16/05/2026
ڊاڪٽر سهيل احمد اوٺو — علم، تحقيق ۽ زرعي شعبي جي ترقيءَ جو اڀرندڙ هڪ روشن نالو آھي،
ڊاڪٽر سهيل احمد اوٺو زرعي شعبي، خاص طور تي پلانٽ پروٽيڪشن ۽ اينٽومالاجي جي ميدان ۾ هڪ قابل، محنتي، باصلاحيت ۽ تجربيڪار تعليمي ماهر طور سڃاتو وڃي ٿو،
ڊاڪٽر اوٺو پنهنجي علمي قابليت، تحقيقاتي مهارتن ۽ تدريسي خدمتن وسيلي نه رڳو سنڌ زرعي يونيورسٽي ٽنڊوڄام ۾ اهم مقام حاصل ڪيو آهي، پر زرعي تحقيق ۽ شاگردن جي تربيت ۾ پڻ نمايان ڪردار ادا ڪيو آهي، ڊاڪٽر سهيل احمد اوٺو هن وقت سنڌ زرعي يونيورسٽي ٽنڊوڄام جي ڊپارٽمينٽ آف پلانٽ پروٽيڪشن ۾ اسسٽنٽ پروفيسر (BPS-19) طور 2017ع کان پنهنجون خدمتون سرانجام ڏئي رهيا آهن، جتي هو تدريس، تحقيق ۽ شاگردن جي علمي رهنمائي ۾ سرگرم آهن،
تعليمي حوالي سان ڊاڪٽر سهيل احمد اوٺو انتهائي مضبوط علمي پسمنظر جا مالڪ آهن. پاڻ 2016ع ۾ چين جي مشهور تعليمي اداري Northwest A&F University, P.R. China مان اينٽومالاجي ۾ پي ايڇ ڊي مڪمل ڪئي، جيڪا سندن علمي سفر جو هڪ اهم سنگ ميل ثابت ٿي، ان کان اڳ پاڻ سنڌ زرعي يونيورسٽي ٽنڊوڄام مان ايم ايس سي (آنرز) ۽ بي ايس سي (آنرز) اينٽومالاجي ۾ ڪاميابي سان حاصل ڪئي، اعليٰ تعليم حاصل ڪرڻ کانپوءِ سندن سموري توجهه زرعي شعبي جي ترقي، زرعي مسئلن جي حل ۽ جديد تحقيق تي رهي،
تحقيق جي ميدان ۾ ڊاڪٽر سهيل احمد اوٺو جون خدمتون قابلِ ذڪر آهن،
انتظامي ۽ اداري سطح تي پڻ ڊاڪٽر سهيل احمد اوٺو اهم خدمتون سرانجام ڏنيون آهن. پاڻ مختلف علمي ۽ انتظامي ڪاميٽين جا ميمبر رهي چڪا آهن ۽ يونيورسٽي جي علمي سرگرمين ۾ فعال ڪردار ادا ڪندا رهيا آهن. ان سان گڏوگڏ سائين مختلف علمي ۽ پيشاور تنظيمن سان پڻ لاڳاپيل آهن، جيڪي سندن علمي حيثيت ۽ تحقيقاتي قابليت جو ثبوت آهن،
سائين جن جي ڪٿا اڃان ھتي اختتام تي ناھي پھتي سائين جن بينظير انڪم سپورٽ پروگرام تحت چائنيز زبان بابت 1.5 سال شاگردن کي سکيا ڏني جيڪا سندس صلاحيت ۽ ڃاڻ ۽ علم جي عڪاسي ڪري ٿي،
ڊاڪٽر صاحب خوش ھجو مسڪرائندا رھو
آمين
