FATA University

FATA University First-Ever Public Sector University In Erstwhile FATA Region The literacy is 29% for males and only 3% for females as per 1998 census.

FATA is stretched within area of 27,220 square kilometer having overall population as 4,196,776 with growth rate of 2.1% which is a buffer zone between Afghanistan and Khyber Pakhtunkhwa province of Pakistan. This alarming low engagement of students in education speaks of high degree of illiteracy. Social setup, the tribal tradition and economically degraded situation is no way helping the Governm

ent to keep the discipline in the area. The most poor and illiterate people are easily preyed by mongers elements particularly terrorists. It is the responsibility of the nation to come forward and help these deprived people and put them at par with rest of the world. In FATA, there are 56,19 male/female educational Institutions of various level in which 607,004 students are enrolled and there is a dire need of higher education facility. There are 37 Degree colleges (including 13 female) with an enrollment of 15,143 students. FATA has three Post-Graduate colleges:

Government Postgraduate College Khar at Bajour,

Government Postgraduate College Miranshah, North Waziristan Agency

Government Postgraduate College Parachinar Kurrum Agency


Graduates from these postgraduate colleges are compelled to seek admission in universities outside FATA and have to compete with students of other areas of the country. The newly established FATA University will provide them the opportunity for higher education at their door steps as per policy of the Government to provide better educational facilities especially in backward areas.

فاٹا یونیورسٹی کی سنڈیکیٹ کے 28ویں اجلاس کا انعقاد، اہم تعلیمی و انتظامی فیصلوں کی منظوریفاٹا یونیورسٹی کی سنڈیکیٹ کا 28...
22/05/2026

فاٹا یونیورسٹی کی سنڈیکیٹ کے 28ویں اجلاس کا انعقاد، اہم تعلیمی و انتظامی فیصلوں کی منظوری

فاٹا یونیورسٹی کی سنڈیکیٹ کا 28واں اجلاس وائس چانسلر پروفیسر ڈاکٹر محسن نواز کی زیرِ صدارت منعقد ہوا۔

اجلاس میں سنڈیکیٹ کے معزز اراکین نے شرکت کی، جن میں جسٹس (ر) اسد اللہ خان چمکنی، محمد فاروق (ایڈیشنل سیکرٹری، ہائر ایجوکیشن، آرکائیوز و لائبریریز ڈیپارٹمنٹ، خیبر پختونخوا – آن لائن)، محمد طارق (ڈپٹی سیکرٹری، ہیومن ریسورس مینجمنٹ ڈیپارٹمنٹ، خیبر پختونخوا – آن لائن)، محترمہ وردہ (ڈپٹی سیکرٹری، فنانس ڈیپارٹمنٹ، خیبر پختونخوا – آن لائن)، انجینئر نعمان احمد (ڈائریکٹر ایچ ای سی ریجنل سینٹر پشاور و نمائندہ چیئرمین ہائر ایجوکیشن کمیشن اسلام آباد)، ڈاکٹر فرید اللہ شاہ (ڈائریکٹر ڈائریکٹوریٹ آف ہائر ایجوکیشن خیبر پختونخوا)، پروفیسر جاوس خان (پرنسپل گورنمنٹ ڈگری کالج درہ آدم خیل)، ڈاکٹر مقصود حیدر (اسسٹنٹ پروفیسر فاٹا یونیورسٹی)، سعید خلیل (لیکچرار فاٹا یونیورسٹی)، احسان اللہ مروت (رجسٹرار فاٹا یونیورسٹی) اور محمد حسین (ٹریژرر فاٹا یونیورسٹی) شامل تھے۔

اجلاس میں یونیورسٹی کے تعلیمی، انتظامی اور مالیاتی امور پر تفصیلی غور و خوض کیا گیا اور متعدد اہم فیصلوں اور پالیسیوں کی منظوری دی گئی۔

سنڈیکیٹ نے فاٹا یونیورسٹی گریجویٹ ڈگری پروگرامز ریگولیشنز اینڈ پروسیجرز 2026 کی منظوری دی۔ اس کے ساتھ ساتھ فال 2026 سے نئے تعلیمی پروگرامز کے آغاز کی بھی منظوری دی گئی، جن میں بی ایس انٹرنیشنل ریلیشنز، بی ایس ریڈیالوجی، بی ایس میڈیکل لیب ٹیکنالوجی، ڈاکٹر آف فزیکل تھیراپی (DPT) اور بی ایس اینستھیزیا شامل ہیں۔

مزید برآں سمسٹر امتحانات کے انعقاد، متعلقہ قواعد و ضوابط و طریقہ کار، انٹرن شپ پالیسی اور فاٹا یونیورسٹی ٹرانسپورٹ رولز 2026 کی بھی منظوری دی گئی۔

اس موقع پر وائس چانسلر پروفیسر ڈاکٹر محسن نواز نے کہا کہ فاٹا یونیورسٹی میں معیارِ تعلیم، تحقیق، فیکلٹی ڈویلپمنٹ، ڈیجیٹلائزیشن اور بنیادی ڈھانچے کی بہتری کو خصوصی ترجیح دی جا رہی ہے۔

انہوں نے کہا کہ یونیورسٹی کو ایک جدید، تحقیقی اور طلبہ دوست ادارہ بنانے کے لیے جامع اصلاحات متعارف کرائی جا رہی ہیں تاکہ طلبہ کو بین الاقوامی معیار کے مطابق تعلیمی ماحول فراہم کیا جا سکے۔

انہوں نے مزید کہا کہ فاٹا یونیورسٹی سابقہ قبائلی اضلاع کے نوجوانوں کو جدید تقاضوں سے ہم آہنگ معیاری اعلیٰ تعلیم فراہم کرنے کے مشن پر گامزن ہے، جبکہ نوجوانوں کو تحقیق، ٹیکنالوجی اور عملی مہارتوں سے آراستہ کرنا وقت کی اہم ضرورت ہے۔

آخر میں وائس چانسلر نے سنڈیکیٹ کے تمام معزز اراکین کا شکریہ ادا کرتے ہوئے اس امید کا اظہار کیا کہ باہمی تعاون اور مشترکہ کاوشوں کے ذریعے فاٹا یونیورسٹی مزید ترقی کرے گی اور خطے میں معیاری اعلیٰ تعلیم کے فروغ میں مؤثر کردار ادا کرتی رہے گی۔

فاٹا یونیورسٹی میں فنانس اینڈ پلاننگ کمیٹی کے 20ویں اجلاس کا انعقاد۔فاٹا یونیورسٹی میں فنانس اینڈ پلاننگ کمیٹی (F&PC) کا...
07/05/2026

فاٹا یونیورسٹی میں فنانس اینڈ پلاننگ کمیٹی کے 20ویں اجلاس کا انعقاد۔

فاٹا یونیورسٹی میں فنانس اینڈ پلاننگ کمیٹی (F&PC) کا 20واں اجلاس وائس چانسلر پروفیسر ڈاکٹر محسن نواز کی زیرِ صدارت منعقد ہوا۔ اجلاس میں یونیورسٹی کے مالی، انتظامی اور ترقیاتی امور سے متعلق اہم معاملات پر غور کیا گیا۔

اجلاس میں محترمہ ثمینہ درانی (ڈائریکٹر فنانس، ہائر ایجوکیشن کمیشن اسلام آباد)، محمد فاروق (ایڈیشنل سیکرٹری، ہائر ایجوکیشن، آرکائیوز و لائبریریز ڈیپارٹمنٹ، خیبر پختونخوا) اور محترمہ وردہ (ڈپٹی سیکرٹری، فنانس ڈیپارٹمنٹ، خیبر پختونخوا) نے آن لائن شرکت کی۔

اس موقع پر پروفیسر ڈاکٹر قبلہ ایاز (سابق چیئرمین اسلامی نظریاتی کونسل)، پروفیسر ڈاکٹر منصور اکبر کنڈی (سابق وائس چانسلر، گومل یونیورسٹی ڈیرہ اسماعیل خان)، احسان اللہ مروت (رجسٹرار، فاٹا یونیورسٹی)، محمد حسین (ٹریژرر، فاٹا یونیورسٹی) سمیت فنانس سیکشن کے دیگر متعلقہ افسران بھی اجلاس میں شریک تھے۔

اجلاس کے دوران یونیورسٹی کے مالی و انتظامی امور، آئندہ ترقیاتی منصوبوں اور تعلیمی سہولیات کی بہتری سے متعلق مختلف نکات پر تفصیلی غور کیا گیا۔ کمیٹی نے یونیورسٹی کی کارکردگی کو مزید مؤثر بنانے اور طلبہ کو معیاری تعلیمی ماحول فراہم کرنے کے عزم کا اعادہ کیا۔

اس موقع پر وائس چانسلر پروفیسر ڈاکٹر محسن نواز نے اپنے خیالات کا اظہار کرتے ہوئے کہا کہ فاٹا یونیورسٹی محدود وسائل کے باوجود معیاری تعلیم، تحقیق اور ادارہ جاتی استحکام کے فروغ کے لیے مسلسل کوشاں ہے۔ انہوں نے مزید کہا کہ یونیورسٹی میں طلبہ کو جدید تعلیمی سہولیات کی فراہمی، شفاف مالی نظم و نسق اور ترقیاتی منصوبوں کی بروقت تکمیل ترجیحات میں شامل ہیں۔ وائس چانسلر کا کہنا تھا کہ فنانس اینڈ پلاننگ کمیٹی کی تجاویز اور رہنمائی یونیورسٹی کی بہتری اور مستقبل کی منصوبہ بندی میں اہم کردار ادا کرے گی۔

اجلاس میں شریک اراکین نے وائس چانسلر کی قیادت میں یونیورسٹی کی ترقی اور استحکام کے لیے کیے گئے اقدامات کو سراہتے ہوئے ہر ممکن تعاون جاری رکھنے کی یقین دہانی کرائی۔

فاٹا یونیورسٹی میں ’’معرکۂ حق‘‘ اور ’’آپریشن بنیان مرصوص‘‘ کے ایک سال مکمل ہونے پر پُروقار تقریب، واک کا انعقاد۔فاٹا ی...
06/05/2026

فاٹا یونیورسٹی میں ’’معرکۂ حق‘‘ اور ’’آپریشن بنیان مرصوص‘‘ کے ایک سال مکمل ہونے پر پُروقار تقریب، واک کا انعقاد۔

فاٹا یونیورسٹی میں ’’معرکۂ حق‘‘ اور ’’آپریشن بنیان مرصوص‘‘ کے ایک سال مکمل ہونے کے موقع پر ایک پُروقار تقریب کا انعقاد کیا گیا، جو درہ آدم خیل پبلک لائبریری کے تعاون سے منعقد ہوئی۔ تقریب میں وائس چانسلر فاٹا یونیورسٹی پروفیسر ڈاکٹر محسن نواز نے بطور مہمانِ خصوصی شرکت کی، جبکہ اساتذہ، طلبہ، مقامی مشران اور اہلِ علاقہ کی بڑی تعداد بھی تقریب میں موجود تھی۔

تقریب سے خطاب کرتے ہوئے وائس چانسلر پروفیسر ڈاکٹر محسن نواز نے ’’معرکۂ حق‘‘ اور ’’آپریشن بنیان مرصوص‘‘ کو پاکستان کی تاریخ کا ایک اہم اور یادگار باب قرار دیتے ہوئے کہا کہ یہ کامیابی قوم کے اتحاد، ایمان اور اجتماعی قوت کا واضح مظہر ہے۔

پروفیسر ڈاکٹر محسن نوازکہا کہ ’’معرکۂ حق‘‘ نے نہ صرف پاکستان کی دفاعی صلاحیتوں کو عالمی سطح پر اجاگر کیا بلکہ قومی یکجہتی کی ایک روشن مثال بھی قائم کی۔وائس چانسلرنے افواجِ پاکستان اور ان کی قیادت کی پیشہ ورانہ مہارت کو خراجِ تحسین پیش کرتے ہوئے کہا کہ انہی کوششوں کے باعث پاکستان کو عالمی سطح پر عزت و وقار حاصل ہوا۔

پروفیسر ڈاکٹر محسن نواز نے درہ آدم خیل پبلک لائبریری کے تعاون پر شکریہ ادا کرتے ہوئے اس عزم کا اظہار کیا کہ آئندہ بھی اس نوعیت کی تقریبات کے ذریعے نوجوان نسل میں قومی شعور، اتحاد اور حب الوطنی کے جذبات کو فروغ دیا جاتا رہے گا۔

تقریب سے دیگر مقررین نے بھی خطاب کیا اور کہا کہ مئی 2025 میں شروع کیا گیا آپریشن ’’بنیان مرصوص‘‘ قلیل مدت میں کامیابی سے ہمکنار ہوا، جس نے دشمن کے ناپاک عزائم کو ناکام بنا دیا۔ مقررین نے اس بات پر زور دیا کہ قرآنِ حکیم کی تعلیمات کے مطابق اتحاد، اخوت اور تفرقہ سے اجتناب ہی کامیابی کی کنجی ہے، اور یہی پیغام ’’معرکۂ حق‘‘ نے عملی طور پر پیش کیا۔

تقریب کے اختتام پر شرکاء نے ایک خصوصی واک (ریلی) میں بھی بھرپور شرکت کی، جس کا مقصد افواجِ پاکستان کے ساتھ یکجہتی کا اظہار اور قومی اتحاد کو فروغ دینا تھا۔

فاٹا یونیورسٹی میں خیبر پختونخوا انفارمیشن ٹیکنالوجی بورڈ (KPITB) کےاشتراک سے Step Into Analytics ٹریننگ پروگرام کا آغ...
05/05/2026

فاٹا یونیورسٹی میں خیبر پختونخوا انفارمیشن ٹیکنالوجی بورڈ (KPITB) کےاشتراک سے Step Into Analytics ٹریننگ پروگرام کا آغاز۔
اس پروگرام کے ذریعے بزنس انٹیلیجنس، ڈیٹا اینالٹکس، پاور BI، ایکسل، اور SQL جیسی اہم اسکلز سیکھنے کا بہترین موقع حاصل کریں۔

مفت تربیت، جاب سپورٹ اور فری لانسنگ گائیڈنس کے ساتھ اپنے روشن مستقبل کی جانب پہلا قدم بڑھائیں۔

ابھی اپلائی کریں اور اپنے کیریئر کو نئی بلندیوں تک لے جائیں!

فاٹا یونیورسٹی میں خیبر پختونخوا انفارمیشن ٹیکنالوجی بورڈ (KPITB) کےاشتراک سے ٹریننگ پروگرام "Step Into Web3" کا آغاز۔ا...
05/05/2026

فاٹا یونیورسٹی میں خیبر پختونخوا انفارمیشن ٹیکنالوجی بورڈ (KPITB) کےاشتراک سے ٹریننگ پروگرام "Step Into Web3" کا آغاز۔

اب بلاک چین، اسمارٹ کنٹریکٹس، اور Web3 ڈویلپمنٹ سیکھ کر اپنے کیریئر کو نئی بلندیوں تک لے جائیں۔

مفت تربیت، فری لانسنگ گائیڈنس اور جاب سپورٹ کے ساتھ اپنے مستقبل کو مضبوط بنائیں۔

آج ہی رجسٹر کریں اور ڈیجیٹل دنیا کا حصہ بنیں!

فاٹا یونیورسٹی میں آن لائن کھلی کچہری کا انعقاد، طلبہ و عوام کے مسائل سنے گئے۔فاٹا یونیورسٹی میں وائس چانسلر پروفیسر ڈاک...
05/05/2026

فاٹا یونیورسٹی میں آن لائن کھلی کچہری کا انعقاد، طلبہ و عوام کے مسائل سنے گئے۔

فاٹا یونیورسٹی میں وائس چانسلر پروفیسر ڈاکٹر محسن نواز کی زیر صدارت آن لائن کھلی کچہری کا انعقاد کیا گیا، جس میں طلبہ، اساتذہ، عملے اور عوام کو براہِ راست اپنے مسائل، شکایات اور تجاویز پیش کرنے کا موقع فراہم کیا گیا۔

وائس چانسلر نے نہایت توجہ کے ساتھ شرکاء کے مسائل سنے اور ان کے فوری و مؤثر حل کے لیے متعلقہ حکام کو ضروری ہدایات جاری کیں۔

اس موقع پر پرو وائس چانسلر، رجسٹرار، کنٹرولر آف ایگزامینیشن، ٹریژرر، شعبہ جات کے سربراہان (HoDs) اور دیگر متعلقہ افسران بھی موجود تھے، جنہوں نے اپنے اپنے دائرہ کار میں مسائل کے حل کے لیے عملی اقدامات کی یقین دہانی کروائی۔

وائس چانسلر پروفیسر ڈاکٹر محسن نواز نے اس عزم کا اعادہ کیا کہ طلبہ اور عملے کو درپیش مسائل کا بروقت حل یونیورسٹی انتظامیہ کی اولین ترجیح ہے۔ انہوں نے کہا کہ اس نوعیت کی آن لائن کھلی کچہریوں کا انعقاد آئندہ بھی باقاعدگی سے جاری رکھا جائے گا تاکہ شفافیت، جوابدہی اور مؤثر رابطے کو مزید فروغ دیا جا سکے۔

شرکاء نے اس اقدام کو سراہتے ہوئے اسے ایک مثبت پیش رفت قرار دیا اور امید ظاہر کی کہ ان کے مسائل جلد از جلد حل کیے جائیں گے۔

05/05/2026

"آن لائن کھلی کچہری"
تمام متعلقہ افراد کو مطلع کیا جاتا ہے کہ دوپہر 12:00 بجے سے 1:00 بجے تک کے سیشن میں شرکت کے لیے براہِ کرم درج ذیل لنک پر کلک کریں:

05/05/2026

"آن لائن کھلی کچہری"

تمام متعلقہ افراد کو مطلع کیا جاتا ہے کہ آن لائن کھلی کچہری میں شرکت کے لیے Google Meet کا لنک ذیل میں فراہم کیا جا رہا ہے:
Video call link: https://meet.google.com/wun-owuj-eid

⏰ وقت: صبح 11:00 بجے تا دوپہر 01:00 بجے

براہ کرم مقررہ وقت پر لنک کے ذریعے شرکت کو یقینی بنائیں۔

وائس چانسلر گومل یونیورسٹی کا فاٹا یونیورسٹی کا دورہ، وائس چانسلر سے ملاقات۔وائس چانسلر گومل یونیورسٹی، پروفیسر ڈاکٹر مح...
04/05/2026

وائس چانسلر گومل یونیورسٹی کا فاٹا یونیورسٹی کا دورہ، وائس چانسلر سے ملاقات۔

وائس چانسلر گومل یونیورسٹی، پروفیسر ڈاکٹر محمد ظفر اقبال نے فاٹا یونیورسٹی کا دورہ کیا، جہاں انہوں نے وائس چانسلر فاٹا یونیورسٹی، پروفیسر ڈاکٹر محسن نواز سے ملاقات کی۔

ملاقات کے دوران باہمی دلچسپی کے امور، تعلیمی تعاون اور تحقیقی سرگرمیوں کے فروغ پر تفصیلی تبادلہ خیال کیا گیا۔ اس موقع پرفاٹا یونیورسٹی کے رجسٹرار اور ٹریژرر بھی موجود تھے۔

اس موقع پر دونوں جامعات کے مابین تعلیمی روابط کو مزید مستحکم بنانے، مشترکہ تحقیقی منصوبوں کے آغاز اور طلباء و اساتذہ کے تبادلہ پروگرامز کو فروغ دینے پر اتفاق کیا گیا۔

پروفیسر ڈاکٹر محمد ظفر اقبال نے فاٹا یونیورسٹی میں جاری تعلیمی و تحقیقی سرگرمیوں کو سراہتے ہوئے کہا کہ معیاری تعلیم اور تحقیق ملکی ترقی کے لیے ناگزیر ہیں۔

دورے کے دوران پروفیسر ڈاکٹر محمد ظفر اقبال نے فاٹا یونیورسٹی کے مختلف شعبہ جات، لیبارٹریز اور دیگر تدریسی و تحقیقی سہولیات کا بھی معائنہ کیا اور ان کے معیار کو قابلِ ستائش قرار دیا۔

وائس چانسلر فاٹا یونیورسٹی، پروفیسر ڈاکٹر محسن نواز نے اس موقع پر کہا کہ ملکی جامعات کے درمیان باہمی تعاون سے تعلیمی معیار میں بہتری اور تحقیق کے نئے مواقع پیدا ہوں گے۔ انہوں نے مزید کہا کہ فاٹا یونیورسٹی اعلیٰ تعلیم اور تحقیق کے فروغ کے لیے پرعزم ہے۔
دونوں جامعات نے مستقبل میں قریبی تعاون جاری رکھنے کے عزم کا اظہار کیا۔

Online “E-Khuli Kachehri”.On Tuesday, May 5th, 2026At 11:00 AM to 01:00 PM.The Google Meet link for participation in the...
03/05/2026

Online “E-Khuli Kachehri”.

On Tuesday, May 5th, 2026
At 11:00 AM to 01:00 PM.

The Google Meet link for participation in the online “E-Khuli Kachehri” will be shared on the official page of FATA University prior to the commencement of the session.

"آن لائن کھلی کچہری"آن لائن کھلی کچہری میں شرکت کے لیے Google Meet کا لنک آغاز سے قبل فاٹا یونیورسٹی کے اسی آفیشل فیس بک...
02/05/2026

"آن لائن کھلی کچہری"

آن لائن کھلی کچہری میں شرکت کے لیے Google Meet کا لنک آغاز سے قبل فاٹا یونیورسٹی کے اسی آفیشل فیس بک پیج پر شیئر کر دیا جائے گا۔

Address

Kohat
25500

Telephone

+92-91-5885502

Website

Alerts

Be the first to know and let us send you an email when FATA University posts news and promotions. Your email address will not be used for any other purpose, and you can unsubscribe at any time.

Contact The University

Send a message to FATA University:

Shortcuts

Share

Category