22/07/2026
(پریس ریلیز)
(19جولائی2026)
اہلِ بیتِ اطہارؓ کی محبت ہر مسلمان کے ایمان کا لازمی تقاضا ہے:ڈاکٹرراغب نعیمی
نوجوان نسل کو اہلِ بیتؓ کی تعلیمات سے جوڑنا وقت کی اہم ضرورت ہے،چیئرمین اسلامی نظریاتی کونسل
جامعہ نعیمیہ میں طلبہ میں کوئز مقابلہ بعنوان سیرتِ اہلِ بیتِ اطہارؓ کا انعقاد،علماء کرام اوردینی طلبہ کی شرکت
لاہور(پ ر)بزم نعیمیہ کے زیرِ اہتمام جامعہ نعیمیہ میں طلبہ میں کوئز مقابلہ بعنوان سیرتِ اہلِ بیتِ اطہارؓ کا انعقاد کیا گیا، جس میں ادارے کے طلبہ نے بھرپور جوش و خروش سے شرکت کی۔مقابلے میں شریک طلبہ سے سیرت، فضائل، اخلاق، علمی خدمات اور تعلیماتِ اہلِ بیتِ اطہارؓ سے متعلق سوالات پوچھے گئے، جن کے طلبہ نے بہترین انداز میں جوابات دیئے۔ تقریب کی صدارت چیئرمین اسلامی نظریاتی کونسل علامہ ڈاکٹر راغب حسین نعیمی نے کی۔جبکہ تقریب میں مولانا محبوب احمدچشتی،مولانا مفتی عمران حنفی، ڈاکٹرسلیمان قادری،مولانا غلام مرتضی نقشبندی،مفتی محمدمدنی،مولانا مسعود احمدسیالوی،علامہ یاسین قادری،مفتی محمدعارف حسین،صاحبزادہ حافظ محمد حسین،صدر بزم نعیمیہ مولانا محمدفیضان سعید،سیکرٹری مولانا محمدہریرہ نعیمی سمیت ادارے کی اساتذہ کرام اورطلبہ نے بھرپورشرکت کی۔تقریب سے خطاب کرتے ہوئے چیئرمین اسلامی نظریاتی کونسل علامہ ڈاکٹر راغب حسین نعیمی نے کہا کہ اہلِ بیتِ اطہارؓ کی محبت ہر مسلمان کے ایمان کا لازمی تقاضا ہے۔ اہلِ بیتِ اطہارؓ کی سیرت ایمان، علم، تقویٰ، صبر، عدل اور حسنِ اخلاق کا روشن مینار ہے۔ نوجوان نسل کو اہلِ بیتؓ کی تعلیمات سے جوڑنا وقت کی اہم ضرورت ہے تاکہ وہ دینِ اسلام کی حقیقی روح، اعتدال، محبت اور رواداری کو اپنی عملی زندگی کا حصہ بنا سکیں۔ ہر شہید کی قربانی قوم کے لیے مشعلِ راہ ہے۔ ہماری ذمہ داری ہے کہ ہم شہداء کے نقشِ قدم پر چلتے ہوئے وطن سے محبت، اتحاد، دیانت اور خدمتِ خلق کے جذبے کو فروغ دیں۔تقریب کے اختتام پر نمایاں کارکردگی کا مظاہرہ کرنے والے طلبہ میں شیلڈز، اسناد اور انعامات تقسیم کیے گئے۔ شرکاء نے اس کامیاب علمی سرگرمی کو سراہتے ہوئے جامعہ نعیمیہ کی کاوش کو قابلِ تحسین قرار دیا۔ آخر میں پاکستان کی سلامتی، امتِ مسلمہ کے اتحاد اور ملک کی ترقی و خوشحالی کے لیے خصوصی دعا کی گئی۔
