The East School & College Jehangira

27/04/2026

27/04/2026

دی ایسٹ سکول اینڈ کالج جہانگیرہ میں سالانہ امتحانات کے نتائج کے سلسلے میں ایک باوقار تقریب کا انعقاد کیا گیا۔ اس پروقار موقع پر نرسری سے ہشتم جماعت تک کے طلبہ نے بھرپور شرکت کی اور اپنی صلاحیتوں کا شاندار مظاہرہ کیا۔
تقریب کے دوران طلبہ نے اسٹیج پر مختلف تعلیمی و ہم نصابی سرگرمیوں میں نمایاں کارکردگی پیش کی، جسے حاضرین نے بے حد سراہا۔ اس موقع پر نمایاں کارکردگی دکھانے والے طلبہ کو ان کی محنت کے اعتراف میں فرسٹ، سیکنڈ اور تھرڈ پوزیشنز پر انعامات سے نوازا گیا۔
تقریب کا مقصد نہ صرف طلبہ کی حوصلہ افزائی کرنا تھا بلکہ ان میں تعلیمی مقابلے کا مثبت جذبہ بھی فروغ دینا تھا۔ اس خوبصورت اور منظم تقریب نے طلبہ، اساتذہ اور والدین کے دلوں میں خوشی اور فخر کے جذبات کو مزید مضبوط کیا۔

26/04/2026

دی ایسٹ سکول اینڈ کالج جہانگیرہ میں فرسٹ ائیر کے طلبہ کی جانب سے سیکنڈ ائیر کے طلبہ کے اعزاز میں ایک پروقار الوداعی تقریب کا انعقاد کیا گیا، جس میں ادارے کے معزز اساتذہ، پرنسپل محترم اختشام الحق صاحب اور طلبہ نے بھرپور شرکت کر کے تقریب کو یادگار بنا دیا۔
تقریب کے مہمانانِ گرامی میں ہیڈ آف میتھمیٹکس ڈیپارٹمنٹ ناردرن یونیورسٹی، محترم ڈاکٹر خرم ، ڈائریکٹر شعبہ ایڈمیشن ناردرن یونیورسٹی، محترم ڈاکٹر عابد جمیل ، یو ایس موبائل سپورٹ انجینئر محترم محمد کلیم ، اور پشتو زبان و ادب کے ممتاز شاعر محترم ظفر خان ظفر شامل تھے۔ ان معزز شخصیات کی شرکت نے تقریب کے وقار میں مزید اضافہ کیا۔
ادارے کے بانی رکن محترم سید ولی خٹک صاحب اور پرنسپل محترم اختشام الحق صاحب کی موجودگی تقریب کا خاصہ رہی، جبکہ ٹیکنیکل ایڈوائزر دی ایسٹ سسٹم محترم عبدالمنصف صاحب نے اپنے اختتامی خطاب میں طلبہ کی کاوشوں کو سراہتے ہوئے مہمانانِ گرامی کا تہہ دل سے شکریہ ادا کیا۔
آخر میں ادارے کے چیف ایگزیکٹو محترم نیاز حسین صاحب نے معزز مہمانوں کو اعزازی سرٹیفکیٹس پیش کیے اور ان کی آمد پر دلی تشکر کا اظہار کیا۔
یہ خوبصورت تقریب نہ صرف یادگار لمحات سے بھرپور رہی بلکہ اس نے طلبہ کے مابین باہمی محبت، احترام اور خوشگوار یادوں کو بھی ہمیشہ کے لیے زندہ کر دیا۔

21/04/2026

DATE SHEET FOR HSSC (PART-I & II) ANNUAL - I EXAMINATION-2026

16/04/2026

دی ایسٹ سکول اینڈ کالج جہانگیرہ ۔

طلوعِ سحر کی خُنک آغوش میں منعقدہ دی ایسٹ سکول اینڈ کالج جہانگیرہ کی بزمِ صبح، جہاں صفوفِ طلبہ کی دلآویز ترتیب و تہذیب نے ایک روح پرور منظرنامہ تراشا۔ اس پُروقار اجتماع میں محترم پرنسپل اختشام الحق کے خطبۂ حکمت و بصیرت نے اذہانِ نوخیز کو مہمیز دی، فکر کی تہذیب کو جِلا بخشی اور فضائے ادارہ کو معانی و وقار کی لطیف آمیزش سے معطر کر دیا یوں کہ گویا شعور و آگہی کی ایک خاموش مگر اثر آفریں روایت ازسرِ نو منصۂ ظہور پر جلوہ گر ہو گئی۔

11/04/2026

دی ایسٹ سکول اینڈ کالج جہانگیرہ
مبارکباد!
صائم رحمان، ولد عطا الرحمان، نے ٹیلنٹ ٹیسٹ میں نمایاں کامیابی حاصل کرتے ہوئے جماعت نہم کے لیے اسکالرشپ، بدست چیف ایگزیکٹو محترم نیاز حسین، حاصل کر لی ہے۔
ادارۂ ہٰذا کی جانب سے صائم رحمان اور اُن کے معزز والدین کو دلی مبارکباد پیش کی جاتی ہے۔
ہم اُن کے روشن اور کامیاب مستقبل کے لیے نیک تمناؤں کا اظہار کرتے ہیں۔
🏫 نئے تعلیمی سال کے داخلوں کے لیے طلبہ و والدین کی آمد کا سلسلہ بھرپور انداز میں جاری ہے

09/04/2026

07/04/2026

محترم والدین و طلبہ!
السلام علیکم
حالیہ شدید بارشوں، تیز ہواؤں اور خراب موسمی حالات کے پیش نظر، جو کہ محکمہ موسمیات کے مطابق آئندہ چند دنوں تک جاری رہنے کا امکان ہے ، طلبہ و سٹاف کی حفاظت کو مدنظر رکھتے ہوئے کل بروز (بدھ) سکول بند رکھنے کا فیصلہ کیا گیا ہے(پلے گروپ تا سیکنڈ ایئر)
تمام طلبہ کو ہدایت کی جاتی ہے کہ گھروں میں محفوظ رہیں اور غیر ضروری باہر نکلنے سے گریز کریں۔
سکول ایک دن کے وقفے کے بعد دوبارہ جمعرات بمطابق 9 اپریل کھلے گا
والسلام
انتظامیہ
دی ایسٹ سکول اینڈ کالج جہانگیرہ نوشہرہ

07/04/2026

07/04/2026