KANAFIL - PSU Urdaneta City

05/09/2026

𝗧𝗨𝗟𝗔𝗜 𝟮𝟬𝟮𝟲: 𝗦𝗔 𝗪𝗜𝗞𝗔𝗡𝗚 𝗕𝗨𝗛𝗔𝗬, 𝗜𝗡𝗢𝗕𝗔𝗦𝗬𝗢'𝗬 𝗞𝗔𝗔𝗚𝗔𝗣𝗔𝗬

Nakiisa ang Kapisanan ng mga Nagpapakadalubhasa sa Filipino (KANAFIL) sa palihang pinamagatang "TULAI 2026: Sa Wikang Buhay, Inobasyo'y Kaagapay," na pinangunahan ng Teacher Education Society on Language and Communication (TESLaCom) bilang bahagi ng pagdiriwang ng Buwan ng Wika 2026.

Sa pagtatagpo ng wika at inobasyon, naging sentro ng palihan ang makabuluhan at mapanuring paggamit ng Artificial Intelligence (AI) sa pagkatuto at pagtuturo ng wika. Tampok dito ang dalawang talakayang nagbigay-diin kapwa sa mga posibilidad ng teknolohiya at sa pananagutang kaakibat ng paggamit nito.

Unang tinalakay ang "AI Bilang Kasangkapan sa Pagkatuto: Mga Posibilidad, Pakinabang, at Pananagutan," na pinangunahan ni G. Jeric I. Luistro. Binigyang-pansin sa talakayan ang mga posibilidad at pakinabang ng AI bilang kasangkapan sa pagkatuto, kasabay ng pagkilala sa pananagutan ng bawat gumagamit nito.

Sinundan naman ito ng talakayang "Maghin-AI, hin-AI: Mga Bitag, Panganib, at Limitasyon sa Paggamit ng Artificial Intelligence sa Pagkatuto ng Wika," na pinangunahan ni "G. Erdy Frian Falcutila." Tinalakay rito ang mga bitag, panganib, at limitasyon na dapat isaalang-alang sa paggamit ng AI, partikular sa pagkatuto ng wika.

Ipinakita ng palihan na ang pag-unlad ng teknolohiya ay higit na nagiging makabuluhan kapag kaagapay nito ang wika, kritikal na pag-iisip, at pananagutan. Sa patuloy na pagyakap sa inobasyon, nananatiling mahalaga ang wikang Filipino bilang daluyan ng kaalaman at mahalagang bahagi ng makabuluhang pagkatuto.

05/09/2026

04/09/2026

| 𝗞𝗮𝘁𝘂𝘄𝗮𝗻𝗴 𝘀𝗮 𝗪𝗶𝗸𝗮, 𝗞𝗮𝗶𝘀𝗮 𝘀𝗮 𝗣𝗮𝗴𝗸𝗮𝘁𝘂𝘁𝗼

Ang Kapisanan ng mga Nagpapakadalubhasa sa Filipino (KANAFIL) ay buong-pusong nakikibahagi sa 𝘛𝘦𝘢𝘤𝘩𝘦𝘳 𝘌𝘥𝘶𝘤𝘢𝘵𝘪𝘰𝘯 𝘚𝘰𝘤𝘪𝘦𝘵𝘺 𝘰𝘯 𝘓𝘢𝘯𝘨𝘶𝘢𝘨𝘦 𝘢𝘯𝘥 𝘊𝘰𝘮𝘮𝘶𝘯𝘪𝘤𝘢𝘵𝘪𝘰𝘯 (𝘛𝘌𝘚𝘓𝘢𝘊𝘰𝘮) ng Batangas State University – The National Engineering University, Pablo Borbon Campus sa pagdiriwang ng Buwan ng Wika 2026: TulAI 2026: Sa Wikang Buhay, Inobasyo’y Kaagapay.

Gaganapin ang webinar sa Setyembre 5, 2026, ganap na ika-12 ng tanghali, sa pamamagitan ng Google Meet at Facebook Live.

Inaanyayahan namin ang lahat ng PSUnians, na makibahagi sa makabuluhang gawaing ito at sama-samang ipagdiwang ang patuloy na pag-unlad, pagpapayaman, at pagmamahal sa wikang Filipino. 🇵🇭

Sa ngalan ng 𝐖𝐢𝐤𝐚, 𝐊𝐨𝐦𝐮𝐧𝐢𝐤𝐚𝐬𝐲𝐨𝐧 at 𝐈𝐧𝐨𝐛𝐚𝐬𝐲𝐨𝐧,
Halina't makiisa sa 𝐓𝐮𝐥𝐀𝐈 𝟐𝟎𝟐𝟔!

𝐓𝐮𝐥𝐀𝐈 𝟐𝟎𝟐𝟔: 𝐒𝐚 𝐖𝐢𝐤𝐚𝐧𝐠 𝐁𝐮𝐡𝐚𝐲, 𝐈𝐧𝐨𝐛𝐚𝐬𝐲𝐨'𝐲 𝐊𝐚𝐚𝐠𝐚𝐩𝐚𝐲

Sa bawat salitang binibigkas, may wikang bumubulalas na kung saan ito ay patuloy na yumayabong kasabay ng agos ng panahon ng modernisasyon. Sa pagdaraos ng Buwan ng Wika, ating ipagdiwang hindi lamang ang kayamanan ng ating salita, kung hindi maging ang kakayahan nitong umangkop sa haplos ng makabagong panahon.

Layunin nating buksan ang isang makabuluhang talakayan na kung saan ang inobasyong dulot ba ng tekonolohiya sa wikang pambansa ay magiging tanglaw sa tungo sa mas maunlad na kinabukasan? O ito ba ay magiging hadlang lamang upang mapalago ang ating wikang kinagisnan? Sabay-sabay tayong hihimok ng mga usapan, gawain, at pagninilay na magpapatunay na ang wika at makabagong teknolohiya ay hindi magkatunggali at patuloy na pagpapayaman ng wika, diwa at kultura ng bawat Pilipino.

Halina't makiisa sa 𝐓𝐮𝐥𝐀𝐈 𝟐𝟎𝟐𝟔!

31/08/2026

𝗕𝗨𝗪𝗔𝗡 𝗡𝗚 𝗪𝗜𝗞𝗔 𝟮𝟬𝟮𝟲 | 𝗪𝗜𝗞𝗔, 𝗞𝗔𝗔𝗟𝗔𝗠𝗔𝗡, 𝗞𝗜𝗡𝗔𝗕𝗨𝗞𝗔𝗦𝗔𝗡

Isang araw na puno ng wika, kultura, kaalaman, teknolohiya, talento, at pagkakaisa ang sama-samang nasaksihan noong Agosto 27, 2026, sa Student Activity Center (SAC) Building, sa pagdiriwang ng Buwan ng Wika 2026 na inorganisa ng Kapisanan ng mga Nagpapakadalubhasa sa Filipino (KANAFIL).

Dinaluhan ito ng mga PSUnian na nakibahagi, nakilahok, at nakisaya sa iba't ibang gawaing inihanda para sa pagdiriwang. Mula sa mga patimpalak hanggang sa mga espesyal na laro, tunay na naging buhay at makulay ang bawat sandali dahil sa aktibong pakikiisa ng bawat isa.

Sa temang "Wikang Filipino at AI: Kasangkapan sa Pananaliksik at Tulay sa Yaman ng Impormasyon," binigyang-diin ng pagdiriwang ang mahalagang ugnayan ng wika at teknolohiya. Sa patuloy na pag-unlad ng Artificial Intelligence, ipinakita na maaari itong magsilbing kasangkapan sa paghahanap, pagsusuri, at pagpapalawak ng kaalaman, habang ang Wikang Filipino ay nagsisilbing tulay upang ang impormasyon ay maging mas malapit, mas nauunawaan, at mas makabuluhan para sa bawat Pilipino.

Tampok sa pagdiriwang ang iba't ibang patimpalak na nagbigay-daan upang maipamalas ng mga kalahok ang kanilang talento, kaalaman, husay, at pagkamalikhain gaya ng SalikSeek: Pagsulat ng Tula, AI-Q: Quiz Bee, Iskrabol: Pang-kawani at Mag-aaral, creAItive: Digital Poster Making, AI Day in my Life at Q and AI: Dagliang Talumpati.

Hindi rin nagpahuli ang mga espesyal na laro na naghatid ng saya, tawanan, at dagdag na sigla sa buong pagdiriwang!

Tampok dito ang KANAFILnoy Henyo, kung saan sinubok ang talas ng isip at husay ng mga kalahok sa paghula ng iba't ibang salita. Nagkaroon din ng isang espesyal na laro na humamon sa kaalaman ng mga PSUnian tungkol sa tamang baybay at wastong paggamit ng mga salita, kung saan kinakailangan nilang pumili sa pagitan ng dalawang pagpipilian.

Sa bawat palakpak, tawanan, sigawan, sagot, at pakikiisa, muling napatunayan na ang pagdiriwang ng Buwan ng Wika ay hindi lamang tungkol sa pagbabalik-tanaw sa ating kultura, kundi tungkol din sa patuloy na pagpapahalaga, paggamit, at pagpapaunlad ng Wikang Filipino sa makabagong panahon.

Ang matagumpay na pagdiriwang na ito ay naging posible dahil sa sama-samang pakikiisa ng mga PSUnians, mga kalahok, panauhin, tagasuporta, at ng bawat taong naging bahagi nito.

Mula sa Kapisanan ng mga Nagpapakadalubhasa sa Filipino (KANAFIL), taos-puso naming ipinagmamalaki at ipinagpapasalamat ang inyong pakikiisa.

Hanggang sa susunod na pagdiriwang, patuloy nating itaguyod ang wikang nag-uugnay sa atin, ang kulturang humuhubog sa ating pagkakakilanlan, at ang kaalamang magdadala sa atin tungo sa mas makabagong kinabukasan.

Mabuhay ang Wikang Filipino!
Mabuhay ang mga PSUnian!
Mabuhay ang Buwan ng Wika 2026!

Isinulat ni: John Michael Fernandez ✍️

30/08/2026

Buwan ng Wika 2026 | 𝗔𝗜-𝗤: 𝗤𝘂𝗶𝘇 𝗕𝗲𝗲🧩

Balikan ang Tagisan ng Talino ng ating mga kalahok sa AI-Q: Quiz Bee, kung saan sinubok ang kanilang kaalaman, bilis ng pag-iisip, at husay sa pagsagot.

𝙄𝙠𝙖𝙬 𝙖𝙣𝙤𝙣𝙜 𝙏𝙚𝙖𝙢 𝙆𝙖?

29/08/2026

Buwan ng Wika 2026 | 𝗰𝗿𝗲𝗔𝗜𝘁𝗶𝘃𝗲: 𝗗𝗶𝗴𝗶𝘁𝗮𝗹 𝗣𝗼𝘀𝘁𝗲𝗿 𝗠𝗮𝗸𝗶𝗻𝗴 🎨🤖

𝗦𝗶𝗹𝗶𝗽𝗶𝗻 𝗮𝗻𝗴 𝗺𝗴𝗮 𝗟𝗜𝗞𝗛𝗔𝗡𝗚-𝗜𝗦𝗜𝗣 𝗻𝗮 𝗻𝗮𝗴𝗶𝗻𝗴 𝗟𝗜𝗞𝗛𝗔𝗡𝗚-𝗕𝗜𝗦𝗪𝗔𝗟! ✨

Kung saan nagsasanib ang pagkamalikhain, disenyo, at Artipisyal na Intelihensiya upang makalikha ng makabuluhang biswal na may diwang Filipino.

29/08/2026

Buwan ng Wika 2026 | 𝗔𝗜 𝗗𝗮𝘆 𝗶𝗻 𝗺𝘆 𝗟𝗶𝗳𝗲 🤖📹

Tara, silipin ang buhay-estudyante sa panahon ng AI! ✨

29/08/2026

| su𝗕𝗔𝗬𝗕𝗔𝗬𝗜𝗡!

Bago pa man tuluyang umarangkada ang selebrasyon ng Buwan ng Wika 2026, may ilang PSUnians na agad kaming sinubok sa mga tanong tungkol sa Wika! 👀

Higit pa sa mga aktibidad at kasiyahang hatid ng pagdiriwang, nakapanayam din namin ang ilan sa ating mga kapwa PSUnians upang subukin ang kanilang kaalaman sa wastong gamit, baybay, at iba pang usaping pangwika.

Samahan ninyo kaming balikan ang ilan sa kanilang mga kasagutan! 🎤🇵🇭