22/09/2020
ساڈی سکول سٹوری
پِنڈ دے سکول وچ
رول نمبر تے نام دی
کوئی ایڈی اھمیت نئیں سی ھُندی
سٹوڈنٹ اپنے ٹبّر توں پچھانے جاندے سن
ماشٹر جی حاضری وی رولنمبر وائز نئیں ٹَبّر وائز لاندے...
لمبڑاں دا اسلم...حاضر جناب
گُجراں دا صدیق...حاضر جناب
جٹّاں دا اشرف...لبیک سر
نائیاں دا مختار...پلیزنٹ سر
ملکاں دا مقصود...حاضر جی
بھٹیاں دا وسیم...ایتھے ای ہاں جی
ماشٹر بشیر صاحب تعلیم دے نال نال تربیت دا وی بڑا خیال رکھدے سن... اِک دن خورے دِل وچ کی آئی آکھن لگے سویرے ھر طالبعلم اک اک نیکی دا کم کر کے آئے گا...
اگلے دِن سکولے گئے تے لا لیا ساری جماعت نوں لائن وِچ...روزِ محشر دی ریہرسل ای لگ رھی سی عملاں دے نتارے شروع ھو گئے...
لمبڑاں دا اسلم کیہندا جناب میں سویرے نماز پڑھی جی...شاباش بہہ جا...
گُجراں دا صدیق کیہندا ماشٹر جی میں مسواک کیتی سُنت پوری کیتی جی...شاباش...
نائیاں دا مُختار آکھن لگا جناب میری بے بے بیمار اے جی میں سویرے اوھدیاں لتّاں گُھٹ کے آیاں جی...چل ٹھیک اے بہہ جا...
ملکاں دے مقصود نے سویرے راہ چوں پہاڑی کِکر دے چھاپے ھٹا کے نیکی کیتی سی...
اگلی وارر وسیم دی سی... ھاں وئی توں کی کیتا؟
ماشٹر جیہ سویرے مسیت والے کھوہ توں کُڑیاں پانی بھرن آئیاں سی
تے
"میں اوہناں نوں گھڑے چکائے سن😜
پا لو لمیاں اے نوں
لو کر لو گل
اے وی تے نیکی سی نا😞😃😄😉
