Department of Fiqh and Shariah, The Islamia University of Bahawalpur

26/08/2026

12 ربیع الاول 1448 ہجری بہ مطابق 26 اگست 2026ء: بین الاقوامی سیرت کانفرنس
۔۔۔۔۔۔۔۔۔۔۔۔۔۔۔۔۔۔
صدر شعبہ ڈاکٹر محمد سعید شیخ صاحب نے وزارت مذہبی امور و بین المذاہب ہم آہنگی پاکستان کے زیراہتمام منعقدہ بین الاقوامی سیرت کانفرنس میں شرکت کی۔

کانفرنس کا عنوان " نسل نو کا تحفظ، تعمیر اور کردار: سیرت النبی صلی اللہ علیہ وآلہ وسلم کی روشنی میں " تھا۔ کانفرنس جناح کنونشن سنٹر اسلام آباد میں منعقد ہوئی جس میں وزیراعظم پاکستان میاں محمد شہباز شریف، وفاقی وزیر برائے مذہبی امور سردار محمد یوسف خان، متعدد وفاقی وزراء سمیت عالم اسلام کے ممتاز علما، شیوخ اور مذہبی رہنماؤں نے شرکت کی اور مقررہ موضوع پر خطبات پیش کیے۔
۔۔۔۔۔۔۔۔۔۔

25/08/2026

25/08/2026

صدر شعبہ ڈاکٹر محمد سعید شیخ صاحب کی ماہ ربیع الاول کی مناسبت سے منعقدہ نعتیہ مشاعرہ میں بہ طور مہمان خصوصی شرکت اور خطاب۔
۔۔۔۔۔۔۔۔۔۔۔۔۔۔۔۔۔۔
مورخہ 23 اگست 2026ء بروز اتوار ڈاکٹر محمد سعید شیخ صاحب نے مقامی سکول کے زیراہتمام منعقد ہونے والے نعتیہ مشاعرہ میں بہ طور مہمان خصوصی شرکت کی اور موضوع کی مناسبت سے جامع اور وقیع خطبہ پیش کیا۔ اپنی گفتگو میں آپ نے عہد نبوی کے شعرا اور آپ صلی اللہ علیہ وآلہ وسلم کی جانب سے ان کی حوصلہ افزائی کی متعدد مثالیں پیش کیں جس سے اس تاثر کی نفی ہوتی ہے کہ اسلام میں ہمہ قسم کی شاعری ممنوع اور قابل مذمت ہے۔ آپ صلی اللہ علیہ وآلہ وسلم کا اپنے شعرا بالخصوص سیدنا حسان بن ثابت رضی اللہ عنہ کی حوصلہ افزائی فرمانا اور شعرگوئی کے ذریعے کفار کو جواب دینے کا حکم دینا اس بات کی دلیل ہے کہ ہر قسم کی شاعری سے نہ تو منع کیا گیا ہے اور نہ ہی تمام شعرا راہ حق سے منحرف ہوتے ہیں۔ آپ کی پرمغز گفتگو کو سامعین کی جانب سے نہایت پسند کیا گیا۔
۔۔۔۔۔۔۔۔۔۔۔۔۔۔۔۔۔۔۔۔

پوسٹ میں مشاعرہ کی میڈیا کوریج کے عکس دیے گئے ہیں۔

25/08/2026

M.Phil Viva-Voce: Spring 2024................
شعبہ فقہ وشریعہ کےسیشن سپرنگ 2024 کے ایم فل سکالر، شاہد منیر کا شفوی امتحان مورخہ10 اگست 2026ء بروز سوموار منعقد ہوا جس میں ڈاکٹر محمد ایاز صاحب، اسسٹنٹ پروفیسر ، شعبہ علوم اسلامیہ، غازی یونیورسٹی، ڈیرہ غازی خان ، بیرونی ممتحن کے طور پر تشریف لائے۔ مقالہ کا موضوع "شرائع ماقبل بحیثیت ماخذ شریعت محمدیہ: تحقیقی مطالعہ" تھا۔

مقالہ نگار نے شعبہ کے استاد ڈاکٹر محمد طلحہ حسین کے زیرِاشراف اپنا مقالہ مکمل کیا اور شفوی امتحان میں تسلی بخش کارکردگی کا مظاہرہ کیا جس پر انہیں ایم فل ڈگری تفویض کرنے کی سفارش کی گئی۔

شعبہ کامیاب ہونے والے سکالر اور نگران استاد محترم کو مبارک باد پیش کرتا ہے اور مستقبل میں کامیابی کے لیے دعاگو ہے۔

23/08/2026

صدر شعبہ فقہ وشریعہ، ڈاکٹر محمد سعید شیخ صاحب کی ڈویژنل سیرت النبی ﷺ کانفرنس میں شرکت اور خطاب:
۔۔۔۔۔۔۔۔۔۔۔۔۔۔۔۔۔۔۔
مورخہ 8 ربیع الاول 1448 ہجری بہ مطابق 22 اگست 2026 بروز ہفتہ محکمہ اوقاف ومذہبی امور پنجاب کے زیراہتمام ڈویژنل سیرت النبی ﷺ کانفرنس کا انعقاد ہوا جس کا عنوان "نسلِ نو کا تحفظ، تعمیر اور کردار: سیرت النبیﷺ کی روشنی میں" تھا۔

کانفرنس میں ممتاز علما، خطباء، محققین ،دانشورحضرات، شعرا اور ادبا،نے شرکت کی اور مقررہ موضوع پر قابل قدر نگارشات پیش کیں۔حکومتی انتظامیہ کی جانب سے کمشنر بہاولپور ڈویژن، ڈپٹی کمشنر ضلع بہاولپور، آر پی او سمیت دیگر افسرانِ بالا بھی کانفرنس میں موجود تھے۔

شعبہ فقہ وشریعہ کے صدر ڈاکٹر محمد سعید شیخ صاحب نےبھی کانفرنس انتظامیہ کی خصوصی دعوت پر بطور کلیدی مقرر شرکت کی اور موضوع پر جامع خطبہ پیش کیا۔ اپنے خطاب میں انہوں نے نسل نو کی تعمیرِ شخصیت اور کردار کے حوالے سے سیرت ِطیبہ سے ماخوذ گراں قدر تجاویز پیش کیں جنہیں سامعین کی جانب سے خوب سراہا گیا۔

21/08/2026

شعبہ فقہ و شریعہ کے لیکچرر جناب ڈاکٹر عبدالغفار صاحب کو یونیورسٹی آف لیہ میں بطور اسسٹنٹ پروفیسر تقرری پر صدر شعبہ، دیگر اساتذہ و جملہ متعلقین کی جانب سے بہت بہت مبارک باد۔

دعا ہے کہ اللہ رب العزت ان کی اس نئی تقرری کو ان کے لیے خیروبرکات کا ذریعہ بنائیں اور آنے والی عملی زندگی میں مزید کامرانیاں مقدر فرمائیں۔

14/08/2026

14/08/2026

13/08/2026

14 اگست 1947 سے 14 اگست 2026:
۔۔۔۔۔۔۔۔۔۔۔۔۔
اہلیان وطن کو یوم آزادی مبارک۔ اس دعا کہ ساتھ کہ:

خدا کرے میری ارض پاک پر اترے
وہ فصلِ گل جسے اندیشہء زوال نہ ہو

یہاں جو پھول کھلے وہ کِھلا رہے برسوں
یہاں خزاں کو گزرنے کی بھی مجال نہ ہو

یہاں جو سبزہ اُگے وہ ہمیشہ سبز رہے
اور ایسا سبز کہ جس کی کوئی مثال نہ ہو

گھنی گھٹائیں یہاں ایسی بارشیں برسائیں
کہ پتھروں کو بھی روئیدگی محال نہ ہو

خدا کرے نہ کبھی خم سرِ وقارِ وطن
اور اس کے حسن کو تشویش ماہ و سال نہ ہو

ہر ایک خود ہو تہذیب و فن کا اوجِ کمال
کوئی ملول نہ ہو کوئی خستہ حال نہ ہو

خدا کرے کہ میرے اک بھی ہم وطن کے لیے
حیات جرم نہ ہو زندگی وبال نہ ہو
۔۔۔۔۔۔۔۔۔۔
پاکستان زندہ باد

08/08/2026

خدام الحرمین مع حماة الحرمین:
۔۔۔۔۔۔۔۔۔۔۔۔۔۔۔۔۔۔۔۔۔۔۔
وطن عزیز اسلامی جمہوریہ پاکستان، سعودی عرب اور ترکی کے مابین عظیم الشان اور تاریخی دفاعی معاہدے کی مناسبت سے تینوں ممالک کے جھنڈوں کے رنگوں سے مزین، اسلامیہ یونیورسٹی بہاولپور کی عمارت کا دلفریب منظر۔

اللہ رب العزت اس معاہدے کو جملہ عالم اسلام کے اتحاد و اتفاق کا سبب بنائے اور وطن عزیز کو تاقیامت شاد و آباد رکھے۔ آمین