18/05/2026
تونسہ اور کوہِ سلیمان کے عوام عرصۂ دراز سے کینسر جیسے خطرناک مرض کے خلاف مشکلات کا سامنا کر رہے ہیں۔ ہمارے علاقے میں آج بھی ایسے بے شمار مریض موجود ہیں جو بروقت تشخیص اور علاج کی سہولت نہ ہونے کی وجہ سے تکلیف میں زندگی گزار رہے ہیں۔ کئی خاندان اپنے پیاروں کو صرف اس لیے کھو دیتے ہیں کہ انہیں بروقت ہسپتال، ڈاکٹر یا تشخیصی سہولت میسر نہیں ہوتی۔
اسی درد اور احساس کے تحت بلوچ سٹوڈنٹس سوسائٹی کی طرف سے گومل یونیورسٹی کے اندر 19 مئ بروز منگل شام 5:30 بجے FCلان سے گل نواز کینٹین تک کینسر آگاہی اور اپنے علاقے کے عوام کے حق کے لیے ایک عظیم ریلی نکال رہے ہیں۔
اس ریلی کا مقصد حکومت اور متعلقہ اداروں تک یہ آواز پہنچانا ہے کہ تونسہ اور کوہِ سلیمان میں فوری طور پر کینسر ہسپتال قائم کیے جائیں اور تشخیصی کیمپ لگائے جائیں تاکہ غریب عوام کو علاج کے لیے دور دراز شہروں کے دھکے نہ کھانے پڑیں۔
ہم گومل یونیورسٹی میں زیرِ تعلیم تمام طلبہ بالخَصوص تونسہ و کوہِ سلیمان کے طلبہ سے پُرزور اپیل کرتے ہیں کہ وہ اس ریلی میں بھرپور شرکت کریں اور اپنے علاقے کے لوگوں کی امید بنیں۔
آئیں!
اپنے لوگوں کی زندگیوں کے لیے،
اپنی ماؤں، بہنوں، بزرگوں اور بچوں کے لیے،
ایک آواز بنیں۔
کیونکہ آج اگر ہم نہ بولے، تو کل شاید بہت دیر ہو جائے۔
“کینسر کے خلاف جنگ — زندگی کے حق میں آواز”
