Tanzeem-ul-Madaris Office

21/09/2026

تقریب تقسیم انعامات (بلوچستان)
الحمدللہ !
تنظیم المدارس اہلسنت پاکستان کے زیر اہتمام صوبہ بلوچستان میں سالانہ امتحانات کے نتائج کے پوزیشن ھولڈرز کے لیے انعامات کی ایک پروقار تقریب جامعہ گیلانیہ حبیب الاسلام کوئٹہ میں منعقد ہوئی۔

تقریب کا باقاعدہ آغاز تلاوتِ قرآنِ کریم سے ہوا، اس کے بعد نعتِ رسولِ مقبول ﷺ پیش کی گئی۔

بعد ازاں علمائے کرام نے اپنے خیالات کا اظہار فرمایا:
- خطبہ استقبالیہ:
صوبائی صدر تنظیم المدارس بلوچستان حضرت علامہ مولانا مفتی مختار احمد حبیبی صاحب
- خصوصی خطاب:
صوبائی ناظمِ اعلیٰ تنظیم المدارس اہلسنت پاکستان حضرت علامہ مولانا مفتی محمد جان قاسمی صاحب ، جناب مولانا سعد اللہ جان باروزئی صاحب اور دیگر علمائے کرام نے بھی مختصر وقت میں اپنی حاضری کو یقینی بنایا اور طلباء کی حوصلہ افزائی فرمائی۔

اس کے بعد پوزیشن حاصل کرنے والے طلباء و طالبات میں انعامات تقسیم کیے گئے۔

پروگرام کے اختتام پر درود و سلام پیش کیا گیا اور تمام طلباء کی مزید کامیابیوں کے لیے خصوصی دعا فرمائی گئی۔

اللہ کریم تمام طلباء و طالبات کو دین و دنیا میں مزید کامیابیاں عطا فرمائے اور انہیں قائم و دائم رکھے۔ آمین یا رب العالمین

منجانب: تنظیم المدارس اہلسنت پاکستان - بلوچستان

ایڈمن
شعبہ تعلقات عامہ

18/09/2026

تقریب تقسیم انعامات (شمالی پنجاب وفیڈرل ایریا)

تنظیم المدارس اہلسنت پاکستان کے زیر اہتمام تقریب تقسیم انعامات برائے پوزیشن ہولڈرز ( شمالی پنجاب و اسلام آباد)جامعہ غوثیہ ضیاءالعلوم ہائی کورٹ روڈ راولپنڈی منعقد ہوئی جس میں صؤبائی سطح پر پوزیشن حاصل کرنے والے طلبہ وطالبات میں انعامات اور اعزازات تقسیم کئے گئے۔

تقریب میں علامہ صاحبزادہ سید احسان الحق شاہ سلطانپوری ( ناظم اعلیٰ تنظیم المدارس اہل سنت پاکستان شمالی پنجاب)، حضرت علامہ اختر سعید ( سابق خطیب وزیر اعظم ہاؤس اسلام آباد)، حضرت علامہ مفتی قاضی سعید الرحمنٰ ( ضلعی کوآرڈینیٹر) علامہ عبداللطیف قادری علامہ مفتی رضا المصطفیٰ ضیائی مولانا محمد بلال سیفی مولانا حفیظ الرحمنٰ سیالوی مولانا محمد اسلم ضیائی و دیگر معزز مہمانانِ گرامی نے طلبہ کی حوصلہ افزائی فرمائی اور انعامات تقسیم کیے۔

ایڈمن
شعبہ تعلقات عامہ

17/09/2026

ماسٹرز ٹرینرز ورکشاپ (شمالی پنجاب )

تنظیم المدارس اہل سنت پاکستان کے مرکزی دفتر 7-8 راوی پارک ۔راوی روڈ لاہور میں شمالی پنجاب کے تمام اضلاع سے آئے ہوئے ضلعی رابطہ کاران اور نامزد ماسٹر ٹرینرز کے لیے ایک پروقار اور اہم "تربیتی ورکشاپ" کا انعقاد کیا گیا۔
تربیتی ورکشاپ میں شمالی پنجاب کے ہر ضلع سے ضلعی رابطہ کار اور ان کے ساتھ بطور ماسٹر ٹرینرز دو اہم شخصیات نے شرکت کی۔

برنامجِ نشست و اہم مراحل:
* تلاوتِ قرآن و قصیدہ بردہ شریف:
اس نشست کا باقاعدہ آغاز مولانا غلام مرتضیٰ اعظمی کی تلاوتِ کلامِ پاک اور بارگاہِ رسالت مآب ﷺ میں مدح سرائی (قصیدہ بردہ شریف) سے ہوا۔

* استقبالیہ کلمات:
ناظمِ امتحانات محترم ڈاکٹر حافظ غلام عباس قادری نے شمالی پنجاب بھر سے تشریف لانے والے ضلعی رابطہ کاران اور ماسٹر ٹرینرز کا پرخلوص خیرمقدم اور شکریہ ادا کیا اور ورکشاپ کی غرض و غایت، تنظیم المدارس کے تعلیمی و امتحانی وقار کی بہتری، اور فیلڈ میں پیش آنے والے چیلنجز کے حل پر روشنی ڈالی۔

* تربیتی و رہنمائی سیشنز (حصہ اول و دوم):
ورکشاپ کا پہلا تربیتی سیشن معاون ناظم امتحانات (طلبہ) مولانا حافظ محمد قاسم سعیدی کی جامع ہدایات اور رہنمائی پر مشتمل تھا، جب کہ دوسرے سیشن میں معاون ناظم امتحانات (طالبات) مولانا شاہد مجتبیٰ کی طرف سے دی جانے والی بریفنگ شامل تھی۔

شرکاء نے اس تربیت کو وقت کی اہم ضرورت قرار دیتے ہوئے مرکزی قیادت کا شکریہ ادا کیا۔

*اختتامی کلمات:
نشست کے اختتام پر مرکزی ناظمِ اعلیٰ محترم صاحبزادہ محمد عبد المصطفیٰ ہزاروی نے شرکاء سے اختتامی اور بصیرت افروز خطاب فرمایا۔

انہوں نے تمام اضلاع کے نمائندگان کی کاوشوں کو سراہا اور تاکید کی کہ ماسٹر ٹرینرز یہاں سے حاصل کردہ تربیت کو اپنے اپنے اضلاع میں دیگر اساتذہ اور عملے تک امانت داری سے پہنچائیں تاکہ تنظیم المدارس کا تعلیمی و امتحانی نظام مزید شفاف اور مضبوط ہو سکے۔

ورکشاپ کا اختتام پر ملک و ملت اور تنظیم المدارس کی ترقی و سلامتی کے لیے دعا پر ہوا ۔

ایڈمن
شعبہ تعلقات عامہ


#تعلیم #تعلّم #لاہور

16/09/2026

ماسٹرز ٹرینرز ورکشاپ (جنوبی پنجاب )

تنظیم المدارس اہل سنت پاکستان کے مرکزی دفتر لاہور میں جنوبی پنجاب کے تمام اضلاع سے آئے ہوئے ضلعی رابطہ کاران اور نامزد ماسٹر ٹرینرز کے لیے ایک پروقار اور اہم "تربیتی ورکشاپ" کا انعقاد کیا گیا۔

برنامجِ نشست و اہم مراحل:

* تلاوتِ قرآن و قصیدہ بردہ شریف:
اس نشست کا باقاعدہ آغاز مولانا غلام مرتضیٰ اعظمی کی تلاوتِ کلامِ پاک اور بارگاہِ رسالت مآب ﷺ میں مدح سرائی (قصیدہ بردہ شریف) سے ہوا۔

* استقبالیہ کلمات:

ناظمِ امتحانات محترم حافظ غلام عباس نے تشریف لانے والے ضلعی رابطہ کاران اور ماسٹر ٹرینرز کا پرخلوص خیرمقدم اور شکریہ ادا کیا۔

انہوں نے ورکشاپ کی غرض و غایت، تنظیم المدارس کے تعلیمی و امتحانی وقار کی بہتری، اور فیلڈ میں پیش آنے والے چیلنجز کے حل پر روشنی ڈالی۔

* تربیتی و رہنمائی سیشنز (حصہ اول و دوم):

ورکشاپ کا پہلا تربیتی سیشن معاون ناظم امتحانات (طلبہ) مولانا محمد قاسم کی جامع ہدایات اور رہنمائی پر مشتمل تھا، جبکہ دوسرے سیشن میں معاون ناظم امتحانات (طالبات)مولانا شاہد مجتبیٰ کی طرف سے دی جانے والی بریفنگ پر مشتمل تھا۔

* مرکزی دفتر و شعبہ الحاق سے متعلق بریفنگ:

ڈاکٹر کامران مسعود نے شرکاء کو مرکزی دفتر کے طریقہ کار، شعبہ الحاق کی نئی پالیسیوں، اور مدارس و جامعات کی ترقی اور الحاق کے قانونی و تنظیمی مراحل سے تفصیل کے ساتھ آگاہ کیا۔

*اختتامی کلمات و دعاء :

نشست کے اختتام پر مرکزی ناظمِ اعلیٰ محترم صاحبزادہ محمد عبد المصطفیٰ ہزاروی نے شرکاء سے اختتامی اور بصیرت افروز خطاب فرمایا۔ انہوں نے تمام اضلاع کے نمائندگان کی کاوشوں کو سراہا اور تاکید کی کہ ماسٹر ٹرینرز یہاں سے حاصل کردہ تربیت کو اپنے اپنے اضلاع میں دیگر اساتذہ اور عملے تک امانت داری سے پہنچائیں تاکہ تنظیم المدارس کا تعلیمی و امتحانی نظام مزید شفاف اور مضبوط ہو سکے۔

شرکاء نے اس تربیت کو وقت کی اہم ضرورت قرار دیتے ہوئے مرکزی قیادت کا شکریہ ادا کیا۔
ورکشاپ کا اختتام پر ملک و ملت اور تنظیم المدارس کی ترقی، اور سلامتی کے لیے دعا پر ہوا جو صوبائی صدر مولانا محمد خان باروی نے کرائی ۔

ایڈمن
شعبہ تعلقات عامہ

#تعلیم #تعلّم #لاہور

16/09/2026

ماسٹر ٹرینرز
"تربیتی ورکشاپس" کا آغاز
مرکزی دفتر میں منعقدہ ورکشاپس میں صوبائی قائدین ، ضلعی عمائدین اور منتخب نمائندگان کی شرکت

31/08/2026

السلام علیکم ورحمۃ اللہ
کچھ دیر پہلے استاذنا الکریم سرپرست اعلیٰ تنظیم المدارس حضورمصلح امت پیر ابوالخیر سید حسین الدین شاہ صاحب رحمۃ اللہ علیہ کے چہلم کی پوسٹ شیئر کی گئی ۔
بعد ازاں حضرت صاحبزادہ والا شان علامہ سید حبیب الحق شاہ صاحب زیدمجدہ نے نشاندھی فرمائی کہ :

”پوسٹ میں انسانی ھاتھوں کی تصویر کو اڑا دیا جائے“ ۔

دراصل آپ کی نشاندھی قبلہ شاہ صاحب قدس سرہ العزیز کی طبیعت و مزاج کی عکاس ھے ، آپ رحمۃ اللہ علیہ انسانی تصویروں سے حتی المقدور اجتناب فرمایا کرتے تھے ۔

اس سلسلے میں ایک تاریخی واقعہ اہل محبت و مودت کی معلومات کے لیے لکھا جا رہا ہے کہ:

2012 میں گلستان مہر علی جامعہ رضویہ ضیاء العلوم راولپنڈی کی گولڈن جوبلی تقریبات کے موقع پر جب کچھ عزیزوں نے استاد جی قبلہ رحمۃ اللہ علیہ کی تصاویر پر مشتمل پینا فلیکس کے پورٹریٹ بنا کر لگائے تو آپ نے سخت ناراضگی کا اظہار فرمایا ۔

اختتام تقریبات پر جامعہ کے دارالحدیث میں منعقدہ جائزہ میٹنگ کے دوران برملا اس غیرمشروع وغیرممدوح عمل سے اپنی براءت کا اظہار فرمایا ۔
حاضرین کو مخاطب کر کے کہا تھا کہ
”تم گواہ رہنا میں نے اس گناہ کا نہ کہا ھے اور نہ اس کی تائید کرتا ھوں ، میں اس سے براءت کا اظہار کرتا ھوں“ ۔
اور اس پر مستزاد ان عزیزوں کو یہاں تک تنبیہ فرمائی :
”سحری کے وقت توبہ کرنا کہ وقت قبولیت ہے“

بے دھیانی میں چہلم کی پوسٹ بناتے ھوئے اس میں انسانی ھاتھوں کی تصویر شائع ھوئی تو صاحبزادہ والا شان نے استاد جی قبلہ ؒ کی روحانی توجہات کے عین مطابق ہمیں درست سمت میں راہنمائی فرمائی۔

سو اس ھدایت پر فوری عمل کرتے ھوئے ہاتھوں کی تصویر کو حذف کر کے نئی پوسٹ بنا دی گئی ہے ۔

احباب سے گزارش ھے کہ
جنہوں نے پہلی پوسٹ کو شیئر کیا ھوا ھے اس کو ڈیلیٹ کر کے نئی پوسٹ کو ری شیئر کریں۔

والسلام مع الاکرام
ایڈمن
31۔ اگست 2026ء

31/08/2026

27/08/2026

جشن عیدمیلادالنبیﷺ
295C کے تحفظ کی تحریک بن گئی۔
ہر جگہ ”قانونِ تحفظِّ ناموسِ رسالت“ کے دفاع کا عہدوپیمان (ایڈمن)