17/09/2026
KONSENSYA NG BAYAN, OPPOSE THE STATE ATTACKS AGAINST OUR STUDENT LEADERS! WALKOUT NOW!
HANDS OFF OUR CSSP SC CHAIRPERSON BELLE ESPIRITU!
Sa ngalan ng Pax Silica at mapanlinlang na interes ng dayuhan, sinusupil ng estado ang mga kabataang tumitindig at lumalaban. Gayunpaman, kasaysayan ang magpapatunay na hindi aatrasan ng mga Konsensya ng Bayan ang tumitinding banta ng pasismo.
Taas-kamaong kinokondena ng CSSP Student Council at mga organisasyon ng Kolehiyo ng Agham Panlipunan at Pilosopiya ang nakaambang pagsasampa ng gawa-gawang kaso laban kay Summer Libelle ‘Belle’ Espiritu, kasalukuyang CSSP SC Chairperson at National Vice Chairperson ng League of Filipino Students. Gayundin, ang sunod-sunod na kaso sa iba pang mga kabataan at paralegals na nakiisa sa Luzon Economic Corridor (LEC) Investors Forum mobilization noong Setyembre 10 sa Bonifacio Global City (BGC). Sa halip na igalang ang demokratikong karapatan ng kabataan na magpahayag, mag-organisa, at umalma, pinipili ng estado ang pananakot at panunupil upang patahimikin ang mga nangangahas na makibaka. Ang pag-atake kay Belle ay pag-atake sa buong hanay ng kabataang naglalakas-loob na kumwestyon at manindigan.
Hindi hiwalay ang mga atakeng ito sa lumalaking pagtutol ng mamamayan sa Pax Silica at sa patuloy na pagpapailalim ng yaman ng bansa sa dikta ng imperyalistang US at malalaking korporasyon. Pinahihintulutan ng papet na gobyerno ang pagpapatayo ng mga hub ng AI at semiconductor para sa ekonomiya at giyerang agenda ng Estados Unidos. Sa ngalan ng huwad na pag-unlad at pambansang seguridad, sinasakripisyo ang lupang ninuno, kabuhayan, at kinabukasan ng mga komunidad ng Aeta sa Capas, Tarlac, at ng marami pang batayang sektor na lubos na maapektuhan ng inisyatiba. Mahaba na ang kasaysayan ng mga imperyalistang mandarambong, pyudal na mananamantala, at kurap na burukrata-kapitalista sa lipunang Pilipino, silang mga tunay na salot at pahirap sa mamamayan.
Sa halip na dinggin ang daing ng masang api, pasismo ang sagot ng estadong pumoprotekta sa mga naghaharing-uri. Kinakasuhan, dinarahas, at sa maraming pagkakataon, pinapaslang ang mga tunay na naglilingkod sa sambayanan. Kaya’t bilang mga Konsensya ng Bayan, hindi natin pahihintulutan ang kriminalisasyon sa mga kabataan at lider-estudyante. Hinulma sa makasaysayang bulwagang Palma ang mahabang tradisyon ng kritikal na pag-iisip, radikal na pagtatanong, at militanteng pamumuno ng kabataan.
Malinaw ang sigaw ng mamamayang Pilipino: Ibasura ang hindi makatao at hindi makabayang Pax Silica! Itigil ang pananakot at pandarahas sa mga tagapagtanggol ng pambansang soberanya! Habang kinakaltasan ng badyet sa edukasyon at ginigipit ang agham panlipunan, pinopondahan at inuuna naman ng estado ang pagsikil sa boses ng mga Iskolar ng Bayan. Bigkis-bigkis nating harapin ang kabulukan ng tutang administrasyon ni Marcos Jr.! Mula sa mga bulwagan hanggang sa lansangan, hindi magpapatinag sa panunupil ang laksa-laksang hanay ng kabataang Pilipino!
KONSENSYA NG BAYAN, WALK OUT NOW! STOP PAX SILICA!
🗓 September 18
10AM | Snake Rally
10:30AM | Cluster Action
11:30AM | Main Program Steps
| KONSENSYA NG BAYAN, OPPOSE THE STATE ATTACKS AGAINST OUR STUDENT LEADERS! WALKOUT NOW!
HANDS OFF OUR CSSP SC CHAIRPERSON BELLE ESPIRITU!
Sa ngalan ng Pax Silica at mapanlinlang na interes ng dayuhan, sinusupil ng estado ang mga kabataang tumitindig at lumalaban. Gayunpaman, kasaysayan ang magpapatunay na hindi aatrasan ng mga Konsensya ng Bayan ang tumitinding banta ng pasismo.
Taas-kamaong kinokondena ng CSSP Student Council at mga organisasyon ng Kolehiyo ng Agham Panlipunan at Pilosopiya ang nakaambang pagsasampa ng gawa-gawang kaso laban kay Summer Libelle ‘Belle’ Espiritu, kasalukuyang CSSP SC Chairperson at National Vice Chairperson ng League of Filipino Students. Gayundin, ang sunod-sunod na kaso sa iba pang mga kabataan at paralegals na nakiisa sa Luzon Economic Corridor (LEC) Investors Forum mobilization noong Setyembre 10 sa Bonifacio Global City (BGC). Sa halip na igalang ang demokratikong karapatan ng kabataan na magpahayag, mag-organisa, at umalma, pinipili ng estado ang pananakot at panunupil upang patahimikin ang mga nangangahas na makibaka. Ang pag-atake kay Belle ay pag-atake sa buong hanay ng kabataang naglalakas-loob na kumwestyon at manindigan.
Hindi hiwalay ang mga atakeng ito sa lumalaking pagtutol ng mamamayan sa Pax Silica at sa patuloy na pagpapailalim ng yaman ng bansa sa dikta ng imperyalistang US at malalaking korporasyon. Pinahihintulutan ng papet na gobyerno ang pagpapatayo ng mga hub ng AI at semiconductor para sa ekonomiya at giyerang agenda ng Estados Unidos. Sa ngalan ng huwad na pag-unlad at pambansang seguridad, sinasakripisyo ang lupang ninuno, kabuhayan, at kinabukasan ng mga komunidad ng Aeta sa Capas, Tarlac, at ng marami pang batayang sektor na lubos na maapektuhan ng inisyatiba. Mahaba na ang kasaysayan ng mga imperyalistang mandarambong, pyudal na mananamantala, at kurap na burukrata-kapitalista sa lipunang Pilipino, silang mga tunay na salot at pahirap sa mamamayan.
Sa halip na dinggin ang daing ng masang api, pasismo ang sagot ng estadong pumoprotekta sa mga naghaharing-uri. Kinakasuhan, dinarahas, at sa maraming pagkakataon, pinapaslang ang mga tunay na naglilingkod sa sambayanan. Kaya’t bilang mga Konsensya ng Bayan, hindi natin pahihintulutan ang kriminalisasyon sa mga kabataan at lider-estudyante. Hinulma sa makasaysayang bulwagang Palma ang mahabang tradisyon ng kritikal na pag-iisip, radikal na pagtatanong, at militanteng pamumuno ng kabataan.
Malinaw ang sigaw ng mamamayang Pilipino: Ibasura ang hindi makatao at hindi makabayang Pax Silica! Itigil ang pananakot at pandarahas sa mga tagapagtanggol ng pambansang soberanya! Habang kinakaltasan ng badyet sa edukasyon at ginigipit ang agham panlipunan, pinopondahan at inuuna naman ng estado ang pagsikil sa boses ng mga Iskolar ng Bayan. Bigkis-bigkis nating harapin ang kabulukan ng tutang administrasyon ni Marcos Jr.! Mula sa mga bulwagan hanggang sa lansangan, hindi magpapatinag sa panunupil ang laksa-laksang hanay ng kabataang Pilipino!
KONSENSYA NG BAYAN, WALK OUT NOW! STOP PAX SILICA!
🗓 September 18
10AM | Snake Rally
10:30AM | Cluster Action
11:30AM | Main Program Steps
