Tau Gamma Phi - Sta. Isabel Chapter Naujan Council

07/02/2026

🎉 Happy 6th Founding Anniversary (Feb. 7, 2026)! 🎉

Anim na taon ng pagkakapatiran, paglilingkod, at paninindigan.
Ngayong araw, ipinagdiriwang namin hindi lang ang anibersaryo ng aming Chapter kundi ang bawat alaala, sakripisyo, at serbisyong pinagsaluhan sa paglipas ng mga taon.

Patuloy kaming maglilingkod nang may malasakit, may pagkakaisa, at may tunay na adhikain para sa komunidad.

Anim na taon na, at siguradong mas maraming taon pa ang ating pagsasamahan!💛🔥

Salamat sa lahat ng mga brad na nakiisa at tumulong, kasama na rin ang mga nasa malalayong lugar. Salute sa ating lahat 🫡🫡🫡

Send a message to learn more

06/02/2026

Bukas, Pebrero 7, 2026, ay ika-6 na anibersaryo ng aming Chapter. At tulad ng nakaugalian, pinili naming ipagdiwang ito sa isang makabuluhang paraan—sa pamamagitan ng pagpapakain sa mga batang mag-aaral ng Joaquin G. Hernandez Elementary School - 110553 🎉🙏

Napakasarap sa pakiramdam na muling magbalik at magbahagi ng ngiti, saya, at kaunting biyaya sa mga bata—isang paalala na ang tunay na selebrasyon ay ang pagbibigay at paglilingkod.

Taos-puso po kaming nagpapasalamat sa lahat ng mga g**o sa pangunguna ng punong-g**o Jennifer M. Laylo, gayundin sa lahat ng mga estudyante, sa mainit na pagtanggap at masayang pagbati sa amin.

Anim na taon ng pagkakapatiran, at mas marami pang taon ng serbisyong tunay at magandang adhikain para sa komunidad. 💛🔥

24/12/2025

Simbang Gabi - Disyembre 23, 2025 (Part 3/3) ⛪🙏✨

Buong saya at pasasalamat naming ipinagdiriwang ang pakikiisa ng Tau Gamma Phi – Sta. Isabel Chapter sa lahat ng siyam na gabi ng Simbang Gabi. 🙏✨

Isang karangalan na kami ay maging kabilang sa isa sa mga Sponsors. Nakakataba ng puso na makita, na ang lahat ng mga nagsimba ay nasiyahan at nabusog sa handog naming pagkain sa ika-9 na Simbang Gabi.

Ang lahat po ng ito ay hindi magiging posible kung wala ang pagtanggap at pagtulong ninyo lalong higit po sa mga tao at pamilya na aming nalapitan upang magsagawa ng Christmas Caroling. 🥰🎅🎁🎄

Muli po, ay maraming maraming salamat sa mainit na pagtanggap at sa pagkakataong maging bahagi ng isang tradisyong patuloy na nagbibigay lakas sa ating pagkakaisa at pananampalataya. 🙏⛪

Salute sa lahat ng mga brad/tol, malapit o malayo man ay ramdam pa rin ang inyong presensya at suporta 🫡🫡🫡

23/12/2025

Simbang Gabi - Disyembre 16 - 22, 2025 (Part 2/3) ⛪🙏✨

Ito na po lahat ng pictures at videos na nakayanang makuha mula ikalawa hanggang ikawalo na Simbang Gabi.

Batid po naming may karamihan ang mga ito, kaya po susubukan natin gumawa ng highlights at mapost bago matapos ang araw na ito. Maraming salamat po!

15/12/2025

Simbang Gabi - Disyembre 15, 2025 (Part 1/3) ⛪🙏✨

Ang Simbang Gabi ay higit pa sa tradisyon, ito ay isang taimtim na gawaing panrelihiyon na nag-uugat sa pananampalataya nating mga Pilipino at sa ating debosyon sa Pagdating ni Kristo.

Mas masaya ang Simbang Gabi kapag may kasamang ngiti at pagkakaisa. Maraming salamat po sa De Villa Family sa masarap ninyong handog na pagkain, kami sa Tau Gamma Phi ay nagagalak na makatulong pamahalaan ang pamamahagi ng pagkain para sa lahat ng mga nagsimba.

Ganito ang diwa ng Pasko—pagbibigayan, pagkakaisa, at pananampalataya🎄

18/11/2025

Highlights mula sa aming natatanging bilang sa Gabi ng Parangal! 🎥✨

Tau Gamma Phi – Sta. Isabel Chapter proudly presents ang aming dance performance na puno ng saya, energy, at pagkakaisa. Salamat sa lahat ng sumuporta at nakiisa lalong lalo na kay Izza De Villa na nagturo sa amin ng sayaw—isang gabing hindi malilimutan para sa buong Barangay Sta. Isabel! ❤️🔥

Padayon sa talento, kultura, at kapatiran!

18/11/2025

Isang malaking pasasalamat sa aming dance mentor/instructor Izza De Villa! 🙏💛🖤

Maraming salamat sa oras, tiyaga, at dedikasyon na ibinahagi mo sa amin. Dahil sa iyong gabay, mas naging kahanga-hanga, pulido, at buhay ang aming performance sa Gabi ng Parangal. 🎶💃🕺✨

Hindi lang sayaw ang itinuro mo, kundi ang tunay na halaga ng disiplina, teamwork, at confidence. Saludo kami sa’yo! 🙌🔥

18/11/2025

Isang makulay at masayang selebrasyon para kay Sta. Isabel! 🎉🙏✨

🗓️Nobyembre 16, 2025

Kami mula sa Tau Gamma Phi – Sta. Isabel Chapter ay nakibahagi sa ginanap na Parada at Gabi ng Parangal bilang bahagi ng pagdiriwang ng bisperas ng ating Piyesta. Nakakatuwang makita ang tagumpay ng programa—puno ng saya, musika, sayaw at pagkakaisa ang buong komunidad.

Bawat sektor ay naghanda ng kani-kanilang natatanging bilang, mula sa mga kabataan hanggang sa ating mga senior, lahat ay buong puso at walang papigil na nakiisa sa selebrasyon. ❤️🤝

Isang gabi ng pasasalamat, kultural na pagpapahalaga, at tunay na bayanihan. Mabuhay ang Barangay Sta. Isabel!

09/11/2025

Sama-samang pagkilos para sa mas malinis na komunidad! 🧹🚮
📅 Nobyembre 8, 2025

Tau Gamma Phi – Sta. Isabel Chapter ay nakiisa sa Sangguniang Barangay sa isinagawang paglilinis ng kalsada sa aming barangay. Isang simpleng paraan ng pagtutulungan upang mapanatili ang kaayusan, kalinisan, at kaligtasan sa pagdaan sa kalsada.

Maliit man na hakbang, malaking ambag para sa ikabubuti ng ating komunidad.