25/08/2026
گورنمنٹ کالج یونیورسٹی فیصل آباد میں جائزہ حسن قرآت و نعت
گورنمنٹ کالج یونیورسٹی فیصل آباد میں رحمتۃ للعالمین سیرت چیئر اور ڈائریکٹر اسٹوڈنٹس افیئرز سید منظور الکونین قرآت و نعت سوسائٹی کے زیرِ اہتمام فزکس ہال میں منعقد ہوا۔ تقریب کی صدارت ڈین فیکلٹی آف اسلامک اینڈ اورینٹل لرننگ پروفیسر ڈاکٹر ہمایوں عباس نے کی۔
وائس چانسلر پروفیسر ڈاکٹر رؤف اعظم نے اپنے پیغام میں کہا کہ طلباء وطالبات تلاوت قرآن اور کتب سیرت کے مطالعہ کو لازم و ملزوم سمجھیں
شعبہ عربی و علومِ اسلامیہ کے استاد ڈاکٹر عمر حیات انصاری نے ’بعثت رسول صلی اللہ علیہ وسلم‘‘ کے موضوع پر اظہارِ خیال کرتے ہوئے کہا کہ عالم انسانیت پر اللہ کی عنایات و نوازشات اور اس کے احسانات بے حد و حساب ہیں ' وہ سب ایک طرف جبکہ نعمت رشد و ہدایت ایک طرف جو احسان عظیم ہے اور دیگر تمام نعمتوں پر حاوی؛ اللہ کا یہ عظیم احسان جب بعثت محمدی کی شکل میں ڈھلا تو عظیم سے عظیم تر ہو گیا - ہر نعمت شکر کی متقاضی ہے جبکہ یہ عظیم تر احسان سب سے زیادہ اس بات کا متقاضی ہے کہ اس پر ہمہ وقت اللہ تعالیٰ کا شکر ادا کیا جائے جس کا واحد طریقہ اطاعت رسول اللہ صل اللہ علیہ و سلم ہے - امت مسلمہ خیرالامم ہے جس کی اول و آخر پہچان اطاعت و اتباع رسول ہی ہے
پنجاب یونیورسٹی لاہورسے تشریف لائے ہوئے مہمان مقرر ڈاکٹر سعید احمد سعیدی نے بھی خصوصی شرکت کی اور جائزہ میں شریک طلباء اور طالبات کو نعت گوئی کے مقاصد اور انتخاب کلام پر روشنی ڈالی .
اختتامی خطاب میں ڈاکٹر ندیم سہیل نے تمام شرکاء کا شکریہ ادا کیا جبکہ نظامت کے فرائض محمد عثمان صدیقی نے انجام دئیے پروگرام کے آخر میں اول،دوم،سوم آنے والے طلباء میں سرٹیفیکیٹ بھی تقسیم کئے گئے
