UP Mathematics Majors' Circle

05/05/2026

MGA ISKOLAR NG BAYAN, ISULONG ANG MAKABAYANG DIWA NG NEGROS 19!

MAGWALKOUT PARA SA HUSTISYA!
PAGPUGAYAN SI ALYSSA ALANO!

Kinikilala ng UP Diliman University Student Council (USC) ang buhay ni Alyssa Alano sa unibersidad bilang isang mahusay na lider-estudyante at organisador ng mga kapwa iskolar ng bayan. Dala ang anti-imperyalistang diwa, nanguna sa serye ng malalaking walk-outs, kampanya kontra pasismo at korapsyon. Nakiisa sa iba’t ibang kampanya ng komunidad mula karapatan sa lupa, pabahay, at kabuhayan at sa pagigiit sa karapatan ng komunidad ng UP Diliman.

Ang kanyang pagkamartir sa kamay ng pasistang Armed Forces of The Philippines, kasama ang mga kapwa organisador, manggagawang kultural, alagad ng midya at manunulat na sina Maureen, Errol, RJ, Lyle, at Kai, at ang tatlo pang sibilyan sa Komunidad ng Toboso, ang manipestasyong ng matinding milititarisasyon at pamamasismo ng AFP at ng Estado upang protektahan at pagtakpan ang pangyuyurak ng mga malalaking korporasyon sa lupa ng Negros Occidental. Pinapatunayan ng AFP kung sino nga ba ang tunay na terorista sa gitna ng pag masaker sa mga aktibista at organisador—Walang kapatawaran ang pagpatay sa mga mapangahas na nagtungo sa Negros upang pag-aralan at ipaglaban ang mahabang kasaysayan ng pakikibaka ng uring anakpawis sa rehiyon.

Hanggang sa kanyang huling hininga, walang kapagurang pinag-aralan ni Alyssa ang lipunan, at patuloy niyang pinaglingkuran ang sambayanan. Matatandaan ang kanyang walang kapagurang panghihikayat sa mga kapwa-iskolar ng bayan na makiisa at makibaka upang igiit ang karapatan sa akademikong espasyo, sa mga espasyo ng pag-aaral at kalinangan.

Kung kaya’t hinihikayat ng UP Diliman University Student Council na tanganan ng bawat Iskolar ng Bayan ang diwang makabayang binitbit ni Alyssa mula pagkabuhay hanggang sa eternal na ala-ala! Ang kanyang paglaban para sa karapatan ng sangkaestudyantehan, ng mga magsasaka, ng mamamayang Pilipino, ay marapat na parangalanan at ipagpatuloy sa higit na nakakataas na antas ng pagkatutong lampas pa sa apat na sulok ng kwarto ng Unibersidad. Hinihikayat ng kanyang militanteng diwa, na tayo rin bilang mga Iskolar ng Bayan, ay ituon ang husay at talino upang maglingkod at pag-aralan ang lipunan, paglingkuran ang sambayanan!

Sama-sama nating pagpugayan ang eternal na buhay ni Alyssa! Sama-sama nating ipanawagan ang hustisya! Sama-sama nating ipaglaban ang karapatan ng mamamayan! Mula lungsod, patungong kanayunan!

MAGWALKOUT PARA SA HUSTISYA!
11:30 AM — Mass up @ AS Steps
12:00 NN — Simula ng programa
1:00 PM — Simula ng vigil

22/04/2026

STATEMENT

Noong Abril 19, walang habas na pinaulanan ng bala ng 79th Infantry Batallion ng Armed Forces of the Philippines (AFP) ang Barangay Salamanca, Toboso, Negros Occidental kung saan halos 168 na pamilya at 653 na mga indibidwal ang napilitang magbakwit sa kanilang mga tahanan.

Kaugnay nito, ibinabalita ng UP Diliman University Student Council na isa sa mga nasawi ang ating kapwa Iskolar ng Bayan na si USC Councilor Alyssa Alano dahil sa pasistang atake at panunupil ng militar sa Negros.

Mariing kinukundena ng UP Diliman USC ang ginawang pagpatay ng AFP kay Alyssa na isang inosenteng sibilyan.

Lubos ding tinututulan ng UP Diliman USC ang karumaldumal at paulit-ulit na paglabag ng reaksyunaryong gobyerno at ng kanilang mga mersenaryo sa karapatang pantao ng mamamayan ng Negros at maging sa mga aktibistang sumasandig sa laban ng masang api.

Sa kasalukuyan, si Councilor Alano ang Education and Research Councilor ng USC UP Diliman.

Nakipamuhay at nakipag-aralan si Alyssa sa hanay ng mga kapatid nating magsasaka mula sa Negros upang alamin ang kanilang tunay na kalagayan sa harap ng pangangamkam sa lupa, pagsasamantala, at militarisasyon.

Nananatili ang Negros bilang isa sa mga rehiyong may pinakamatinding militarisasyon at paglabag ng karapatang pantao. Pinaigting ng Memorandum Order 32, na naglagay sa Negros sa “State of Lawless Violence”, ang pagtaas ng presensya at operasyong militar sa rehiyon.

Walang habas ang mga mersenaryo sa pangangamkam ng lupa at pananamantala. Tumitindi ang pandarahas, pandadakip, at pagpatay ng mga magsasakang Negrense.

Nakita at naintindihan ni Councilor Alano ang kahalagahan sa paggamit ng kaniyang talino at lakas upang ipaglaban ang mga karapatan ng mga estudyante at batayang sektor, lalo sa pagtindi ng krisis sa ekonomiya.

Si Alyssa ay naging isang mahusay, masikhay, mapagmahal, at dakilang lider-estudyante at tunay na anak ng bayan.

Nagluluksa ang konseho at buong komunidad ng UP sa pagkawala ni Alyssa. Mahigpit ding nakikiramay ang konseho sa kanyang mga naiwang pamilya, kaibigan, at mahal sa buhay.

Buong tapang at buong pusong tinanggap ni Alyssa ang hamon sa bawat Iskolar ng Bayan–ang paglingkuran ang sambayanan. Hinding-hindi natin siya malilimutan.

Nalulungkot ang buong konseho sa pangyayari, ngunit higit dito, pinipili ng UP Diliman USC na buong tapang at buong tatag na ipagpatuloy ang laban para sa hustisyang panlipunan at katarungan para sa lahat ng biktima ng pasismo ng kasalukuyang nabubulok na estado.

Hangga’t hindi nabibigyan ng solusyon ang ugat ng kahirapan, marami pa ang katulad ni Alyssa na handang pag-aralan ang lipunan at magiging handang ipaglaban ang isang lipunang malaya sa pagsasamantala. Hinding-hindi mapuputol ang diwa ni Alano sa malawak na hanay ng mga Iskolar ng Bayan na pahihigpitin pa lalo ang pagkakaisa para tuluyang magapi ang isang sistema ng lipunang mapang-api at mapagsamantala.

Iskolar ng Bayan, ipagpatuloy natin ang militanteng diwa ni Alyssa Alano!

Tumindig tayo, kasama ang bawat Iskolar ng Bayan, komunidad ng UP, at mamamayang Pilipino para sa tunay na kalayaan, katarungan, at hustisyang panlipunan!

Sumandig tayo sa laban ng mga magsasaka at lahat ng masang-api! Palakasin natin ang boses at pwersang yayanig sa sistemang mapang-api!

Alyssa, ang iyong buhay ay mananatiling isang maningning at matalas na tanglaw para sa bawat Iskolar ng Bayan, na patuloy na mangahas na makibaka at paglingkuran ang sambayanan!

Hustisya para kay Alyssa Alano!
Uphold International Humanitarian Law!
Militar sa Kanayunan, Palayasin!
Inutang na Dugo ng Pasistang Rehimen, Singilin, Singilin, Pagbayarin!

22/04/2026

Level up your academic writing game with LaTeXniques ✨

LaTeXniques is a FREE LaTeX typesetting tutorial brought to you every semester by UPMMC’s Academic Committee—open to anyone who wants to learn! As the international standard for scientific journals and math research papers, LaTeX is a must-have skill for students in math, science, and engineering 📚

Whether you’re just starting out or looking to sharpen your skills, this session will guide you through the essential features and packages of LaTeX.

📍 Venue: SUB Room 421
🗓 Date & Time: April 27, 2026 | 8:00 AM – 12:00 NN

🔗 Register here: https://tinyurl.com/UPMMCLaTeXniques25B

Note: It is highly encouraged to bring laptop/any device that can access overleaf.com

14/04/2026

06/04/2026

Think math is a man’s world? Think again. In this month's Math Attack, we spotlight the women who shaped mathematics—from Hypatia of Alexandria preserving early ideas, to Sofia Kovalevskaya breaking barriers in higher math, to Maryam Mirzakhani redefining modern geometry.

24/03/2026

25/02/2026

STATEMENT ON 40th ANNIVERSARY OF EDSA 1: 1986 PEOPLE POWER REVOLUTION]

Ipaglaban ang Dangal ng EDSA 1 People Power Revolution

Apatnapung taon na ang nakaraan, milyun-milyong Pilipino ang nagtipon sa EDSA at napatunayan na ang diwa ng tao, armado lamang ng rosaryo at determinasyon, ay kayang pabagsakin ang mga tangke at ang paniniil. Ngayon, habang ginugunita natin ang makasaysayang anibersaryong ito, humaharap tayo sa isang bago at mas mapanlinlang na kaaway, hindi diktadurya, kundi ang moral fatigue. Ika nga ni Lipa Archbishop Gilbert Garcera, “The greatest danger today is not only historical distortion, but moral fatigue. When freedom is treated merely as a memory and not a duty, the spirit of EDSA slowly dies.” Ito ang kalagayan na kapag ang kalayaan ay itinuturing na lamang na alaala at hindi tungkulin, kapag ang pananampalataya ay naging debosyon na walang tapang at ang kapayapaan ay hinahangad na walang katarungan. Kaya ngayon, tanda mo pa ba ang Pebrero 25?

Hindi maikakaila sa ating kasalukuyang lipunan, ilan sa mga nagiging palatandaan ng pagkapagod moral na ito ay ang pagdeklara sa araw ng EDSA People Power Revolution bilang “special working day” [1]. Ika-25 ng Pebrero, 1986 ang mismong petsa ng EDSA 1 at ginugunita natin ito taun-taon bilang isang mapayapang rebolusyong nagbalik ng ating demokrasya at isa sa mga hinangaan ng buong mundo. Subalit, kinikilala na lamang ito bilang isang ordinaryong araw o ‘di kaya’y binabawasan ang sagradong papel nito sa lipunan, gaya ng pagdeklara sa EDSA Shrine bilang “no rally zone” ng Manila Metropolitan Development Authority (MMDA) [2].

Kung susuriin ang kasalukuyang kalagayan ng bansa, nagpapakita ng malalim na krisis moral at pampulitika, na siyang konteksto ng paggunita sa ika-40 anibersaryo ng EDSA People Power Revolution. Una, laganap ang korapsyon sa ilalim ng kasalukuyang administrasyon. Natuklasan ang iskandalo sa mga proyektong flood control kung saan ang opisyal na ulat ay nagsasabing “100% tapos” na ang mga ito, ngunit sa aktuwal na mga imbestigasyon sa mga lugar, walang nakitang kahit isang tisa o bakas ng konstruksyon [3]. Ito ay “multong proyekto”, nawawala at nasasayang ang bilyong piso ng taumbayan nang walang kapalit. Pangalawa, walang pananagutan ang mga nasa kapangyarihan. Ang Independent Commission for Infrastructure ay nagwakas ng kanilang imbestigasyon nang hindi pinakikinggan ang mga paratang na ang mga kickback mula sa mga proyektong ito ay umabot mismo sa Malacañang [4]. Walang mataas na opisyal na napapanagot sa kabila ng ebidensya ng katiwalian. Pangatlo, bumabagsak ang tiwala ng mamamayan sa gobyerno. Kung tatandaan mula noong 2025, bumaba na sa 33% lamang ang suporta sa kasalukuyang administrasyon [5]. Dito natin makikita na ang estadistika ay hindi nagsisinungaling o naglalaro ukol sa totoong opinyon at pagtingin ng mamayan sa ating gobyerno.

Pang-apat, nananatili ang sistemang nagpapayaman sa iilan. Ang 2025 national budget ay patuloy na pinatatakbo sa ilalim ng tinatawag ng mga aktibista na “sistema ng pork barrel”, kung saan ang pondo ng bayan ay ginagawang personal na pondo ng mga pulitiko imbes na gamitin para sa tunay na serbisyo publiko. Panghuli, nanawagan ang simbahan laban sa dinastiya. Ang Catholic Bishop’ Conference of the Philippines (CBCP) ay naglabas ng apurahang panawagan para sa pagpasa ng tunay na Anti-Dynasty Bill [6]. Ayon sa kanila, “ang kapangyarihan ay dapat manatili sa taumbayan, hindi sa iilan.” Ito ay paalala na apat na dekada matapos ang EDSA, ang mga political dynasty, tulad ng mismong pamilyang pinatalsik ng People Power ay patuloy pa ring naghahari sa ating pulitika.

Sa madaling salita, ang bansa ay nasa kritikal na punto kung saan laganap ang korapsyon, walang pananagutan ang makakapangyarihan, bumabagsak ang tiwala ng mamamayan sa gobyerno, nananatili ang sistemang pabor sa iilan, at ang mga dinastiya ay patuloy na kumokontrol. Ito ang realidad na kinakaharap natin habang ginugunita ang EDSA 1, ipinapakita nito ang laban para sa tunay na demokrasya at katarungan ay hindi pa tapos.

Kaya naman sa oras na ito, pinagtitibay ng University of the Philippines Mathematics Majors’ Circle ang pakikiisa sa paggunita ng ika-40 na anibersaryo ng EDSA People Power Revolution. Kapit bisig na tinatanggihan ng organisasyon ang salaysay na ang EDSA ay aksidente lamang sa kasaysayan o, mas masahol, dayuhang interbensyon. Ang pag-alipusta sa dangal ng EDSA sa kasalukuyang administrasyon ay hindi lamang pagbaluktot ng kasaysayan, kundi ito ay paglapastangan sa sakripisyo ng milyun-milyong Pilipino. Hindi perpekto ang EDSA, gaya ng pag-amin ni Archbishop Garcera, ngunit ito ay totoo. Likas sa puso ng mga Pilipino noon ang magsama-sama sa desisyong piliin ang buhay kaysa kamatayan, kalayaan kaysa takot, at kapayapaan kaysa karahasan. Kaya naman, laking pribilehiyo ang namana nating karapatan bilang mga malayang bagong henerasyon ng ating bayan. Samakatuwid, ituloy ang apoy, tandaan ang Pebrero 25, alalahanin ang EDSA 1!

EDSA 1: Hindi lang alaala, kundi tungkulin!
Ituloy ang apoy!
Wakasan ang korapsyon, hindi ang dangal ng EDSA 1!
Mulat, Magkaisa, Kumilos!

📝: Koshin Cy Ubaldo










Mga Sanggunian:
[1] Limatog, A. (2026, February 23). DOLE sets pay rules for Feb. 25 special working day. Cebu Daily News Inquirer. https://cebudailynews.inquirer.net/699708/dole-sets-pay-rules-for-feb-25-special-working-day
[2] Tupas, E. (2026, February 21). Bayan to defy EDSA ‘no rally’ zones. Philstar.com. https://www.philstar.com/nation/2026/02/22/2509618/bayan-defy-edsa-no-rally-zones
[3] Baclig, C. E. (2025, November 28). COA flags P297M Bulacan flood works as ‘ghost’, relocated projects. Inquirer.net. https://newsinfo.inquirer.net/2148019/coa-flags-p297m-bulacan-flood-works-as-ghost-relocated-projects
[4] De Villa, K. (2026, February 6). With its existence in limbo, ICI submits 125-day accomplishment report. Inquirer.net. https://newsinfo.inquirer.net/2178827/with-its-existence-in-limbo-ici-comes-up-with-125-day-accomplishment-report
[5] Buan, L. (2025, December 30). At yearend 2025, more Filipinos trust Sara than Marcos. RAPPLER. https://www.rappler.com/philippines/filipinos-trust-sara-duterte-than-marcos-jr-sws-survey-december-2025/
[6] Pechay, I. (2026, February 17). Edsa is an ‘awakening’ that calls on Filipinos to act with courage – CBCP. Inquirer.net. https://newsinfo.inquirer.net/2183271/edsa-is-an-awakening-that-calls-on-filipinos-to-act-with-courage-cbcp

24/02/2026

𝐒𝐓𝐄𝐌 𝐂𝐎𝐌𝐌𝐔𝐍𝐈𝐓𝐘, 𝐖𝐀𝐋𝐊𝐎𝐔𝐓 𝐍𝐎𝐖! 𝐑𝐄𝐉𝐄𝐂𝐓 𝐓𝐇𝐄 𝐂𝐎𝐑𝐑𝐔𝐏𝐓 𝐀𝐍𝐃 𝐅𝐀𝐒𝐂𝐈𝐒𝐓 𝐒𝐘𝐒𝐓𝐄𝐌! 𝐋𝐀𝐇𝐀𝐓 𝐍𝐆 𝐒𝐀𝐍𝐆𝐊𝐎𝐓, 𝐃𝐀𝐏𝐀𝐓 𝐌𝐀𝐍𝐀𝐆𝐎𝐓!

Apatnapung taon na ang lumipas mula nang patalsikin ng sambayanan ang diktadurang Marcos. Ngunit malinaw—hindi pa tapos ang laban. May diktadurang Marcos noon at may kurap na Marcos din ngayon. Hindi rin siya nag-iisa. Lantad ang sistematikong korapsyon sa 2026 Budget, sa mga iskandalo sa imprastruktura, at sa patuloy na pagnanakaw sa pondo ng taumbayan.

Habang tumataas ang presyo ng bilihin at naghihirap ang masa, nilulustay ang pondo sa mga substandard na proyekto. Sa halip na tunay na serbisyo, korapsyon ang ipinaiiral. Dumaan man ang ilang eleksyon, nananatili ang isang bulok na sistemang pumipiga sa mamamayan.

Patuloy rin na minamaliit ang edukasyon. Maliban sa substandard at kulang na pasilidad sa loob ng pamantasan, pinagkakaitan rin ng sapat na pondo ang UP at ang sektor ng kabataan dahil takot ang gobyerno sa mulat, kritikal, at lumalabang kabataan. Ngunit hindi tayo matitinag.

Sa ika-40 anibersaryo ng EDSA, buhay ang diwa ng paglaban. Hindi lamang natin ginugunita ang nakaraan; ipinagpapatuloy natin ang rebolusyonaryong diwa nito hanggang sa makamit natin ang mas malayang kinabukasan.

Isabuhay ang diwa ng EDSA! Sumama sa Pebrero 25!

🗓️ February 25, 2026
🕘 9:00–9:30 AM | Snake Rallies
🕤 9:30 AM | STEM Cluster Action @ CS Library
🕙 10:00 AM | University Wide Action
🕥 10:30 AM | Departure to EDSA

Sumali sa STEM Coordination GC:

https://m.me/j/Abbbe3F2q3PvT-Lu/

24/02/2026

21/02/2026

Happy 105th Anniversary UP Mathematics Club !

A week ago today was the UP Mathematics Club's 105th Anniversary. Much love to our neighbor in MBAN 109! May you continue along the path of innovation and discovery as you go beyond your limits for the field of Mathematics! ❤️💚

21/02/2026

🚀 Registration is now CLOSED 🚀

Thank you to everyone that signed up and we look forward to spending this semester with you all!