19/09/2026
[ درود بھیجنے کے مختلف معانی اور نسبتیں ]
اللہ کا درود پاک بھیجنا کیا ہے؟ فرشتوں کا درود بھیجنا کیا ہے؟ انسانوں کا کیا ہے اور بے جان اشیاء کا نبی کریم پر درود پڑھنا یا بھیجنا کیا ہے؟ تو یاد رکھیں جب درود کی نسبت اللہ تبارک و تعالی کی جانب کی جائے اور یوں کہا جائے کہ اللہ تبارک و تعالی اپنے حبیب کریم صلی اللہ علیہ وسلم پر درود بھیجتا ہے تو اس کا مطلب ہوتا ہے رحمت نازل فرمانا۔
اور جب درود کی نسبت فرشتوں کی طرف کی جائے کہ فرشتے نبی کریم صلی اللہ علیہ وسلم پر درود بھیجتے ہیں تو اس کا مطلب ہوتا ہے مغفرت کی دعا کرنا۔
اور جب ہم انسانوں کی طرف یا جنات کی طرف درود پاک کی نسبت کی جاتی ہے تو اس کا مطلب ہوتا ہے نبی کریم صلی اللہ علیہ وسلم کے لیے رحمت کی دعا کرنا۔
اور جب بے جان اشیاء کی طرف یا درختوں کی طرف چرندوں پرندوں کی طرف درود کی نسبت کریں گے تو اس کا معنی ہوگا تسبیح و تحلیل۔ تسبیح کا مطلب سبحان اللہ کہنا، تحلیل کا مطلب لا الہ الا اللہ کہنا۔ یعنی جب ہم یہ کہیں گے کہ یہ پرندے اور بے جان چیزیں درود بھیجتے ہیں تو اس کا مطلب ہے کہ یہ تسبیح و تحلیل اور ذکر الہی میں مشغول ہوتے ہیں۔۔۔۔
![[ درود بھیجنے کے مختلف معانی اور نسبتیں ] اللہ کا درود پاک بھیجنا کیا ہے؟ فرشتوں کا درود بھیجنا کیا ہے؟ انسانوں کا کیا ہ...](https://img5.glunis.com/095/803/1086248440958038.jpg)
