BSED Filipino 3-A

03/09/2026

MALIGAYANG KAARAWAN, G. BRENDO! 🥳✨

Sa espesyal na araw na ito, buong puso naming ipinapaabot ang aming pagbati sa isang taong buo ang loob at pursigidong ginagawa ang kaniyang bawat tungkulin.

Nawa’y mapuno ang iyong araw ng saya, biyaya, at magagandang alaala. Hangad namin ang iyong patuloy na kalusugan, kaligayahan, at tagumpay sa buhay. 🌻✨

Maligayang Kaarawan, Sir Brendo! 🥳

Pagbati mula sa BSED Filipino 4C!🤎

PS: Wala akong access sa page ng 4C, kaya sa 3A na lang ako magpost hehe

-🧚🏻‍♀️

23/08/2026

Ang lungkot naman dito.

20/06/2026

𝐏𝐀𝐆𝐏𝐔𝐏𝐔𝐆𝐀𝐘 𝐒𝐀 𝐁𝐒𝐄𝐃 𝐅𝐈𝐋𝐈𝐏𝐈𝐍𝐎 𝟑𝐀 ✨

Isang taos-pusong pagbati at paghanga sa lahat ng mag-aaral ng BSED Filipino 3A para sa matagumpay na pagtatapos ng Ikalawang Semestre ng Taong Panuruan 2025–2026!

Lubos naming ipinagdiriwang ang mga mag-aaral na nagtamo ng karangalan bilang Dean’s Lister. Ang inyong dedikasyon, sipag, at pagpupursige ay tunay na kapuri-puri at nagsisilbing inspirasyon sa marami.

Ngunit higit pa rito, nais din naming bigyang-pugay ang bawat mag-aaral ng BSED Filipino 3A—may karangalan man o wala. Ang bawat isa ay may sariling laban, sariling hamon, at sariling tagumpay na pinagdaanan. Walang pagsisikap na nasayang at walang pagod na hindi nagbunga. Ang bawat puyat, luha, pangamba, at sakripisyo ay naging bahagi ng inyong paglalakbay tungo sa paghubog ng inyong mga pangarap.

Maging proud kayo sa inyong sarili. Malayo na ang inyong narating at marami pa kayong mararating. Ang katotohanang nagpatuloy kayo sa kabila ng lahat ay isa nang malaking tagumpay.

Malugod din namin kayong binabati sa matagumpay na pagtatapos ng College Retention Examination. Nawa’y magsilbi itong paalala na kayo ay handa, matatag, at may kakayahang harapin ang anumang hamon. Magtiwala sa inyong sarili at sa lahat ng pinaghirapan ninyo. Naniniwala kaming ang bawat isa ay may sapat na kakayahan upang makamit ang tagumpay at makapasa sa naturang pagsusulit.

Patuloy na mangarap, magsikap, at maniwala sa inyong kakayahan. Ang inyong kuwento ay patuloy pang isinusulat, at ang pinakamagagandang kabanata ay nasa unahan pa.

Muli, pagbati at mabuhay ang BSED Filipino 3A! ✨🩷

It's better late than never.
-🧚🏻‍♀️

20/06/2026

One dot, post ko na DL HAHAHAHA

11/05/2026

Hindi ito kuwento ng perpektong pag-ibig, ito ang kuwento ng pag-ibig na may dalisay na damdamin, subukin man ng suliranin.

Sa pagitan ng mga halik, may mga damping hindi inaasahan; may damping may katatagan. Dampi ng pangakong babalik, dampi ng ngiting may kinukubli.

At upang bigyang-buhay ang mga damping ito, kilalanin ang mga magsisipagganap sa theater play na "𝐃𝐚𝐦𝐩𝐢 𝐧𝐠 𝐋𝐚𝐛𝐢":

𝐈𝐭𝐚𝐭𝐚𝐧𝐠𝐡𝐚𝐥 𝐬𝐚 𝐌𝐚𝐲𝐨 18, 2026, 7:30𝐚𝐦 𝐬𝐚 𝐓𝐒𝐔 𝐋𝐔𝐂𝐈𝐍𝐃𝐀 𝐂𝐀𝐌𝐏𝐔𝐒 𝐅𝐎𝐎𝐃 𝐓𝐄𝐂𝐇.

Direktor: Pauline M. Salak
Props Master/Set Designer: Ian Jasper Acero

11/05/2026

Isang kuwento ng pag-ibig na nagbibigay buhay sa mga tapat na pusong nagmamahal. Isang pag-ibig na simbolismo’y mga halik; halik na hindi malilimutan, halik na may katapatan.

Inihahandog ng 𝐁𝐒𝐄𝐝 𝐅𝐢𝐥𝐢𝐩𝐢𝐧𝐨 3𝐀 ang “𝐃𝐚𝐦𝐩𝐢 𝐧𝐠 𝐋𝐚𝐛𝐢” isang theater play na susubok sa hangganan ng pag-ibig at katatagan. Sa gitna ng kasiyahan at tila perpektong pagmamahalan, sa likod nito’y may mga sugat na hindi nalunasan.

Tunghayan ang natatanging pagganap nina 𝐎𝐛𝐚𝐝𝐢𝐚𝐡 𝐌𝐢𝐜𝐡𝐚𝐞𝐥 𝐀𝐲𝐬𝐨𝐧 at 𝐉𝐚𝐧𝐢𝐜𝐞 𝐅𝐚𝐢𝐭𝐡 𝐏𝐚𝐬𝐜𝐮𝐚𝐥 na magbibigay-buhay sa karakter nina 𝐉𝐨𝐣𝐨 𝐀𝐩𝐬𝐚𝐧𝐠 at 𝐁𝐞𝐭𝐭𝐲 𝐀𝐩𝐬𝐚𝐧𝐠 sa theater play na “𝐃𝐚𝐦𝐩𝐢 𝐧𝐠 𝐋𝐚𝐛𝐢” sa ilalim ng 𝐏𝐚𝐠𝐝𝐢𝐫𝐞𝐡𝐞 𝐧𝐢 𝐏𝐚𝐮𝐥𝐢𝐧𝐞 𝐌. 𝐒𝐚𝐥𝐚𝐤.

𝐈𝐭𝐚𝐭𝐚𝐧𝐠𝐡𝐚𝐥 𝐬𝐚 𝐌𝐚𝐲𝐨 18, 2026, 7:30𝐚𝐦 𝐬𝐚 𝐓𝐒𝐔 𝐋𝐔𝐂𝐈𝐍𝐃𝐀 𝐂𝐀𝐌𝐏𝐔𝐒 𝐅𝐎𝐎𝐃 𝐓𝐄𝐂𝐇.

Direktor: Pauline M. Salak
Props Master/Set Designer: Ian Jasper Acero

16/01/2026

🎖️ 𝗗𝗘𝗔𝗡’𝗦 𝗟𝗜𝗦𝗧𝗘𝗥𝗦 | 𝗨𝗡𝗔𝗡𝗚 𝗦𝗘𝗠𝗘𝗦𝗧𝗥𝗘
𝗔.𝗬. 𝟮𝟬𝟮𝟱-𝟮𝟬𝟮𝟲

Taos-pusong pagbati at paghanga sa mga 𝐃𝐞𝐚𝐧’𝐬 𝐋𝐢𝐬𝐭𝐞𝐫𝐬 ng 𝐁𝐒𝐄𝐃 𝐅𝐈𝐋𝐈𝐏𝐈𝐍𝐎 𝟑𝐀! Ang inyong tagumpay ay malinaw na bunga ng pagsusumikap‚ disiplina‚ at wagas na pagpapahalaga sa edukasyon. Ang inyong ipinamalas na kahusayan ay hindi lamang personal na karangalan kundi inspirasyon din sa inyong mga kapuwa mag-aaral upang patuloy na mangarap at magsumikap.

Nawa’y magsilbi itong gabay at lakas ng loob upang higit pa ninyong pagyamanin ang inyong kaalaman at paninindigan bilang mga g**o sa hinaharap.

14/01/2026

08/01/2026

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧‚ 𝐁𝐛. 𝐉𝐚𝐧𝐢𝐜𝐞!

Ang iyong kasipagan at kahusayan sa pag-aaral‚ kalakip ang iyong likas na kabaitan‚ ay tunay na kahanga-hanga. Sa iyong dedikasyon at mabuting pakikitungo sa kapwa‚ ikaw ay nagsisilbing inspirasyon at huwaran sa iyong mga kamag-aral.

Nawa’y patuloy kang pagpalain at gabayan sa lahat ng iyong mga pangarap at mithiin.

𝐓𝐚𝐨𝐬-𝐩𝐮𝐬𝐨𝐧𝐠 𝐩𝐚𝐠𝐛𝐚𝐭𝐢 𝐦𝐮𝐥𝐚 𝐬𝐚 𝐁𝐒𝐄𝐝 𝐅𝐢𝐥𝐢𝐩𝐢𝐧𝐨 𝟑𝐀.

07/01/2026

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧‚ 𝐁𝐛. 𝐂𝐫𝐢𝐬𝐭𝐞𝐥!

Ang iyong pagiging mahinhin ngunit palakaibigan at masiyahing katangian ay nagbibigay-liwanag at saya sa mga taong nasa iyong paligid. Sa iyong simpleng kilos at taos-pusong pakikitungo‚ ikaw ay nagiging inspirasyon at kaaya-aya sa iyong mga kamag-aral.

Nawa’y patuloy kang pagpalain at gabayan sa lahat ng iyong mga pangarap at mithiin.

𝐓𝐚𝐨𝐬-𝐩𝐮𝐬𝐨𝐧𝐠 𝐩𝐚𝐠𝐛𝐚𝐭𝐢 𝐦𝐮𝐥𝐚 𝐬𝐚 𝐁𝐒𝐄𝐝 𝐅𝐢𝐥𝐢𝐩𝐢𝐧𝐨 𝟑𝐀.