28/11/2023
رہائی پانے والی اســرائـیلی خاتون کا خط!!
"ان جرنیلوں کے نام، جن کے ساتھ چند ہفتے مجھے رہنا پڑا۔
لگتا ہے کہ کل ہم ایک دوسرے سے جدا ہو جائیں گے۔ لیکن میں دل کی گہرائیوں سے تمہارا شکریہ ادا کرتی ہوں۔ تمہارے اعلیٰ انسانی سلوک پر، خاص کرکے تم میری بیٹی امیلیا کے ساتھ جس طرح پیش آئے۔ تم اس کے لیے ماں باپ کی طرح تھے۔ وہ تمہارے پاس جب چاہتی، کمرے میں آتی جاتی رہتی۔ وہ تمہیں اپنا گہرا دوست سمجھتی تھی۔ تم صرف دوست نہیں تھے، بلکہ حقیقی اور بہترین دوست تھے۔ تمہارے ساتھ بیتی گھڑیوں پر تمہارا شکریہ شکریہ شکریہ، تم نے امیلیا کا ایسا خیال رکھا گویا کہ تم اس کی آیا ہو۔ تم نے ہر وقت اسے چاکلیٹ، پھل اور ہر وہ چیز مہیا کی، حتیٰ کہ تمہارے پاس موجود نہ بھی ہو۔ بچوں کو قید میں نہیں ہونا چاہئے۔ لیکن تم جیسے اچھے لوگوں کی صحبت میں میری بیٹی اپنے آپ کو غـــزہ میں ملکہ سمجھ رہی تھی۔ اسے ایسا لگ رہا تھا کہ وہ دنیا کی توجہ کا مرکز ہے۔ ہم نے اس طویل دورانئے میں سوائے محبت، شفقت اور نرمی کے کچھ نہیں دیکھا۔ میں ہمیشہ کے لیے تمہارے شکر کی اسیر ہوں۔ اس لئے کہ ہم یہاں سے کوئی ذہنی تکلیف سہہ کر نہیں جا رہے۔ میں تمہارے حسن سلوک کا خاص طور پر اس لئے بھی ذکر کروں گی کہ یہ کوئی نارمل حالات نہیں تھے، بلکہ تم خود انتہائی مشکل حالات سے دوچار تھے۔ تمہیں روزانہ شدید جانی نقصانات کا سامنا تھا۔ مگر اس کے باوجود ہمارے ساتھ ایسا سلوک! کاش! یہ ممکن ہوتا کہ ہم سب دنیا میں اچھے دوست بن کر رہتے۔ میری خواہش ہے کہ تم سب اچھی صحت اور عافیت کے ساتھ رہو۔ میری طرف سے تمہیں، تمہارے بچوں اور سارے گھر والوں کو بہت بہت پیار! بہت بہت شکریہ!"
(دنیال اور امیلیا)
عبرانی زبان میں یہ خط رہائی سے قبل دنیال نے جانبازوں کے نام لکھا تھا۔ صــہــیونی قید سے چھوٹنے والوں کا احوال بھی آپ نے ملاحظہ کیا ہوگا۔ اس خط کو پڑھنے کے بعد مزید کچھ کہنے کی ضرورت نہیں کہ دہشت گرد کون ہے اور امن و آشتی کے پیامبر کون!! بس بقول جگر:
وہ ادائے دلــبــری ہو کہ نــوائے عــاشــقانہ
جو دلوں کو فتح کر لے، وہی فاتحِ زمانہ
(ترجمہ: ضیاء چترالی)
