19/10/2024
*سنڌ يونيورسٽي ڄامشورو ۾ تعليمي سال 2025ع تحت بيچلرس ڊگري پروگرامز ۾ داخلائن لاءِ ٻئي مرحلي ۾ انٽري ٽيسٽ سڀاڻي ٿيندي، سمورن ڪئمپسز ۾ ٽيسٽ رٿيل، مجموعي طور 12,188 اميدوار انٽري ٽيسٽ ۾ حصو وٺندا، تياريون مڪمل، وائيس چانسيلر انتظامن جي جائزي لاءِ ڪئمپس پھچي ويو، اطمينان جو اظھار*
ڄامشورو(پ ر) سنڌ يونيورسٽي ڄامشورو ۾ تعليمي سال 2025ع تحت بيچلرس ڊگري پروگرامز ۾ داخلائن لاءِ ٻئي مرحلي ۾ انٽري ٽيسٽ سڀاڻي ٿيندي، سمورن ڪئمپسز ۾ پڻ ٽيسٽ رٿيل آھي، جنھن ۾ مجموعي طور 12,188 اميدوار انٽري ٽيسٽ ۾ حصو وٺندا. ھوڏانھن ٽيسٽ جون تياريون مڪمل ڪيون ويون آھن ۽ وائيس چانسيلر پروفيسر (ميريٽوريس) ڊاڪٽر محمد صديق ڪلھوڙو انتظامن جي جائزي لاءِ ڪئمپس پھچي ويو، جتي ھن امتحاني مرڪزن سميت سمورن انتظامن جو جائزو ورتو ۽ اطمينان جو اظھار ڪيو. سنڌ يونيورسٽي ڄامشورو ۾ ٻئي مرحلي ۾ 3,390 شاگردياڻين سميت ڪل 11,068 اميدوار ٽيسٽ ڏيندا، جن جو تعلق سنڌ جي 10 مختلف ضلعن سان آھي. ضلعي وار انگن اکرن موجب 225 شاگردياڻين سميت 1,110 اميدوار حيدرآباد ضلعي مان ٽيسٽ ۾ حصو وٺندا؛ ڄامشورو مان 1585 شاگردياڻين سميت 3,293 اميدوار، ميرپورخاص مان 495 شاگردياڻين سميت 1,394 اميدوار، سجاول مان 416 شاگردياڻين سميت 1,310 اميدوار، ٽنڊو الهيار مان 21 شاگردياڻين سميت 160 اميدوار، ٽنڊو محمد خان مان 223 نارين سميت ڪل 700 اميدوار، ٿرپارڪر مان 113 نارين سميت 455، ٺٽي مان 49 شاگردياڻين سميت1,041 اميدوار، عمرڪوٽ مان 36 شاگردياڻين سميت 147 اميدوار ۽ نوشهروفيروز مان 115 شاگردياڻين سميت 843 اميدوار انٽري ٽيسٽ ڏيندا. ھوڏانھن نوشهروفيروز ڪيمپس ۾ 25 شاگردياڻين سميت ڪل 95 اميدوار، ٺٽو ڪيمپس ۾ 42 شاگردياڻين سميت ڪل 142 اميدوار، دادو ڪيمپس ۾ 136 شاگردياڻين سميت 461 اميدوار ۽ بدين ڪيمپس ۾ 131 اميدوارن سميت ڪل 422 اميدوار ٽيسٽ ڏئي داخلائن لاءِ پنھنجي قسمت آزمائيندا. ٽيسٽ صبح 9:30 وڳي شروع ٿيندي ۽ 90 منٽن تائين جاري رهندي. يونيورسٽي انتظاميه اميدوارن جي لاءِ جوابي ورق، پين، پاڻي جون بوتلون ۽ بسڪٽ فراهم ڪرڻ جا بندوبست مڪمل ڪري ڇڏيا آهن. ٻئي طرف وائيس چانسيلر پروفيسر (ميريٽوريس) ڊاڪٽر محمد صديق ڪلهوڙو ڪيمپس جي دوري دوران مختلف ڪميٽين جي ڪنوينرن سان گڏ ٽيسٽ جي تيارين جو جائزو ورتو. نفس چوڻ ھو تہ سنڌ يونيورسٽي صوبي جي سڀ کان وڏي يونيورسٽي آهي، جنهن ۾ 400 کان وڌيڪ پي ايڇ ڊي استاد تعليم ۽ تحقيق لاءِ موجود آهن. ھن چيو تہ اسان انٽري ٽيسٽ جي صاف ۽ شفاف طريقي سان انعقاد کي يقيني بڻائڻ لاءِ پرعزم آهيون. ھن ٽيسٽ دوران ڪيل حفاظتي قدمن تي به روشني وڌي. ياد رهي ته انٽري ٽيسٽ جي پهرئين مرحلي ۾ 9,000 کان وڌيڪ اميدوارن حصو ورتو هو.
