04/06/2026
فیکلٹی آف الائیڈ ہیلتھ سائنسز، گومل یونیورسٹی
اے ایچ پی سی (AHPC) انسپیکشن وزٹ رپورٹ
مورخہ: 03 جون 2026
فیکلٹی آف الائیڈ ہیلتھ سائنسز، گومل یونیورسٹی، ڈیرہ اسماعیل خان میں الائیڈ ہیلتھ پروفیشنلز کونسل (AHPC) کی انسپیکشن ٹیم نے مورخہ 03 جون 2026 کو دورہ کیا۔ اس موقع پر وائس چانسلر گومل یونیورسٹی، پروفیسر ڈاکٹر ظفر اقبال اور ڈین فیکلٹی آف الائیڈ ہیلتھ سائنسز، پروفیسر ڈاکٹر شفیع اللہ خان نے معزز مہمانوں کا خیر مقدم کیا۔
دورے کے آغاز میں فیکلٹی آف الائیڈ ہیلتھ سائنسز کی جانب سے ایک جامع پریزنٹیشن پیش کی گئی۔ ڈین فیکلٹی، پروفیسر ڈاکٹر شفیع اللہ خان نے پریزنٹیشن کے ذریعے فیکلٹی کے قیام، تعلیمی پروگرامز، تدریسی عملے، انفراسٹرکچر، اسکل لیبارٹریز، ایناٹومی میوزیم، لائبریری، تحقیقی سرگرمیوں، کلینیکل ٹریننگ، طلبہ کی تعداد، ہسپتالوں کے ساتھ روابط اور مختلف اداروں کے ساتھ طے شدہ مفاہمتی یادداشتوں (MoUs) کے بارے میں تفصیلی بریفنگ دی۔
پریزنٹیشن کے بعد انسپیکشن ٹیم نے فیکلٹی کے مختلف شعبہ جات اور سہولیات کا تفصیلی دورہ کیا تاکہ پریزنٹیشن میں فراہم کی گئی معلومات کا عملی طور پر جائزہ لیا جا سکے۔ ٹیم نے کلاس رومز، ایناٹومی و فزیالوجی لیب، میڈیکل لیبارٹری ٹیکنالوجی لیب، ڈینٹل اسکل لیب، الٹراساؤنڈ لیب، ایکسرے لیب، آپریشن تھیٹر (OT) لیب، فزیوتھراپی کلینک، ری ہیبیلیٹیشن سینٹر، جمنازیم، ایناٹومی میوزیم اور لائبریری کا معائنہ کیا۔
انسپیکشن ٹیم نے فیکلٹی میں موجود جدید سہولیات، تدریسی ماحول، لیبارٹری آلات، طلبہ کی عملی تربیت کے انتظامات اور فیکلٹی ممبران کی پیشہ ورانہ صلاحیتوں کا جائزہ لیا۔ اس موقع پر مختلف پروگرامز کے اساتذہ اور طلبہ نے بھی اپنے شعبہ جات اور عملی سرگرمیوں کے بارے میں انسپیکشن ٹیم کو آگاہ کیا۔
دورے کے دوران فیکلٹی انتظامیہ نے کلینیکل ٹریننگ کے لیے تدریسی ہسپتالوں اور دیگر اداروں کے ساتھ موجود اشتراک، تحقیقی سرگرمیوں، کوالٹی ایشورنس اقدامات اور مستقبل کے ترقیاتی منصوبوں پر بھی روشنی ڈالی۔
انسپیکشن ٹیم نے فیکلٹی آف الائیڈ ہیلتھ سائنسز کی ترقی، تعلیمی معیار، جدید انفراسٹرکچر اور طلبہ کی عملی تربیت کے لیے کیے گئے اقدامات کو سراہا۔ فیکلٹی نے اس عزم کا اظہار کیا کہ وہ مستقبل میں بھی AHPC اور HEC کے معیارات کے مطابق معیاری تعلیم، تحقیق اور پیشہ ورانہ تربیت کی فراہمی کے لیے اپنی کاوشیں جاری رکھے گی۔
