14/10/2026
پرنسپل کالج ھذا اور ڈائریکٹر کالجز فیڈرل ڈائریکٹوریٹ آف ایجوکیشن اسلام آباد نے کالج ہال میں جونیئر اور سینئر سیکشن کے اساتذہ کرام کے ساتھ میٹنگ میں خطاب کرتے ہوئے پیش آمدہ تعلیمی معاملات پر روشنی ڈالی۔۔انھوں نے اساتذہ کرام پر زور دیا کہ سکیورٹی صورت حال کے باعث کالج کلاسز ریگیولر نہیں ہو رہی تھیں اس لیے کل سے کالج کھلنے پر پوری تن دہی کے ساتھ سلیبس کوریج پہ توجہ دی جائے اور جن جن مضامین میں آن لائن کلاسز کے باوجود نصاب کی تکمیل کے حوالے سے کمی محسوس کی جا رہی ہے ان مضامین میں بچوں کی ایک بجے کے بعد 2 بجے تک الگ سے کلاسز کا اہتمام کیا جائے۔بورڈ کلاسز کے طلبا کی حاضری کو یقینی بنایا جائے۔جو طلبا ریگیولر نہیں آ رہے ان کے والدین سے رابطہ کرکے انھیں باقاعدگی کے ساتھ کالج آنے پہ مائل اور قائل کیا جائے ۔۔اس کے علاوہ ہر طرح کی جسمانی سزا سے اجتناب کیا جانا چاہیے کیوں کہ یہ حکومتی سطح کی پالیسی ہے کہ طلبا کو کسی بھی قسم کی جسمانی سزا نہیں دی جا سکتی۔۔یہ اور دیگر چند اقدامات اٹھانے سے ہمارے کالج کی کارکردگی اور نام وری میں مزید اضافہ ہوگا ان شاءاللہ۔۔
