University Of Science and Technology Main Campus Bannu

Call Directions Website Contact the university

University Of Science and Technology Main Campus Bannu University of Science and Technology Bannu

23/09/2026

Admission Entry Test Result

Test Conducted on: Sunday, 20 September 2026
Programs Included: Undergraduate / FSc (UAT), MS / MPhil / MBA / English (GAT-General), and PhD (GAT-Subject)
Enter your 13-digit CNIC (without dashes) or Roll Number and download your test result.

https://ustb.edu.pk/test-results.php

خوشخبری! داخلوں کی آخری تاریخ میں توسیعیونیورسٹی آف سائنس اینڈ ٹیکنالوجی بنوںداخلہ مہم — خزاں 2026جو امیدوار ابھی تک درخ...
15/09/2026

خوشخبری! داخلوں کی آخری تاریخ میں توسیع

یونیورسٹی آف سائنس اینڈ ٹیکنالوجی بنوں
داخلہ مہم — خزاں 2026

جو امیدوار ابھی تک درخواست جمع نہیں کروا سکے، ان کے لیے ایک اور موقع! داخلوں کی آخری تاریخ میں توسیع کر دی گئی ہے۔

یونیورسٹی آف سائنس اینڈ ٹیکنالوجی بنوں کے وائس چانسلر پروفیسر ڈاکٹر جہانزیب خان اور ڈاکٹر امیر سادہ خان سے YPDC کی کابین...
10/09/2026

یونیورسٹی آف سائنس اینڈ ٹیکنالوجی بنوں کے وائس چانسلر
پروفیسر ڈاکٹر جہانزیب خان اور ڈاکٹر امیر سادہ خان سے YPDC کی کابینہ کے ہمراہ ایک اہم اور مفید ملاقات ہوئی۔
اس ملاقات کا مقصد Young Peace & Development Corps (YPDC) کے حوالے سے مختلف امور پر تبادلۂ خیال کرنا، طلبہ تک YPDC کے پیغام کو مؤثر انداز میں پہنچانے اور یونیورسٹی میں طلبہ کی مثبت سرگرمیوں، قیادت، ٹیم ورک اور ترقی کے لیے مزید مواقع پیدا کرنا تھا۔
ملاقات کے دوران وائس چانسلر صاحب نے YPDC کی ٹیم کی کاوشوں کو سراہا اور بھرپور تعاون کی یقین دہانی کرائی۔ انہوں نے ٹیم کے لیے ٹرانسپورٹ کی سہولت فراہم کرنے کا بھی اعلان کیا، تاکہ YPDC کی سرگرمیوں اور پیغام کو مزید بہتر انداز میں طلبہ تک پہنچایا جا سکے۔
وائس چانسلر صاحب نے YPDC کی کابینہ پر اپنے اعتماد اور فخر کا اظہار کرتے ہوئے کہا کہ وہ طلبہ کی مثبت سرگرمیوں اور معاشرے میں تعمیری کردار کو قدر کی نگاہ سے دیکھتے ہیں۔
یہ ملاقات ہمارے لیے حوصلہ افزائی کا باعث ہے اور ہم امید کرتے ہیں کہ مستقبل میں YPDC، یونیورسٹی انتظامیہ اور طلبہ کے درمیان تعاون کو مزید مضبوط بنایا جائے گا۔

Admission Schedule
07/09/2026

Admission Schedule

یونیورسٹی آف سائنس اینڈ ٹیکنالوجی بنوں کے شعبہ علوم اسلامیہ کے 9 طلباء نور الدین، محمد منیر خان، سمیر ابی بی، نوشین گل، ...
03/09/2026

یونیورسٹی آف سائنس اینڈ ٹیکنالوجی بنوں کے شعبہ علوم اسلامیہ کے 9 طلباء نور الدین، محمد منیر خان، سمیر ابی بی، نوشین گل، فائزہ ابراہیم، حامد خان، فضل الرحمن، شہاب الدین اور لائلہ نگار نے اپنے ایم فل تھیسز کا کامیابی سے دفاع کیا۔ ان تمام طلبہ نے شعبہ کے اسسٹنٹ پروفیسر ڈاکٹر امیر نواز خان کی نگرانی میں اپنی ریسرچ پایہ تکمیل تک پہنچائی۔ ان کے ریسرچ کے بیرونی ممتحن ڈاکٹر مفتی محمد التماس صاحب چیئرمین شعبہ سیرت یونیورسٹی آف پشاور، ڈاکٹر محمد سجاد صاحب، اسسٹنٹ پروفیسر ڈیپارٹمنٹ آف اسلامیا ت اور ڈاکٹر محمود وجیہ الدین نعمان صاحب، چیئرمین اسلامیا ت اینڈ عربیک ڈیپارٹمنٹ گومل یونیورسٹی ڈیرہ اسماعیل خان تھے۔ اس علمی مجلس میں بیرونی ممتحنین حضرات ان لائن شریک ہوئے جبکہ ڈائریکٹر QEC، شعبہ علوم اسلامیہ کے اساتذہ کرام اور طلباء نے بھرپور شرکت کی۔

وائسں چانسلر پروفیسر ڈاکٹر محمد جہانزیب کی طرف سے ان تمام سکالرز کو مبارکباد پیش کی گئی اور ان کے بہترین تعلیمی اور پیشہ ورانہ زندگی کے لئے نیک تمناؤں کا اظہار کیا گیا۔

Dear Students!Welcome back after a refreshing summer break.
01/09/2026

Dear Students!

Welcome back after a refreshing summer break.

اہم اعلان — E-Kachehry 2026یونیورسٹی آف سائنس اینڈ ٹیکنالوجی بنوں میں داخلہ 2026 کے حوالے سے وائس چانسلر پروفیسر ڈاکٹر م...
30/08/2026

اہم اعلان — E-Kachehry 2026

یونیورسٹی آف سائنس اینڈ ٹیکنالوجی بنوں میں داخلہ 2026 کے حوالے سے وائس چانسلر پروفیسر ڈاکٹر محمد جہانزیب خان کی زیرِ صدارت E-Kachehry منعقد کی جا رہی ہے۔

31 اگست 2026
صبح 10:30 بجے
UST Bannu کے آفیشل page پر Live

امیدواران، والدین اور طلبہ براہِ راست اپنے سوالات اور مسائل پیش کر سکیں گے۔

تمام دوست اس پیغام کو زیادہ سے زیادہ شیئر کریں۔
UST Bannu Official page (https://www.facebook.com/www.ustb.edu.pk

PhD Defence: Department of Physics and Material SciencThe Department of Physics and Material Science, UST Bannu, extends...
29/08/2026

PhD Defence: Department of Physics and Material Scienc

The Department of Physics and Material Science, UST Bannu, extends its heartfelt congratulations to Sami Ullah Khan under the supervision of Dr. Manan, and Arshad Khan under the supervision of Dr. Naimat Ullah, on the successful completion of their PhD defenses.

Dr. Dil Faraz, Chairman, congratulated both scholars and their supervisors on this remarkable academic achievement and appreciated their dedication and contributions to research.

Many congratulations to the scholars, their supervisors, and the entire Department of Physics and Material Science!

یونیورسٹی آف سائنس اینڈ ٹیکنالوجی بنوں میں دوسری قومی سیرت النبی ﷺ کانفرنس کا انعقادبنوں، 27 اگست 2026: یونیورسٹی آف سائ...
28/08/2026

یونیورسٹی آف سائنس اینڈ ٹیکنالوجی بنوں میں دوسری قومی سیرت النبی ﷺ کانفرنس کا انعقاد

بنوں، 27 اگست 2026: یونیورسٹی آف سائنس اینڈ ٹیکنالوجی بنوں کے شعبۂ اسلامیات و تحقیق (Department of Islamic Studies & Research) کے زیرِ اہتمام اور ڈائریکٹر ORIC ڈاکٹر ہدایت اللہ خان کے تعاون سے دوسری قومی سیرت النبی ﷺ کانفرنس نہایت عقیدت، احترام اور علمی وقار کے ساتھ منعقد ہوئی۔ کانفرنس میں سیرتِ طیبہ ﷺ کے مختلف پہلوؤں، عصرِ حاضر کے فکری و معاشرتی چیلنجز اور نوجوان نسل کی سیرتِ رسول ﷺ سے وابستگی کی ضرورت کو اجاگر کیا گیا۔

کانفرنس میں ممتاز مذہبی و علمی شخصیات، یونیورسٹی کے اساتذہ، محققین، طلبہ و طالبات اور مختلف شعبہ ہائے زندگی سے تعلق رکھنے والے افراد نے بھرپور شرکت کی۔

اس موقع پر یونیورسٹی کے مختلف فیکلٹیز اور انتظامی شعبہ جات کے معزز اراکین بھی موجود تھے، جن میں پروفیسر ڈاکٹر افضل شاہ، ڈین فیکلٹی آف فزیکل اینڈ نیومیرکل سائنسز، پروفیسر ڈاکٹر خیر اللہ خان، ڈین فیکلٹی آف آئی ٹی اینڈ کمپیوٹنگ، ڈاکٹر سراج الدین، ڈاکٹر عبدالمنان، ڈاکٹر داراجان، ڈائریکٹر کیو ای سی، جان علی خان، ڈائریکٹر پی اینڈ ڈی، اور ڈاکٹر ہدایت اللہ خان، ڈائریکٹر ORICشامل تھے۔ ڈاکٹر ہدایت اللہ خان کی جانب سے کانفرنس کے انعقاد کے لیے تعاون کو بھی سراہا گیا، جس سے اس علمی و دینی سرگرمی کے کامیاب انعقاد میں اہم مدد ملی۔

کانفرنس کے انتظام و انعقاد میں شعبۂ اسلامیات و تحقیق کے چیئرمین اور پرنسپل آرگنائزر ڈاکٹر عبد القدوس خٹک کی علمی و انتظامی کاوشیں نمایاں رہیں۔ اپنے استقبالیہ و اختتامی کلمات میں ڈاکٹر عبد القدوس خٹک نے معزز مہمانوں، مقررین، اساتذہ، طلبہ اور انتظامی عملے کا شکریہ ادا کرتے ہوئے اس امر پر زور دیا کہ سیرتِ طیبہ ﷺ کو محض ایک تاریخی موضوع کے طور پر نہیں بلکہ عصرِ حاضر کے فکری، اخلاقی اور معاشرتی مسائل کے حل کے لیے عملی رہنمائی کے سرچشمے کے طور پر اپنانا وقت کی اہم ضرورت ہے۔ انہوں نے کہا کہ یونیورسٹیوں کی ذمہ داری ہے کہ وہ نوجوان نسل کو علم کے ساتھ کردار، اخلاق، برداشت اور محبتِ رسول ﷺ کا شعور بھی فراہم کریں۔

تقریب کے نمایاں مہمان اور مقررین میں ممتاز اسلامی اسکالر پروفیسر ڈاکٹر قبلہ ایاز، سابق چیئرمین اسلامی نظریاتی کونسل پاکستان، اور دیگر معزز علمی شخصیات شامل تھیں۔ پروفیسر ڈاکٹر قبلہ ایاز نے اپنے خطاب میں سیرت النبی ﷺ کی جامعیت اور عصرِ حاضر میں اس کی رہنمائی کی اہمیت پر تفصیلی روشنی ڈالی۔ انہوں نے کہا کہ رسول اکرم ﷺ کی حیاتِ طیبہ انسانی زندگی کے ہر شعبے کے لیے کامل رہنمائی فراہم کرتی ہے اور موجودہ دور کے فکری و معاشرتی مسائل کا سامنا سیرتِ نبوی ﷺ کی تعلیمات کو سمجھ کر اور انہیں عملی زندگی میں نافذ کرکے ہی مؤثر طور پر کیا جا سکتا ہے۔ انہوں نے نوجوان نسل کو سیرتِ رسول ﷺ کے مطالعے، اسوۂ حسنہ کی پیروی اور اعلیٰ اخلاق و کردار اپنانے کی تلقین کی۔

ممتاز عالمِ دین مفتی امداد اللہ نے اپنے خطاب میں محبتِ رسول ﷺ کو ایمان کا بنیادی تقاضا قرار دیتے ہوئے کہا کہ نبی کریم ﷺ کی حیاتِ مبارکہ ہمارے لیے کامل نمونۂ حیات ہے۔ انہوں نے بالخصوص نوجوانوں پر زور دیا کہ وہ سیرتِ رسول ﷺ کا مطالعہ محض معلومات کے حصول کے لیے نہیں بلکہ اپنی انفرادی اور اجتماعی زندگی کی اصلاح کے لیے کریں۔ ڈاکٹر سلطان محمودنے بھی اپنے خطاب میں سیرتِ نبوی ﷺ کے علمی و عملی پہلوؤں کو اجاگر کرتے ہوئے کہا کہ موجودہ دور میں امن، برداشت، رواداری، عدل اور انسانی احترام جیسے بنیادی اقدار کے فروغ کے لیے اسوۂ حسنہ ﷺ سے رہنمائی ناگزیر ہے۔

مقررین نے اس امر پر روشنی ڈالی کہ رسول اکرم ﷺ کی سیرتِ مبارکہ صرف مسلمانوں کے لیے نہیں بلکہ پوری انسانیت کے لیے رحمت، عدل، برداشت، امن، اخوت اور حسنِ اخلاق کا جامع نمونہ ہے۔ موجودہ دور کے فکری، اخلاقی اور معاشرتی مسائل کا حل تعلیماتِ نبوی ﷺ سے وابستگی اور ان پر عملی پیروی میں مضمر ہے۔

کانفرنس کے موقع پر صبح کے وقت نعتیہ مقابلےکا بھی انعقاد کیا گیا، جس میں یونیورسٹی کے طلبہ نے انتہائی عقیدت و محبت کے ساتھ بارگاہِ رسالت مآب ﷺ میں گلہائے عقیدت پیش کیے۔ طلبہ کی پُرجوش شرکت نے تقریب کی روحانی کیفیت کو مزید دوبالا کر دیا اور سیرت النبی ﷺ سے ان کی محبت و وابستگی کا خوبصورت اظہار ہوا۔

کانفرنس کے اختتام پر نمایاں خدمات انجام دینے والے افراد اور شرکاء میں شیلڈز اور اسناد بھی تقسیم کی گئیں۔ اس موقع پر پروفیسر ڈاکٹر قبلہ ایاز سے شیلڈ وصول کرنا کانفرنس کے منتظمین کے لیے ایک اعزاز اور یادگار لمحہ تھا۔

اس موقع پر شعبۂ اسلامیات و تحقیق کی جانب سے کانفرنس کے کامیاب انعقاد پر یونیورسٹی انتظامیہ، معزز مہمانان، مقررین، اساتذہ، طلبہ، انتظامی و معاون عملے اور تمام معاونین کا شکریہ ادا کیا گیا۔ کانفرنس کے انعقاد میں شعبۂ اسلامیات و تحقیق کی انتظامی و علمی کاوشوں کو خصوصی اہمیت حاصل رہی۔

کانفرنس نے اس عزم کا اعادہ کیا کہ یونیورسٹی آف سائنس اینڈ ٹیکنالوجی بنوں علمی و تحقیقی سرگرمیوں کے ساتھ ساتھ سیرتِ رسول ﷺ کے پیغامِ امن، محبت، رواداری اور انسانیت کی خدمت کو عام کرنے میں اپنا کردار جاری رکھے گی۔

یو ایس ٹی بنوں کے توسیع و بہتری کے منصوبے پر پری سی ڈی ڈبلیو پی اجلاسوزارتِ منصوبہ بندی، ترقی و خصوصی اقدامات کے زیرِ اہ...
27/08/2026

یو ایس ٹی بنوں کے توسیع و بہتری کے منصوبے پر پری سی ڈی ڈبلیو پی اجلاس

وزارتِ منصوبہ بندی، ترقی و خصوصی اقدامات کے زیرِ اہتمام “یونیورسٹی آف سائنس اینڈ ٹیکنالوجی بنوں کی توسیع و بہتری” کے منصوبے کے حوالے سے پری سی ڈی ڈبلیو پی اجلاس منعقد ہوا۔ منصوبے کی مجموعی تخمینہ شدہ لاگت 2,707.595 ملین روپے ہے۔

قابلِ احترام وائس چانسلر پروفیسر ڈاکٹر محمد جہانزیب خان نے پراجیکٹ ڈائریکٹر انجینئر عمران اللہ خان کے ہمراہ اجلاس میں منصوبے کا PC-I پیش کیا اور اس کے مقاصد، دائرۂ کار، اہم اجزاء، مالی ضروریات، عملدرآمد کے طریقہ کار اور متوقع نتائج کے بارے میں فورم کو تفصیلی بریفنگ دی۔

PC-I کے تحت اکیڈمک بلاک، طلبہ ہاسٹل، کانووکیشن ہال اور اسٹاف رہائش گاہوں کی تعمیر کے علاوہ یونیورسٹی کے تینوں کیمپسز میں جامع بیرونی ترقیاتی کام بھی شامل ہیں۔ ان کاموں میں اندرونی سڑکوں اور فٹ پاتھوں کی تعمیر و بہتری، اسٹریٹ لائٹس اور دیگر متعلقہ بنیادی سہولیات کے ساتھ ساتھ تینوں کیمپسز کی مکمل سولرائزیشن بھی شامل ہے۔

اجلاس کے دوران پراجیکٹ ڈائریکٹر انجینئر عمران اللہ خان نے زیرِ تعمیر منصوبے کے مختلف اجزاء کی فزیکل اور مالی پیش رفت سے بھی فورم کو آگاہ کیا۔ انہوں نے بتایا کہ اکیڈمک بلاک اور طلبہ ہاسٹل پر کام تقریباً 70 فیصد فزیکل پراگریس حاصل کر چکا ہے۔

یہ منصوبہ یونیورسٹی کے تعلیمی اور رہائشی انفراسٹرکچر کو مزید مضبوط بنانے، کیمپس کی سہولیات کو بہتر کرنے اور طلبہ، اساتذہ و ملازمین کے لیے ایک بہتر اور سازگار تعلیمی ماحول فراہم کرنے میں اہم کردار ادا کرے گا۔

اجلاس میں منصوبے کے دائرۂ کار، مجوزہ اقدامات، مالی ضروریات، عملدرآمد کے طریقہ کار اور PC-I کے دیگر اہم پہلوؤں پر تفصیلی غور کیا گیا۔ ممبر سائنس اینڈ ٹیکنالوجی اور چیف سائنس اینڈ ٹیکنالوجی نے اس امر پر زور دیا کہ پری سی ڈی ڈبلیو پی اجلاس کا بنیادی مقصد منصوبے کا جامع اور تنقیدی جائزہ لینا اور تمام زیرِ التوا اعتراضات، تکنیکی تقاضوں اور ضروری وضاحتوں کو دور کرنا ہے، تاکہ منصوبہ سنٹرل ڈویلپمنٹ ورکنگ پارٹی (CDWP) کے سامنے منظوری کے لیے پیش کیا جا سکے۔

یونیورسٹی کے نمائندگان نے اجلاس کے دوران اٹھائے گئے تمام نکات پر وضاحتیں پیش کیں اور یقین دہانی کرائی کہ وزارتِ منصوبہ بندی/پلاننگ کمیشن کی جانب سے دی جانے والی تمام سفارشات اور ضروری تقاضوں کو PC-I میں شامل کرتے ہوئے ان پر مکمل عملدرآمد کیا جائے گا، تاکہ منصوبے کی CDWP سے منظوری کے لیے کارروائی کو مؤثر اور ہموار انداز میں آگے بڑھایا جا سکے۔

Address

University Of Science And Technology, Bannu
Bannu Cantonment
28100

Opening Hours

Monday 07:00 - 17:00
Tuesday 07:00 - 17:00
Wednesday 07:00 - 17:00
Thursday 07:00 - 17:00
Friday 07:00 - 17:00

Telephone

+923000000000

Website

Alerts

Be the first to know and let us send you an email when University Of Science and Technology Main Campus Bannu posts news and promotions. Your email address will not be used for any other purpose, and you can unsubscribe at any time.

Contact The University

Send a message to University Of Science and Technology Main Campus Bannu:

Shortcuts

Share

Category