23/05/2023
جو بادہ کش تھے پُرانے وہ اُٹھتے جاتے ہیں!
شعبہ اردو جی سی یونیورسٹی لاہور کے سابق استاد پروفیسر ڈاکٹر محمد احسان الحق صاحب آج مانسہرہ میں انتقال فرما گئے ہیں انا للہ و اناالیہ راجعون اللہ تعالیٰ ان کے درجات بلند فرمائے اور لواحقین کو صبر جمیل عطا فرمائے آمین ثم آمین ۔استاد محترم احسان الحق صاحب بہت اعلیٰ اور صاحب علم انسان تھے ۔مطالعے کے بے حد شوقین تھے ہزاروں کتابوں پر مشتمل ان کی ذاتی لائبریری تھی۔وہ زندگی سے بھر پور عملی انسان تھے۔وہ ہمیشہ یاد رکھتے تھے کہ اک دن مرنا ہے لیکن ان کے اسٹائل سے کبھی نہیں لگتا تھا ۔انھوں نے زندگی کو اپنی شرائط پر بہت مثبت اور راست زاویے سے گزارا ۔میں ان کا فیض یافتہ ہوں وہ میرے محسن ہیں وہ بہت سوں کے محسن ہیں وہ انسانیت سے محبت کرتے تھے اور علم کی قدر کرتے تھے۔وہ اپنے مزاج کے بہت ہی منفرد انسان تھے ان کی موت کا سن کلیجہ منہ کو آتا ہے۔ ان کے ایصال ثواب اور بلندی درجات کے لیے دوستوں سے دعا کی اپیل ہے.
(ڈاکٹر محمد سعید)
