10/04/2026
رہبرِ شہید کو خراجِ عقیدت — ایک روح پرور اجتماع 🌿
ہادی ایجوکیشن سسٹم بلکسر میں رہبرِ شہید کو خراجِ عقیدت پیش کرنے کے لیے ایک پُروقار اور روحانیت سے لبریز تقریب کا انعقاد کیا گیا۔ اس بابرکت موقع پر عظیم دانشور، سرمایۂ ملتِ جعفریہ
مولانا سید علی مرتضی زیدی صاحب دام عزہ نے اپنے ایمان افروز خطاب کے ذریعے حاضرینِ محفل کے قلوب کو نورِ معرفت سے منور کیا اور عشقِ شہادت کی تازگی عطا کی۔
ان کے بصیرت افروز کلمات نے نہ صرف فکر کو جِلا بخشی بلکہ دلوں میں رہبرِ شہید کے پیغام کو زندہ کر دیا۔ محفل کا ہر لمحہ عقیدت، شعور اور روحانیت کا حسین امتزاج بن کر سامعین کے دلوں میں نقش ہو گیا۔
یہ محفل اس عہد کی تجدید تھی کہ ہم شہداء کے نقشِ قدم پر چلتے ہوئے حق و صداقت کا پرچم بلند رکھیں گے۔
