20/12/2025
.
گورنمينٽ هاءِ اسڪول باقر خان شر. ...... جِتِ نه پکي پير تت ٽمڪي باهڙي ٻيو ٻاريندو ڪير کاهوڙي کير ريءَ....., اڄ بتاريخ 20ڊسمبر 2025 تي گورنمينٽ هاءِ اسڪول باقر خان شر ۾ ثقافتي ڏينهن جي رنگارنگ تقريب ٿي گذري جنھن ۾ اُستادن توڙي شاگردن ڀرپور شرڪت ڪئي. پروگرام جو خاص مهمان جناب آصف علي شر (مختيارڪار محرابپور) هيا. ثقافتي ڏينهن جي شروعات تلاوت ڪلام پاڪ سان ٿي.اُن کان بعد ٻارن پاران حمد و نعت ، ثقافتي گيت ائين تقريرون پيش ڪيون ويون ان موقعي تي ٻارن ٽيبلوز پيش ڪري پروگرام کي چار چنڊ لڳائي ڇڏيا. اسڪول جي هيڊ ماسٽر استاد قدير احمد شر خطاب ڪندي ڳوٺاڻن جي سهڪار تي سندن ٿورا مڃيا ، چيو ته اهڙي قَسم جا پروگرام ڪرائڻ سان ٻارن ۾ سنڌ جي ثقافت جيڪا 5000 سال پراڻي آهي جي اهميت اجاگر ٿيندي، اُن بابت شعور پيدا ٿيندو. اُن موقعي تي مهمان خاص آصف علي صاحب چيو ته اهڙي قَسم جا پروگرام ڪرائڻ سان ٻارن جا حوصلا بلند ٿيندا. ايڪسٽرا سرڪيولر ايڪٽوٽيز ٻارن جي تربيت جو حصو آهن. ان سان شاگردن ۾ خود اعتمادي پيدا ٿي آهي، هن اسڪول جي پرفارمنس ضلعي سطح تي پنهنجو معيار رکي ٿي هن وڌيڪ چيو ته استاد قدير احمد ،سندس ٽيم جي قابليت ع جذبو اسڪول کي تعليم جي ميدان تي ڪافي اڳتي وٺي ايو آهي جيڪو علائقي واسين لاءِ خوشحالي جي نويد آهي، اهو ساراه جوڳو عمل آهي. اُن موقعي تي استاد محمد اسماعيل استاد خدا بخش استاد ڪاشف حسين استاد معراج احمد استاد غلام فريد ڪُٻر استاد غلام سرور خاصخيلي استاد نديم احمد شر استاد اعجاز حسين استاد مظفر حسين استاد پير بخش ئي ٻيا موجود هئا. آخر ۾ اسڪول جي هيڊ ماستر استاد قدير احمد آيل مهمانن جا ٿورا مڃيا سنڌ جي ثقافت اجرڪ جا تحفا پيش ڪيا بعد ۾ پروگرام ۾ حصو وٺڻ وارن شاگردن ايئن شردياڻين ۾ انعام ورهايا ايئن سَڀن جا ٿورا مڃيا. تحرير:استاد معراج احمد شر.
