Government Graduate College Kahuta

12/03/2026

منگل کو جناب پرنسپل پروفیسر شوکت رحیم کی جانب سے کالج کے تعلیمی نظام کو آن لائن منتقل کرنے کے لیے بنائی گئی کمیٹی کی شبانہ روز محنت کے باعث زوم پر کالج کلاسز کا باقاعدہ آغاز کر دیا گیا۔ یہ کامیابی کمیٹی کے ممبران سر گل احمد فراز، سر قمر زمان، سر نعمان وحید اور میڈم عود کی لگن اور انتھک محنت کا نتیجہ ہے۔ خدا کرے کہ حالات جلد بہتر ہوں اور جنگ کا خاتمہ ہو تاکہ روبرو تدریس کا سلسلہ دوبارہ بحال ہو سکے۔

اس ویڈیو کلپ میں سر قمر زمان کی زوم پر جاری کلاس کی ایک جھلک ملاحظہ کی جا سکتی ہے۔

10/03/2026

موجودہ صورتحال کے پیش نظر کالجز کی بندش کے باعث طلبہ کی تعلیمی سرگرمیوں کے تسلسل کو برقرار رکھنے کے لیے پرنسپل صاحب کی سربراہی میں ایک اہم میٹنگ منعقد ہوئی۔میٹنگ میں اس بات پر تفصیلی غور کیا گیا کہ طلبہ کی پڑھائی کو متاثر ہونے سے بچانے کے لیے آن لائن کلاسز کا باقاعدہ آغاز کیا جائے۔ اس سلسلے میں اساتذہ کو ہدایت دی گئی کہ وہ جدید ٹیکنالوجی اور دستیاب آن لائن پلیٹ فارمز کے ذریعے طلبہ کو لیکچرز فراہم کریں اور مقررہ شیڈول کے مطابق کلاسز کا انعقاد یقینی بنائیں۔میٹنگ کے اختتام پر پرنسپل صاحب نے اس عزم کا اظہار کیا کہ موجودہ حالات کے باوجود تعلیمی سرگرمیوں کو جاری رکھنے کے لیے تمام ممکنہ اقدامات کیے جائیں گے اور اساتذہ و طلبہ کے باہمی تعاون سے آن لائن تدریسی نظام کو کامیاب بنایا جائے گا۔

10/03/2026

ہمارے کالج کی ایک باوقار اور قدرے گمنام شخصیت پروفیسر شہزاد اشرف صاحب سٹیٹسٹکس انکا سبجیکٹ ہے ۔انکی خاص بات یہ ہے کہ یہ اعدادوشمار کے مطابق ہی مسکراتے اور گفتگو کرتے ہیں

09/03/2026

کالج ہال میں بی ایس طلبہ کے اعزاز میں ایک مختصر تقریب منعقد ہوئی۔ تقریب کا آغاز تلاوتِ کلامِ پاک سے ہوا، جس کے بعد پرنسپل پروفیسر شوکت رحیم، وائس پرنسپل پروفیسر سعود احمد عباسی اور پروفیسر آصف کھٹڑ نے طلبہ سے خطاب کیا۔ انہوں نے طلبہ کو خوش آمدید کہا، ان کے سابقہ شاندار تعلیمی نتائج کو سراہا اور آئندہ سمسٹر میں مزید بہتر کارکردگی دکھا کر اپنا ،ادارے اور والدین کا نام روشن کرنے کی تلقین کی ۔گورنمنٹ پنجاب کی طرف سے مختلف سکالرشپس حاصل کرنے والے طلبہ کو دل مبارکباد پیش کی گئی۔ تقریب میں پروفیسر گل احمد فراز، پروفیسر قمر زمان، پروفیسر نعمان اور میڈم صدف الیاس نے بھی شرکت کی۔

08/03/2026

06/03/2026

گزشتہ روز پرنسپل شوکت رحیم صاحب نے کالج کے سینئر اساتذہ کے ساتھ ایک اہم اجلاس منعقد کیا، جس میں مختلف شعبہ جات کی نمائندگی کرنے والے اساتذہ نے شرکت کی۔ اجلاس کے دوران پرنسپل صاحب نے اساتذہ کی انتھک محنت، پیشہ ورانہ لگن اور ادارے کے لیے ان کی گراں قدر خدمات کو خراجِ تحسین پیش کیا اور اس عزم کا اظہار کیا کہ آئندہ بھی باہمی مشاورت، تعاون اور مشترکہ کوششوں کے ذریعے کالج کو تعلیمی میدان میں مزید آگے لے جانے کے لیے کام جاری رکھا جائے گا۔اجلاس میں اس بات پر بھی زور دیا گیا کہ تمام اساتذہ مقررہ وقت کے اندر سلیبس کی تکمیل کو یقینی بنائیں اور اس کے بعد طلبہ کی بہتر تیاری کے لیے باقاعدہ ٹیسٹ سیریز کا آغاز کیا جائے تاکہ امتحانات سے قبل طلبہ کی تعلیمی کارکردگی کو مزید بہتر بنایا جا سکے

05/03/2026

صبح کی نرم کرنوں کے ساتھ
چلتی ہے وہ خوابوں کی بس
کتابوں، امیدوں، ہنسیوں سے
بھری ہوئی ہے کالج کی بس

27/02/2026

وائس پرنسپل پروفیسر سعود احمد عباسی صاحب امتحانی نتائج کو بہتر بنانے کے لیے تسلسل کے ساتھ مختلف شعبہ جات کے سربراہان اور اساتذہ کرام کے ساتھ میٹنگز منعقد کر رہے ہیں۔ آج مورخہ 27 فروری بروز جمعہ انگلش ڈیپارٹمنٹ کے ساتھ ہونے والی میٹنگ میں ایچ او ڈی میڈم طاہرہ اقبال ، میڈم فائزہ غیور ،میڈم حفضہ خالد ،پروفیسر صدیق صاحب اور ایڈمن برانچ سے میڈم حناء نے شرکت کی۔ ان میٹنگز میں گزشتہ نتائج کا تفصیلی تجزیہ کیا جا رہا ہے، کمزور مضامین اور طلبہ کی نشاندہی کی جا رہی ہے، اور ان کی بہتری کے لیے عملی حکمتِ عملی مرتب کی جا رہی ہے۔
مزید برآں، اساتذہ کو ہدایت دی جا رہی ہے کہ وہ باقاعدگی سے کلاس ٹیسٹ لیں، طلبہ کی حاضری کو یقینی بنائیں، اضافی کلاسز کا انعقاد کریں اور کمزور طلبہ پر خصوصی توجہ دیں۔ والدین سے رابطے کو بھی مؤثر بنایا جا رہا ہے تاکہ والدین اور اساتذہ کے درمیان ہم آہنگی پیدا ہو۔
ان تمام اقدامات کا مقصد تعلیمی معیار کو بلند کرنا اور ادارے کے مجموعی نتائج میں نمایاں بہتری لانا ہے۔

25/02/2026

آج مورخہ 25 فروری 2026 بروز بدھ وائس پرنسپل پروفیسر سعود احمد عباسی صاحب کی سربراہی میں میتھمیٹکس ڈیپارٹمنٹ کی میٹنگ منعقد ہوئی جس میں ایچ او ڈی پروفیسر سرفراز ،پروفیسر قمر زمان، میڈم صدف الیاس، میڈم علینہ پرویز اور کلرک ایڈمیشن برانچ امجد اور میڈم حناء نے شرکت کی
میٹنگ میں طلباء کی کاکردگی،بہتر رہنمائی، نصاب کی بروقت تکمیل اور امتحانات میں بہترین کارکردگی کو یقینی بنانے کے لیے منظم حکمتِ عملی طے کی گئی۔ اضافی کلاسز کے اوقات، مضامین کی تقسیم اور اساتذہ کی ذمہ داریوں کا باقاعدہ تعین کیا گیا تاکہ طلباء کو بھرپور تعلیمی معاونت فراہم کی جا سکے

13/02/2026

28/01/2026

پروفیسر عارف جاوید خان
(صدر شعبہ اردو جی جی سی کے)
ڈائریکٹر ایجوکیشن محمد اقبال صاحب سے اعزازی شیلڈ وصول کرتے ہوئے