28/05/2026
Noong Mayo 26, idinaos ang DUGO SA UMA: Field Reports on the Negros 19 Massacre sa Vinzons Lobby upang italakay ang mga natuklasan at karanasan sa independent fact-finding mission na isinagawa ng mga grupo sa pangunguna ng Karapatan noong May 13-15.
Tinalakay ni USC Chairperson Joaquin Buenaflor ang kahalagahan ng pagkakaroon ng independent fact-finding mission upang palitawin ang katotohanan sa lahat ng mga lumalabas na naratibo mula sa estado. Kasama sa naipunto ni Buenaflor ang pagkakaroon ng intensified na presensya ng militar sa Negros dahil sa patuloy na problema sa lupa, ang mataas na posibildad ng pag-tamper ng ebidensya, at pagr-raise ng iba pang mga tanong ukol sa mga naratibong pinapalabas.
Nireport din ng mga tagapagsalita na kinumpirma ng mga residente ng Negros na nakausap ng mga delegado na sibilyan sina Alyssa, Mau, Errol, RJ, Kai, at Lyle na siyang taliwas sa mga naratibo ipinapalabas ng militar.
Kasama rin sa forum sina RC Placido ng NNARA Youth, Prof. Sarah Reymundo ng BAYAN, at Prof. Sol Iglesias mula sa CSSP. Tinalakay nila sa kabuuang konteksto ng Negros, ang patuloy na kontra-insurehensyang programa ng estado, at ang kahalagahan ng pagsunod sa batas at pagrespeto sa karapatang pantao.
Iginigiit ng UP Diliman University Student Council, kaisa ang ibang mga grupo at indibidwal, ang pangangailangan na paigtingin pa ang sama-samang pagkilos upang ipaglaban ang hustisya at pananagutan para sa Toboso 19 at sa lahat ng residente ng Negros na patuloy na binibiktima ng malalang militarisasyon at krisis sa kabuhayan at lupa.
Hustisya para sa Negros 19!
Ipagtanggol ang karapatang pantao!
Maaaring balikan ang FB live ng forum dito: https://www.facebook.com/share/v/1cRDJcRTZW/
