga tradisyonal na kasuotan. Hindi rin nagpahuli ang mga mag-aaral sa palakasan ng paghampas sa pagbasag ng mga nakabitin at nakahelerang mga palayok sa larong "𝑯𝒂𝒎𝒑𝒂𝒍𝒂𝒚𝒐𝒌".

Sa bawat tawanan, palakpakan, at pakikiisa, muling nabibigyang-buhay ang mga larong nag-uugnay sa atin sa ating pinagmulan. Sapagkat ang wika at kultura ay hindi lamang mga bagay na ating pinag-aaralan—sila ang salamin ng ating pagkatao at tulay na nagdurugtong sa nakaraan, kasalukuyan, at hinaharap.

Sa pag-usbong ng makabagong teknolohiya at artificial intelligence, nananatiling mahalaga ang Filipino bilang wikang nagbibigay-kulay sa ating mga kuwento, karanasan, at kaalaman. Ang pagyakap sa makabago ay hindi nangangahulugang pagtalikod sa nakaraan; bagkus, maaari natin itong gamitin upang higit na mapangalagaan, maipakilala, at maipasa ang yaman ng kulturang Pilipino.

Sa pangkalahatan, ang Buwan ng Wika ay higit pa sa isang pagdiriwang. Isa itong paalala na sa bawat salitang ating binibigkas, tradisyong ating pinananatili, at kulturang ating ipinagmamalaki, patuloy nating binubuo ang ating pagkakakilanlan bilang Pilipino.

✍️| Queenzy Pintal
📷| KAMFIL Media Team

25/08/2026