All UP Academic Employees Union - Diliman Chapter

28/04/2026

Union Diaries | Abril 27, 2026
Ikot Unyon sa Faculty Meeting ng CSWCD

Sumaglit tayo sa faculty meeting ng College of Social Work and Community Development (CSWCD) nang paunlakan tayo ni Dean Justin Nicolas na magbahagi tungkol sa ating hinaharap na pandaigdigan at pambansang kalagayan na nakakaapekto sa atin dito sa loob ng pamantasan.

Masikhay naman na ang kamalayan at kaalaman ng ating mga g**o sa CSWCD tungkol sa kaugnayan ng imperyalismo, pyudalismo, burakrata kapitalismo, at mga polisiya ng neoliberalismo na nagiging ugat ng mga sigalot at kahirapan sa ating mundo.

Mas inilapag ng ating mga kasamang faculty sa CSWCD ang ibayong pangamba sa ating mga estudyante na naka-deploy sa iba't ibang lugar na rural at urban na settings. Nakakabahala na bago pa man ang madugong pagpatay ng militar sa Negros 19 ay nakakaranas na ng harassment at intimidation ang ating mga estudyante mula sa mga tauhan ng AFP at ng PNP, kahit may mga papeles na ng pakikipag-ugnayan ang kolehiyo sa mga LGU na kinabibilangan nito.

Ang Committee on the Protection of Academic Freedom and Human Rights, na una nang nagpalabas ng pahayag ng pagkondena sa pagpatay kay Alyssa Alano at iba pang kasama sa Negros 19, ay maglalabas ulit ng pahayag ng pagsuporta sa mga estudyante at iba pang mananaliksik ng lipunan at pagkondena pa rin sa ginagawang harassment at intimidation ng mga pwersa ng estado. Nakalinya na rin na gawain ang pakikipag-usap sa pamunuan ng AFP at PNP upang hingan ng paliwanag at pananagutan sa mga insidenteng ito.

Patuloy tayong iikot sa iba pang mga kolehiyo at opisina para maitambol ang ating mga kampanya.

28/04/2026

Union Diaries | Abril 27, 2026
Ikot Unyon sa Strategic Planning ng College of Education

Kasabay ng isinagawang strategic planning ng Kolehiyo ng Edukasyon noong Aril 27, 2026, naidaos natin ang Ikot Unyon kasama ang nasa 40 g**o, REPS, at kawani. Tinalakay natin ang kasalukuyang krisis bunsod ng gerang agresyon ng US-Israel at mga kampanya natin sa sahod, trabaho, at karapatan.

Lumabas sa diskusyon sa strat planning na sa kabila ng pagiging Center of Excellence for Teacher Education, mataas na licensure exam passing rates, at di matatawarang husay sa saliksik at gawaing ekstensiyon ng kolehiyo, kulang ang plantilla items, pasilidad, at suporta sa mga mag-aaral, g**o, REPS, at kawani. Mabigat ang workload ng mga empleyado, kulang ang mga batayang kagamitan at pasilidad (e. g., equipment, laboratories, canteen, mas malakas na wifi), at kapos sa mga espasyo (e.g., silid-aralan, org spaces) na matutugunan sana ng plano noong Education Complex ngunit hindi naituloy dahil walang badyet. Isang kritikal na usapin ngayon ay ang laboratory school nito na UPIS na kung saan-saan nagkaklasrum ang high school students sa kasalukuyan dahil sa problema sa structural integrity ng gusaling itinayo ng Ayala.

Ilan sa mga pangunahing target ng kolehiyo matapos ang unang araw ng strat planning ay ang reorganization na tutugunan ang workload balancing at mangangailangan ng dagdag na plantilla positions, modernisasyon ng mga pasilidad at kagamitan, maayos na data management systems, pagpapaigting ng ugnayan ng Educ, UPIS, at NISMED, at pagpapalakas ng mentoring at development programs para sa mga estudyante, g**o, REPS, at staff. Binigyang-pansin din sa Ikot Unyon discussion ang pagiging kritikal sa AUN-QA, world university rankings, at iba pang porma ng neoliberal na atake sa edukasyon, gayundin ang pamamasista ng estado sa mga iskolar ng bayan na lumulubog sa mga komunidad kaugnay ng trahedya ni Alyssa Alano at iba pang sibilyan sa pandarahas ng militar sa Negros noong Abril 19.

Kaisa ng unyon ang mga sektor sa Kolehiyo ng Edukasyon sa paggigiit ng dagdag na badyet sa edukasyon, pagpapanagot sa mga tiwali sa pamahalaan, pagkondena sa imperyalismo ng US, at patuloy na paglaban para sa bata, para sa g**o, at para sa bayan.

28/04/2026

Union Diaries | Abril 26, 2026
Luksang Pagtatanod para sa Negros 19

Nakiisa ang ilan sa ating mga kasama sa ginanap na candle lighting event sa Oblation Plaza upang iparamdam ang ating pagluluksa sa malagim na pagkamatay ng Negros 19 kasama ang mga estudyante natin na sila Alyssa Alano at Maureen Santuyo at mga kaibigan nilang sila Errol Wendel at RJ Ledesma.

Tinakpan natin ng itim na tela si Oblation bilang simbolo ng pagluluksa ng buong komunidad ng UP sa sinapit na hindi makataong kamatayan ng Negros 19. Matatandaan na walang habas na pinaulanan ng bala ng 79th Infantry Division ng AFP ang Barangay Salamanca sa Toboso, Negros Occidental na ikinamatay ng mga sibilyan na nakikipamuhay sa mga magsasaka.

Tinirikan natin ng kandila ang buong Oblation Plaza habang pinakikinggan ang testimonya ng mga pamilya ng mga namatay din sa madudugong engkwentro sa lupain ng Negros.

Justice for Negros 19!

25/04/2026

Union Diaries | Abril 24, 2026
Indignation Rally sa Camp Aguinaldo

Sumama tayo sa iba’t ibang mga progresibong grupo na nag protesta sa harap ng Camp Aguinaldo upang ipahayag ang tindi ng ating galit at pagkondena sa ginawang pagpatay kay Alyssa Alano, RJ Nichole Ledesma, Maureen Santuyo, Erroll Wendel at iba pang sibiliyan sa binansagang Negros 19 sa ginawang operasyon ng 79th Infantry Division ng Armed Forces of the Philippines (AFP) nitong nakaraang Abril 19 sa Barangay Salamanca, Toboso, Negros Occidental.

Kabilang tayo sa hanay ng mga g**o at nasa sektor ng edukasyon na sumama sa mga organisador ng komunidad, mga pesante, mga lider estudyante, mga environmental defenders, at mga masang anak pawis na tumungo sa tarangkahan ng Camp Aguinaldo. Sa kabila ng mga pinapalipad nilang mga drones, nakakalat na civilian assets, at mga nakaharang na mga pulis sa ating likuran, mariin natin ipinahayag ang kalupitan ng mga sundalo sa marahas na pagpatay sa ating mga kasama, at paggigiit sa kanilang mga naratibo na kasapi sila ng NPA kahit sila ay mga estudyante na researchers, journalists, at organisador ng komunidad.

Lubhang kalunos-lunos at nakakagalit din ang mga komento sa social media ng mga trolls at mga kakampi ng pamahalaan na nagbabansag na “corned beef” ang sinapit ng mga kasama na tila hindi tao ang pinatay ng mga militar, sabay din ang umaalingawngaw na katanungan na “bakit ba sila nandoon”.

Malinaw na kaya sila naroroon ay kasama sa edukasyon ng mga UP students ang makipamuhay sa mga batayang sektor at alamin ang kanilang kalagayan bilang praktika sa pag-aaral ng lipunan. Dito nila nakikita at nararanasan ang kalunos-lunos na kalagayan ng mga manggagawang bukid at mga magsasaka sa Negros kung saan may malawakang land conversion na gagawing solar farms at palm oil plantation, kawalang suporta ng gobyerno sa pag-agapay sa mga gastusin ng pagsasaka at pagbabarat sa pagbili ng kanilang inaani, at ang kawalan ng trabaho ng mga nasa mga hacienda sa mga off-milling season ng asukal.

Nararapat na magkaroon ng patas na imbestigasyon sa nangyaring operasyon sa Negros at mapanagot ang mga umabusong mga sundalo.

25/04/2026

Union Diaries | Abril 23, 2026
Dalamhati sa Pagpatay ng Militar kay Alyssa Alano, lider estudyante at mag-aaral ng lipunan

Lubos ang galit, hinagpis at lahat ng emosyon ang bumuhos sa buong UP Diliman community sa pagpanaw ng isang butihin at masipag na lider estudyante at mag-aaral ng ating lipunan. Marahas siyang pinatay ng militar kasama ang iba pang mga sibilyan sa Barangay Salamanca, Toboso, Negros Occidental habang binibisita nila at dinodokumento ang kondisyon ng mga lokal na magsasaka sa hinaharap nilang mga isyu ng land grabbing, pang-aabuso at militarisasyon.

Ang 79th Infantry Battalion ng Armed Forces of the Philippines (AFP) ang pumatay sa mga inosenteng sibilyan kasama na ang mga lider estudyante na sila Alyssa Alano, RJ Nichole Ledesma, Maureen Santuyo, at Errol Wendel na tinaguriang Negros 19, sa isang operasyon na siyang magdadagdag sa maraming inutang na dugo ng pasistang rehimeng Marcos Jr. Ibinalandra pa ng pasistang AFP ang mga litrato ni Alyssa at kanyang mga kasamahan na may katabing armas at ipinatong na mga damit pandigma, subalit mariing pinasinungalingan ito ng mga kaibigan niya sa University Student Council kung saan siya nagsisilbi bilang head ng Education and Research committee ng nasabing konseho.

Naglabas din ang UP Diliman Committee on Academic Freedom and Human Rights kung saan kabilang ang akademikong unyon ng statement sa pagpatay kay Alyssa. Isang pangungusap sa nasabing statement ang nagsasaad na “through her work with progressive organizations, she learned that violence waged to silence the voices of truth and enrich those in power must always be met with resistance”. Nakipamuhay si Alyssa sa mga magsasaka ng Negros para tulungan silang iangat ang kanilang karapatan sa tunay na reporma sa lupa na hindi pinaghaharian ng mga haciendero na pinoprotektahan ng mga pwersa ng estado.

Taas kamaong pagpupugay sa ating mahal na estudyante at kaibigan! Hustisya para kay Alyssa Alano! Hustisya para sa Negros 19!

Militar sa kanayunan, palayasin!
Inutang na dugo ng pasistang rehimen, singilin, pagbayarin!

24/04/2026

Union Diaries | Abril 23, 2026
Ikot Unyon sa Main Library

Sa kabila ng pagiging abala ng mga kasama natin sa Main Library ay malugod na nagpaunlak sila na makaupo sa ating Ikot Unyon upang alamin ang tunay na ugat ng mga kahirapan na nararanasan natin sa krisis na ito.

Pinag-usapan natin ang malalang epekto ng gera sa Kanlurang Asya sa ginagawang agresyon ng imperyalistang bansang US at mananakop na bansang Israel sa bansang Iran, Lebanon at mga karatig bansa nito. Walang ibang layunin ang mga bansang ito kundi kamkamin ang langis at territoryo ng mga bansang Muslim.

Ramdam naman ng ating mga librarians ang epekto ng gera na ito sa binibili nilang LPG na gamit pangluto pati na sa gasolina at diesel para sa mga may sasakyan. Giit nila na wala pa rin napapanagot sa mga korap na politiko sa kabila ng lahat ng mga ebidensya na lumalantad sa mga imbestigasyon.

Daing pa rin nila ang kawalan ng espasyo sa hindi pa rin natatapos na Gonzales Hall at ang kahirapan sa paglilipat ng mga gamit mula sa kung saan sila ngayon sa Environmental Engineering building. Mainam daw matutukan ng UP ang mga infrastructure projects sa loob ng campus para mapakinabangan na ang mga ito.

Kaya marapat lang na maibigay ang ating mga pang ekonomikong benepisyo - ang 25K economic relief allowance, 40K professional development grant at 40K na midyear incentive sa ating mga JOCOS na kontraktwal na kawani.

24/04/2026

Union Diaries | Abril 20-22, 2026
Strategic Planning and Assessment ng National Executive Board ng AUPAEU

𝘽𝘼𝙇𝙄𝙏𝘼𝙉𝙂 𝙐𝙉𝙔𝙊𝙉

Lungsod Quezon—Idinaos ng National Executive Board (NEB) ng All UP Academic Employees Union-National ang strategic planning nito sa Lungsod Quezon noong Abril 20-22 bilang panimulang paghahanda sa mga aktibidad at programa ng unyon para sa 2026-2029.

Nakatuwang ng NEB sa nasabing gawain ang Opisina ng Faculty Regent sa pangunguna ni FR Early Sol Gadong na naglatag ng mahahalagang detalye ukol sa kalagayan ng kaguruan at REPS sa UP System. Dumalo rin at nagbigay ng talakay para sa pambansang kalagayan si JP Adaquig, kinatawan ng IBON Foundation.

Kabilang sa mga napag-usapan at nailatag na gawain ay ang pagbuo ng mga focus group discussion para sa technical working groups sa contractualization, REPS Wellness Break, Faculty and REPS Equity in FCLB and eSRP, REPS Open Career System, senior employees and PWDs, at housing.

Inaasahan naman ang bugso ng iba pang mga gawain sa buong taon kaugnay ng pagdiriwang sa ika-25 anibersaryo ng AUPAEU.

21/04/2026

Bunga ito ng ating aktibong partisipasyon sa Committee on Academic Freedom and Human Rights na pinamumunuan ng OVCCA. Ipakalat natin sa lahat ng ating mga kasama na dumadalo sa mga pagkilos sa loob at labas ng campus, pati na ang mga nakikipamuhay sa mga batayang sektor para mapaunlad ang kanilang mga kabuhayan at pag-aaral!

21/04/2026

Mga kasama, bihira lang na matipon ang mga VC offices and Chancellor Vistan.

Sana makarating po tayo bukas para dito para ma-engage natin sila (OVCSA, OVCPD, OVCCA) sa ating mga concerns.

Salamat po!

Mga usapin sa student spaces at services? Mga proyekto tulad ng SDG Wellness Park? Mga paninindigan ng UP Admin sa national at international issues? We got you covered! 🤓☝

Tara't makipagtalakayan sa Usapang Diliman 2026 upang malaman ang kalagayan ng UP Community at ang tugon ng adminstrasyon sa pangangailangan at demokratikong kahilingan ng komunidad!

📍 Alcantara Hall, Student Union Building
📅 April 22, 2026 (Miyerkules)
⌚ 1-5 PM

Para sa mga katanungan, maaari itong ipadala rito:
tinyurl.com/UsapangDiliman2026
tinyurl.com/UsapangDiliman2026
tinyurl.com/UsapangDiliman2026

Kung may katanungan ukol sa event, mangyaring ipadala ito kay Fatima Mendoza (USC SRS Councilor/Event Head) sa [email protected] at/o facebook.com/mariafatimasm.

Kita-kits, mga Iskolar ng Bayan! ✊

21/04/2026

20/04/2026

Union Diaries | Abril 20, 2026
Tagumpay ng Kowloon Workers, Tagumpay ng Unyonismo!

Sa ating pakikiisa ngayong gabi sa piket line ng mga manggagawa ng Kowloon House, natanggap nila ang magandang balita na pumayag na ang may-ari ng kumpanya sa mga kondisyon na inilatag ng kanilang unyon.

Makalipas nang limang (5) araw na tigil operasyon mula sa main office na pinagkukunan nila ng supplies ng siopao, dimsum, dumplings, at noodles, hanggang sa tantiyang mga 85 na mga branches nito, tagumpay ang kanilang inani ngayong araw.

Sa kabila ng pagsugod ng anak ng may-ari, at pananakot ng mga pulis na kakampi ng mga kapitalista, at ang kawalang kasiguraduhang pagwewelga, naitaguyod nila ang kapakanan ng lahat ng manggagawa ng Kowloon house.

Ayon sa panayam ng akademikong unyon kay Dan Macatangay, isang opisyal ng unyon ng Kowloon House, pangatlong pagkakataon na ito na nagkasa sila ng welga laban sa may-ari ng kumpanya. Noong 2008 ay nagkasa din sila na kahalintulad na welga, subalit nagtagal ito ng pitong (7) buwan dahil hindi lahat ay sumama sa welga kaya nakakapag-operations pa ang kumpanya. Subalit ngayong taon, nakumbinsi nila ang lahat ng mga 58 na mga kasama nila sa main office na tumigil sa pagtatrabaho at sumama sa welga, isang dahilan kaya napabilis ang nangyaring negosasyon.

Hiling nila na bukod sa 25 pesos na umento sa sahod (ang orihinal na hiling nila ay 35 pesos, at nagsara ang usapan sa 20 pesos), ay maibalik sa kanila ang service charge (na sa tantiya nila ay aabot na sa 570K at maibabalik daw ito sa pamamagitan ng staggard payment) na kinolekta ng Kowloon house subalit hindi sa kanila ibinigay kundi sa pinaghatian pa ng mga managerial na empleyado.

Matapos ang matagumpay na pirmahan sa pagitan ng unyon at ng management ay magpapahinga muna sila ng isang araw bago bumalik sa operasyon ang Kowloon House.

Halawan natin ang aral ang karanasan ng unyon ng Kowloon House. Tanging sa sama-samang pagkilos, katuwang ang mga progresibong grupo na sumusuporta sa laban para sa sahod, trabaho, at karapatan, makakamit natin ang tagumpay!

20/04/2026

Union Diaries | Abril 20, 2026
Meryendahan sa OVCSA

Tayo ay nagsisimula muli ng panibagong serye ng mga meryendahan, upang kumustahin ang ating mga kasama kasabay ng hinaharap nating krisis sa langis.

Ang unang opisina na sumalang ay ang mga units ng OVCSA. Nagtipon ang ilang empleyado mula sa Office of Student Projects and Activities (OSPA), Office of Counseling and Guidance (OCG), at University Food Service (UFS) sa conference room ng Office of Scholarships and Grants (OSG) upang magbahaginan ng mga karanasan sa lumalalang krisis sa ekonomiya dulot ng patuloy na gerang agresyon ng imperyalistang US-Israel sa Kanlurang Asya, partikular na sa Iran.

Tunghayan ang aming pagbisita sa inyong mga kolehiyo. Paigitingin ang ating mga ugnayan upang maihatid ang ating mga danas at hinaing sa ating unyon. Patuloy natin ilaban ang 25K na economic relief allowance na nararapat lang ibigay ng UP Administration para makaalwan sa ating nararanasan na hirap dulot ng krisis na ito.