20/03/2023
اسلام آباد ( پریس ریلیز)
اسلام آباد کیرئیر کالج سملی ڈیم روڈ کیمپس بہارہ کہو کی سالانہ تقریب تقسیم کا انعقاد دبئی میرج ہال میں کیا گیا ۔تقریب میں پلے گروپ سے آٹھویں جماعت کے طلباء اور طالبات نے سٹیج پر ٹیبلوز،ملی نغمے ،ڈرامے و دیگر متاثرکن پرفارمنسز سے حاضرین کی بلند آواز تالیوں سے خوب داد تحسین وصول کی۔چئیرمین کیرئیر گروپ آف انسٹیٹیوشنز جاوید انتظار ،ڈائریکٹر جنرل پروفیسر محمد عامر،پرنسپل ثوبیہ عامر اور اساتذہ کرام نے پوزیشن ہولڈرز، سیکشن وائز بہترین اساتذہ ، بہترین کارکردگی دکھانے والے ڈسپلن،صفائی ،ریگولر ،پراکٹرز طلباء اور طالبات میں شیلڈز اور تعریفی اسناد اور میڈلز تقسیم کئے۔ 186 طلباء اور طالبات میں شیلڈرز، تعریفی اسناد اور میڈلز تقسیم کیے گیۓ۔جن میں 62 پوزیشن ہولڈرز میں شیلڈز اور 84 بہترین طلباء و طالبات ،اساتذہ میں میڈلز اور سرٹیفیکیٹ تقسیم کئے گیے۔تقریب سے خطاب کرتے ہوئے جاوید انتظار نے پوزیشن ہولڈرز اور سکول انتظامیہ کو مبارکباد دیتے ہوئے کہا کہ آئی سی سی میں پڑھنے والے طلباء کا مستقبل محفوظ ہاتھوں میں ہے۔کیرئیر نظریاتی،فلاحی اور فکری تعلیمی ادارہ ہے۔جو سستی اور معیاری تعلیم دے کر ملک کے لیے محنتی اور ایماندار قیادت تیار کر رہا ہے ۔پرنسپل میڈم ثوبیہ عامر تعلیمی میدان ایمرجنگ لیڈر کے طور پر ابھری ہیں۔ڈائریکٹر جنرل پروفیسر محمد عامر نے کہا کہ تعلیمی نظام میں جدت لا رہے ہیں ۔سائنس اور ٹیکنالوجی کے عملی تعلیمی فروغ سے طلباء کی تعلیمی بنیاد مضبوط بنائیں گے۔مونٹیسوری ،پرائمری اور مڈل کلاسز میں سکلز لیب کے ذریعے بچوں کی خدا داد فطری اور ہنر مندی کی صلاحیتوں کو اجاگر کر رہے ہیں۔26 مارچ کو صبع دس بجے نویں جماعت کے لئے کیرئیر ٹیلنٹ ہنٹ سکالرشپ ٹسٹ کا انعقاد کریں گے۔جس میں آٹھویں جماعت پاس اور pre۔9th کلاس میں پڑھنے والے سینکڑوں طلباء اور طالبات نے شرکت کرنے کے لئے فارم حاصل کر لئے ہیں۔سکالر شپ ٹسٹ دینے والوں پر ہمارے کالج میں داخلہ لینے کی پابندی عائد نہیں کی۔انہوں نے والدین کے تعاون کا شکریہ ادا کرتے ہوئے کہا کہ کیرئیر کے تمام اسٹیک ہولڈرز والدین،اساتذہ،طلباء و طالبات اور نان ٹیچنگ سٹاف کو ایک فیملی سمجھتے ہیں ۔جنہوں نے ملکر مشترکہ کاوش سے طلباء کے کامیاب مستقبل کے لئے اپنے اپنے حصے کا کردار ادا کرنا ہے ۔ پروفیسر محمد عامر نے کہا کہ پورے پاکستان میں کیرئیر کی برانچز کھولیں گے۔ 5 مارچ کو غوری گارڈن میں اسلام آباد کیرئیر کالج اور اکیڈمی کا افتتاح کیا تھا۔غوری گارڈن اور اسکے گرد ونواح کے معززین علاقہ نے بڑی عزت دی اور بھر پور تعاون کیا۔ 2024 میں لاہور میں برانچ کھولیں گے۔سنٹرائلزڈ سسٹم سے کیرئیر سکولز،اکیڈمیز،کالجز اور انٹری ٹسٹ تیاری کلاسز کے پروجیکٹس کی مانیٹرنگ کریں گے۔مرکزی نظام سےتمام برانچز کی کارکردگی کی جانچ پڑتال کر کے بہتر سے بہترین بنائیں گے۔آئی سی سی سملی ڈیم روڈ کیمپس بہارہ کہو کی پرنسپل ثوبیہ عامر نے کہا کہ اساتذہ والدین اور انتظامیہ کے باہمی ربط و مشاورت اور تعاون سے ادارے کی کارکردگی پر توجہ مرکوز رکھیں گے۔پانچویں اور آٹھویں جماعت کو ایف ڈی ای سکالرشپ امتحان دلوائیں گے۔ فیڈرل بورڈ نویں اور دسویں جماعت کے نتائج میں سرپرائز دیں گے۔والدین کے تعاون سے کالج کا تیسرا فلور تعمیر کر رہے ہیں ۔ تعلیمی نظام میں جدت لائیں گے۔طلباء کو تمام مضامین کے تصور کی وضاحت کی روح سے آشنائی کی منصوبہ بندی کر لی ہے۔ثوبیہ عامر نے کہا کہ طلباء کے محفوظ اور کامیاب مسٹقبل کے لئے ہر ممکن اقدامات کریں گے۔
