وفاق المدارس السلفیة Wafaq Ul Madaris Al Salafia

Call Directions Website Contact the university

وفاق المدارس السلفیة Wafaq Ul Madaris Al Salafia جامعات و مدارس السلفیہ کی وحدت کا علمبردار ۔

دو روزہ ورکشاپ بعنوان "دورة المخارج والصفات"=================================وفاق المدارس السلفیہ پاکستان کے زیرِ اہتمام...
15/09/2026

دو روزہ ورکشاپ بعنوان "دورة المخارج والصفات"
=================================
وفاق المدارس السلفیہ پاکستان کے زیرِ اہتمام تجوید القرآن الکریم کے موضوع پر دو روزہ تعلیمی وتربیتی ورکشاپ 12، 13 ستمبر 2026ء کو جامعہ بحر العلوم السلفیہ، میرپورخاص، سندھ میں منعقد ہوئی۔

ورکشاپ کا آغاز تلاوتِ کلامِ پاک سے ہوا، جس کی سعادت جامعہ بحر العلوم السلفیہ میرپورخاص کے طالب علم حافظ ارشاد سلمہ اللہ نے حاصل کی۔ بعد ازاں شیخ الحدیث افتخار احمد الازہری حفظہ اللہ، نے استقبالیہ و ابتدائی کلمات ارشاد فرمائے۔

ورکشاپ میں اندرون سندھ کے مختلف مدارس و مراکز سے 50 سے زائد اساتذہ و طلبہ نے شرکت کی۔ ورکشاپ کی مختلف نشستوں میں مخارج و صفات، صفاتِ لازمۃ، صفاتِ غیر متضادہ و صفاتِ عارضہ، آواز کی ماہیت اور تلاوتِ قرآن کریم کی درست ادائیگی کے اہم پہلوؤں پر علمی و عملی رہنمائی فراہم کی گئی۔

شرکاء کی تلاوتیں سن کر حروف کی ادائیگی اور تلاوت کی اغلاط کی نشاندہی کے ساتھ عملی اصلاح بھی کروائی گئی، جبکہ ورکشاپ کے دوران مخارج و صفات کی مسلسل مشق اور سوال و جواب کا اہتمام رہا ہے۔

تدریس اور تعلیم و تربیت کی ذمہ داری فضیلۃ الشیخ حافظ خالد اکرم المدنی حفظہ اللہ، مدیر المعہد میراث النبوی حیدر آباد، اور فضیلۃ الشیخ حافظ سالم اکرم المدنی حفظہ اللہ نے انجام دی۔

اختتامی تقریب میں جناب میر غزین ٹالپر بن میر انور ٹالپر صاحب (جو کہ سندھ کے مشہور سیاسی خاندان سے تعلق رکھتے ہیں) نے خصوصی شرکت فرمائی اور اپنے دستِ مبارک سے شرکاء میں شہادات دورة المخارج والصفات اور انعامات تقسیم کیے۔ جامعہ بحر العلوم السلفیہ میر پور خاص کے منتظم فضیلۃ الشیخ حافظ معاذ عزیز میمن حفظہ اللہ نے معزز مہمانوں کو سندھ کی روایتی سوغات سندھی اجرک بھی پیش کی۔

آخر میں فضیلۃ الشیخ حافظ معاذ عزیز میمن حفظہ اللہ کی دعا کے ساتھ یہ بابرکت تربیتی پروگرام اختتام پذیر ہوا۔

شعبہ نشرو اشاعت
وفاق المدارس السلفیہ پاکستان

اہلِ حدیث مکتب فکر کے بارے میں متنازعہ تاثر پر مذمتی بیان========================================وفاق المدارس السلفیہ پا...
16/08/2026

اہلِ حدیث مکتب فکر کے بارے میں متنازعہ تاثر پر مذمتی بیان
========================================
وفاق المدارس السلفیہ پاکستان کے صدر ڈاکٹر حافظ عبد الکریم حفظہ اللہ ، ناظم اعلیٰ پروفیسر محمد یٰسین ظفر حفظہ اللہ اور وفاق المدارس السلفیہ پاکستان کی جملہ انتظامیہ نے معروف صحافی سہیل وڑائچ کی جانب سے اہل حدیث مکتب فکر کو داعش سے جوڑنے والے تاثر پر گہری تشویش اور افسوس کا اظہار کیا ہے۔
انہوں نے کہا کہ کسی بھی دینی مکتب فکر کے بارے میں رائے قائم کرتے ہوئے مکمل تحقیق، مستند معلومات اور قابل اعتماد شواہد کو پیش نظر رکھنا ضروری ہے۔ اہلِ حدیث ایک معروف علمی و دینی مکتب فکر ہے، جس کی علمی، دینی اور دعوتی خدمات ایک طویل عرصے پر محیط ہیں۔ اسے کسی شدت پسند تنظیم سے منسلک کرنے والا تاثر حقائق کے تناظر میں نہایت نامناسب اور قابل افسوس ہے۔
انہوں نے کہا کہ صحافت معاشرے میں رائے عامہ کی تشکیل اور حقائق کی آگاہی کا ایک اہم ذریعہ ہے، اس لیے مذہبی اور حساس معاملات میں ذمہ داری، احتیاط اور تحقیق کی ضرورت ہوتی ہے۔ ایسی بات جس سے کسی دینی مکتب فکر کے بارے میں غلط فہمی پیدا ہو، اسے مناسب تحقیق اور وضاحت کے بغیر نشر کرنا صحافتی ذمہ داری کے تقاضوں کی کھلی خلاف ورزی اور پیشہ ورانہ بددیانتی کے زمرے میں آتا ہے۔
وفاق المدارس السلفیہ پاکستان سے ملحقہ مدارس وجامعات کے ذمہ داران اور جملہ انتظامیہ نے اس تاثر پر شدید تحفظات کا اظہار کیا اور اہل حدیث مکتب فکر کو کسی شدت پسند تنظیم سے جوڑنے کی کوشش کو یکسرمسترد کیا ہے۔ امید ہے کہ سہیل وڑائچ صاحب اس معاملے کی حقیقت اور متعلقہ شواہد کا ازسرنو جائزہ لیتے ہوئے مناسب وضاحت اور اصلاح فرمائیں گے۔
وفاق المدارس السلفیہ پاکستان کے صدر، ناظم اعلیٰ اور جملہ انتظامیہ نے اس امر پر زور دیا کہ اختلاف رائے اور صحافتی تجزیے میں بھی شائستگی، تحقیق اور ذمہ داری کو ملحوظ رکھا جائے تاکہ معاشرے میں غلط فہمی اور انتشار کے بجائے مثبت اور تعمیری فضا کو فروغ دیا جا سکے۔

شعبہ نشرو اشاعت
وفاق المدارس السلفیہ پاکستان

پاکستان، سعودی عرب اور ترکی کے درمیان تاریخی دفاعی معاہدہ {قابل اعتماد عہدوپیمان}تحریر: پروفیسر محمد ...
08/08/2026

پاکستان، سعودی عرب اور ترکی کے درمیان تاریخی دفاعی معاہدہ
{قابل اعتماد عہدوپیمان}

تحریر: پروفیسر محمد یٰسین ظفر حفظہ اللہ
ناظم اعلیٰ وفاق المدارس السلفیہ پاکستان

یہ خبر تمام مسلمانوں کے لیے نہایت مسرت و انبساط کا باعث بنی کہ بیت اللہ کے سائے میں پاکستان، سعودی عرب اور ترکی کے درمیان تاریخی دفاعی معاہدہ ہوا ہے۔ یہ معاہدہ علاقائی سلامتی اور امن و امان کے لیے انتہائی ناگزیر ہے۔ تینوں ممالک اپنی الگ الگ شناخت رکھتے ہیں، پاکستان ایٹمی قوت کا حامل منفرد اسلامی ملک ہے۔ دفاعی صلاحیت کے لیے فضائی اور زمینی قوت رکھتا ہے۔ اپنی بہترین دفاعی پالیسی کا لوہا منوا چکا ہے۔ ترکی اپنی بہترین تربیت یافتہ فوج کے ساتھ اسلحہ سازی میں بڑا مقام رکھتا ہے، جبکہ سعودی عرب اپنی بہترین سیاسی اور خارجہ پالیسی کی بدولت دنیامیں احترام کی نظر سے دیکھا جاتا ہےاور مالی طور پر مستحکم اسلامی ملک ہے ،ان کی موجودہ قیادت دور اندیش اور انداز جہاں بانی میں بلند مقام رکھتی ہے اور علاقے بھرمیں قیامِ امن کے لیے کلیدی کردار ادا کر رہی ہے۔
علاقے کی بگڑتی ہوئی غیر یقینی صورتحال کا تقاضا تھا کہ اس کا مکمل گہرائی سے جائزہ لیا جائے اور امریکہ، ایران جنگ کے پس منظر کو حال و مستقبل کے تناظر میں دیکھا جائے۔ یہ محض اسرائیل، امریکہ، ایران کا مسئلہ نہیں ہے، بلکہ ایران کی دانستہ اور غیر دانشمندانہ طرزِ عمل نے پورے خطے کو جنگ میں دھکیلنے کی حماقت کی ہے اور امریکی جارحیت کے مقابلے میں کویت، بحرین، قطر، عرب امارات اور سعودی عرب پر حملے کیے، جبکہ اصل مجرم کو نظر انداز کرنا بہت سے شکوک و شبہات کو جنم دیتا ہے، لیکن سعودی عرب کی مدبرانہ قیادت نے صبر و تحمل کا مظاہرہ کرتے ہوئے ایرانی گماشتوں کی سازش ناکام کر دی۔ اگرچہ اس میں پاکستان حکومت نے بھی کردار ادا کیا کہ سعودی عرب ردِعمل میں کوئی کارروائی نہ کرے۔
اس سارے پس منظر میں تین بڑے اسلامی ممالک کے سربراہان سعودی عرب کے ولی عہد اور وزیر اعظم محمد بن سلمان آلِ سعود، پاکستان کے وزیر اعظم شہباز شریف اور ترکی کے صدر طیب اردگان نے دفاعی معاہدے پر دستخط کر کے پورے خطے کے ممالک کو ایک خاموش پیغام دے دیا ہےکہ ان تین ممالک میں سے کسی ایک پر حملہ یا داخلی سلامتی کے خلاف مہم جوئی کو سب ممالک کے خلاف جارحیت سمجھا جائے گا۔ بلا شبہ یہ ایک قابلِ اطمینان اور پر اعتماد دفاعی معاہدہ ہے۔ اس کے دور رس نتائج سامنے آئیں گے۔ غالباً یہ معاہدہ آج سے کچھ ماہ قبل سعودی عرب اور پاکستان کے درمیان ہونے والے معاہدے کا نتیجہ ہے، کیونکہ بعض اسلامی ممالک نے یہ خواہش ظاہر کی تھی کہ وہ بھی اس معاہدے میں شریک ہونا چاہتے ہیں۔
ایران کے بارے میں ان لوگوں کی سوچ بہت جلد تبدیل ہونے والی ہے، جو اسے اسلام کی جنگ قرار دے رہے تھے۔ یہ بہت بڑی غلط فہمی ہے۔ ایران علاقے میں اپنا اثر ورسوخ بڑھانے اور علاقے میں مسلح قوت کے ذریعے توسیع پسندانہ عزائم رکھتا ہے۔ اس کا ماضی بہت بھیانک اور ظالمانہ ہے۔ عراق اور شام میں پاسداران نے جومکروہ کردار ادا کیا ہے، ایک زندہ دل مسلمان بھول نہیں سکتا۔اسی طرح یمن کے حوثی باغیوں کو کس طرح سعودیہ کے خلاف استعمال کر رہا ہے، وہ کسی سے پوشیدہ نہیں۔ اس کا اندازہ اس امر سے لگائیں کہ ابھی تین ممالک کے معاہدے کی سیاہی خشک نہیں ہوئی تو ایک ایرانی ذمہ دار نے اس معاہدے پر بات کرتے ہوئے کہا کہ یہ معاہدہ سعودیہ کو تحفظ نہیں دے سکتا۔ گویا ایران کے سعودیہ کے بارے میں عزائم بہت خطرناک ہیں ، وہ جلد یا بدیر کوئی بھی حرکت کر سکتا ہے۔
لیکن ایران کو جان لینا چاہیے کہ سعودیہ، عراق یا شام نہیں ہے۔ سعودیہ حرمین شریفین کی سرزمین ہے، جس کے دفاع کے لیے پوری دنیا کے مسلمان یکجان ہیں اور تن من دھن قربان کرنے کے لیے تیار ہیں۔ صرف اسلامی ممالک نہیں بلکہ عوام بھی اس میں بڑے جذبات رکھتے ہیں۔ہم اس دفاعی تعاون کو بنظرتحسین دیکھتے ہیں اور تینوں ممالک کے سربراہان کو دلی مبارک پیش کرتے ہیں۔ اس کی مکمل تائید کرتے ہیں کہ یہ معاہدہ علاقے میں قیامِ امن میں کلیدی کردار ادا کرے گا، کیونکہ یہ معاہدہ کسی ملک کے خلاف نہیں لیکن اگر کسی نے حماقت کی تو اس کا بھرپورجواب دیا جائے گا۔ وفاق المدارس السلفیہ کی قیادت اس معاہدے پر خراجِ تحسین پیش کرتی ہے۔

كلمة شكر وتقديرصاحب المعالي الأستاذ نواف بن سعيد المالكي حفظه الله تعالى، سفير خادم الحرمين الشريفين لدى جمهورية باكستا...
01/08/2026

كلمة شكر وتقدير

صاحب المعالي الأستاذ نواف بن سعيد المالكي حفظه الله تعالى، سفير خادم الحرمين الشريفين لدى جمهورية باكستان الإسلامية۔

السلام عليكم ورحمة الله وبركاته، أما بعد:
أتقدم إليكم بخالص الشكر، وعظيم التقدير، على جهودكم المباركة طوال فترة عملكم سفيرا للمملكة العربية السعودية الشقيقة. لقد كان لتعاونكم المثمر، وحضوركم الدائم، أثر كبير في تعزيز أواصر الأخوة والتعاون المشترك. أشكركم على حسن إدارتكم، وجميل تعاملكم طوال مدة خدمتكم، وأتمنى لكم دوام التوفيق والنجاح في مهامكم المستقبلية، وموفور الصحة والعافية. وتفضلوا بقبول فائق الاحترام والتقدير.

محمد يٰسين ظفر
- الأمين العام لوفاق المدارس السلفية - باكستان
- مدير التعليم بجامعة السلفية، فيصل آباد - باكستان

ترحيب وتهنئةنتقدم إلى سعادة سفير خادم الحرمين الشريفين لدى جمهورية باكستان الإسلامية {{الدكتور راجح بن طامي البقمي حفظه ...
30/07/2026

ترحيب وتهنئة

نتقدم إلى سعادة سفير خادم الحرمين الشريفين لدى جمهورية باكستان الإسلامية {{الدكتور راجح بن طامي البقمي حفظه الله}} بأصدق التهاني وأطيب عبارات الترحيب، بمناسبة تعيينه سفيراً للمملكة العربية السعودية لدى جمهورية باكستان الإسلامية. ونسأل الله تعالى أن يوفقكم لأداء مهامكم على أكمل وجه، وأن يبارك في جهودكم، وأن يجعلكم سبباً في توثيق أواصر الأخوة، وتعزيز التعاون، وترسيخ العلاقات الأخوية المتميزة بين جمهورية باكستان الإسلامية والمملكة العربية السعودية.نسأل الله عز وجل أن يديم عليكم الصحة والعافية، وأن يزين أعمالكم بالتوفيق والنجاح، وأن يجعل خدماتكم مباركة نافعة لما فيه خير البلدين الشقيقين. آمين.

صادر عن:
وفاق المدارس السلفية، باكستان
الجامعة السلفية، فيصل آباد، باكستان

مدارس کی رجسٹریشن کے حوالے سے اتحاد تنظیمات مدارس پاکستان کا اہم اجلاس××××××××××××××××××××××××××××××××××××××××××××اتحاد ...
29/07/2026

مدارس کی رجسٹریشن کے حوالے سے اتحاد تنظیمات مدارس پاکستان کا اہم اجلاس
××××××××××××××××××××××××××××××××××××××××××××
اتحاد تنظیمات مدارس پاکستان کے قائدین نے مدارس کی رجسٹریشن سے متعلق امور پر آج بروز بدھ، 29 جولائی 2026ء کو ہوم ڈیپارٹمنٹ، حکومتِ پنجاب، لاہور میں صوبائی وزیر و چیئرمین کابینہ کمیٹی برائے امن و امان جناب خواجہ سلمان رفیق صاحب سے اہم ملاقات کی۔

اجلاس میں مدارس کی رجسٹریشن کے حوالے سے تفصیلی گفتگو ہوئی۔ اس موقع پر سوسائٹیز رجسٹریشن ایکٹ کے مطابق مدارس کی رجسٹریشن کے طریقہ کار اور متعلقہ قانونی امور پر پیش رفت کا جائزہ لیا گیا۔ اجلاس میں اس امر پر اطمینان کا اظہار کیا گیا کہ رجسٹریشن سے متعلق معاملات آخری مراحل میں ہیں، امید کی جاتی ہے کہ جلد ہی سوسائٹیز رجسٹریشن ایکٹ، 1860 کے تحت مدارس کی رجسٹریشن کا باقاعدہ آغاز کر دیا جائے گا۔رجسٹریشن کے طریقہ کار اور ضروری ہدایات سے مدارس و جامعات کو جلد باقاعدہ مطلع کر دیا جائے گا۔
اجلاس میں وفاق المدارس السلفیہ پاکستان کی نمائندگی ناظمِ اعلیٰ وفاق المدارس السلفیہ پاکستان پروفیسر محمد یٰسین ظفر حفظہ اللہ اور حافظ محمد یونس حفظہ اللہ نے کی۔

وفاق المدارس السلفیہ پاکستان دینی مدارس کے حقوق، ان کی قانونی و آئینی حیثیت کے تحفظ اور مدارس سے متعلق اہم قومی امور میں، مثبت، سنجیدہ اور تعمیری کردار ادا کرنے کے عزم کا اعادہ کرتا ہے اور اس سلسلے میں اتحاد تنظیمات مدارس پاکستان کے مشترکہ موقف کی بھرپور تائید و معاونت جاری رکھے گا۔ إن شاء الله العزيز

شعبہ نشر و اشاعت
وفاق المدارس السلفیہ پاکستان

وفاق المدارس السلفیہ پاکستان سے ملحق مدارس و جامعات خیبر پختونخوا کا اہم صوبائی مشاورتی اجلاس===========================...
07/07/2026

وفاق المدارس السلفیہ پاکستان سے ملحق مدارس و جامعات خیبر پختونخوا کا اہم صوبائی مشاورتی اجلاس
========================================
مؤرخہ 6 جولائی 2026ء بروز سوموار کو جامعہ اثریہ، چمکنی پشاور میں صوبہ بھر کے وفاق المدارس السلفیہ پاکستان سے ملحق مدارس و جامعات کے ناظمین و مہتممین کا اہم مشاورتی اجلاس منعقد ہوا، کثیر تعداد میں مدارس کے ذمہ داران نے شرکت کی۔

اجلاس میں مندرجہ ذیل امور زیر بحث رہے:
1) سالانہ امتحان 2027ء کے انتظامات پر غور و خوض
2) امتحانی امور کا تفصیلی جائزہ
3) نئے مدارس کے الحاق سے متعلقہ امور پر مشاورت
4) مرحلہ ثانویہ عامہ و ثانویہ خاصہ اور شعبہ تحفیظ و تجوید کے آن لائن داخلوں کے حوالے سے رہنمائی

اس کے علاوہ مختلف انتظامی و تعلیمی امور پر تفصیلی مشاورت کی گئی۔ ناظمین و مہتممین کو درپیش متعدد مسائل کا جائزہ لیا گیا اور ان کے حل کی یقین دہانی کرائی گئی۔تمام شرکاء اجلاس نے بھرپور تعاون کی یقین دھانی کرائی۔

یہ اجلاس صوبائی مسؤول فضیلۃ الشیخ مولانا عمر بن عبدالعزیز حفظہ اللہ مدیر التعلیم جامعہ اثریہ پشاور کی زیرنگرانی منعقد ہوا۔

اجلاس کا اختتام دعائیہ کلمات پر ہوا۔

شعبہ نشر و اشاعت
وفاق المدارس السلفیہ پاکستان

وفاق المدارس السلفیہ پاکستان کے سالانہ امتحانات 1447ھ کے پوزیشن ہولڈرز طلبہ و طالبات====================================...
01/07/2026

وفاق المدارس السلفیہ پاکستان کے سالانہ امتحانات 1447ھ کے پوزیشن ہولڈرز طلبہ و طالبات
=======================================

وفاق المدارس السلفیہ پاکستان، نمایاں پوزیشن حاصل کرنے والے طلبہ و طالبات کے معزز والدین، اساتذہ کرام اور متعلقہ مدارس و جامعات کی انتظامیہ کو دلی مبارکباد پیش کرتا ہے اور دعا گو ہے کہ اللہ تعالیٰ ان کی محنت کو شرفِ قبولیت بخشے، علمِ نافع، عملِ صالح اور دینِ اسلام کی مخلصانہ خدمت کی توفیق عطا فرمائے۔ آمین یارب العالمین

شعبہ نشرو اشاعت
وفاق المدارس السلفیہ پاکستان

اظہارِ تعزیت ==========================================إنا لله وإنا إليه راجعون انتہائی رنج و غم کے ساتھ افسوسناک خبر م...
27/06/2026

اظہارِ تعزیت
==========================================
إنا لله وإنا إليه راجعون

انتہائی رنج و غم کے ساتھ افسوسناک خبر موصول ہوئی ہے کہ حضرت مولانا فاروق احمد قصوری رحمۃاللہ علیہ اپنے خالقِ حقیقی سے جا ملے ہیں۔ في ذمة الله

الشيخ رحمہ اللہ بہت بڑے مبلغ تھے۔ آپ کی دعوت سے کراچی میں بہت بڑا دعوت دین کا کام ہوا۔ کئی ایک مساجد بنوائیں اور اسلام کے قلعے تیار ہوئے۔ دعوتی ،اخلاقی و روحانی تربیت کے میدان میں ان کی گراں قدر خدمات کو ہمیشہ قدر کی نگاہ سے دیکھا جائے گا۔ ان کا طرزِ عمل، حسنِ اخلاق اور اخلاص اہلِ علم کے لیے ایک نمونہ تھا۔

اللہ رب العزت مرحوم کی مغفرت فرمائے، ان کے درجات بلند فرمائے اور ان کی باقیاتِ صالحات کو اُن کے لیے صدقہ جاریہ بنائے۔ اللہ تعالیٰ اہلِ خانہ، لواحقین ومتعلقین اور تلامذہ کو صبرِ جمیل اور اجرِ عظیم عطا فرمائے۔ آمین یا رب العالمین

صدر وفاق ڈاکٹر حافظ عبد الکریم حفظہ اللہ، ناظم اعلیٰ وفاق المدارس السلفیہ پاکستان پروفیسر محمد یٰسین ظفر حفظہ اللہ، ناظم امتحانات وفاق المدارس السلفیہ پاکستان پروفیسر حافظ عبد الستار حامد حفظہ اللہ، اسسٹنٹ کنٹرولر امتحانات وفاق المدارس السلفیہ پاکستان مولانا حافظ محمد یونس عاجز حفظہ اللہ اور دیگر ذمہ داران و اکابرین نے مرحوم کی خدمات کو خراجِ تحسین پیش کیا اور ان کے اہلِ خانہ سے تعزیتی کلمات ارشاد فرمائے ۔

اللهم اغفر له وارحمه واسكنه فسيح جناته ويلهم أهله وذويه الصبر والسلوان

شعبہ نشرو اشاعت
وفاق المدارس السلفیہ پاکستان

إِنَّا لِلّٰهِ وَإِنَّا إِلَيْهِ رَاجِعُونَانتہائی رنج و غم کے ساتھ یہ خبر موصول ہوئی کہ نامور عالمِ دین، جلیل القدر محد...
27/06/2026

إِنَّا لِلّٰهِ وَإِنَّا إِلَيْهِ رَاجِعُونَ

انتہائی رنج و غم کے ساتھ یہ خبر موصول ہوئی کہ نامور عالمِ دین، جلیل القدر محدث، شیخ الحدیث علامہ محمد فاروق احمد راشدی رحمہ اللہ اپنے مالکِ حقیقی سے جا ملے۔ فِي ذِمَّةِ اللهِ۔
مرحوم نے اپنی پوری زندگی اشاعتِ دین، تدریسِ حدیث، تعلیم و تربیت اور اصلاحِ معاشرہ کے لیے وقف کیے رکھی۔ آپ علمی وقار، دینی بصیرت، حسنِ اخلاق، اخلاص، متانت اور خدمتِ دین کے جذبے سے سرشار شخصیت تھے۔ آپ نے بے شمار طلبہ کی علمی، اخلاقی اور روحانی تربیت فرمائی، آپ کا علمی فیض مدتوں جاری رہے گا۔ اہلِ علم و فضل آپ کی دینی، علمی اور تدریسی خدمات کو ہمیشہ قدر و احترام کی نگاہ سے یاد رکھیں گے۔ إن شاء الله العزيز

اللہ رب العزت مرحوم کی کامل مغفرت فرمائے، ان کی لغزشوں سے درگزر فرمائے، ان کے درجاتِ عالیہ بلند فرمائے، ان کی دینی و علمی خدمات اور باقیاتِ صالحات کو ان کے لیے صدقہ جاریہ بنائے اور انہیں جنت الفردوس میں اعلیٰ مقام عطا فرمائے۔ اللہ تعالیٰ مرحوم کے اہلِ خانہ، لواحقین، متعلقین، تلامذہ اور جملہ پسماندگان کو صبرِ جمیل، اجرِ عظیم اور یہ عظیم صدمہ برداشت کرنے کی توفیق عطا فرمائے۔ آمین یا رب العالمین

ناظمِ اعلیٰ وفاق المدارس السلفیہ پاکستان، پروفیسر محمد یٰسین ظفر حفظہ اللہ ورعاہ نے جامعہ سلفیہ فیصل آباد کے اساتذہ کے ایک وفد کے ہمراہ نمازِ جنازہ میں شرکت کی اور وفاق المدارس السلفیہ پاکستان، جملہ انتظامیہ اور اس سے ملحق مدارس و جامعات کے مدراء و ناظمین کی جانب سے اظہارِ تعزیت کیا۔ اس موقع پر انہوں نے مرحوم کی گراں قدر دینی، علمی اور تدریسی خدمات کو خراجِ تحسین پیش کرتے ہوئے اہلِ خانہ سے اظہارِ تعزیت کیا اور ان کے لیے صبر و استقامت کی دعا فرمائی۔

اللهم اغفر له وارحمه وأسكنه فسيح جناته ويلهم أهله وذويه الصبر والسلوان آمین

شعبہ نشر و اشاعت
وفاق المدارس السلفیہ پاکستان

Address

JAMIA SALAFIA HAJI ABAD
Faisalabad
38600

Opening Hours

Monday 08:00 - 15:00
Tuesday 08:00 - 15:00
Wednesday 08:00 - 15:00
Thursday 08:00 - 12:00
Saturday 08:00 - 15:00
Sunday 08:00 - 15:00

Telephone

0092418780274

Website

Alerts

Be the first to know and let us send you an email when وفاق المدارس السلفیة Wafaq Ul Madaris Al Salafia posts news and promotions. Your email address will not be used for any other purpose, and you can unsubscribe at any time.

Contact The University

Send a message to وفاق المدارس السلفیة Wafaq Ul Madaris Al Salafia:

Shortcuts

Share