01/03/2022
Simula po bukas ay papasok na tayo sa panahon ng Kwaresma. Panahon kung saan ating pagninilayan ang ating mga nagawang kasalanan, puno ng pagtitika at pagdarasal.
Alamin po natin kung ano bang Meron sa Kwaresma!
"KWARESMA"
Ang Kwaresma po ay nagmula sa salitang Latin na "Quadragesima" na ang ibig sabihi'y "Ika-apatnapu". Ang Kwaresma po ay ang paggunita sa 40 araw na pag-aayuno ni Hesus sa disyerto hanggang sa Kaniyang pagpapakasakit.
"MIYERKULES NG ABO"
Nagsisimula ang panahon ng Kwaresma sa Miyerkules ng Abo o Ash Wednesday hanggang sa Linggo ng Pagkabuhay o Easter Sunday. Kapag ating binilang ang mga araw na nakapaloob sa Kwaresma ay lalagpas ito ng 40 araw. At ay dahil hindi nakapaloob ang mga araw ng Linggo sa panahon ng Kwaresma.
"PAG-AAYUNO"
Ang "Fasting" po ay isang pagsasakripisyo na kung saan OBLIGADONG huwag kumain ng 1 o 2 beses sa araw ng abo, sa mga araw ng Biyernes na nakapaloob sa panahon ng Kwaresma, at sa araw ng Viernes Santo. Ang maaaring makagawa ng pag-aayuno ay ang mga taong nasa edad 14 taon pataas. Ang paraan na ito ay matagal nang ginagawa ng mga sinaunang tao at mababasa natin ito sa Bibliya.
"PANGINGILIN"
Ang "Abstinence" naman ay isang OBLIGADONG gawain rin na kung saan ay iiwasan na kumain ng mga karne ng baboy at manok maging ang mga sabaw nito. May ilang mga tao naman na dinadagdagan nila ang kanilang pangingilin sa pamamagitan ng pag iwas sa mga paborito nilang pagkain (junkfoods) maging pag-iwas sa mga bagay na madalas nilang ginagawa. Halimbawa ay ang paggamit ng cellphone, T.V atbp. Ito ay dapat na gawin sa araw ng Miyerkules ng Abo, mga araw ng Biyernes na nakapaloob sa panahon ng Kwaresma, at sa araw ng Viernes Santo. Walang pinipiling edad ang pagsasagawa ng pangingilin.
Bakit kailangang gawin ang Pag-aayuno at Pangingilin bilang isang Kristiyano?
Ang pagsasakipisyong ito ay nilalaan natin tanda ng ating PAGKAKASALA SA ATING DIYOS. At bukod sa ginagaya natin ang Panginoong Hesukristo noong nagpakasakit (nag-ayuno
