https://www.facebook.com/132422769959033/

Samahan ng mga Mag-aaral sa Filipino

Home
Philippines
Montevista
Samahan ng mga Mag-aaral sa Filipino

𝓐𝓷𝓰 𝓫𝓪𝓴𝓪𝓼 𝓷𝓰 𝓹𝓪𝓰𝓴𝓪𝓴𝓪𝓲𝓼𝓪 𝒶𝓎 𝓪𝓷𝓰 𝓽𝓪𝓷𝓭𝓪 𝓷𝓰 𝓼𝓪𝓶𝓪𝓱𝓪𝓷.

10/09/2026

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧, 𝐆𝐢𝐧𝐨𝐨𝐧𝐠 𝐌𝐚𝐫𝐤 𝐉𝐨𝐡𝐧 𝐅𝐞𝐫𝐧𝐚𝐧𝐝𝐨! 🎉

Taos-pusong bumabati ang Samahan ng mga Mag-aaral sa Filipino ng isang maligaya at makabuluhang kaarawan sa ating masipag at matulunging Business Manager. Ang inyong sipag, dedikasyon, at kahandaang tumulong sa samahan ay tunay na pinahahalagahan at nagsisilbing inspirasyon sa bawat kasapi.

Nawa’y patuloy kayong pagpalain ng lakas, karunungan, at tagumpay sa lahat ng inyong mga ginagawa. Nawa’y mapuno ang inyong espesyal na araw ng saya, pagmamahal, at masasayang alaala kasama ang inyong pamilya, mga kaibigan, at mga taong patuloy na sumusuporta sa inyo.

Maligayang Kaarawan po muli, Ginoong Mark John! ✨🎂

10/09/2026

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧, 𝐁𝐢𝐧𝐢𝐛𝐢𝐧𝐢𝐧𝐠 𝐌𝐚𝐫𝐢𝐚 𝐏𝐞𝐚𝐫𝐥 𝐒𝐚𝐥𝐮𝐭𝐚! 🎉

Taos-pusong bumabati ang Samahan ng mga Mag-aaral sa Filipino ng isang maligaya at makabuluhang kaarawan sa aming minamahal na Pangulo. Ang inyong mahusay na pamumuno, dedikasyon, at malasakit sa samahan ay nagsisilbing inspirasyon sa bawat kasapi na makiisa, magsikap, at patuloy na pagyamanin ang pagmamahal sa wikang Filipino.

Nawa’y patuloy kayong pagpalain ng lakas, karunungan, at inspirasyon upang maisakatuparan ang inyong mga layunin at adhikain para sa samahan. Nawa’y mapuno ang inyong espesyal na araw ng saya, pagmamahal, at masasayang alaala kasama ang inyong pamilya, mga kaibigan, at mga taong patuloy na sumusuporta sa inyo.

Maligayang Kaarawan po muli, Binibining Maria Pearl! ✨🎂

08/09/2026

𝗦𝗔𝗠𝗔-𝗧𝗨𝗞𝗟𝗔𝗦 | 𝑻𝒊𝒏𝒊𝒈 𝒏𝒂𝒕𝒊𝒏, 𝑾𝒊𝒌𝒂 𝒏𝒂𝒕𝒊𝒏

Sa bawat salita, may kuwentong nabubuo. Sa bawat tinig, may pagpapahalagang naipapakita.

Para sa Serye 2 ng SAMA-TUKLAS, ating pakinggan ang ilang mag-aaral at alamin ang kanilang pananaw, karanasan, at saloobin tungkol sa ating wika. 🗣️✨

Dahil ang pagdiriwang ng Buwan ng Wika ay hindi lamang para sa isang buwan. Sa bawat araw na tayo’y nagsasalita, nakikipag-usap, at nagpapahayag, patuloy nating binibigyang-buhay ang wikang Filipino.

𝑩𝒂𝒘𝒂𝒕 𝒘𝒊𝒌𝒂’𝒚 𝒃𝒖𝒉𝒂𝒚. 𝑩𝒂𝒘𝒂𝒕 𝒔𝒂𝒍𝒊𝒕𝒂’𝒚 𝒑𝒂𝒎𝒂𝒏𝒂.🍂

03/09/2026

𝗣𝗔𝗡𝗢𝗢𝗥𝗜𝗡 | 𝗠𝗔𝗟𝗜𝗚𝗔𝗬𝗔𝗡𝗚 𝗣𝗔𝗚𝗗𝗔𝗧𝗜𝗡𝗚 𝗦𝗔 𝗦𝗔𝗠𝗔𝗙𝗜𝗟 🍂

Ang Samahan ng mga Mag-aaral sa Filipino (SamaFil) ay isang tahanan kung saan hindi mo kailangang mamili kung ano ang kaya mong maging. Lahat ay may puwang, lahat ay maaaring matuto, at lahat ay may pagkakataong lumikha.

𝙆𝙖𝙥𝙖𝙜 𝙣𝙖𝙩𝙪𝙩𝙤, 𝙝𝙪𝙬𝙖𝙜 𝙣𝙖𝙣𝙜 𝙝𝙪𝙢𝙞𝙣𝙩𝙤. Dahil sa bawat kaalaman at karanasan, mas nahuhubog ang iyong kakayahan, pagkamalikhain, at tiwala sa sarili.

At higit sa lahat, 𝙝𝙞𝙣𝙙𝙞 𝙠𝙖 𝙣𝙖𝙜-𝙞𝙞𝙨𝙖. May samahang sasabay sa iyo sa pagkatuto, pakikilahok, paglikha, at maging sa mga sandaling kailangan mong huminto sandali at magpahinga.

Dahil ang SAMAFIL ay hindi lamang isang samahan. Ito ay tahanan.

Maligayang pagdating sa SAMAFIL—kung saan SAMA-SAMA tayong matututo, lilikha, at lalago.✨

📽: Althea C. Narandan & Nethanel Kim Calabite

31/08/2026

𝗞𝗔𝗠𝗣𝗘𝗢𝗡 — 𝗕𝗼𝗼𝘁𝗵 𝗠𝗮𝗸𝗶𝗻𝗴 | 𝗖𝗹𝘂𝗯 𝗗𝗮𝘆 𝟮𝟬𝟮𝟲

Noong Agosto 27, 2026, nagbunga ang sama-samang sipag at pagkamalikhain ng Samahan ng mga Mag-aaral sa Filipino (SAMAFIL) matapos itong tanghaling Kampeon sa Booth Making Competition ng Club Day 2026.

Mula sa mga titik ng baybayin, talas ng isip sa bugtong, karunungan ng salawikain, mga paniniwala, at ganda ng mga tula, naging larawan ang booth ng yaman ng katutubong panitikan at kulturang Filipino.

Higit pa sa mga disenyo at palamuti, bawat detalye ng booth ay sumasalamin sa pagmamahal at pagmamalaki sa sariling wika at kultura. Ipinakita rin nito na ang mga pamana ng nakaraan ay patuloy na nabibigyang-buhay sa kasalukuyan.

Kinikilala ang pamumuno ni Maria Pearl Saluta bilang pangulo ng SAMAFILsa pagbuo at pagsasakatuparan ng konsepto. Pinasasalamatan din si Bb. Krystal Anuncio, tagapayo ng samahan, sa patuloy na paggabay at suporta.

Hindi rin matatawaran ang ambag ng mga opisyales at aktibong miyembro ng SAMAFIL na naglaan ng oras, lakas, ideya, at talento sa paghahanda ng booth.

Patunay na ang titulong iginawad at bunga ng sama-samang talento, tiyaga, at ambag ng bawat isa.

Muli, isang malaking makulay na pagbati SAMAFIL!

31/08/2026

𝗞𝗔𝗠𝗣𝗘𝗢𝗡 — 𝗣𝗿𝗼𝗺𝗼𝘁𝗶𝗼𝗻𝗮𝗹 𝗩𝗶𝗱𝗲𝗼 | 𝗖𝗹𝘂𝗯 𝗗𝗮𝘆 𝟮𝟬𝟮𝟲

Noong Agosto 27, 2026, ipinamalas ng Samahan ng mga Mag-aaral sa Filipino (SAMAFIL) ang mensaheng “May tahanan ka. May mapagpahingahan. Hindi ka mag-iisa.” sa Promotional Video Competition ng Club Day 2026 at itinanghal na Kampeon sa naturang patimpalak!

Sa SAMAFIL, hindi lamang wika at panitikan ang ating pinahahalagahan. Higit sa lahat, binubuo natin ang isang tahanang may puwang para sa bawat isa—isang lugar kung saan maaari kang maging ikaw, makapagpahinga, matuto kasama ang iba, at malayang maibahagi ang iyong talento.

Dahil ang isang organisasyon ay hindi lamang tungkol sa pangalan o sa mga aktibidad na ginagawa nito. Ito ay tungkol sa mga taong bumubuo rito at sa pakiramdam ng pagiging kabilang. Sa SAMAFIL, bawat tinig ay mahalaga, bawat talento ay may lugar, at bawat isa ay may tahanang maaaring balikan.

Isang patunay na ang tahanan ay hindi lamang lugar na inuuwian, bagkus ay isang samahang sama-samang binubuo, pinahahalagahan, at ipinagmamalaki.

Muli, isang malaking pagbati sa Samahan ng mga Mag-aaral sa Filipino (SAMAFIL) sa pagsungkit ng kampeonato!

31/08/2026

𝗧𝗨𝗚𝗧𝗢𝗚 𝗡𝗚 𝗧𝗔𝗚𝗨𝗠𝗣𝗔𝗬 — 𝗙𝗮𝗹𝘀𝗲 𝗕𝗮𝗻𝗱 | 𝗖𝗹𝘂𝗯 𝗗𝗮𝘆 𝟮𝟬𝟮𝟲

Noong Agosto 27, 2026, muling umalingawngaw ang talento at husay ng mga mag-aaral sa Filipino matapos makamit ng False Band ang 1st Place sa False Band Competition ng Club Day 2026.

Sa bawat tugtog, kumpas, at himig, ipinamalas ng grupo ang kanilang talento, determinasyon, at pagkakaisa. Higit pa sa isang pagtatanghal, naging patunay ang kanilang pagganap na ang musika ay nagiging mas makabuluhan kapag sinasabayan ng tiyaga, tiwala, at sama-samang layunin.

Ang tagumpay na ito ay bunga ng pagtutulungan ng RITMO at SAMAFIL, na kapwa naging bahagi sa paghubog at pagsuporta sa isang pagtatanghal na nagbigay ng karangalan sa samahan.

Kinikilala ang bawat miyembro ng False Band na naglaan ng oras, lakas, talento, at dedikasyon upang maihanda ang kanilang pagtatanghal. Gayundin, pinasasalamatan ang mga taong nasa likod ng grupo na patuloy na nagbigay ng suporta at tiwala.

Patunay na sa bawat himig na sabay-sabay na tinutugtog, may kwento ng pagkakaisa, pagsisikap, at tagumpay.

Muli, isang malakas na pagbati sa False Band! Ang inyong tugtog, tunay na umalingawngaw hanggang sa tagumpay. 🥇🎶

31/08/2026

𝗦𝗜𝗟𝗜𝗣𝗜𝗡 | 𝙎𝙖 𝙇𝙞𝙠𝙤𝙙 𝙣𝙜 𝘽𝙖𝙬𝙖𝙩 𝙉𝙞𝙣𝙜𝙣𝙞𝙣𝙜 ✨

Mula sa bawat paghahandang puno ng tiyaga, sa pagbuo ng aming munting tahanan, hanggang sa mga paligsahang pinaglaanan ng husay at puso—bawat sandali ay naging bahagi ng isang araw na hindi malilimutan.

Sa gitna ng ingay, saya, at kompetisyon, nagniningning ang bawat miyembro ng SAMAFIL.

Ito ang aming Club Day—isang araw ng pagkakaisa, talento, at pagmamalaki sa pagiging bahagi ng SamaFil.🤎

𝑺𝒂 𝑺𝑨𝑴𝑨𝑭𝑰𝑳, 𝒎𝒂𝒚 𝒕𝒂𝒉𝒂𝒏𝒂𝒏 𝒌𝒂.🍂

31/08/2026

𝗖𝗟𝗨𝗕 𝗗𝗔𝗬 | 𝙈𝙜𝙖 𝙎𝙖𝙣𝙙𝙖𝙡𝙞𝙣𝙜 𝙃𝙞𝙣𝙙𝙞 𝙈𝙖𝙡𝙞𝙡𝙞𝙢𝙪𝙩𝙖𝙣✨

Isang araw ng tawanan, pakikilahok, pagkakaibigan, at sama-samang paglikha ng masasayang alaala!

Balikan natin ang mga highlight moments ng Club Day na puno ng enerhiya at samahan. Sa bawat kuha, may kwentong nabuo at alaalang mananatili. 📸

𝑺𝒂 𝑺𝑨𝑴𝑨𝑭𝑰𝑳, 𝒎𝒂𝒚 𝒕𝒂𝒉𝒂𝒏𝒂𝒏 𝒌𝒂.🍂

30/08/2026

𝗣𝗔𝗚𝗞𝗜𝗟𝗔𝗟𝗔 | 𝙋𝙖𝙜𝙨𝙞𝙗𝙤𝙡 𝙣𝙜 𝘽𝙖𝙜𝙤𝙣𝙜 𝙃𝙚𝙣𝙚𝙧𝙖𝙨𝙮𝙤𝙣

Malugod naming ipinakikilala ang mga Mag-aaral sa Unang Taon ng Medyor sa Filipino—ang mga bagong binhing handang tumubo, mamukadkad, at maging bahagi ng mas matatag na pamilya ng mga mag-aaral na nagmamahal sa wikang Filipino.

Nawa’y maging makulay at makabuluhan ang inyong paglalakbay. Maligayang pagdating sa inyong bagong tahanan, mga bagong sibol ng SamaFil!🌱

𝑺𝑨𝑴𝑨-𝑺𝑨𝑴𝑨, 𝑷𝑨𝑮𝒀𝑨𝑴𝑨𝑵𝑰𝑵 𝑨𝑵𝑮 𝑾𝑰𝑲𝑨 𝑨𝑻 𝑲𝑼𝑳𝑻𝑼𝑹𝑨𝑵𝑮 𝑭𝑰𝑳𝑰𝑷𝑰𝑵𝑶!🍂

Address

San Jose
Montevista
8801

Website

facebook.com

Alerts

Be the first to know and let us send you an email when Samahan ng mga Mag-aaral sa Filipino posts news and promotions. Your email address will not be used for any other purpose, and you can unsubscribe at any time.

Contact The University

Send a message to Samahan ng mga Mag-aaral sa Filipino:

Want your university to be the top-listed university in Montevista?

Samahan ng mga Mag-aaral sa Filipino

10/09/2026

10/09/2026

08/09/2026

03/09/2026

31/08/2026

31/08/2026

31/08/2026

31/08/2026

31/08/2026

30/08/2026

Address

Website

Alerts

Contact The University

Shortcuts

Share

Category

Listing takedown request