12/08/2026
๐ฃ๐ฟ๐ฒ-๐ฏ๐ถ๐ฑ๐ฑ๐ถ๐ป๐ด ๐ฐ๐ผ๐ป๐ณ๐ฒ๐ฟ๐ฒ๐ป๐ฐ๐ฒ ๐ฝ๐ฎ๐ฟ๐ฎ ๐๐ฎ ๐บ๐ฎ๐ต๐ถ๐ด๐ถ๐ โฑ ๐ฐ๐ฌ๐ณ๐ ๐ฝ๐ฟ๐ผ๐๐ฒ๐ธ๐๐ผ๐ป๐ด ๐ฝ๐ฎ๐ป๐ด-๐ถ๐บ๐ฝ๐ฟ๐ฎ๐๐๐ฟ๐ฎ๐ธ๐๐๐ฟ๐ฎ ๐๐ฎ ๐ถ๐น๐ฎ๐น๐ถ๐บ ๐ป๐ด ๐ฃ๐ฅ๐๐ฃ, ๐ถ๐๐ถ๐ป๐ฎ๐ด๐ฎ๐๐ฎ
12 Agosto 2026, Lungsod ng Calapan - Bago ang pormal na pagbubukas at pagsasagawa ng bidding para sa konstruksyon ng Php 407,461,000.00 Merit-Concepcion, Victoria-Ma. Concepcion-Happy Valley-Bugtong na Tuog, Socorro Farm-to-Market Road (FMR) with Bridge, isinagawa ang pre-bidding conference ngayong ika-12 ng Agosto sa Provincial Administrator's Conference Hall sa Kapitolyo.
Ang proyektong ito ay nakapaloob sa Philippine Rural Development Project (PRDP) Scale-up ng Department of Agriculture (DA) na layong mapadali at mabawasan ang gastos sa pagdadala ng mga produktong agrikultural ng mga magsasaka patungong pamilihan, maibenta ang mga produkto sa tama at makataong presyo at mapabilis ang akses ng pamayanan sa mga tulong ng pamahalaan sa mga malalayong barangay.
Sa pagpupulong, ipinaliwanag at binigyang-linaw ni BAC Chairperson at Provincial Administrator (PA) Atty. Earl Ligorio R. Turano II sa mga dumalong prospective bidder ang mahahalagang detalye ng bidding documents, mga itinakdang procurement requirement at kondisyong dapat isaalang-alang sa paghahanda at pagsusumite ng kanilang mga bid.
Ito ay alinsunod sa umiiral na procurement laws at regulasyon ng World Bank ukol sa procurement bago ang implementasyon ng proyekto.
Ayon pa kay PA Turano, ito ang isa sa pinakamalaking procurement project ng Pamahalaang Panlalawigan katuwang ang DA, kung kaya't mahigpit aniyang susubaybayan ng Pamahalaang Panlalawigan ang konstruksyon nito hanggang sa matapos. Sa ganitong paraan, maititiyak aniya, na angkop at naaayon ang proyekto sa mismong engineering design nito.
Samantala kasama sa pagpupulong ang mga kinatawan ng PRDP, mga kawani ng Bids and Awards Committee (BAC) sa pangunguna ni BAC Secretariat at Administrative Officer V ng Procurement Division Engr. Jollie Ver Lasic, BAC Vice Chairperson Romeo L. Paner, mga BAC member na sina Special Concerns Division (SCD) Head Junielo P. Alcuran, Provincial Disaster Risk Reduction and Management (PDRRM) Officer Vinscent B. Gahol at Management Information Division (MISD) Head Reywel M. Dela Roca, kinatawan mula sa Provincial Engineering Office (PEO) at Provincial Agriculture Office (PAgO).
